劉興記生煎包專門店

營業中

休息中

劉興記生煎包專門店今次應該唔洗我介紹，今期最火熱嘅餐廳「劉興記生煎包專門店」，連發哥都有幫襯，仲知道佢哋之前喺一個月內連開五間分店，依家暫時總共有六間分店，無論咩時段都好多人排隊，餐廳內充滿咗「嘩嘩嘩」聲，連門口等緊位嘅我都聽到，生煎包入面d湯汁多到噴出嚟，價錢又唔算貴，值得一試！琴日落雨天，咁啱經開旺角見到無人排隊，一於入去一試爆汁生煎包，佢哋門口都有一級，不過今次我上唔到，落雨天搞到我車軚好濕，一上到斜板車軚不停空轉，結果放棄咗堂食，好彩店員阿姐好好人，幫我轉做外賣，留返兩款生煎包放喺餐廳枱面做「爆汁測試」，因為我驚拎走行去附近公園食時，好怕生煎包入面d湯會被包皮吸乾咗，感謝店員阿姐嘅配合，之後我哋火速趕去附近嘅公園，趕住食生煎包，點知有意外驚喜，十分鐘路程不但d湯汁無少到，反而仲好熱，真係好好食！1.招牌生煎包（6隻）$45（10/10）我嚟劉興記重點就係食招牌生煎包，食呢個招牌生煎包記得放入口時，唔好講野，唔好張開口，一次過放生煎包入口，一咬時會感受到微暖嘅湯汁喺你口腔入面，生煎包個皮又好薄，包皮底又好脆口，食完6隻生煎包之後非常大滿足！2.蟹黃生煎包（1隻）$18（10/10

早幾日行旺角見到「劉興記」大排長龍，鍾意食生煎包的我當然要嚟試試🤩🤩餐廳主打爆汁生煎包同上海菜，價錢親民！今次試咗佢地的皇牌套餐，有齊主食、生煎包同豆漿，十分抵👍🏻👍🏻🍱S2麻醬手撕雞絲粉皮+生煎包2隻 $54✨雞絲粉皮賣相唔錯！粉皮彈牙厚身，配上秘製麻醬、青瓜絲同雞絲，味道清新開胃～～生煎包外皮軟熟，底部脆卜卜！裡面包住湯汁滿滿的內餡，口感層次豐富😋😋豆漿甜度啱啱好，又好重黃豆味！幾好飲❤️❤️🦀蟹皇生煎包 $18✨選用大閘蟹蟹乸的蟹膏同蟹肉，蟹味十分濃郁～～包底煎得金黃香脆，一咬落去就爆汁！湯汁味道鮮甜，超邪惡呢🤤🤤

雖然間舖係新開，已經同屋企人encore左兩次，大人小朋友都咁鍾意食，今次再訪，質素依然keep住咁好，生煎包外脆內軟，調味啱啱好，每隻都係滿滿嘅湯汁係入面！今次仲試左蟹粉生煎包，比想像更加足料，好香好好好食之後未夠喉再order多個蟹黃拌麵，份量都比想像多，兩個人share都夠，食落都好鮮味唯一美中不足就係堂食用左外賣碗今餐都係好滿意會keep住幫襯

💦爆汁抵食生煎包🥟-呢間連發哥都幫襯過嘅生煎包成日都好多人排隊 不過大家都食得好快所以轉枱速度好快😋 過咁快就食到-🔥招牌生煎包 $45/6粒生煎包當然係佢地招牌😏 主打手工製作嘅生煎包 外皮酥脆 內餡肉都好大嚿而且飽滿多汁🤪 一夾就爆汁 記住要小心啲食用😂 份量同價格都相當親民❤️-🐖排骨蔥油拌麵 $42麵條入口都幾Q彈 蔥油幾香 係樸實無華嘅古早味😊 排骨份量都ok 厚度較為薄 但係就夠晒脆😌-🐓麻醬手撕雞絲粉皮 $35粉皮滑捋捋而且好彈牙 佢嘅麻醬都好濃郁好厚身 建議要撈勻先食 如果唔係會太重口味😂 手撕雞肉都調味唔錯 可以encore-📍劉興記生煎包專門店 (旺角)旺角通菜街1M-1T號華發大廈地下D號舖

