再興燒臘飯店

營業中

休息中

今朝食完燦記三文治勁唔舒服，頭痛頭暈又想嘔，唔知係食錯野定係凍親呢！唔理咁多，飲碗暖淂湯食碗熱飯希望好啲啦。朝早返完公司做野晏晝仲要人地過會展開工，搞錯呀 ﹗順路幫所有同事買飯盒，8 個靚燒味飯盒，唔洗食會展垃圾飯，齊齊開心下，經濟又好味！係個 PK 話厭佢油，您早講咪走蔥油囉，唓﹗坐低嘆完先買飯盒比同事喇，費事抽多盒咁重啦！人頭擁擁爆場，門口塞滿等外賣既 fans，有無咁好食呀！廿七蚊單餸或雙併，同價？都算平喎，唔怪得咁多人！每次都坐得密麻麻、高朋滿座既再興。原來筷子、水杯、匙羹全部都係即用即棄，慳過請人洗碗？切雞髀燒鵝髀飯，薑蔥油撈飯真係無得頂呀，人生第二次撈得那麼高興雀躍！酸梅醬鵝肉搭上薑蔥油雞肉躺在燒味豉油撈飯上，齊齊送入口，多重味道質感融合，冶味倍增，無比美味。真係要大啖大啖地食先可以鎮得住失控的慾望呢！實在太正喇。如果唔係食過再興，我都唔會愛上左薑蔥油撈飯，無草腥味又香口，太過份喇。由細到大都食唔到蔥，入口即被草腥味攻擊，反胃嘔吐。上次唔覺意試左再興薑蔥油，使我人生有極大轉變，加埋燒味甜豉油撈飯好味道，無可抗拒呢﹗被深深吸引不能自拔，上癮了。切雞髀鵝髀飯加煎蛋，收錢阿姐推介

晚上去再興叫了一個肥叉切雞外賣，當時已經九點幾，店舖唔多人，外賣亦不用排隊。等了一陣，樓面大叫肥叉切雞，當時只有我一個在等外賣，所以我過去取。眼見有一盒飯和一碗東西。我怕我錯拿別人的外賣，所以和收銀姐姐說我只叫了肥叉切雞，是否俾錯其他客的外賣我 。她好粗聲粗氣問咁你係唔係叫左肥叉切雞加紫菜湯？我話無，佢打開盒飯看了一下之後，拿走碗湯，一聲不吭俾返盒飯我。我之後問一句，請問有無薑蓉。佢突然著燈話：如果你盒飯應該有薑蓉嘅我會俾你，無嘅你問都唔會俾。其實佢簡單答一句盒飯已經落左咪ok囉。我都有俾廿八蚊，只不過問一句啫，頭先一大碗湯唔應該出現都出現左，我仲好聲好氣俾返你，問句薑蓉啫⋯⋯呢d就係我眼中的老屎忽店，車胎人推介又如何？

今日難得放假，趁未到繁忙時間，一於過來食左先。 叫左個叉燒油雞飯，份量好足同埋D飯都好香。 最正依然是主角叉燒同油雞。 叉燒好夠林又夠味，油雞又夠滑，一個字正啊！ 以呢個價錢係外面真係冇乜機會可以食倒。 下次有機會過灣仔一定會再試！

叫咗叉鵝飯，油雞瀨，咖喱牛腩飯和例湯。叉燒的確一流，鬆軟又入味，不過燒鵝就一般一般，D皮唔脆。預咗燒腊舖頭就唔系食 service，但系D亞姐系到做野就好似奉旨呼呼喝喝。除非有被虐症，何必要係吟壓迫的環境進食。

呢間燒味每逄lunch時間都會有好長條龍喺門口...左邊係排堂食，右邊係排外賣既！如果係外賣，就算要排隊，通常5-10分鐘已經落完order走埋添！而堂食其實雖然有條龍，但係都唔會等好排，因為你入過去食就會知道d人都會食得好快！同埋你一食完就會有人即刻收起你d野，其實你都會唔好意思坐太耐lol今次同兩個同事食，佢地叫左個三寶飯！勁多肉好抵食！點解要堂食？因為要落佢台上面d汁！（sorry,食既時候無諗住會寫openrice所以影唔到d汁) d汁係酸酸甜甜既梅味...應該係XD佢地會比左熱杯你，可以沖d熱茶飲！其實雖然要排隊，排+食都係30分鐘既事，食完仲有時間行多個半個先返工作繼續作戰!

第一次食，食完好有mood想推介比其他人!回應一下其他comment.店員講野係大聲，不過並唔係無禮貌。見到有大陸人黎食，講普通話， 店員都無歧視，仲用普通話問佢好唔好食。叉燒半肥瘦剛剛好，有可口的蜜味焦。燒鴨的調味也不錯瀨粉夠份量，醬料每檯任加任落。外賣的人龍無停過！3-4個師傅不停斬都無停過！

今日難得到灣仔上課，第一時間唸起再興，以前在附近讀書日日都幫襯，今日12點黎到，已經full 在，好迫，冇計啦，要食好野就係咁！ 叫左肥叉油走翼，叉燒仲係熱辣辣的，好香。 仲有油雞，仲係好滑好有鮮味，真係食過番尋味！ 下次有機會一定再來！

燒味味道也就這樣，和你吃的任何一家燒臘店沒什麼區別。店員很不耐煩，態度極差。環境也是一般。反正吃的不是很開心，聽到是講國語的他們認為是遊客反正是一次性生意，充滿了歧視在裡面。自以為是的一家普通燒臘店。

