六福菜館

營業中

休息中

連續15年米之蓮一星餐廳餐廳位置係內街，樓高3層價錢上真係偏貴，唔抵食因為出面海邊$498 已經有4人套餐😂所以黎食一定唔係因為價錢最好食係奇脆豆腐，外脆內嫩，椒鹽瀨尿蝦唔夠脆身，黎一次當打卡米之蓮餐廳就好唯一配得上米之蓮一星嘅係服務，態度好好，好醒目，見你點醬即刻拎個匙羹仔俾你，上瀨尿蝦見你想抹手又即刻拎濕紙巾被你，我見有客人係門口食煙，待應已經即刻轉頭拎個煙灰盅出去被客，有禁醒嘅員工，即刻幫加餐廳加分好多椒鹽奇脆豆腐 半份6件 $60蜜糖骨 半份4件 $108蒜蓉炒白菜苗 $168海鮮價錢：瀨尿蝦3隻（16兩） $768 另加$120油料海鮮價錢：清蒸紅瓜子斑（17兩） $816 另加$120油料4人總數連服務費 $2522

在香港想食海鮮，好自然會想起西貢，西貢海邊有很多x記，作為遊客，望住個海食的確別有風味，但若然講究廚藝及質素，連續15年獲得米芝蓮一星的六福菜館，才是真正的理想選擇。並不講求花巧及賣相，心思放食材及烹調技巧上，秋高氣爽的這個週末，我們一行三人專誠去朝聖，點了多款招牌，吃得滿意滿足。西貢地道魚湯 $248是以番茄薯仔配合的濃魚湯，以十幾款魚久熬而成的奶白湯頭，真材實料，味道醇厚，配合蕃茄薯仔的酸香，更誘人食慾！先飲湯，真是個好主意。建議3人以上點一窩，此湯一碗售$80，一窩 $248 可分6碗更抵飲。椒鹽奇脆豆腐 $60 （半客6件）做得的確好，外脆內嫩，豆腐本身非常滑，椒鹽份量恰到好處，唔會過鹹，香口惹味。椒鹽焗鮑魚 $320一客3隻，大連鮑魚，都好大隻，相比來貨需$200/隻的南非鮑魚不輸蝕，味道及大小相若。六福的招牌菜，果然水準之上，焗得出色，鮑魚柔軟富彈性而不靭，椒鹽成功提味。天婦羅桶蠔生菜包（4隻）$288炸漿剛好完全包圍着桶蠔，外酥脆，內嫩爆汁，完美的口感。建議先淨食，享受酥脆原味，第二只以生菜包着吃，奇妙的效果，生菜的脆爽平衡了炸物之膩感，吃多兩件亦不飽滯。花雕蛋白蒸斑馬瀨

早排睇電視，見到有明星介紹去西貢食米芝蓮海鮮，趁週末風和日麗，約朋友來品嚐星星級數的南非鮑魚。聽聞他是第一家創作美味的 椒鹽焗鮑魚。返工辛苦咗成個月，出糧一於食好啲，吃美味海鮮就最開心！六福 喺西貢市場街，沿着西貢碼頭慢慢行，吹吓海風睇吓海景，就喺海鮮街旁邊。主打新鮮海鮮，烹調方法五花八門，風味一流，價錢合理，看似簡單一碗魚湯都勁足料好吸引！椒鹽焗鮑魚椒鹽焗鮑魚係我最愛，好鍾意椒鹽的惹味，食鮑魚軟彈的口感。次次食海鮮都叫鮑魚，南非3頭鮑，果然大隻啲，今次味道同質感都係水準之上，必食大大隻鮮鮑魚，滋補養顏，撈一撈椒鹽原來仲提升鮮味，基本上係勁鮮甜。要用刀叉食才有儀式感，質地非常彈牙 Q彈，帶有適度的咬勁，與一般鮑魚不同，因為它擁有更加緊實的口感。西貢地道魚湯有幾個朋友來的話，一窩價錢抵啲，好坦白咁講，魚湯好睇個人口味，製作過程對我嚟講複雜，出街飲魚湯性價比最高。最深得我心嘅一定係每日鮮魚供應不同，今次品嚐極上鮮味，感受越嚟越少見的地道魚湯，魚鮮嘅極致鮮味。天婦羅桶蠔生菜包金黃色的天婦羅桶蠔外脆內嫩，大大粒口感細膩柔滑，蠔味濃郁，肉質非常鮮嫩軟嫩，入口即化，佈滿鮮味。薑蔥炒蟶子皇配煎米粉底