今日去咗食呢排好hit嘅劉興記 好彩早到仲未係好多人所以等咗5分鐘左右就入得蟹黃拌麵本身就咁睇以為呢款拌麵食落會有少少乾 但撈勻之後每一條麵條都掛上大量嘅蟹黃同蟹肉 口感好豐富 但食耐咗會有少少膩因為太多料 好彩有青瓜絲中和返排骨蔥油拌麵麵條食落幾有咬口而且好香蔥油味 排骨外皮炸到好香脆 唔會太厚粉招牌生煎包 (4隻)生煎包煎到金黃色 入面嘅豬肉饀好扎實 湯汁仲好飽滿一咬落去真係爆曬d肉汁出嚟蟹黃生煎包 (2隻)原來蟹黃生煎包係每日限量發售 好好彩個日落單嘅時候仲有 內饀除咗有豬肉仲有蟹肉同蟹黃 食落一樣爆曬汁咁好鮮味! 凍豆漿食完咁多濃味野飲返杯凍豆漿 仲要係低糖飲落唔會太甜

之前劉興記得荃灣先有，唔太就腳，而家開多左好多分店，即刻去左食!一入黎見到佢個告示，話生煎包唔爆汁，可以叫店員更換，睇黎佢對自己出品好有信心先會咁講!原味生煎包/ 蟹皇生煎包外皮係好脆口，一咬落去真係爆汁，仲要用匙羹接住D湯汁! 入面既肉饀好juicy。蟹皇味就更加鮮味! 生炸雞扒蔥油拌面雞扒好脆，肉質嫩滑。蔥油拌面好食，蔥油好香，又唔會過苦。面質熟度岩岩好，帶少少咬口。建議落D辣椒醬就會更香。擔擔面有好濃郁既麻醬味道，甜中帶辣。豆沙鍋餅呢款餅皮食落比較煙韌，豆沙餡十分甜。

鋪頭：劉興記生煎包專門店地址：旺角通菜街1M-1T號華發大廈地下D號舖​💰$145💰兩個人order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ ​1️⃣ 招牌生煎包 $20/2個😋真係爆汁，而且係真肉汁，包底又脆而不硬，皮煙韌夠薄，同之前係台灣食過嘅必比登生煎包差唔多（呢個好似好食d）重點係$10個，真係好平又好食👍🏻​2️⃣ 麻醬手撕雞絲粉皮 $35醬汁好滑，粉皮夠爽，好開胃​3️⃣ 排骨蔥油拌麵 $42排骨好脆又唔難咬，肉都幾嫩，而拌麵嘅蔥油夠香，麵質爽​4️⃣ 手工豆沙窩餅 $28外脆內軟，又唔會過甜，豆沙餡好綿​😋總結：超級推薦生煎包，真係必食​📝 以下評分最高分五粒🌟味道：🌟🌟🌟🌟🌟粒 （淨係生煎包都可以5粒）抵食程度：🌟🌟🌟🌟粒環境&服務🌟🌟🌟🌟粒͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟

一般人去餐廳，食野嘅時候都會講下自己嘅生活，朋友嘅近況，工作嘅苦況咁。好少有一間餐廳，我聽到周圍既人都係討論緊食緊既野。原句記錄周邊嘅人對話如下："個包皮好脆‘’，“嘩，點解會咁多湯”，“我想叫多兩個食”，“個排骨好鬆化”，“粉皮好香麻醬味”，“佢真係生炸架喎”... 🍖好，到我食啦，我講唔到果句：嘩，點解會咁多湯既，因為一咬落去，的湯直頭噴入我個鼻，於是我做左個測試，倒哂啲湯出來，睇下張相，成個湯匙滿曬，裡邊仲有三份一，仲有係我鼻入面個的未計。我又叫左蟹粉生煎包，蟹粉足料到顛，個味勁香，而且蟹肉同蟹膏清楚可見，齒頰留香。 🍖酸辣湯配雞絲小雲吞，酸酸辣辣非常開胃，雞絲同木耳絲份量十足，雲吞細細粒，皮嘅份量唔會多，所以肉餡嘅味道突出。酸辣湯同生炸排骨，又係一大絕配，生炸口感真係唔同，肉質夠曬鬆化，皮脆而乾身，肉仲會鎖住肉汁。但係如果怕熱氣，酸辣湯就可以幫你解到。 🍺低糖豆漿質地香滑，食完咁多湯汁同埋肉食之後，佢令到胃部回復進食之前嘅感覺，舒舒服服咁離開。 ✨️係坐低之前，我都排左半個鐘頭隊，但其實呢日係落大雨，環顧四圍嘅餐廳其實冇乜人，佢依然仲有條咁長既人龍，而且年齡層乜都有，一半後生仔女

