六記

營業中

休息中

發毛。。。今天早上如常叫外賣，平常都是吃。這家。餐廳的早餐，麵包都是塗牛油。所以不會容易發現有問題。今天想給小朋友吃，一般都不會仔細看。唔睇由自可一睇就發現發毛麵包。其實已六記的早餐流量應該不會發生這事。但是事實真失去信心

突然想打邊爐，呢間可以室外打， 大大個風扇，唔怕全身一陣雞煲味！本人唔食得辣，平時譚仔食10小辣嗰啲，今次叫咗小辣，認為下次叫中辣應該再好味啲，個汁幾味！ 加左12$ 有3個冰冰烏冬，好低！同埋好好味！12$3舊冰冰烏冬實在係誠意之選！其實平時有叫開外賣嘅，見今次堂食，忍唔住叫埋韭菜餃， 大大粒，又香又脆！堂食真係忍唔住食佢的椒鹽菜，之前食佢的椒鹽鮮尤，已經讚不絕口！今次食埋其他地方比較少見的椒鹽豬腳。QQ的🤣 又再香脆多一d

兩個人來到六記吃飯，點了一個細雞煲，要中辣的，但待應說中辣會好辣，聽她建議要了個小辣細雞煲，附送一碟生菜，還點了兩個小菜：西蘭花炒鮮魷和蟹籽沙拉骨。雞煲一來到已聞到陣陣香味，不過小辣既辣真的不特出，於是要加辣，待應給了半碗辣椒醬我地自行加料，加了辣的雞煲好吃很多。兩個小菜就普通。

我第一次寫食評，就係寫差食評，真係好差囉，平時我打去叫1個外賣，佢都會送既，但係我今日打去叫外賣佢話1個唔送，話小左人手唔送，又叫我下次早啲叫外賣，叫個外賣都要就你時間，唔通未肚餓都要叫定個外賣放係到🤔🤔🤔，咁公司應該寫明幾點開始送外賣，幾點唔送外賣，等啲客人可以係個啲時間打去叫，過左時間係個客既問題呀。

由於夜晚比較多人，所以要預先book位，可以揀坐室外或者室內👍🏽叫咗個一隻雞既雞煲小辣，雞煲一嚟到就聞到好香濃嘅配料味，配搭左好多芫荽同聰，望落非常惹味，食落非常入味！雞件斬得大細啱啱好，容易入口但係一隻雞嘅份量唔算大，如果可以多啲肉食就好啦😝由於帶咗小菜嘅關係，火鍋配料點得唔多，淨係叫咗午餐肉同烏冬，佢嘅午餐肉係好厚切嫁👍🏽小菜方面點左「Wasabi牛肉粒」，雖然款式比較創新，味道都正常，牛肉粒嘅肉質易咬口，但係洋蔥嘅份量就太多啦！另外點左「香蒜椒鹽豆腐」，碟餸一放落你已經聞到好香嘅蒜蓉味，非常吸引！豆腐嘅份量都非常多，好啱一家大細一齊食！可惜嘅地方係，豆腐食落去偏淡，無乜椒鹽味！

有book 枱，星期五晚也幾滿，服務好，食物夠熱有鑊氣。我們是路經往廸士尼所以在青衣晚餐，很喜歡週圍食客自在吃，大聲說話爆粗，食物熟辣辣上枱，香港難得!會再去，試其他菜式。

男朋友岩岩落機 就同佢去佢最鐘意既大排檔洗塵啦 地點唔難搵 天橋下面個路口一入去轉左第一檔就係佢啦 媽咪一早訂左枱 因為我地一行十一人 唔訂枱就可能無晒靚位同大枱啦 因為人多所以咩都可以叫黎食下 講下印象深刻既幾個菜啦 金莎明蝦球 $128 其實姐係黃金蝦球 有啲餐廳既黃金蝦球會連埋蝦殼 但六記既就已經去左殼 所以食落啖啖肉 好香既咸蛋香 食落既咸香充滿成個口 熱辣辣 非常好食 必點啊 魚香茄子煲 $62 男朋友至愛 用煲仔上 出晒煙咁 茄子好淋好入味 肉碎辣辣地 送飯一流 到重頭戲 香煎韭菜餃 $68/12隻 因為真係好好食 所以我地叫左兩打 每隻都大大隻 啲韭菜好香 豬肉唔會有渣 配埋紅醋黎食更正 最後我地仲叫多左一打返屋企宵夜食！ 呢三個菜必點啊！