今天放假，相約朋友去了西貢食米芝蓮餐廳，這裡在旺中大正嘅西貢市中心，如果在巴士站落車，行一陣就會見到海鮮街牌坊，轉過灣就見到這間被米芝蓮推介餐廳，餐廳內主要分為三層，三樓地方比較大，可安排不同座位組合，今次我們安排在三樓，餐牌內有不同選擇，比較抵食就係套餐，已包括了他們主打菜式，但朋友想食嘅選擇有部份套餐唔包括，於是就係咁我們散點了，先來就係西貢地道魚湯，用上蕃茄薯仔煲嘅魚湯，這個湯味道夠晒濃郁，雖然係魚湯但入口唔會覺得有魚腥味道，加上蕃茄薯仔，真係好似在家中家人煲湯個種味道，問了他們在煲湯時會用湯袋將魚同其蕃茄薯仔分開，所以湯中只有蕃茄薯仔椒鹽奇趣豆腐，外皮炸得十分酥脆，入口一點也不會覺得油膩，而內裡嫩滑的豆腐，和炸脆奶的口感有點相似，真係十分好味！豉椒炒蟶子皇，配煎米粉底，豉椒蟶子皇本身已經炒得好香口，加上蟶子大隻肥美，入口好鮮甜，而底層嘅煎米粉亦剛剛好，吸收晒個煲嘅精華，所以兩者嘅配合絕對做就了呢個出色嘅美食椒鹽焗鮑魚，店員告知是用上南非三頭鮑鮑魚，原隻鮑魚用椒鹽手法炮製， 加入蒜蓉爆香，師傅將大大隻南非鮑焗得外皮香脆，鮑味濃郁鮮甜，肉質軟嫩腍滑，口感煙韌彈牙，夠鮮味之餘亦十分惹

雖然西貢可以講喺港人後花園，不過多年嚟，入西貢嘅次數都唔算多，入親嚟通常喺兩個目的，一喺行山，一喺食海鮮。今次再入嚟，就兩樣嘢都做晒，行山部份就由大水坑起步，經梅子林、茅坪、昂坪，再落番西貢市中心。食海鮮部份就嚟到摘星十多年，卻低調得緊要嘅「六福菜館」。點解話佢低調，一來茶館位處小巷之內嘅村屋格局，二來樓高3層，用餐區都喺由旁邊樓梯上去，非常隱蔽性。然而，上到去，裝修雅致，環境寧靜。睇番「六福」自己嘅簡介，2006年開業，2009年就開始摘星，雖然小弟唔喺追星族，但連續十多年獲得米芝蓮一星足證水準極之穩定，喺實力嘅彰顯。大大本餐牌有齊各款散點菜式，不過，最划算就應該喺點套餐吧，選咗個較實惠嘅二人餐（$1,488，包加一），再加少少散點菜式，已好夠3人食。椒鹽奇脆豆腐 $60見有唔少人大讚呢道小食，當然要試吓喺點？睇樣就平平無奇，但入口你就知咩叫真功夫，件件炸得金黃，熱焫焫放入口，唔會太熨，外層既薄且脆，一啲都唔油膩，裡面嘅豆腐嫩滑而富豆香。椒鹽焗鮑魚 $280套餐餐牌下面仲有啲追加菜式，其中呢一款椒鹽焗鮑魚更喺廚房推介菜式之一，採用南非3頭鮮鮑魚，成隻手掌大，出嚟嘅賣相極之有睇頭，十分