未見過一間燒味店咁多人！剛剛係午飯時間，超多人排隊！仲要第一次見同一時間有成3個師傅斬燒味。入到去完全係去左澳牛咁！所以最好諗定食咩先入去。叫左叉鴨飯，佢d燒味出名都係有原因既。個鴨我女喜歡，個皮燒得好香脆，亦無怪味。個叉燒對我黎講就乾左d, 不過整體黎講都好食既。

今曰，法國佬同幫我買左個燒味飯。一個叉鴨飯。飯盒個熱度普通。盒飯好多飯。 我地叫左肥叉，但唔太肥。肉夠淋。而且都幾厚肉吓。但我覺鴨多骨少肉，花椒八角味唔夠。無咩脂肪。色澤都幾均勻。如果佢可以俾多少少汁就好啲。所以可以再好啲，因為啲汁本身飯盒蓋上面都有。

今日放工，悶悶不樂，我自己一個人帶着疲乏的腳步落灣仔，一路行個肚一路打鼓，行下行下下無啦啦就行到再興嘅門口，再興嘅叉燒飯聽就聽得多，想試左好耐，咁我岩行到佢嘅門口悶悶不樂的心情最啱就係呀你試吓暗然銷魂飯！大約晚上八點幾嘅時候，成間燒臘舖都坐滿晒人座無虛席，我就入到去中間嘅位置嘅一個空位坐低，環顧四周，叉燒係大家嘅首選，我就好豪氣咁樣叫咗碟肥叉雞飯再加碗例湯！ 三四分鐘，一碟傳說中嘅肥暗然銷魂飯黎到我面前，叉燒係有層次嘅拖地叉燒，顏色潤澤層次分明，係燶邊加一肥一瘦一肥一瘦，唔單只係味覺嘅滿足視覺都非常豐富，已經忍唔住隨隨咁將舊叉燒擠入口裏面，一咬落去舊叉燒軟硬適中香氣四溢，叉燒應該唔係用普通方法燒出嚟，佢嗰種香氣係有香得來散發被火薰香既味道，加埋畫龍點睛嘅窿邊，被薰過嘅味道，一件完美嘅叉燒，我心裏面只係暗然慨嘆認識得佢太遲 至於雞方面肥瘦適中，唔會係脂肪多個肉嘅肥雞，但係薑容真係可以令到成件雞更上一層樓，到咗今日終於知道咩叫牡丹雖好都要綠葉扶持嘅呢一句說話，薑容直程可以將綠葉呢個角色好言得活靈活現，薑蓉佢唔係普通嘅薑蓉應該係經過特別嘅調味，零舍野味，再加埋帶少少醬汁嘅飯，飯身粒粒

其實再興嘅價錢只係一般燒臘飯嘅價錢，但係人地嘅名氣就等同五星級喇，米其林推薦哦，仲有好多明星名人都有推薦過，名氣響噹噹吖！來呢度，千奇都要食一次叉燒，叉燒係再興嘅靈魂吖！點咗嘅雙拼嘅叉燒拼燒鴨，30蚊，砍料都幾大件，望落就抵食。我鐘意食肥叉，但係今次要做瘦叉，但係呢度嘅瘦叉真係我食到最好食嘅叉燒喇！竟然一D都唔喍，叉燒切得比較大件，但係塊塊都咁入味，肉裡邊仲有D肉汁，再淋點醬油，哇，正！！！燒鴨我本來想要嘅係燒鵝，但係冇鬼，來遲咗，呢度就係咁旺吖，再來遲dd連燒鴨都冇得食吖！燒鴨皮好脆，肉有嫩，加d薑蔥一齊食，香到冇得彈吖！

再興嘅燒臘係嗰种，妳食完之後唔會覺得有幾驚喜，但係妳下次一諗住食燒臘嘅時候就會諗起再興，因為再興會卑人覺得燒臘就係咁樣嘅味！依家天口興，一般例湯都係西洋菜煲豬骨，下火、解膩，我都幾鐘意飲呢度嘅例湯，唔會全部都係味精味咯！燒臘飯嘅話，可以雙拼可以三拼都得，妳鐘意喇，我嘅三寶飯，白切雞，臘排骨，燒鴨，上面加咗D薑蔥，香噴噴吖，薑蔥撈飯我至鐘意喇！但係如果食完之後仲要返工或者見乜重要嘅人就要注意喇，係人都知，蔥雖然冇洋蔥同蒜咁重口味，但係威力都唔細加。白切雞肉滑，雞皮好清爽。燒鴨皮脆柔嫩，味道係三樣之中最好嘅，排骨就比較一般，不會每樣嘅分量真係唔少，鐘意食肉嘅都會幾滿足下喇！

灣仔 - 一個新舊交集的地方，你說要貴得離地又有，你說要平民得貼地又有，在乎你想要什麼。我 - 只是一個平民，當然選回一些貼地的東西，但是貼地不是代表水準低得貼地，它也可有水準位於高地的美食，只在乎你懂不懂選。今次午餐，就在這老牌燒臘檔食個快飯。叫一碟例牌叉燒飯($30)，識食一定要叫“燶邊肥叉”。肉質鬆軟，油脂夠多，加上燶邊的焦香，30蚊根本是世界級。再加個例湯($6)，這是個多麽溫馨的午餐

外賣义燒一盒，即時打開一看，又乾又'鞋'，頭頭尾尾，切到又大又細舊，擺明冇heart ，禮貌地問過收銀姐姐，仲話'一定好味，唔會頭搭尾⋯⋯'猶豫之後，不想亂作定論，點知返歸一食⋯⋯ 一個字：'鞋'過隔夜义燒囉！