初見

營業中

休息中

香草吉列牛 $138份量都好多, 每片都帶有油花, 用石燒方法, 生熟度由自己掌控, 建議每面燒約10秒最適中, 中間粉嫩外層帶點微焦, 食落滿口牛香味, 配合埋麵豉醬用來餸飯一流櫻花蝦海鮮豚骨湯拉麵 $80豚骨湯底味道濃郁, 除了有一隻約5吋長燒大蝦外, 還有帶子, 去殼蝦仁及大量櫻花蝦, 燒大蝦肉質夠爽彈, 其餘海鮮亦帶鮮甜味, 餐廳食材品質絕對唔錯凍檸檬可樂 $24自家品牌不銹鋼凍飲杯....好靚初見絕對係一間出色小店, 食材新鮮可靠, 價錢夠平民, 物有所值

荃灣福來邨附近有好多餐廳，這間多次經過見排長龍，但由於店名好有詩意，所以一直想去一試。今日機緣巧合下，終於可以不用等位的情況下試了。Shoken 初見📍海壩街22號華達樓地下F號舖餐廳以簡約木🪵系裝修，配上一些田園☘️的裝飾；餐廳枱櫈寬敞舒適。點菜用手機 scan code 落單；鍋物同埋石燒都係🉐人氣商品，當然唔可以錯過啦。🌸初の焼 - 初見香草吉列牛配白飯 $138牛份量很多，大約有十小片厚切；每一塊🥩牛肉質鮮嫩得來又帶有淡淡嘅香草🌿味，點少許岩鹽或者味噌，肉味更出眾；石板燒得非常夠熱，可按自己喜好控制每一塊肉嘅生熟程度；加上溏心蛋🥚，半生熟蛋黃😋🌸初の鍋 - 安格斯牛肉鍋味噌湯底配白飯 $88四大片🦶掌咁大嘅安格斯牛肉；牛味香濃，肉質厚實，油脂分佈均勻；火鍋🫕配菜豐富：有豆腐、鳴門卷🍥、獅子狗、蒟蒻、芋絲、什菇🍄‍🟫、娃娃菜、椰菜絲；火鍋湯底係味噌湯，建議下次可加錢配烏冬；依個價錢絕對物超所值👍🏻加分位，飯量可以調節，想食多飯都唔使加錢💰餐廳做緊六週年88折優惠，晚市20:30後。大家嚟荃灣不妨發掘下福來邨附近嘅小店。

【荃灣區】【初見】荃灣呢個地方對我嚟講一向親切，喺成長嘅路上都有一定嘅經歷，今日同朋友嚟到福來邨呢邊緬懷過去，見到呢間餐廳就入去試吓。初初以為佢係日本餐廳，點知又有賣西餐，原來係一間西日料理，幾特別。咁我哋就西式同日式都各試一個套餐啦，全面啲。先試 $88 嘅「初の鍋」，即係「安格斯牛肉鍋」，本身係味噌湯配白飯，我加 $8 轉咗佢做拉麵。成份鍋都幾足料，乜都有得食，野菜底同埋冬菇、鳴門卷、獅子狗等等，加埋安格斯牛肉，幾正。講埋個拉麵，佢係比較有彈性嗰種，食落都幾正，就咁食都得。試西餐，到 $88 嘅「初の漢堡」，即係和風燒餅汁牛肉漢堡包配炸薯條，估唔到都幾高質素，我哋唔算好肚餓之下都好快食晒，正。嘢飲我用 $16 叫咗「日本波子汽水」，正常水準。估唔到佢哋唔收加一之餘仲有全單八八折優惠，埋單只係需要 $176，幾抵食。。。（地址：荃灣海壩街22號華達樓地下F號舖）@shokenhk#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foo

今日約左朋友係荃灣食晚飯，朋友話想食日本菜，所以就帶佢黎試下。我地叫左一個海鮮鍋同一個吉列牛，加$38有套餐，多個刺身、湯同埋飲品，我同朋友都加左～刺身好新鮮，三文魚好肥美，南瓜湯唔錯，飲品有柚子蜜同花茶海鮮鍋（$88）：海鮮份量十足，有蝦有魚， 湯底都幾鮮甜，而且有唔少配菜，性價比都幾高～香草吉列牛（$138）：香草吉列牛有驚喜，香草既配搭唔會搶過牛味，而且牛既肉質好淋，石燒過得後牛脂更香，牛魔王就啱哂！

