劉興記生煎包專門店

營業中

休息中

好多人話呢間味道唔好，但呢間原知幾好食！$54排骨菜飯配生煎包人有三急，生煎包上左枱5分鐘左右返黎食都仲係好脆，凍左都仲好多湯但冇爆汁。而排骨都炸得好酥脆仲舊舊都好多肉，菜飯份量都偏大同夠多菜。$20生煎包（2隻）後尾上嘅就即食，好食好多！一咬落去係真係爆汁會辣嘴，啲湯係咁滴落黎，男朋友話好食，要下次要帶妹豬食🙄🙄🙄（我就係個妹豬）$42雞扒蔥油拌麵一樣炸物都係整得幾好，有片為證係一咬落去就好脆，卡卡聲，保持到肉汁。拌麵到欣賞加左醋，令成件事冇咁油膩同食落會爽口。$20小籠包（4粒）做到皮薄肉嫩多肉汁，建議涼少少個陣點少少醋再成粒食。一咬落去啲湯係個口爆出黎又酸酸地好正。+$8豆漿同網上講嘅一樣，係同新鮮有分別，不過又唔覺好粉漿咁，仲比一大壺任斟。🦌🐿️真心食完冇覺佢好差（其他分店唔敢講🤣），但至少呢間係由我6點半入座到食完8點都一直好多客，同大家都一定會點生煎包。不過建議店鋪咁旺可以加多個人手，一個人睇全場真係好忙🤣🤣🦌🐿️📍劉興記地址：劉興記生煎包專門店 (元朗)元朗俊賢坊18號權益大樓地下15號舖營業時間：上就11-夜晚830人均：50評分：8.9/10

蔥油雞扒菜飯加生煎包套餐。嗰個蔥油雞扒菜飯，雞扒煎得金黃香脆，咬落去肉汁都爆曬出嚟！蔥油香同菜飯嘅米香完美融合，每啖都好滿足。再配埋嗰隻生煎包，皮脆肉多汁，咬開嗰下，肉汁在嘴裡biu出嚟，正到冇朋友！另外又試咗麻醬手撕雞絲粉皮配生煎包。粉皮好滑溜，手撕雞絲好入味，麻醬香濃，一撈起嚟，香氣直鑽鼻竇。再咬一口生煎包，呢個搭配真係好有新意又好食到痹！一定要講下佢哋嘅蟹黃生煎包，一咬落去，蟹黃嘅鮮甜同肉餡嘅香濃一齊湧出嚟，鮮味在口腔裡大爆發，正到想食多兩籠！總嘅嚟講，呢間劉興記真係冇令我失望，出品好，價錢又唔貴。如果大家路過元朗，真係要嚟試下！

這間劉興記之前在其他地方吃過，今次試一試元朗這一間 😆🔸招牌生煎包外皮金黃酥脆，內餡超級多汁 🤩 咬下去時湯汁四溢，加上芝麻和蔥的香味，不得之了 😋 🔸蟹黃生煎包蟹黃與肉餡完美結合，每一口都充滿鮮味 🤤🤤🤤🔸蔥油雞扒菜飯雞肉炸得外脆內嫩，蔥油超級香！菜飯吃下去很清爽，中和了炸雞扒的油膩 👍🏻🔸雞絲酸辣湯雞絲肉質不會太老，配料豐富酸辣適中，很喜歡裏面的木耳絲 😍🔸手工豆沙鍋餅外酥內軟，豆沙甜而不膩 🫶🏻豆漿是任飲的，可以叫店員幫忙添加！

