六記

營業中

休息中

小弟今晚到了這裡用餐，點左4道菜，分別有 客家炆豬肉，啫啫芥蘭， 煎韮菜餃，古法客家炆鴨首先，豬肉有加大葱，味菜，芹菜去炆簡直絕配，再加埋 豆腐pop索埋D肉汁！一流，芥蘭 夠爽脆，最好係冇渣&唔苦，我專登叫多碗飯撈埋D鹹香肉碎，冇得頂!就連看似普通嘅韮菜餃都做到 皮薄餡靚，個皮脆到好似食薯片咁！😋輪到壓軸"炆鴨"，鴨仔入味，配菜有洋葱&薑絲(本人至1iKe)，再配埋酸甜汁，令人開胃，味道配合得天衣無縫……我發誓一定会再嚟品嚐另一招牌菜"川辣雞煲"，今晚全程都係$215，絕對超值P.S.若要食炆鴨就要趁早，係限量發售，小弟今晚六時就梗係有得食，到大概七點就已經聽到炆鴨沽清！

第一次食真係驚中伏，不過唔洗等位又唔係好貴就試佢個雞煲叫左中辣雞煲，唔洗好耐就上得食落又幾好味！辣度唔會太辣good，幾入味，雖然唔係咩大店舖但有咁既水準，讚！黎慣左，waitiess同我地都熟哂，服務態度平易近人有內外場

幾道小菜, 簡單一頓, 沒特別去試馳名雞煲事關天氣太熱, 或許留待冬天吧不夠蝦醬味, 通菜一般新鮮不太美味的京都骨, 汁太濃, 是太甜太酸, 有點難入口, 豬扒不夠嫩滑, 很可惜服務當然不可有期望, 環境不般...

雞曾是我最喜愛肉類排行榜內的第二位，現在少吃了，是因為醫生的建議，除非是有機無激素飼養的，我才安心盡情的大吃大喝。某天閒著到 Open Rice "揾食"，總括來說青衣食肆比東涌多，可是質素並不是如或然率比東涌的高，搜來搜去最能觸發我食慾的只是六記，其雞煲得到幾乎徹底的好評，雞隻多數不是有機的，但也要一試。六記位於涌美村內，一條擁有300年歴史的客家村，從地圖一看距離地鐵站頗遠，絕對不建議徒步，我跟老公兩人決定做出最簡單的伸手動作。車程大約8分鐘便抵達，入口處有大招牌指引，很好找。六記門口是露天的座位，大熱天時在一塊只有風扇解熱的空地進餐，似乎是煙民才有這樣的能耐，進內讓親愛的空調來迎接我們。眼前一片的紅，與外面的世界對比很大。為免走寶，不看餐牌也必須先看看招牌菜。雞煲名列第一，第二及第三位分別是客家的炆豬肉及碌鴨。再看餐牌，雞煲與碌鴨同時放在頭板上，似乎是主打中的主打。我倆決定要一試兩主打，雞煲有大、小兩款份量，辣度亦有大、中、小及微辣可供選擇，兩人要小的便足夠，為探索其原味，辣度只選了小辣。首先送來的是 Gas 爐，侍應首先將爐具備妥，繼而將一窩雞煲送來。驟眼一看雞煲不熱、汁呈橙

平日工作勞累，不願煮飯便上來六記光顧，兼且用了之前下載的團購優惠。晚上七時多，可能因為時間比較早，不用等候便能入座。八時門口已有人山人海的景象，可見「早起鳥兒有雞吃」是一個真理。食物：1. 招牌雞煲利用了優惠點了這個雞煲。煲一拿出來已是熱呼呼的，另外可以透過附上的爐子再加熱，使煲內之醬汁能夠在雞肉內更好地鎖住。我們開火了五分鐘左右，發現雞肉已充滿醬汁的味道，加上雞肉不多骨的關係，雞肉之味道更加突出。吃進口內有一種二合為一既感覺，既有雞味香味，亦沒有因為醬汁不足而失去了它的味道。2. 椒鹽排骨這道菜一般。雖然有香口顆粒的關係更令排骨變得更加香口，但是豬肉太硬，很難才能夠把豬肉咬碎。為整道菜式打了不少折扣。如果在用材上採用更好的肉類，相信整碟菜會更為出色。3. 菜心炒肉碎這個可以接受。雖然味道不大特別，但勝在這道菜提供了很多菜心，十分足料值得一讚。4. 餃子6隻餃子餡料充足，可惜皮太厚，食下去不易吞掉餃子皮，但餡料使人有滿足的感覺。不過不失。餐廳在招牌菜做得不錯。可是其他小菜水平都是一般，加上上菜速度較慢，而且服務過程有不少「甩漏」，例如煲的gas換了數隻仍然沒有氣。若能改善相信我也會再光

