劉興記生煎包專門店

營業中

休息中

爆汁生煎包佢個生煎包食落真係好唔錯,皮夠酥脆,包入面啲汁好豐富,隔離檯仲食到爆曬啲汁喺地下🤣肉餡好新鮮，食落好香。一啖咬落去,係滿滿嘅汁，仲熱辣辣,大家食嘅時候小心啲喇~蔥油雞扒菜飯 佢個蔥油雞扒都幾大份，而且炸得啱啱好。外面好香脆，入面雞肉又嫩又多汁，都幾好食。另一個吸引我嘅係菜飯，食落少少鹹香，但係又夾雜著啲菜淡淡地同埋爽口嘅口感，真係好特別~麻醬雞絲粉皮 佢雞絲粉皮個份量真係好多，雞絲同麻醬嘅配搭剛好。粉皮食落Q彈有咬口,雞絲鮮嫩多汁唔會柴,麻醬好香濃,食得好滿足，建議同朋友share嚟食，因為佢啲麻醬比較多，如果自己一個食曬真係熱量🆙️🆙️上海湯麵 估唔到就咁食個湯麵都好ok，大大碗之餘啲麵夠彈牙，而且個湯唔會太濃味之餘又幾香。感覺如果糧尾叫返碗都係一個好唔錯嘅選擇~手工豆沙鍋餅 佢個豆沙鍋餅嘅餡都唔少，食落唔會覺得好厚皮，而且豆沙幾清，唔會太甜，個皮仲好香蛋味添。外面又炸得啱啱好，唔會成塊皮都好硬，一定要叫返份做飯後甜品！另外佢如果堂食叫滿$60或者叫套餐有豆漿任飲，想講佢個豆漿好香濃，而且唔會得個甜字，係真係幾香豆味。我完全接受到淨係飲豆漿🤣

今日又去元朗覓食🤭選擇了好多人食的「劉興記」「劉興記」最出名是「爆汁生煎包」😬講到明唔爆汁，即刻換俾你🤭今次一於去試吓！！價錢好實惠店鋪仲做緊優惠，惠顧滿$60就可以任飲豆漿不知不覺就叫到成枱都係食物😗🔹招牌生煎包 大推🙌🏻🙌🏻🙌🏻超級爆汁！入面的肉好足料！好好食😋🔹上海小籠包都係好好食！性價比高！隔住外皮都見到裏面充滿湯汁🤭🔹排骨蔥油拌麵蔥油好香！麵好掛汁！食得好開胃！排骨炸粉一點都厚！而且肉質軟嫩！🔹招牌擔擔面個湯底一絕😋好濃厚！有櫻花蝦特別香口！小辣！而且麵嘅份量好多，好大碗！總結：每樣食物都好食，價錢唔貴！性價比超高！一定有下次😝📍劉興記 （元朗分店）元朗俊賢坊18號權益大樓地下15號舖

⭐️招牌生煎包&蟹皇生煎包生煎包係熱辣辣🔥 勁爆汁😍😍 包皮唔會太厚，包底煎到金黃色，外皮香脆，入面多汁到好似飲湯咁，好出色！做緊8隻$60優惠，食完即刻打包左8隻返屋企🤤⭐️生炸雞扒雞扒幾大塊，肉質鮮嫩又滑！炸粉份量岩岩好，香脆又唔會太厚粉～⭐️糖醋炸排骨湯麵糖醋汁好開胃，炸排骨肉唔算多，但份量搭夠，湯麵正常發揮～ 麵質幾彈牙☺️⭐️手工豆沙鍋餅口感唔會太甜，紅豆幾軟棉，唔錯～⭐️凍豆漿無限添加豆腐，咁熱既天氣，一杯豆漿真係唔夠飲，可以任飲真係岩曬😆

