六記

營業中

休息中

由於夜晚比較多人，所以要預先book位，可以揀坐室外或者室內👍🏽叫咗個一隻雞既雞煲小辣，雞煲一嚟到就聞到好香濃嘅配料味，配搭左好多芫荽同聰，望落非常惹味，食落非常入味！雞件斬得大細啱啱好，容易入口但係一隻雞嘅份量唔算大，如果可以多啲肉食就好啦😝由於帶咗小菜嘅關係，火鍋配料點得唔多，淨係叫咗午餐肉同烏冬，佢嘅午餐肉係好厚切嫁👍🏽小菜方面點左「Wasabi牛肉粒」，雖然款式比較創新，味道都正常，牛肉粒嘅肉質易咬口，但係洋蔥嘅份量就太多啦！另外點左「香蒜椒鹽豆腐」，碟餸一放落你已經聞到好香嘅蒜蓉味，非常吸引！豆腐嘅份量都非常多，好啱一家大細一齊食！可惜嘅地方係，豆腐食落去偏淡，無乜椒鹽味！