劉森記麵家 (褔榮街)

營業中

休息中

這間以蝦籽撈麵出名的深水埗老店，絕對是一試難忘由一條街到開兩間店就知棒場客絕對不少！但我欣賞的主要是這自家手工製的竹昇麵！老實說我對蝦籽沒太大喜愛，連多人趨之若鶩的免費醃蘿蔔也不是我的茶。但這家的京都炸醬和蠔油冬菇真的無可取締的好吃😋微酸且帶辣的炸醬拌上Q彈爽口的竹昇麵，開胃非常！和我一樣不太喜歡吃肉的話，大推這家的冬菇！蠔油冬菇至少一吋多厚，卻是腍滑易咬的，滿是少微甜蠔油的味道，令人驚喜非常。這樣的靚貨冬菇真的是第一次在麵店吃到，實在超值！

星期日放假，同朋友去咗深水埗黃金廣場買電腦用品，行到咁上下，見到餓餓哋就梗係去搵嘢食啦，深水埗呢啲老城區，出名嘢食多，而且仲有好多臥虎藏龍嘅美食。今日我就嚟到歷史悠久嘅劉森記。一如既往，開放式嘅面檔，俾人感覺好乾淨。好好彩，都已經八九點啦，人客唔算好多。今次我叫左個水餃撈麵，面底爽口彈牙，而且一啲鹼水味都冇，撈埋啲蠔油食撞甜甜地。至於啲水餃都好大隻㗎 ，而且個皮好薄，可以清楚見到入邊嘅餡，入面有木耳絲，筍絲，豬肉同埋蝦，食材好新鮮，我最鍾意食隻蝦好爽口彈牙

先前黎呢度食過雲呑湯麵，見到隔離叫左個蝦子撈麵，蝦子份量十分沖撃！！！決定搵日要再黎食！！今日終於得閒黎食啦~~~ 叫左個蝦子雲吞撈麵~呢度每張枱都有一樽蘿蔔，食客可用枱上既碗仔裝住邊食邊等上菜，蘿蔔酸酸地，好開胃～～好快撈麵就黎啦~嘩！！！成碟撈麵超多蝦子！！！每條麵都痴滿蝦子！！！蝦子份量絕對不吝嗇！大滿足！！！ 呢度既麵比較特別，係自家製竹昇麵，相比平時既幼麵更彈牙，同硬身DD~雲吞亦皮薄彈牙，蝦肉爽口~整體來說，食物質素不錯！！！只是可能餐廳屬開放式，冇門，今次坐近門口，我裝左D蘿蔔係碗仔一陣，有隻蚊飛落我碗蘿蔔度，係蘿蔔上周圍行，唔肯走… 我唯有放棄碗蘿蔔… 不過上次坐入D就冇呢個問題，所以衛生今次比2.5分啦

前一排睇電視，舌尖上的中國，見到熟悉的劉森記，好興奮。原來平時去開的小店在中央台播出，系會令人興奮的，其實好早之前已經播出了，系我岩岩發現，像發現新大陸咁。堅持用傳統竹昇打麵的雲吞麵店不多，劉森記是其中之一。逾60年的歷史，堅持手工制麵，真的很好吃！餐枱上有酸蘿卜，酸酸咪咪，好開胃。筋腩蝦子撈，牛腩同牛筋燉到軟爛入味，仲有招牌蝦籽的竹昇麵， 吃起來口感爽脆，勁正！淨雲吞糸我最愛，有胡椒的蝦肉雲吞，啖啖鮮

同事介紹放lunch過黎呢度食開頭以為都係普普通通食下麵感誰不知，原來個麵零舍不同！我就揀咗蝦子撈河粉一上枱，哇，啲蝦子多到😛我碟河粉完全被蝦子蓋滿🙈望到個碟果刻好震撼！！😳雲吞同牛丸都幾好食😬呢個絕對唔係頹麵餐！食麵都唔一定頹架！

之前食過一次，所以今次諗住再去食啦！咁我地都叫咗幾樣嘢，牛筋麵、凈水餃、栢葉粗、芥蘭～咁整體上⋯水餃、栢葉同芥蘭都冇咩嘅！但係個牛筋麵個麵就真係鹼水太勁啦⋯一夾起好似係髮型屋染緊頭髮咁，真係好攻鼻點解會咁㗎？本身都冇話特別想寫食評，但真係想店鋪注意下問題⋯

今天過來深水埗覓食，由於假期關係，處處皆是人龍。以前劉森記剛出名時，總是有長長的人龍，今天卻因爲等的人較少，所以進去食麵。等了大概五分鐘，雲吞麵及水餃麵便到了。雲吞麵有5粒雲吞，雲吞皮十分薄，但雲吞包得實，並沒有散開，吃落都爽口。而麵煮得剛剛好，不會太軟身。至於水餃麵，水餃並非一般厚皮水餃，餃子皮像雲吞皮一般薄身，但比雲吞大大概一倍，所以只有3粒。其實感覺同食雲吞一樣，只是多了些木耳，多了些咬口。麵的份量有點少，其他都不錯，尤其是有醃蘿卜食。

係周圍睇下有乜野～見到蔡生個嘜頭就入去試下今日決定試撈面～叫左蝦子牛腩牛根撈同蝦子雲呑牛肉撈我個人覺得啲牛腩有啲咸～但啲薑蔥牛肉好正～一定要食啲牛肉好夠淋又有薑味好想再食其他野都被搶鏡