食得附近茶餐廳早餐多,想試下這間,但平時係開 11:00a.m. 今日星期日10:30路經, 原來開早左!點了一個鮑魚絲火腿通粉,配以多士、太陽蛋及香腸, 加多杯少甜的凍檸茶 。等左大概7分鐘, 食物紛紛送到:鮑魚絲火腿通粉: 面頭火腿絲都幾多, 但鮑魚絲係隠約可見, 不太多, 但食落去係食到少少鮮味 。至於通粉, 都唔錯, 無乜特別,味道ok多士: 半件連皮的麵包, 兩邊炕得均勻太陽蛋: 真的煎得好靚, 太陽一個在正中, 好似好新鮮, 吸引 !香腸: 同其他店無異。少甜的凍檸茶: 中杯, 茶味淡, 檸檬多, 另一種風味 。而我朋友叫的鴛鴦話 "幾得下", 下次要試試 。

幫襯了六記半年以上, 除了它裝修那段日子, 隔周便來吃東西, 早午晚餐也有吃過, 但竟然未試過它的秘制招牌雞煲?在伙計熱情推介下, 我和女友便點了一個"秘制招牌雞煲(細)(半隻雞)"來吃~果然盛名之下不得了. 早兩天氣溫急趺,配合這個熱熱, 暖暖, 香口的雞煲 , 正呀~!雞不是大雞, 但不是雪藏貨色, 是新鮮來的;肉質好, 夠入味, 單是雞煲已吃得咀舐舐;隨煲附有生菜, 加入煲內, 煮軟, 吸了汁, 一流;我和女友胃口大開, 一人送了一大碗白飯, 我幾乎想叫多碗, 後來伙計教我們, 下次可以加個烏冬進去, 風味更佳;胃口大的人, 還可以加其他小菜同吃, 我和女友兩人, 溫馨地並享一個雞煲, 剎那間, 只感覺天地的幸福都在這煲內~在室外位, 但有篷的, 不是露天, 有點享受天氣涼快之感, 不錯~下次再吃, 也許拖朋友來吃大雞煲!

有朋友介紹呢間六記既雞煲好食..所以今日決定同其他朋友仔去試下...呢度個雞煲真係唔錯woo..好好味!! 個湯底好野味,而且仲可以叫d邊爐配料放入雞煲度打邊爐,不過我地無叫,因為怕食唔晒。我地6個人叫一個細既雞煲同其他幾樣小炒...樣樣都好夠味道,真係唔錯,可以推介下其他朋友仔黎食呀。此外，我地仲叫左羊腩煲,呢個羊腩煲都好好食...好值得推介下..因為出面食親好多都好(蘇),但呢間就唔會,同埋佢好野味架,本身已經好飽既我都忍唔住係咁食,真係好味呀。

26號同幾個朋友去完青衣睇戲，因為有朋友話好想食雞煲，就去左新開既六記試下。其實我對雞煲無特別既興趣，但係呢度個雞煲真係出奇地好味!! 尤其係個湯底，真係食過番尋味。另外，仲可以叫d邊爐料放入雞煲度打邊爐。5個人叫一個大既雞煲，再加d邊爐料，岩岩好!!! 不過可能係新開既關係，仲未有邊爐紙，如果想叫邊爐既野食就要就咁叫啦。此外，我地仲叫左菜煲(唔記得左個名)&雞軟骨&半打啤酒。雞軟骨真係超好食，唔會話好多肉好少骨，味道岩岩好，差d想叫多一碟。

琴晚一家人諗唔到食咩...諗住是是旦旦食d野...見到樓下開左間新野...就入左去試下...我見好多人都食雞煲, 我又試下啦~佢比我想像中好味wor~~~~值得一讚!!~另外仲叫左幾個小菜~味道就不過不失啦, 都係個雞煲好食~ 呵呵~~

難得放假約朋友食飯, 去左食雞煲, 貪佢可以坐耐d又暖笠笠六記地方乾淨企理, 又新裝, 坐得好舒服!叫左個大雞煲(小辣), 正!! d雞好滑又入味, 個汁仲要係愈食就愈辣, 好正! 之後個老細就話打埋個烏冬落去仲正喎! 咁就試下啦, 一試真係掂, d 烏冬加埋d汁, 真係一絶, 仲好煙un, 我地食完一碟都要追加多碟, 都算個老細真實, 無呃我!椒鹽鴨舌 - 好香口, 最特別係食真d原來會有點點既辣味出來...正啫啫唐生菜 - 好惹味, 又夠熱, 真係做到啫啫既效果!碌鴨 - 都正, 不過如果多d汁就仲正六記小炒皇 - d 銀魚乾好正...又多料....不過如果唔用西芹就好了....下次要再來挑戰雞煲中辣先得

食過o既同學推薦去o既食左魚香茄子飯 茄子香滑 d肉唔un 份量啱啱好!!!!!!幾好食 又唔油 幾健康 幾o岩上班一族同學生哥而且價錢ok合理但係跟餐咖啡味道麻麻好澀= =

店內以紅色為主，望見都紅粉飛飛，午香肉丁炒米…味道麻麻，唔似炒過，肉丁好un，份量不夠。公司三文治…有四件，但公司陣容薄弱，兩啖就食完一件，同價錢不成正比，六記開了不夠一個月，但有好多野都未做得足，款式選擇少了些，店員對餐牌未熟識，問有咩吃都不知，下次幫襯希望有改善。