每次一個人想要me time嘅時候，都會嚟幫襯呢間日式小店，菜單選擇多，有壽司、刺身、拉麵等。今日想食炸嘢。點咗個咖喱豬扒飯再加個小食。日式咖哩吉列豬扒配白飯HK$ 80吉列豬扒新鮮熱辣辣即點即炸，口感酥脆，咖喱汁係另上，方便控制醬汁嘅份量。旁邊嘅沙律菜都唔馬虎，有麻醬撈埋一齊食勁開胃。吉列牛肉薯餅（1件）HKS 20呢個薯餅嘅酥脆感比起吉列豬扒更加軟口，粉漿不厚，滿滿嘅薯仔同小量牛肉，外脆內軟。最緊要係現炸😋。

今日放假帶朋友去左間日和風嘅餐廳食lunch食物選擇唔少，最出名係食吉列牛燒，價錢亦都唔算太貴🍣三文魚蟹籽刺身丼 $78刺身望落食落都新鮮，三文魚夠厚同埋都好多蟹籽，另外仲有蟹柳絲同玉子燒。三文魚因為厚切，食落都幾有口感。另外蟹籽都好新鮮好有爽脆感。🐂初見香草吉列牛 $148牛肉身幾靚，油花都幾夠多，切開後都幾多片。每片牛都有滿滿嘅吉列香草，熱石爐自己放上去燒控制熟度。肉味夠嫩，油花夠多食落好有油香，香草味道都幾濃，個餐配左碗白飯一陣就食晒

荃灣日式小店我地叫左安格斯牛鍋，安格斯牛含細緻均勻的油花而無過量的殘脂，肉質細嫩多汁，採用牛小排部份, 肉質軟稔, 含豐富大理石花紋, 口感幼嫩, CP值高用黎做鍋物一流，鍋物仲有量大配菜有娃娃菜、冬菇、獅子狗、蒟蒻片、嗚門卷、豆腐，配有白飯，份量十足。跟餐仲配南瓜湯，口感較黏，味道也較為甘甜。另外，我地叫左日式叉燒豚骨湯拉麵，加左4蚊轉贊岐烏冬，烏冬最有嚼勁, 彈性十足。大大塊日式叉燒肉 入口軟綿，肉質嫩滑，肥瘦適中 搭配溏心蛋、粟米等食材，滿足感爆登！

荃灣有好多間小店，今次去左一間日本餐廳初見食個Lunch。餐廳裝修有少少花草點綴，感覺幾清新。食物就有相當多選擇，除左日本餐廳必備嘅壽司、刺身、拉麵、咖哩飯之外，比較特別嘅仲有Burger同吉列牛。今次就試左吉列豬扒咖哩飯，擺盤相當有心思，醬汁、豬扒、白飯分開上，唔怕浸淋豬扒。豬扒炸得好香脆，厚度適中，更附上蛋黃醬可以蘸。而咖喱汁嘅分量都相當闊綽，撈飯一流。另外試左照燒牛burger，burger好厚身，牛肉夠juicy，配料清新，其中醬汁加左日式照燒汁同沙律汁，好有日式fusion感覺。值得一讚薯條係厚切，新鮮炸起夠熱辣辣。主食加$38可以升級做set，包刺身一份、湯同熱飲，刺身有四塊，新鮮肥美，而湯就揀左南瓜湯，非常creamy！

真係一餐不快既晚餐，飲杯水，水都未落到肚就嘴痴住左條毛，同職員講，整係話換過杯水比你，態度真係好到不得了，真係唔會有下次，食物又難食，個蠔鍋勁腥，煲極都唔滾，真係唔肚痾當贏左😑😑😑😑

抵食日本菜✨美國安格斯石燒牛┈┈┈┈┈┈┈┈┈┈┈┈┈┈上星期到訪了荃灣海壩街的「初見」，主打各款日式料理，有人氣石燒牛、鍋物、刺身、小食等，價錢豐儉由人。用餐環境亦比想像中寬闊，樓底高空間感十足。┈┈┈┈┈┈┈┈┈┈┈┈┈┈ 𐂐 ⠜初見香草吉列牛(配白飯) $138 (7.5/10)店內招牌之一，吉列牛裹上一層香草份量不少。石燒的好處是容易控制熟度，牛肉也會發出「滋滋」聲，十分治癒🤍。牛肉質感軟腍，肉感較重，可以沾上味噌汁更下飯 。-𐂐 ⠜美國安格斯雪花牛 $168 （8/10）另一款配有野菜，雪花牛油脂比吉列牛豐富，口感會更軟嫩😋，入口有牛香同樣很適合配飯，個人覺得不沾醬汁味道也足夠。┈┈┈┈┈┈┈┈┈┈┈┈┈┈