從舊舖的劉森記到分店的劉森記，都十分滿意，十分讚。每次到深水埗區，必定幫襯劉森記，他們的蝦子雲吞撈麵一直保持非常好的水準，冇得輸！講到蝦子雲吞撈麵，面脆而彈口，一碟面上加上滿滿自家炒蝦子特別香，鮮蝦雲吞另上，非常足料又新鮮，湯底特別濃，十分滿意！另有免費自制酸蘿蔔，酸甜味適中，加上一點點青辣椒，弄到蘿蔔又脆又爽口，作為前菜，真係食到冇停口。最近愛吃薑蔥白灼黑牛柏葉，非常爽，不難消化！加上一支支裝可口可樂，非常滿足，正！

深水埗太多選擇啦！有好幾間想走進去！但最後都決定選擇每一次經過也沒有進去嘗試的老字號吧,原來它在這裏都屹立了60多年🤗碰巧是午餐的時段所以我們便等了一會才有位子坐，一路食門口也有人在排隊等位可見這間老字號仍然是十分受歡迎的這裏的招牌應該是手造的竹升麵及蝦子吧！所以我對麵質十分期待呢！湯麵及撈麵，當然要選撈麵啦！我要每粒蝦子也不放過🤓等待的時候當然要嘗試枱上的蘿蔔啦!在網上看見一些食評說這個蘿蔔是免費的而且味道不可不試，但此話當真蘿蔔真的很香很爽做前菜簡直是非常開胃🤭蝦子雲吞薑蔥牛肉撈麵到啦😎上枱蝦子鋪滿整個撈麵每一粒蝦子也十分分明，麵條顏色非常金黃食落有彈性及爽口配上薑蔥更加減少麵條的鹼水味而牛肉不像外面的沙嗲牛肉一樣肉質偏腍身每一口也不用費勁去咀嚼,點上豉油更好吃另一碗蝦子墨丸牛腩河，果然點撈麵會比湯面更好因為蝦子融入了湯中品嚐不了真正的味道🙈但牛腩亦是非常爽口並且牛腩汁湯底會令到整個河粉香味提升！都好食!長期多人的小店！但是入面的姐姐態度也非常好呢

成日係深水埗經過呢間餐廳都無入去食，覺得好似無乜特別咁今次朋友介紹，終於可以試下佢有好多唔同種類既粉麵，不過黎到呢到當然要食蝦子麵啦但佢又有分湯麵定撈麵，當然係要撈麵啦！咁先食到佢一粒粒既蝦子架嘛！蝦子牛筋牛腩撈麵 ($42)宜家係香港要搵到好食又真係有蝦子係上面既蝦子麵真係越黎越小呢間真係好食d蝦子舖滿哂係d麵上面，分量又勁多啖啖塊食到一粒粒既蝦子超級滿足呀！而且佢既牛腩牛筋都唔差，好濃味之餘仲唔會太韌

咁多人去深水埗都鐘意食豬瞤麵, 排隊排到街尾, 自己就唔鐘意咁排法, 所以寧願行遠少少, 去番近地鐵個邊既劉森記; 其實劉森記都好出名, 都有過唔少報導, 佢地都係穩打穩紮, 唔會攪咩大龍鳳; 入到去冇咩IDEA要食咩, 求其叫碗最簡單既水餃撈麵加多碟油菜, 已經好足夠; 最緊要係佢既出品一定有保證, 是但叫任何一樣都係好味道既, 唔會似某D店, 除左出名個幾樣餸好味之外, 其他既就冇咩水準;  而且呢度就冇茶餐廳咁地茂, 就算拖埋女仔黎食都唔會嚇親人, 如果想食麵類, 深水步真係仲有好多其他選擇

今日忽然興起，想同朋友掃街喎。咁掃街黎講呢，深水埗一定係不二之選。呢區出名多平靚正野食，舖頭之間距離夠哂近，唔使點行已經可以食足一個下午喇！劉森記真係細細個已經聽過佢個名喇！但奇怪的是竟然從來未黎食過🤔唔得，今次一定要try try!見到餐牌，唔使諗，一定係試佢既蝦子！唔使點等就有野食了！嘩好多蝦子啊😍成碗麵都係，好開心丫。食落好有鮮味，加上爽歪歪既魚片頭，成件事不得了。話明掃街梗係唔食咁飽啦，所以我地放棄左佢既醃蘿蔔，食完麵就走人了haha

好鐘意食呢間既雲吞水餃...最正係佢有醃好既白蘿蔔食...好好食!! 夠酸!!! 好醒胃!!! 每次去親深水埗都要食! 平日下午茶時間行過..冇咩人好多位..冷氣夠大!!!今次食淨水餃...同大部分粉面鋪一樣都係5粒...呢到就$30蚊...差唔多啦..都走唔甩呢d價位..見到碗野..因為好大粒..唔知係太耐冇去食..定之前食過其他鋪頭既淨水餃都冇咁大..反差好大!! 超巨!!食得好滿足...食完再食返兩粒白蘿蔔幫助消化

今日去黃金買電腦野。 當然順手去個邊食野啦。 我相信大家都知個邊好多唔同好野食。 豬潤麵。車仔麵。。。仲有好多好多。。今日我就算左劉森記既蝦子麵滿滿既蝦子係麵上面。。。睇到都開心啊。。仲要好難得地今日有鵝腸啊。。。好多時去唔係話未準備好就係買曬。。 所以今日好滿足啊。。但啲魚旦頭淋左啲。唔太好食。。。但整體我都已經好滿足。 仲可以加$7 加枝五花茶。。真係我覺好值得推薦啊！下個星期有時間再黎深水埗食野先。 因為真係好多好野食!