平時真係比較少入西貢, 可以話5隻手指數得哂, 今日有朋友話要帶車車食好西, 試下好出名嘅米芝蓮中菜! E間中菜館已經有多年歷史, 環境舒適, 服務相當好! 一行5人點左一個套餐, 每道菜都做得好有心機, 食材用料新鮮, 食到我地都捧住個肚走!!✨️西貢地道魚湯西貢漁獲豐富, 魚湯係一定必點的, 奶白色嘅湯頭, 魚香撲鼻, 入口鮮甜濃郁, 一d都唔腥✨️椒鹽奇脆豆腐(8件)招牌菜之一嘅脆豆腐, 外脆內軟, 熱辣辣, 惹味可口!✨️薑蔥炒蟶子皇蟶子皇肉質爽嫩脆彈, 每條都沾滿薑蔥香氣, 除左主角嘅蟶子皇, 佢嘅薑蔥都係非常好餸飯啊✨️椒鹽焗南非鮑魚鮑魚相當大隻, 清洗方法無好似坊間咁生擦, 所以鮑魚keep住爽脆彈口, 一d都唔韌, 用左椒鹽方法處理, 惹味同時食到鮮味✨️天婦羅桶蠔生菜包炸完都仲係手掌咁大嘅蠔肉, 外皮做得好薄身而且金黃香脆, 食落好juicy, 用生菜包住口感更清新✨️上湯焗開邊西澳洲龍蝦配伊麵(2隻)龍蝦超大隻, 肉厚爽彈鮮味, 伊麵吸收哂上湯同龍蝦嘅精華, 車車都忍唔住食左好多碗✨️鮮菠蘿生炒骨生炒骨酸甜適中, 十分開胃, 配飯一流✨️米湯浸時蔬食左咁多肉, 當然要整番碟菜食下解

位於西貢的六福菜館，連續15年獲得米芝蓮一星的榮譽。最近我品嚐了四人套餐$3288，整體經驗讓人驚喜。以招牌*椒鹽奇脆豆腐*開場，外皮酥脆，內裡滑嫩，椒鹽香氣四溢，充分展現廚師的精湛技藝。接下來的*薑蔥炒蟶子皇*，蟶子鮮美彈牙，配上香濃的蔥蒜醬汁，滋味讓人忍不住想多啲*椒鹽焗南非鮑魚* 大大隻，肉質厚實且彈牙，薄薄的脆皮包裹著鮑魚，調味恰到好處。隨後的*天婦羅桶蠔生菜包*，巨型炸蠔外酥內嫩，搭配清脆的生菜，好有口感*上湯焗開邊西澳洲龍蝦* 肉質爽彈，伊麵吸滿濃郁的湯汁，讓人回味。而**鮮菠蘿生炒骨**用新鮮菠蘿調味，酸甜適中，既開胃又不膩。最後大米湯浸時蔬和自家製甜品椰汁大菜糕。今次另外再點了西貢地道魚湯，以新鮮魚材熬製，清甜滋潤，毫無腥味，感受到真正的海鮮精髓。

早前與好耐無見的友人飯聚，決定入西貢六福菜館食海鮮。我地揀左其中一款海鮮餐，菜式豐富。椒鹽奇脆豆腐薑蔥炒蟶子皇椒鹽焗南非鮑魚天婦羅桶蠔生菜包上湯焗開邊西澳洲龍蝦配伊麵米湯浸時蔬菠蘿生炒骨自家製甜品另外，額外加左一個西貢地道魚湯。海鮮餐已包茶芥加一。所有海鮮也好新鮮，鮑魚肉質柔軟，蟶子皇夠鮮甜惹味，龍蝦夠彈牙，桶蠔好大隻，帶點軟棉棉。椒鹽奇脆豆腐係必點菜式，外脆內嫩，這一餐相當豐富，入西貢多一個食飯地方。