11/5/2024📍初見呢間係荃灣嘅日本餐廳 最出名係佢嘅吉列牛 今次都係專登嚟食嘅 我哋係即日打電話book位 入面座位都唔少 基本上全部人都係2個人坐4人位 所以坐得好舒服 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨香草吉列牛（$138）真係幾好食喎😍之前食過要二百幾蚊嘅都冇呢間好食 佢出面層炸皮唔容易散 牛肉味都夠 份量都正常 跟餐嘅溏心蛋都係💯落啲鹽調一調味已經好好食另外加咗$38轉套餐 有四片刺身 冇乜魚味 仲有個南瓜湯 個湯唔錯好香南瓜味✨✨北海道帶子黑松露意大利飯（$98）兩粒帶子幾大粒 黑松露味幾濃 同個飯係夾嘅 唔會太搶味個飯偏濕 口感做到risotto 果種硬✨炸西蘭花芝士塊（$38）呢樣係出於好奇先嗌😂但食落又ok喎 口感腍腍哋 西蘭花味比芝士味蓋過咗 唔講完全唔知自己食緊乜 連黑松露蛋黃醬入面都有西蘭花 🥦真係好特別✨信州蘋果汽水（$20）冇乜特別 就係有氣嘅蘋果汁⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋食咗$365（連加一）呢間餐廳嘅性價比都算高 真心推薦大家嚟試下佢嘅吉列牛啊😆推薦指數🌟：4/5📍 荃灣海壩街22號華達樓地下F號舖

餐廳名字：初見 (荃灣)餐廳地址：荃灣海壩街22號華達樓地下F號舖初見香草吉列牛這裡對初見香草吉列牛做一個簡短評價:- 吉列牛肉本身嫩滑Q彈,是吉列食品中的佼佼者。- 新推出的香草口味為吉列牛肉帶來了新鮮感,淡淡的香草 aroma 增添了食慾。- 香草又不會重擾原本牛肉的口感,兩者很好地結合在一起。香氣四溢但不膩人。- 與普通吉列牛肉相比,香草版本給人一種更高級更時尚的感覺。- 適合那些不喜歡太重口味但追求新奇的食客。也可以作為日常料理的選擇,給平凡增加神秘感。- 值得一試的新品,相信可以吸引更多老飯不斷的年輕人。希望可以常駐產品線把這個香草元素帶進吉列牛肉的日常。

福來邨附近有好多餐廳，日本野韓國野都係100蚊一位左右😚。我地揀左間個名幾有feel既餐廳初見，餐牌種類多，係用手機scan code落單。今次我地就叫左火鍋🍲同丼飯🍣。三色刺身丼（$88💰）丼飯有個通病係食完刺身，剩低啲飯🍚會冇味。但依度有個細心位，係白飯上面有飯素。三色丼即係三文魚🍣、吞拿魚蓉🐟加蟹柳。刺身都鮮甜，吞拿魚蓉冇筋，夾埋蟹籽🦀同飯素味道豐富左。北寄貝壽司（$24💰）北寄貝🐚新鮮爽口，幾厚身。安格斯牛肉鍋（$88💰）火鍋配菜🥗豐富，有唔同嘅菇類🍄‍🟫、娃娃菜、椰菜絲、芋絲、鳴門卷🍥、豆腐、蒟蒻🍢等，飯量可以調節，想食多飯都唔使加錢😉。火鍋湯底係味增湯，四大片安格斯牛肉味🥩幾濃，配上蒜蓉醬更加惹味😋。餐廳最近做緊六週年限定優惠🤑，下次再嚟想試下呢度嘅鐵板吉列牛🤤！大家嚟荃灣不妨發掘下福來邨附近嘅小店😆～

初見香草吉列牛配白飯，上黎果陣已經係切好既狀態，仲有個石爐，可以自己控制每一塊肉的生熟程度，每一塊牛肉出面被香草包圍，一啖淡淡既香草味，吉列帶少少脆口，唔錯；安格斯牛肉鍋配白飯，鍋底有唔同味可以選擇，預設湯底係味增味，安格斯牛肉都算幾靚，紋路明顯清晰，唔韌，配菜有蔬菜、菌類、蒟蒻等等，清新口味但係鮮甜。

曾經食過呢間日式小店，隔左一段時間無去，係荃灣搵食，心思思再去呢間小店食野。小店來說，呢間店既選擇好多，有丼飯、刺身、火鍋同鐵板燒，去到有幾樣野都好想食，不過記得佢既鐵板燒唔錯，所以最後選左一個丼飯、一個鐵板燒，連一枝飲品，埋單$2XX，二人食叫做抵食。季節海膽三文魚刺身丼$128海膽新鮮、甘甜，好好味而且份量多，所以食得好滿足。另外，三文魚亦新鮮的，整體丼飯都好食的。初見香草吉列牛配白飯、糖心蛋$138吉列牛外層脆脆，牛肉肉質唔錯，配合起來口感不錯。