成日都聽到呢個名👂🏻 今日終於有機會試試佢🤘🏻呢到實行生煎包如果無爆汁可以免費換添‼️另外都覺得佢哋嘅豆漿亦要試下，豆味濃厚唔太甜，極推薦😍1️⃣ 招牌生煎包🔥熱辣辣🔥 多多汁💦 要小心啲食😛每一隻啲汁都多到成羹湯咁滿🥄而且因為皮薄關係所以煎得脆脆好香口🤩2️⃣ 豆沙鍋餅🫘係家傳戶曉嘅上海菜甜品之一😆外脆內軟，豆沙內餡甜而不膩😚用煎嘅方法代替炸，相對上無咁油膩😍～3️⃣ 上海排骨菜飯🐷大大塊嘅排骨～ 炸完外皮脆卜卜🙈炸粉唔厚，內裏肉質唔會乾柴，好嫩🤩而個底係菜飯，基本上每啖都有菜好健康🤣4️⃣ 招牌擔擔麵🥢食上海嘢又點可以少得擔擔麵😍花生麻醬湯底超濃郁🥜仲有滿滿嘅肉碎同櫻花蝦🦐食落會帶有微微地嘅辣味💓～

提到生煎包，「劉興記」可以話係近期嘅新貴，今日黎到元朗就趁機試下。由於時間尚早，餐廳未算太多人，但隨住午飯時間臨近，埋單嘅時候餐廳已經坐滿。招牌生煎包 :一場黎到又點可以唔食佢地嘅生煎包呢？外皮煎得金黃香口，輕輕咬穿外皮已經感覺到熱氣湧出，爆汁之下真係要小心d食唔好淥親，餡料亦夠豐富鮮味，四隻真係話咁快就食晒。上海排骨湯麵 :麵湯清清地夠鮮甜，麵質幼滑，排骨炸得酥脆，外層唔會太厚，食落有好多肉汁。食滿60蚊仲有無限添飲豆漿，冰凍豆漿飲落份外醒神。

劉興記蔥油雞扒拌麵＋生煎包1隻 $64本身呢個套餐就係跟菜飯，不過真係好想食佢哋嘅蔥油拌麵就加咗$10，蔥油雞扒炸到金黃酥脆，乾蔥超級香另外一款套餐係雞絲酸辣湯＋生煎包2隻 $54雞絲木耳滿滿一大碗，酸辣湯湯底的酸辣口感刺激味蕾，跟餐生煎包湯汁十足，輕輕一咬已經可以做到爆汁效果🤣食果陣要小心唔好射到格離果個最後試埋佢哋嘅蟹黃生煎包，餡內除了新鮮豬肉還有蟹肉及蟹黃，蟹肉鮮甜且蟹皇香濃，非常惹味佢哋呢度嘅套餐豆漿係無限飲，真係超級佛心抵食😳📍劉興記生煎包專門店元朗俊賢坊18號權益大樓地下15號舖

今次去到元朗嘅劉興記生煎包專門店，一嚐佢嘅上海菜同埋招牌生煎包，店內主打即叫即整，每一款食品都新鮮出爐熱辣辣，價錢亦相當親民生煎包生煎包一咬落去即刻爆汁，入邊嘅肉份量都好多，個底煎得好脆，配埋啲湯汁食，非常匹配上海排骨拌麵蔥油拌麵嘅蔥食落好香口，拌麵調味充足，雖然係蔥油拌麵，但麵身唔會掛上太多油，所以唔使擔心太油膩，而排骨嘅份量亦都好充足，外面嘅炸皮唔會太厚鮮雞湯小雲吞碗內配上蛋絲加小棠菜，小棠菜煮得軟腍腍，索晒啲湯汁，而鮮雞湯唔會好鹹食完唔會口渴，而雲吞亦都好足料原味上海小籠包小籠包同生煎包一樣水準好高，只係少咗層脆皮，小籠包皮薄，入邊好多汁豆漿豆漿好重豆味，仲帶有少少豆渣添，重點係可以無限添飲