與友久別重逢，想當然要隆重其事食好啲，相約於遐邇聞名的六福菜館也不為過位處西貢，佔盡地利，精選每日捕獲的海鮮入饌，更連續十多年穩居米芝蓮一星門面沒有華麗裝潢，但若稱之為低調，以米記貼紙及獎項作裝飾，倒在無聲地彰顯實力　　似乎款款合味道，集數道特色出品的二人套餐　$1488至夠簡單直接開場即被實而不華的西貢地道魚湯虜獲歡心，不起眼的家常湯品，卻是滿載鮮味啖啖濃香潤口，毫不腥膩，又帶蕃茄酸意，開胃暖胃，喝罷教人意猶未盡　其後插播友人力讚的椒鹽焗鮑魚，如掌心般大件頭，時價單點，叫價約百二三鮮鮑魚略顯金黃，只輕蘸粉漿炸起，表層酥脆纖細，沒有滿口炸皮油淋淋的問題聚手而厚肉彈牙，咀嚼間滲出淡淡鮮甜，不會盡是椒鹽的鹹濃，恰到好處　　回到套餐，豉椒炒蟶子皇如約而至，蟶子肉鮮甜爽彈，不見破綻趁熱食無疑最冶味，醬汁不會太杰身，配上彩椒洋蔥更香口，此時太想有碗白飯相伴天婦羅桶蠔生菜包亦是矚目之選，肥美蠔肉表層略酥，以爽脆生菜包裹即可中和炸物油感　直到主食依然不會濫竽充數，上湯焗開邊西澳龍蝦伊麵藉經典風味帶來口腹滿足龍蝦肉絲柳分明偏爽，本味出眾，且甜美中帶微鹹，橙油加成更留香上湯汁濃，入口卻溫和，拌伊麵夠味，

做節慣例都會搵中菜館，屋企人鍾意食海鮮就揀左位於西貢六福菜館，係米芝蓮一星餐廳對比起其他一星黎講，呢度價目都算性價比高，豐儉由人！椒鹽奇脆豆腐 點了2份一次過大碟上，感覺大氣d 唔似一碟小食，喜歡椒鹽豆腐炸漿脆皮好好，而且豆腐保持嫩滑西貢地道魚湯 蕃茄薯仔魚湯第一次飲到，湯頭奶白鮮甜味美海斑龍吐珠炒球 一魚兩食。一部分將東星斑肉炒球，一部分將魚骨炸到脆卜卜，店員俾我地打晒卡就會幫忙剪開一份份。椒鹽焗鮑魚8隻 食海鮮必定會點椒鹽鮑魚，而呢度招牌就係呢道，但第一次食到甘巨大椒鹽鮑魚，用刀叉慢慢切黎食！調味精準唔會過咸，鮮味肉彈，推介薑蔥蟶子王 （煎米粉底）煎米粉 墊在鍋內吸晒薑蔥汁同蟶子鮮味唔想叫主食可以揀呢個，幾特別椒鹽鮮魷 可以話係我食過頭幾名出色嘅椒鹽鮮魷金黃香脆，唔油唔會乾！椒鹽調味真係好好椒鹽瀨尿蝦 難得人多就當然要叫埋椒鹽瀨尿蝦，呢度最特別上網睇到係有專人幫手開瀨尿蝦殻，隻隻都肥嘟嘟爆膏最後點埋西貢艇仔蒸飯同豉油王炒麵用砂煲蒸焗滿滿海味～ 有蝦乾、魷魚乾、臘腸絲同灑上薑絲米飯選用泰國香米，粒粒分明，滲透濃濃海鮮味！炒麵是平常見到的豉油王炒麵，色澤非常均勻食落無油膩感，調味都非常

趁住中秋佳節，好友相聚！識食之人提議到西貢 六福菜館連續蟬聯15年米芝蓮一星餐廳餐廳藏於西貢小巷之內，樓高3層，屬傳統中菜酒家典型格局當然呢間菜館主打港式海鮮佳餚西貢地道魚湯 $372$248例 8人可要求要例半～魚湯呈奶白色，另有蕃茄薯仔飲落淡淡魚鮮味，食海鮮必點魚湯椒鹽奇脆豆腐 $60/6件叫左2份 外皮脆漿厚度適中勁香椒鹽味包裹軟嫩香滑嫩豆腐，簡單菜式已顯出師傅功架海斑龍吐珠炒球 $980整條新鮮東星片肉炒球，魚骨炸至金黃酥脆 骨頭也不剩，做到對海鮮食材尊重椒鹽焗鮑魚8隻 （海鮮時價$760 再計加工費$150 ）選用特大新鮮大連鮑魚，椒鹽脆皮薄薄一層緊緊包裹鮑魚本體，椒鹽調味出色，厚肉Q彈，呢道真係要用刀叉🍴品嚐溫馨提示如果想試呢道菜，但預算無甘多都可以選擇例牌$288/3隻 同樣貼地價品嚐到店內招牌，只係size 口感必然有分別椒鹽瀨尿蝦 4隻 （時價）超級大隻，隻隻都係有膏ga 另外星級餐廳係有專人代剝瀨尿蝦服務，食瀨尿蝦就最怕自己剝殼瀨尿蝦啖啖肉啖啖鮮味薑蔥蟶子王6隻煎米粉底 （時價）蟶子通常豉椒口味較多，用薑蔥反而惹味唔膩，煎到金黃香脆米粉底吸滿薑蔥同蟶子鮮味，等於整