今年過冬做節揀選了舅母青衣屋企附近的六記，我沒印象因為沒有來過，聴聞這裏餃子好味，於是我哋點了一打韮菜餃，一打椰菜餃，餃子端來大大隻好飽滿，我比較鍾意食韮菜餃好香！當中有幾個餸唔錯例如芥末沙拉骨食落濃香蜜糖芥末汁令到肉不肥膩之餘還提升原本肉的味道，還有一道鐡板黑椒金薯牛仔骨配麵，望落好似好普通，可能是鐵板上麵非常脆卜卜而且牛肉也相當嫩滑！椒鹽鮮魷粉槳薄脆都好好食，但當中也有令我失望的菜式例如椰香臘腸芋頭煲，沒有椰子香味而且個汁比較希薄，仲有小炒皇配料種類太少，其他餸菜就尚算OK，價錢都唔貴；但朋友話我們沒有試其他出名菜式，下次如果再來真的試下其他款喇！

招牌雞煲好食 可嗌半隻或全隻 我去食嗌左細 3個人食 略嫌味濃 但整體幾好 食晒d雞加d湯打邊壚 有蝦滑幾好 價錢都恰當 可以接受 餐牌間唔時會有新菜式和優惠 服務方便麻麻地 d樓面嗌幾次都睇你唔到

幾年前有食過呢度既雞煲, 覺得都幾好, 特別係個醬汁湯底調得幾好, 所以都幫襯過幾次。不過始終唔係成日落黎呢邊, 所以近黎都無食過。個日阿媽無煮飯, 就提議去食啦。首先, 雖然有食評講呢度服務態度唔好, 中立D 講, 我食咁多次都無咩特別, 今次亦唔例外。係合道人手唔夠, 所以坐左o係房要等陣先搵到staff 加單落單之類。今次如常係點左招牌雞煲, 今次食真係好差... 勁多碎骨, 想搵d肉食下都難。但無可否認個汁係幾好既，辣得好過癮。其他d配料就正正常常, 不過不失啦。

已後唔會落來食了~肥，女服務生完全沒禮貌，問了三次有沒有響令完全沒有回應，我以為那位服務生聽不到，那再問一次，那位服務生就(不耐煩無禮大聲呼喝)叫我等陣得唔得，相當沒禮貌，我人生第一次去食飯會給服務生呼喝，唔係就老人家我就即場離去，也一定不會再光臨顧客不是你們的出氣袋，

青衣我童年的回憶！青衣食店雖多，但美食欠缺，六記小菜一試令我回味 聞名青衣美食六記，終於抽空來品嚐一趟，是晚三人行，點了雞煲附送生菜、金沙鮮魷、客家碌鴨、煎菲菜餃半打、蠔仔粥。雞煲肉質鮮嫩，配上生菜，有肉有菜，生菜吸收雞汁的精華，美味所在。金沙鮮魷，咸蛋黃平均沾上大大塊的鮮魷上，啱晒喜歡咸蛋黄的我 客家碌鴨，鴨肉鮮嫩，配上子彊絲，酸酸甜甜，很特別、美味 煎菲菜餃，很意外驚喜不油膩，但做到皮脆金黃，菲菜肉多，一食停不了嘴 蠔仔粥，新鮮清甜沒腥味，也不錯。店內冷氣開放坐位頗少，天時暑熱預早訂坐到冷氣房內坐，如不是要到店外就坐就比較熱。環境也清潔舒服，落單的姐姐也禮貌周到，食物新鮮美味！青衣區的美食