同朋友黎到劉興記試佢地個生煎包🤤貪佢有堂食，仲有豆漿任飲！坐低睇睇餐牌，都好多選擇喎，菜飯、麵食、小食同甜品都有，點咩好呢？！⭐排骨蔥油拌麵點左拌麵，排骨炸得香脆，麵條有咬口，大大份好抵食。⭐蔥油雞扒菜飯朋友就點了雞扒菜飯，雞扒同樣炸得香脆，入口比豬扒嫩滑，正！菜飯軟硬適中，水嘅份量啱啱好，入口有飯香又有菜嘅清爽。⭐招牌生煎包名不虛傳！煎得外脆內嫩，咬落爆汁超正，餡料鮮味🤤後悔無叫多幾隻。⭐上海小籠包小籠包同樣好多湯汁又鮮味，但皮略厚口感差左少少，兩者相比就覺得生煎包正啲啦🤤⭐豆漿豆漿任飲！叫滿$60就送，勁抵！好彩早到，一踏入點半鐘就全場爆滿要等位啦😎

生煎包非要久不久便吃上才行，所以又來到餐廳了上海排骨湯面湯頭清鮮，麵條滑順，完美地吸收了湯汁的精華。排骨（豬扒）切件，方便顧客食用，炸後肉質仍然鮮嫩。招牌生煎包（4隻）生煎包外酥內嫩，底部煎得金黃香脆，咬下去時肉汁瞬間濃郁而出，真的每次也會濺出來，朋友們同吃時，大家也會小心翼翼怕爆汁呢手工豆沙窩餅窩餅的豆沙餡料豐富且不膩，外皮酥脆，內裡柔軟，口感層次分明，飯後來一客甜點很完美生炸雞扒雞扒外皮炸得金黃香脆，肉質同樣鮮嫩，調味恰到好處。豆漿隨餐提供的凍豆漿是任喝的啊，豆漿滑順，職員不停為顧客添飲呢餐牌都很熟悉了，每樣都很好吃，只可惜胃太少，每次只可點少量進食呢

今日食既呢個係位於元朗既小店劉興記, 地點方便, 附近都係民生小區, 估唔到有高質既餐廳佢既生煎包有分蟹黃同普通, 緊係要食佢既蟹黃啦生煎包都等左幾耐下, 因為係即點即煎既關係, 所以上到黎既時候都係熱辣辣一食落去除左好香既蟹黃味之外, 仲食到香脆既生煎包口感!! 加埋蟹黃真係超好食除左有包之外仲有雞排菜飯!! 價錢完全唔貴, 4X蚊就有蔥油雞排菜飯, 雞排既份量都幾多, 而且炸得岩岩好, 香口但炸粉唔會好厚!! 菜飯令到成件事更加開心!!

今晚同屋企人出街辦年貨，路過劉興記食個快飯先！入座冇耐全場滿座喇，好多街坊幫襯，目測唔少食完仲會追加生煎包買返屋企招牌菜生煎包一定要叫！個底煎得好香，微燶而脆口，好似厚身薯片咁侍應送上時提我地小心辣嘴要小心食😉先溫柔少少慢慢咬開包頂，品嚐生煎包內濃滿鮮湯！肉餡足料唔錯，一食就停唔到口食咗4隻🤭酸辣湯，唔會太杰身，酸度啱啱好上海排骨湯麵，豬扒酥脆軟熟，麵份量夠大份豆沙窩餅，個人覺得食上海菜必點😋外皮煙韌，豆沙餡夠多，唔太甜叫套餐或全單滿$60以上可以任飲豆漿，抵！

