影片
港鐵元朗站 A 出口, 步行約10分鐘
繼續閱讀
電話號碼
26441222
開飯介紹
型格工業風酒吧餐廳，設有室外座位。供應多款燒烤美食及西式料理、精釀啤酒、清酒及餐酒等，為客人提供舒適、放鬆的環境。
繼續閱讀
營業時間
今日營業
17:00 - 02:00
星期一至日
17:00 - 02:00
公眾假期
17:00 - 02:00
公眾假期前夕
17:00 - 02:00
*Last Order : 01:30
以上資料只供參考, 請與餐廳確認詳情
有關獎賞計劃
三日前在訂了這間西餐廳，睇食評好似幾好就去試下，因為呀仔生日一家人外出慶祝下，入到餐廳面積一眼看晒，半開放式廚房，餐廳有室內和室外的，我們坐室內但冷氣唔係好夠。我們叫了一打生蠔，服務員就介紹了，生蠔真的好味好新鮮好甜。我們叫了一支白酒，叫了Cocktail，白酒就一般，名為X男的Cocktail 唔好飲，另外叫了一款mocktail系蝶豆花的就好飲，餐廳係有live band，氣氛都幾好，只可惜餐廳面積真的細了一點。跟住還叫了鵝肝，味道唔錯質量也好。Parma Ham pizza，pizza芝士好味但parma ham就好少只有一片。燒原隻魷魚筒，好好味，佢個泰式辣汁好辣，好惹味。M4和牛扒三成熟，上碟的時候已經切好曬一片片，冇諗過是這般的，而且冇乜牛味。西冷牛扒五成熟，牛扒嚟到的時候裏面是凍的，再攞返入去煮過就韌了。黑毛豬豬扒七成熟，覺得不是七成熟而是全熟，感覺不像高質素黑毛豬，但味道是可以的，至於伴主菜的沙律和配菜好味。跟住我哋再order咗蝦和青口，這兩個反而好味，配菜的麵包就太硬了，不知為什麼麵包沒有塗上牛油也不熱。我哋因為都好飽，所以就沒有叫甜品了。我喺openrice訂座，我訂的時間有88折。
繼續閱讀
呢間位於元朗又新街的隱世小館絕對係包藏餐廳雖然地方唔大，食物卻一如既往保持高質，每次必點pizza鍾意個底夠脆！咬落去脆卜卜十分有口感，仲有甜品方面頗有心思，會更新多款新產品選擇，影相好靚打卡一流，係鬧市中想chill下既聚腳地
繼續閱讀
餐廳提供🤎調酒師發辦調酒 （$108/杯)，無論賣相定味道都十分高質素，好睇又好飲，私心推薦😍🫶🏻今次試咗兩款調酒，以華麗形式上枱，好似欣賞了一場浪漫表演。🍷一款點上火光✨上枱，以紅酒為基底，融合了水果及橙皮清香，有獨特嘅層次感。🍸另一款用到蘇格蘭威士忌，煙燻蘋果木🌬️融合到威士忌本身帶有的煙燻味，兩種層次及風味好自然咁融合，口感順口帶酸甜果香，充滿異國風情☺️🧡🍕經典瑪格利特薄餅 $178用上三重芝士（Mozzarella Cheese, Buffalo Cheese, Parmesan Cheese），芝士味配合得好完美😍，口感滑順濃郁，再加上鹹香，風味十足。薄餅皮外脆內軟，絕對值得再點！🤤👍🏻🦑烤原隻日本魷魚筒 $168用到日本空運魷魚，份量不少。魷魚表面烤到微焦，內層保留了鮮嫩彈牙口感，配酒一流！🍗咸蛋黃香茅單骨雞翼 $88咸蛋黃的醇厚配上香茅的清新，兩者味道配搭，又幾特別。雞翼外皮唔脆，帶些鹹香，稍為膩些。🍫朱古力心太軟 $108賣相色彩繽紛好靚，可自選一款自家製雪糕，我揀咗開心果雪糕，有好多開心果碎、口感十足。心太軟外脆內軟，朱古力流心濃郁香甜😋🍧餐廳很貼心咁贈送了兩款冰品，分別係桂花及玫瑰味，帶微甜香氣，增添多份清新感。