佢地最近係香港開多左好多分店😂今次黎左旺角店，門口都好多人排隊，店內都全場滿座🫶🏻佢地都有多款熱賣套餐可供選擇，我就揀左s2餐、招牌上海排骨菜飯及4個蟹黃生煎包😂S2 麻醬手撕雞絲粉皮+生煎包2隻+送豆漿一杯好大份，啲粉皮大條又粗，雞絲好滑，同麻醬好夾味一啲都唔會油膩，一定夠飽招牌生煎包趁熱食先更加好食，不過食既時候小心會爆汁，所以要好似食小籠包咁食😂個皮夠薄，個底煎得金黃好脆，咬開唔會皮肉分離，唔會話好油淋淋，入面啲肉鮮嫩多汁加埋本身醃過，唔洗加任何野都已經好夠味，幾正😌招牌上海排骨菜飯排骨微焦香脆，入面口感嫩滑。而菜飯入面啲菜好清爽，撈埋一齊食都好滿足🤣蟹黃生煎包蟹黃本身有種鮮甜味，同埋啲豬肉撈埋一齊都幾正，咬落去仲充滿蟹黃香味，大滿足感😍如果本身鍾意食蟹既人應該會幾滿意🤤劉興記生煎包專門店 (旺角)📍旺角通菜街1M-1T號華發大廈地下D號舖

旺角多野食就係人都知，晚飯時間呢間生煎包專門店，人頭湧湧，堂食同外賣都好多人，咁冇理由唔試下啦。入到店內店員都好友善好客，值得一讚。招牌生煎包$30/2隻蟹皇生煎包$36/2隻2款上枱時都漲卜卜，底部夠焦香，外皮都好金黃，一咬開已經肉汁爆滿，又唔會油膩，皮好薄而且餡大，灑上芝麻同蔥花更添香味。添加左蟹黃就見到絲絲蟹肉，更加鮮甜，十分推介。麻醬手撕雞粉皮$35麻醬好夠味，唔會好似溝水咁淡，又唔會過咸，粉皮夠冰涼彈牙，同爽口青瓜，同手絲雞一齊入口，口感豐富，夠哂清新。上海排骨菜飯$42排骨又係另一驚喜，店內講名係用新鮮豬扒即炸，外皮金黃酥脆，而且炸粉好薄，豬扒仲依然肉嫩多汁，完全唔會乾身鞋口，肥瘦均勻。菜飯仲保持青綠，飯同菜唔會散開哂，調味適中，食到停唔到口。鮮雞湯小雲吞12粒$30雞湯濃而不油，雲吞一口一粒，係鮮蝦餡，皮薄餡靚，彈牙鮮味。📌劉興記生煎包專門店地址：旺角通菜街1M-1T號華發大廈地下D號鋪評語食物高質素，性價比高店員友善熱情親切🐵推介🍌🍌🍌🍌🍌（5🍌為滿分）

