劉興記生煎包專門店

營業中

休息中

成日經過俊賢坊總會見到人龍，其中一條就係劉興記，見人龍唔算長就與同事排隊試吓生煎包，十幾人嘅人龍大約5分鐘排到，店員安排座位，指示用電話掃碼落單，發覺有午市套餐好抵食，一人一個套餐再加個糖醋骨。蔥油雞扒菜飯套餐另有一隻生煎包，蔥油好香，雞扒用類似吉列炸法，外脆內嫩留有肉汁，跟豆漿。上海排骨菜飯，豬扒同樣係吉列好脆，豬扒好鬆軟入味，菜飯夠乾身粒粒分明，跟生煎包同豆漿。糖醋排骨用骨排炸，肉質結實有彈性，加入糖醋及白芝麻好惹味。生煎包的確係招牌，除套餐外另加兩隻，包裏面肉汁爆出嚟，湯汁好濃郁，包底煎脆。惠顧滿60蚊豆漿任飲真係好正，而且豆漿好有豆味又唔太甜。