早排經過元朗，突然醒起之前食過一間生煎包店味道唔錯，附近好似有分店，諗住去再食，去到果然係最多人食嗰間。好好彩啱啱有張枱空出嚟，唔使等位，我同朋友都有啲餓，就諗住咩都叫啲黎食。 第一樣上嘅係原味上海小籠包。熱辣辣一拎起，已經見到入面嘅湯朗朗下，包皮仲係透明嘅，好薄，一睇就知皮薄餡靚。咬開啲湯汁即刻湧出嚟，味道鮮甜，食得好滿足。 跟住上嘅係我哋叫嘅兩款生煎包，分別係招牌生煎包同蟹粉生煎包。招牌嗰款已經好好食，底部煎得脆口，但唔會燶，唔會太硬，啱啱好。有之前食生煎包嘅經驗，搣開少少包皮，先飲一啖熱辣辣嘅肉汁，真係好香好濃郁。而蟹粉生煎包更鮮味，一咬落去，蟹粉嘅鮮甜味即刻釋放出嚟，睇得出佢有滿滿既蟹粉。 最後仲叫咗兩款主食，蔥油雞扒飯同雞絲粉皮。蔥油雞扒同平時食開嘅蔥油唔同，呢度係用乾蔥整嘅，估唔到有幾香。而雞絲粉皮都做得唔錯，麻醬配埋雞絲本身都好夾。最貼心嘅係，枱邊仲有張紙寫住如果唔夠麻醬可以再加，真係好細心。 總括嚟講，想要啲平價美食，呢一間絕對可以滿足到我嘅口味，不枉我一食再食。🤩 #劉興記元朗店生煎包專門店

————————————♥———————————- - - - - - - - - - - - - - - - - - - - - - - - - - - - -依間生煎包專門店位於俊賢坊睇名都知道佢主打食咩啦⋯⋯最近係網上小有名氣 晚市時間外賣生意都做唔停-生煎包係鋪頭人氣菜式 每枱都嗌返一碟小編叫左「招牌生煎包 兩隻 $20 」一啖落去隻生煎包瀑布式爆汁😂唔覺意就噴到對面果個-「原味上海小籠包 $40」 賣相都唔錯外皮好薄 就咁望已經見到半隻小籠包都係湯超推薦大家食小籠包💕💕💕-唔想食包類可以試下「排骨蔥油拌麵 $42」麵質似油麵 排骨非常鬆軟 肉質嫩滑-鋪頭都有甜品類既菜式「手工豆沙鍋餅$28」 豆沙甜度岩岩好-豆漿$8 好抵飲 嗌滿$60/套餐可以任添架！- - - - - - - - - - - - - - - - - - - - - - - - - - - - -————————————♥———————————

下午見到都幾多人排隊, 不過好彩都等左冇耐就入得😎💫上海小籠包4隻小籠包皮薄, 唔識夾筷子既我, 勁大力夾起都唔會整穿小籠包, 識食一定係細細地咬一口, 再慢慢啜裡面既湯汁, 勁鮮甜😍💫蔥油雞扒菜飯雞扒勁大塊, 炸得好乾身, 送飯好滋味🤤💫麻醬手撕雞絲粉皮粉皮勁爽口彈牙, 勁多青瓜絲雞絲, 配埋麻醬勁夾💫生煎包4隻生煎包熱騰騰, 煎得好香脆, 咬落去多汁, 肉汁新鮮🥤豆漿 2杯呢間食套餐, 豆漿可以任飲, 勁重豆漿香味👍

中午叫左個外賣套餐蔥油雞扒菜飯真係好味！雞扒嫩滑，味道超級入味，配上新鮮的青菜飯，口感一流。再加埋生煎包，外脆內嫩，咬落去仲有湯汁流出，真係好滿足！最後來杯豆漿，滑滑的口感，完美搭配！呢個餐點真係食完心情好好

好食高質元朗生煎包小籠包今次嚟到元朗劉興記食爆汁生煎包，試吓係咪真係咁多汁先？嗌咗佢嘅套餐，上海排骨菜飯配生煎包，另一個就係酸辣湯配生煎包，之後再加四個原味小籠包，最後加2杯豆漿！一上菜睇到賣相都覺得好吸引，香味已經令我流口水！生煎包煎得好脆，咬落去多汁，肉汁食落新鮮，生煎包overall唔會油膩，食嗰陣時仲係熱辣辣，要好小心食！好耐冇食過咁乾身嘅菜飯，初頭好驚艷，不過食食下有啲偏乾左少少，鍾意食好乾爽嘅飯必試！排骨個皮炸得勁酥脆度，啲肉好厚排骨當然炸得好酥脆。另外酸辣湯，第一眼以為會好稀身，點看好有味！但唔會過酸，辣到嘅話應該算少辣，味道可以比80分！跟住完美小籠包係佢嘅重頭戲，係真正嘅皮薄餡靚，小籠包外皮薄得來唔易穿，入邊嘅湯汁比生煎包更濃更香，熱辣辣好好味，係好好食嘅！下次想試佢嘅蟹粉小籠包！最後一定要講埋佢嘅豆漿，豆漿好特別好香濃，有豆味得來仲有好特別嘅奶味，好好飲仲可以無限添飲添！今次嚟到元朗劉興記食爆汁生煎包，試吓係咪真係咁多汁先？嗌咗佢嘅套餐，上海排骨菜飯配生煎包，另一個就係酸辣湯配生煎包，之後再加四個原味小籠包，最後加2杯豆漿！一上菜睇到賣相都覺得好吸引，香味已經令我流