今日行過哩間鋪頭，唔夠6點半已經人山人海，咁一定要試試啦。排咗10分鐘已經可以入座，翻台率好高。店鋪裝修得好中式，唔錯。Menu平到不可思議，一款菜飯50港紙有找，抵到爛。可樂同低糖豆漿，豆漿話低糖，飲落都有小小甜味，同埋豆味好濃，飲得出係自家制。麻醬手撕雞絲粉皮，麻醬好濃郁，好正宗北方味道，粉皮比起香港普通果款，要深色同韌少少，同麻醬好夾。鮮雞湯小雲吞（12粒），雲吞皮薄餡大，餡係純豬肉果款，搭配埋雞湯一齊食更加鮮甜。招牌生煎包，生煎包即叫即做，送上來仲熱笠笠。哩個生煎包真係不得了，真正做到皮脆肉鮮，暴曬汁水TIM，超好味。蟹黃生煎包，都係一樣高質。餡料裡面加咗好多蟹黃，每一啖都濃濃蟹黃味。糖醋炸排骨菜飯，排骨肉好飽滿，表面炸得好脆。搭配嘅菜飯落咗大量菜心，口感好豐富又好健康。難怪咁多人堂食同外賣啦，哩間餐廳質素一流，仲要好平，勁like！

呢間店呢就新開嘅，我哋就叫咗招牌生煎包六隻，排骨蔥油拌麵一疊，麻將首詩雞冷麵一疊，當我入到嚟舖頭嘅時候，我覺得呢度嘅燈光係呀好充足，入面嘅裝修有好多木嘅設計令到我好舒服，睇到碗嘅花紋呢就係模仿古代青色碗碟，非常靚嘅，同埋而家呢，餐具都用咗即棄嘅餐具，好好用喎，同埋有免費豆漿餸喎，真係好正喎，仲有啊個麵好熱嘅，我仲叫咗生煎包生煎包有好多汁，真係好好食，我之後我都會返嚟再食，呢度嘅炸豬扒都好香好好味，我非常滿意。

今日黎到最近好多人講嘅生煎包專門店😋 旺角分店勁多人超旺場😳 想食真係要預d 時間等🥴 首先梗係要食佢哋個皇牌推介🤩🌟 招牌生煎包同埋蟹黃生煎包✅ 勁多人叫所以保證隻隻新鮮煎起👍 全部熱辣辣香噴噴😘 一口咬落去，滿滿嘅肉汁噴射而出😆 聽師父講，內餡係採用新鮮本地梅頭豬肉製作😙 難怪食落咁新鮮肉味咁濃郁😆🫶 唔食走寶推薦🥴 之後叫咗個上海排骨菜飯❤️ 上海排骨同樣採用新鮮梅頭豬肉製作🐷 炸得外脆內嫩，裡面肉身微微粉紅感覺好鮮美🥴 菜飯同樣用心製作，特地加了雞油調味，食落油香滿溢🤤 邪惡又惹味🥰 經典必食嘅麻醬手撕雞絲粉皮一樣咁正😍 粉皮食落比一般嘅更爽滑更有嚼感😋 麻醬口味好地道👍 手撕雞嫩滑又鮮美，全部一齊食真係好滿足✅ 忍唔住叫多份雞絲酸辣湯小雲吞😋 酸辣湯好入味超級馥郁❤️ 小雲吞一口大小，內餡啖啖肉好有嚼感😋 真係食唔停口❣️

最近很熱門的食店, 和母親慕名而至, 我試了套餐S2, 母親食排骨菜飯, 食物很快上枱, 夠熱!我們去食店時仍未到營業時間, 入座了卡位等待夠鐘掃碼下單, 被職員告知二人要坐另外一邊的單邊座, 好啦, 聽話轉了座位, 同時間入座的一對男女不轉, 職員又不再出聲喎, 接着入座了兩對二人, 又是坐卡位, 職員又不出聲喎, 即是只要求我們二個人換座, 為什麼如此不公平呢? 所以仲會否幫襯嗎? 不了!

同朋友兩個一齊食晚飯我哋就嗌咗兩個套餐一個係涼拌手撕雞青瓜絲面皮，仲有另外一份係炸排骨菜飯。咁又配埋三隻生煎包同埋兩杯凍豆漿。講吓菜先啦，炸排骨炸得好香，亦都好好食個皮係脆脆哋嘅，菜飯就都OK加埋啲辣椒一齊伴會更好食。涼拌雞絲麵個味道稍微有些少淡可能啲醬比較少咁我就自己加咗啲辣椒落去撈更加好食啲。個生煎包真係好熱🥵大家過嚟試食嗰陣時記得千祈要小心，因為朋友就係比生煎包啲汁燙到。我覺得啲生煎包搭配醋會更加惹味。