西貢六福菜館 連續15年獲得米芝蓮一星殊榮有唔同嘅套餐 可以一次過試晒佢嘅招牌菜【4人海鮮餐 HK$3288】【椒鹽奇脆豆腐（8件）】炸豆腐以為好普通 但佢整得非常出色所以係餐廳招牌菜之一椒鹽味香濃 炸得非常酥脆 內裏熱騰騰而且非常嫩滑【薑蔥炒蟶子皇（4隻）】蟶子肥美彈牙 炒得非常惹味惹味到食晒蟶子之後 連薑蔥都忍唔住食埋【椒鹽焗南非鮑魚（4隻）】三頭鮑魚超大隻 彈牙得黎完全唔會韌【天婦羅桶蠔生菜包（4件）】炸蠔成隻手掌咁大 而且食法好特別將生菜搽上沙律醬 配上炸蠔 一次過食生菜嘅爽口 炸蠔外層酥脆 蠔身非常鮮嫩多汁 口感非常豐富【上湯焗開邊西澳洲龍蝦配伊麵（2隻）】龍蝦好大隻 非常彈牙 伊麵好濕潤 啖啖滋味【菠蘿生炒骨】用新鮮菠蘿去炒 更加甜同爽口至於生炒骨 外面少少香脆 內裏嘅肉又好軟腍【米湯浸時蔬】食咗咁多海鮮 嚟一個時蔬米湯味道香濃 菜心非常入味【自家製甜品】最後甜品係泰式椰汁西米糕由泰國籍侍應親自製作 望落以為平平無奇 點知味道非常出色連續15年米芝蓮一星殊榮果然名不虛傳所有海鮮又大又新鮮 而且全部烹調得恰到好處非常滿足嘅一餐

人人都話大陸消費平，個個一到假日就北上。開頭的確係幾新鮮幾好玩，但過咗一排之後，發現每次上去一來一回都起碼兩個幾鐘，山長水遠玩完一日仲要搭咁耐車同咁多人迫過關返屋企，都真心覺得攰。有時想散散心去個小旅行，其實入西貢行下食下海鮮優哉游哉咁都未嘗不可。今日就同屋企人嚟到多年來都得到米芝蓮一星嘅六福菜館食個豐富海鮮餐，同屋企人慶祝一下生日。首先，必點嘅開胃前菜 “椒鹽奇脆豆腐”，顧名思義，入口酥脆可口，令人食指大動。跟住點咗另一個小食 “生扣北菇雞腳”，雞腳肉質鮮嫩，骨膠原豐富，個冬菇大大件好厚身，香氣四溢，讓人胃口大開。然後第一個重頭戲，”果皮蒸鮑魚”，一人一隻南非三頭大鮑魚，火候剛剛好，軟腍得來有咬口，肉質鮮嫩甜美，大家食到讚不絕口。主菜方面，地道嘅 “西貢式魚湯”，用咗好多條本地魚仔，煲出嚟嘅湯頭特別鮮甜濃郁，一啲都唔腥，回味無窮。第二個主菜，”豉椒炒蟶子皇煎米粉”，可以話係萬眾期待，蟶子當然肥美多汁，但好戲在後頭，個香脆嘅米粉盡吸海鮮精華，可謂絕配。另外，大東星班做嘅 “海斑龍吐珠炒球”，咁新鮮嘅魚除咗蒸之外，用嚟炒球原來可以咁可口，魚肉鮮嫩多汁，好食到唔停得口。然後仲叫咗 “鮮菠蘿