間舖幾近朗屏站，基本上出站之後沿住天橋行一段路仔，落個樓梯就到，好容易揾到。雖然係連鎖，但質素唔馬虎。同埋我諗住避開啲人流，專登揀早少少去食晚市，點知都已經有唔少客人幫襯緊。今次嗌咗兩個套餐1. 麻醬手撕雞絲粉皮+生煎包1隻2. 鮮雞湯小雲吞12粒+生煎包2隻套餐54蚊但包埋主打嘅爆汁生煎包、抵食😋招牌生煎包：上皮薄、撒上d芝麻，望落幾吸引，而底皮厚脆，煎得好金黄，一咬落去，汁爆曬出嚟，但因為真係新鮮出爐，所以食嘅時候要小心熱。值得一讚，套餐包埋豆漿免費任添，而職員見到我就快飲曬豆漿嘅時候都會主動幫我添，好窩心！

標題：爆汁生煎包喺元朗同埋阿仔買開餸，行行吓佢話肚餓，見到呢間劉興記有生煎包食，就諗住入去試下食個生煎包，入到去啲職員好Nice，我哋最後揀咗膳食最完美嘅生煎包，我就叫左爆汁蟹皇生煎包，佢地仲有$8任飲豆漿，超抵..而且豆味濃郁阿仔好快就食完，見到好足料..但佢仲想再encore…而我個蟹皇生煎包一咬真係爆到啲汁同啲黃油周圍都係，下次真係要小心啲食🫢見到其他人喺度食緊個雞扒麵都好吸引，下次都要去試吓先❤️

最近網絡人氣嘅爆汁生煎包，原來元朗都開咗分店，終於有機會嚟啦🤩平日下午茶時間嚟到就最好，可以避過平時群情洶湧嘅用餐時間🤭 店內有十幾張枱，大部份都係卡座，坐位都好舒適！𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ今次就犀利啦，我哋點咗好多出名嘅招牌菜式！ 𓐎 蟹黃生煎包 (4隻） $70𓐎 招牌生煎包 (4隻）$35𓐎 蟹皇拌麵 $150𓐎 蟹粉小籠包 (4隻）𓐎 鮮雞湯小雲吞 (12粒） $35𓐎 秘製上海炸排骨 $25𓐎 生炸雞扒 $25𓐎 手工豆沙窩餅 $28 𓐎 麻醬手撕雞粉皮 $42𓐎 招牌擔擔麵 $42𓐎 低糖豆漿 $8 x2⭐️凡堂食滿 $60,自家製低糖豆漿🥛任飲添！「生煎包」煎得底部焦脆，而薄薄嘅外皮內有足料餡料，湯汁鹹中帶甜😋 「蟹黃生煎包」入面仲有好多蟹肉🦀蟹粉㖭啊😍 不過記得做好準備先好咬落去啊，真係爆汁得好厲害🤣心目中派第二位嘅一定係「蟹皇拌麵」🦀！第一次見到咁多蟹肉蟹粉🤩可以鋪滿整碗拌麵，份量超大足夠二至三人食用👍🏻「小籠包」都係店內招牌菜，小籠包入面有好多鮮甜湯汁，記得要趁熱食😋 鍾意清淡嘅可以試埋「鮮雞湯小雲吞」，皮薄餡靚，細細粒一口一件好