搬來青衣有6年多的時間，知道涌美村有好幾家不錯的大排檔，卻一直未曾光顧，作為青衣人真有點慚愧呢。這天和男朋友去大澳遊玩，晚餐決定回青衣吃，又恰巧想吃大排檔，所以就走到涌美村來了! 因為全部都沒有吃過，所以我們沒有指定目標，六記就在村口第一家的位置，而且看起來相當熱鬧的! 所以就吃這家了! 室內室外全是滿滿的客人呢，有一家幾口的、有三五知己的，真的很熱鬧很有氣氛。服務員們看上去都忙得不可開交，不過我們等了5分鐘左右就為我們安排了室外的位置了。看到很多客人都吃雞煲，我也很想吃呢...不過這段日子都在喝中藥調理身體，實在不宜太重口味，唯有忍一忍口吧...  看過小菜餐牌真的很多選擇，而且價錢相宜，很吸引。最後我們點了三個菜，分別是: 六記小炒王、黑椒牛仔骨和蟹肉扒西蘭花。 看見小炒王上檯，立刻胃口大開! 份量很多配料也很多呢! 有韭菜花、芽菜、魚仔、腰果、魷魚、叉燒。魚仔炸得很脆很香口，韭菜花的份量十分多，配上相對上火的腰果及炸魚仔吃，感覺剛好得到中和。整道菜炒的很香口，好味得讓人難以抗拒。牛仔骨份量也是相當多的! 牛仔骨很嫩很滑，配上很濃很足的黑椒汁，吃下去辣辣的，很惹味! 不過對於不

住青衣的大多數都知道涌美村有好幾間俱有鑊氣的餐廳，其中是六記。友人一早打去訂枱指名要坐有冷氣的地方。我們進入，枱上已有小碗，筷子和一喳熱茶。根據香港人的老習慣，還是要用熱茶沖一沖餐具表面。雖然隱藏在小小屋村，多做街坊生意，小菜款式非常多，而且價錢好合理，六記的廚房不能看小！我們就每人點一樣菜。沙拉骨啖啖肉而且肉質厚身鬆化，炸得不錯，肉汁和肉味都保留了。沙律甜甜的又有點酸，減低油膩感，跟炸豬扒根本是一個完美的下酒菜。六記小炒王這小炒王加入芽菜，腰果，荽菜和香菇等快炒，炒得均衡，非常有鑊氣。面頭舖滿了炸得乾身脆口魚干，吃下香口，跟底下的菜一同吃又減低了熱氣程度。吃後碟底不見一層厚厚的肥油，真的很好吃。唔該一碗靚仔：）蟹肉扒西蘭花拆蟹肉跟蛋白打茨，茨的蟹味自然，西蘭花亦烚得夠軟但不爛。清淡得精彩，女士們最喜歡的了！金銀蒜蝦乾蒜娃娃菜新鮮娃娃菜淋上爆香過的蒜蓉，蒜味香濃，油份滲入無添加的娃娃菜中，簡單好吃。黃金炸鮮魷剛炸起外表不過份油，而且顏色很清，炸油不會舊。吃下蛋黃味非常香，炸粉夠薄，魷魚亦彈有嚼勁，勁熱氣！最後也來了這裡有名的全隻雞煲。送上來已經很好看，醬汁很濃。還會跟上一籃菜亦有不少洋

依日行完山影夜景~順路去想試好耐既六記食晚飯依間好多好野食..樣樣我都想試~依晚我想食小炒另一半原本封盤唔再食雞煲~不過見到靚又開返盤話食咁是但啦! 叫個"辣雞煲(半隻-中辣)"..送上一份生菜醬汁底好濃郁..雞好滑~中辣夠辣+有麻辣香味麻味唔會太重cover辣度~整體雞煲好惹味再點個"小炒皇"食材有魷魚,豬頸肉,韭菜花,芽菜,腰果,炸魚,炸蝦乾炸魚好香脆~炒得好乾身..蔬菜脆嫩~只係味道鹹左少少整體食物有水準+夠鑊氣~食客以街坊幫襯為多而服務非常好+好抵食呢