繼續閱讀
#鼠尾草食飲玩 #sagefoodiehk歡樂💗 × 酒吧😚 × omakase✨有乜嘢好得過收工去酒吧chill吓，真係極度紓壓啊💗！今次去到元朗一間有心思嘅酒吧舖頭，呢度嘅最大特色係有廚師發辦嘅雞尾酒，根據根據你嘅喜好，特製出獨一無二嘅調酒✨。今次決定要一款易入口嘅酒，調酒師就用咗柑桔柚子梅酒、sake、Gin酒、蛋白泡泡🥰，飲落充滿果香、易入口。另一款就決定要比較重酒感嘅，呢款就用咗Gin酒、接骨木花、玫瑰醬😚，飲落夠重酒精感覺，夠晒high！呢度嘅小食都有好多選擇。西班牙黑毛豬火腿薄餅，份量超級大，啱晒一大班人share，仲有拉絲芝士添🙂↕️。秘製烤豬頸肉油脂味超級香，配埋泰式醬汁好香口💖。韓式炸雞卷配雙重芝士醬，肉質唔錯，而且芝士味道香濃😋。XO醬香蒜辣椒蘿蔔糕好特別，避風塘炒飯嘅香蒜粒，包圍着煎香咗嘅蘿蔔糕粒粒🔥，好送酒。💰西班牙黑毛豬火腿薄餅($188)💰秘製烤豬頸肉($98)💰韓式炸雞卷配雙重芝士醬($88)💰XO醬香蒜辣椒蘿蔔糕($88)💰Omakase Cocktail ($108)
繼續閱讀
朋友生日飯，係元朗搵間高質少少既西餐試試，星期日晚7點半仲有live band 表演，感覺就好似去左尖沙咀果d 餐廳咁，元朗區都有咁既餐廳都真係少有 。叫左2杯飲品，一杯叫左Cocktail 西柚檸檬特飲，同一杯Omakase，由佢地發板，會根據你既喜好調制，咁小編果杯就係梅酒底，酒味唔重，好fresh 甜甜哋，好似帶有點柚子味，另一半加左抹茶粉，一杯兩種口味 ，好創新。牡丹蝦刺身鮮果沙律🥗原隻牡丹蝦再加上沙律菜同新鮮生果，再配上少少酸既西柚汁，感覺清新開胃 。柚子用左兩隻柚（紅肉，白肉） 顏色配搭好鮮艷，擺盤落足心機，大蝦刺身好爽口，越咬越creamy, 係新鮮肥美嘅味道👅香蒜辣椒魷魚鬚魷魚鬚熱辣辣上枱，粉漿唔會好厚，魷魚一啲都唔韌 ，外脆內軟無誤，加上大量炸蒜，蒜味超香，調味又唔會咸，食多啲都唔口渴，加埋現場live 音樂，送酒食一絕，強烈推薦！法國頂級鵝肝多士🪿鵝肝煎封到外脆內軟，濃濃鵝肝味好香，配搭蘋果，平衡油膩感，加上件西多都煎得香脆，齒頰留香法式龍蝦湯🦞龍蝦湯超級香濃，好似煲左好多左隻龍蝦咁，仲有兩粒蝦仁🍤西班牙黑毛豬火腿Pizza🍕Pizza即叫即整，熱辣辣，鋪滿滿滿既芝士，多到可仲可以拉絲，配住火箭菜同黑毛豬火腿食，鹹香味十足 。Pizza薄底而且脆邊，可以食多幾塊，唔驚會太飽 。餐廳雖小，但食物質素算不錯，而且酒類款式都好有創意同好多選擇 。就算唔食飯，得閒去飲野聽live band，都係一個唔錯既選擇👍🏻📍 凡直友里元朗建業街94號號滿利大廈#hkfoodie #foodiehk #foodie #hkfoodstagram #hkfoodblogger #food #foodstagram #foodblogger #instafoodie #foodporn #香港美食 #香港必食 #香港探店 #香港打卡 #香港旅遊 #香港必喝 #香港好去處 #假日好去處 #搵食好去處 #元朗搵食 #元朗美食 #西餐 #liveband
繼續閱讀