最近劉興記開咗好多分店，之前去過旺角分店，對佢地的生煎包有點念念不忘，今次再嚟元朗分店試下招牌生煎包(2隻) $20上次試過蟹粉生煎包，今次試返原味招牌生煎包。雖然少咗蟹粉鮮味，但原味生煎包一樣爆汁，肉味及湯味香濃，同樣好食！😋蟹粉小籠包(4隻) $80小籠包頂端及肉入面都有蟹粉，入口有淡淡蟹粉鮮香，咬落去同樣爆汁，一口一啖大小剛剛好葱油雞扒拌麵 $42雞扒外皮炸得酥脆，入面肉質保留到嫩滑。麵的質地爽口，成set份量都唔少，幾抵食爆汁鮮肉湯丸(2粒) $20見到餐牌有呢款新食物，所以叫來試試大大的肉丸，外皮原來係湯丸的皮，咬落去煙煙韌韌，入面包住鮮肉餡，又係會爆汁，其實即係食緊咸湯丸，不過係大粒版，都幾特別！依家凡叫任何套餐或滿$60都會送豆漿，豆漿甜度適中唔會好淡幫襯過兩間分店，都覺得尤其佢地的生煎包都保持到水準，除咗蟹粉蟹皇類食物較為貴，整體來講其他食物都幾抵食。

屯馬沿線🚈找美食 ⇒朗屏🚏B2出口 元朗廣場方向 🚶‍♀️大約3至4分鐘👍@lauhingkee以地道上海風味 新鮮手工製作爆汁生煎包🔥紅😚👑 王牌套餐有五款 劃一價錢💰54可無限添飲豆漿🥛#麻醬手撕雞絲粉皮 ➕️ 生煎包一隻 好啱夏天食🥵 嫩滑雞絲 入口Q彈順滑既粉皮 再淋上滋味麻醬👍#招牌生煎包 2隻💰20包底煎到金黃脆口😚皮薄餡靚 肉香味鮮👍要小心啲食呀😆 真係好爆汁💦 坐係對面嘅人要分分鐘會中招⚠️小口吃一啖 索哂啲湯汁至食👌#蟹黃生煎包 2隻💰38🦀油豐富又有蟹膏 再點上香醋食😋#招牌擔擔麵 💰42這是一碗有櫻花🦐既擔擔麵喎😚湯底除咗有濃郁🥜味再有🦐既香氣👍湯麵掛曬汁食落鹹香辣辣地😋#酥炸小雲吞 💰35即叫即炸 一碟有12粒細細小🥟卜卜脆香口 夠曬熱氣 不錯嘅小食😋

這間店位於朗屏地鐵站附近，是一間專門吃生煎包及上海菜的小店。餐廳雖然舖頭細細，但裝修很有懷舊特色，而且餐具亦很特別。我們叫了一個皇牌套餐，套餐包括了一個招牌上海排骨菜飯及一隻生煎包，還奉送豆漿，而且豆漿可無限添飲。豆漿的豆味很濃，而且不會太甜。另外，我們叫了一個糖醋炸排骨菜飯，再加兩隻生煎包。兩個菜飯的份量都很大碗，招牌上海排骨菜飯的排骨炸得很香脆，而且肉很厚。糖醋排骨也炸得很脆，糖醋汁很好味，但醬汁稍為少了一點。生煎包煎得很香脆，包內充滿豬肉和湯汁，味道不錯。除此之外，這間小店還有其他上海飯、麵及小食，元朗的街坊如果有興趣也可以來試一試。

突然好想食生煎包呀小籠包呢d野~搵到呢間都好多分店 感覺都不錯😎元朗呢間就係朗屏站天橋底 勁方便賣襯任何套餐/食滿$60就可以豆漿任飲實現豆漿自由🪄-我地叫左個人氣熱賣皇牌套餐$54就有大大碗雞絲酸辣湯+2隻生煎包酸辣湯好足料 辣度適中 仲辣得幾過癮生煎包勁多湯汁😍煎到勁脆裡面d肉勁juicy 包面仲有d黑芝麻 令到個包更加香-再叫左一籠小籠包 一籠有4隻係即叫即蒸 所以黎到熱騰騰又係好多汁流哂出黎再沾埋醋同薑絲食 味道更突出👍🏻-📌劉興記生煎包專門店📍元朗俊賢坊18號權益大樓地下15號舖