時常聽到📍劉興記🫶🏻🫶🏻生煎包好好味，今日都特意嚟拜訪，睇吓招牌生煎包係點？果然好有驚喜✨1. 原味上海小籠包（4隻）✔️外皮薄透，包裹著豐富的肉餡，表面光滑，常常會有些小褶皺，顯得手工製作的獨特感。✔️咬下去時，首先感受到的是皮的柔韌和湯汁的鮮美，肉餡是豬肉，搭配著生薑的香氣，充滿了味道。✔️搭配一些醬油、醋和薑絲，醋的酸味可以平衡肉的油膩感。2. 雞絲酸辣湯 + 生煎包（2隻）配凍豆漿✔️雞絲酸辣湯味道鮮香，其中的酸味來自於醋，讓人感到暖和又開胃。✔️湯中常見的配料有雞絲、豆腐、香菇和蔥花，口感更加多樣。✔️生煎包底部煎得金黃酥脆，上面撒著芝麻和蔥花，香氣四溢。✔️包裡的肉餡是豬肉，口感滑嫩，湯汁充盈，咬下去時能感受到湯汁流出，十分美味。✔️凍豆漿的濃郁豆香與餐點的豐富味道形成良好的平衡。3. 炸醬拌麵✔️口感彈牙，吸附著濃郁的炸醬。✔️味道濃厚，搭配著切好的黃瓜，增加了清脆的口感。✔️將麵條與炸醬充分拌勻，讓每根麵條都裹上醬汁，吃起來既香又滿足。4. 小雲吞湯麵（6粒）✔️皮薄餡多，搭配著蔥和香料，味道鮮美。✔️味道清淡卻鮮香，能很好的襯托出雲吞的美味。✔️麵條煮得剛剛好，吸附湯汁，每口都充滿了湯的鮮味。

以前細個住元朗俊賢坊個頭，舊地重遊先知有開劉興記生煎包😋一定要食啦！蔥油雞扒拌麵＋生煎包（1隻）配（凍）豆漿，多醬 $64生煎包係必食，但仲有套餐加10蚊就有既蔥油拌麵唔可以錯過，有嚼勁既麵掛滿醬汁再有蔥油蔥花的香味，十分滋味，我中意叫多醬同加少許辣椒醬，更添美味😋鮮雞湯小雲吞（12粒）+生煎包（2隻）配豆漿 $54小雲吞粒粒飽滿又多肉餡，配上清湯，同蛋絲，突顯左小雲吞既肉鮮味！原味上海小籠包（4隻） $40再食多籠皮薄餡靚既小籠包就好過癮，仲要讚店員主動幫我哋添熱豆漿，唔似街外買的豆漿一味甜又水狀好稀，呢度豆漿豆味香濃。

去元朗買年花對聯，順便食吓生煎包。小店位置唔多，繁忙時間都要等一等位。👉🏻招牌生煎包即叫即煎嘅生煎包🤤上枱熱到要攤一陣先可以食，首先要細細啖咬開個皮，飲少少湯汁，以防佢爆汁。有胡椒香味同豬肉鮮甜，熱辣辣好好食。👉🏻麻醬雞絲青瓜粉皮叫多醬真係比好多醬～青瓜同雞絲都好多，粉皮滑捋捋。👉🏻秘製上海炸排骨即叫即炸，炸醬好薄，肉質鬆軟。👉🏻任飲豆漿低糖豆漿暖暖地，侍應姐姐好勤力為客人refill豆漿👍🏻

【元朗區】【劉興記生煎包專門店】上次講到我同經理哥入咗元朗做嘢，由於做嘢嘅時間比較耐，所以都唔止食咗一餐，今次我哋就喺朗屏邨同水邊圍邨嗰邊食。唔知嗰邊啲人會點形容嗰個位，不過就係好多嘢食同埋好熱鬧。喺天橋扶手電梯嘅下面有呢間叫劉興記嘅餐廳，見佢企理又光猛就試佢。我哋係 share 食嘅，首先試咗 $54 嘅「皇牌S4」套餐，有十二粒「鮮雞湯小雲吞」加兩隻「生煎包」，小雲呑好足料，裝到勁大碗，而生煎包就真係食到爆晒汁，勁高質。之後試 $40 四隻嘅「上海小籠包」，又係勁多汁喺入面，豐盈飽滿，我哋都覺得好正。另外仲試咗碗 $42 嘅「麻醬手撕雞粉皮」，麻醬勁香，粉皮勁足料，手撕雞又好味，掂。最後試埋 $28 嘅「手工豆沙窩餅」，一層層皮包住啲豆沙，好味。成餐飯都好爽，仲未夠癲，食滿 $60，有「豆漿」任飲，我哋飲咗勁多杯，好滿足。埋單先 $164，抵。。。（地址：元朗俊賢坊18號權益大樓地下15號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delici