六福菜館

營業中

休息中

是日係家母生日~小弟一早入O左西貢買海鮮~因之前試過此店爆滿的情形所以小弟一早已訂位~如果各大大撞岩星期五六日黎記得要先打黎訂位,仲有如果想飲西貢魚湯最好一齊訂O左佢如果冇訂隨時冇得飲靚湯~ 是日我地一行五人被安排上3/F,但樓梯都幾窄,如果同行有老人家及不便者要留意西貢魚湯~果然名不噓傳~啖啖魚鮮味正~!!!椒鹽豆腐~水準保持~外脆內滑!豉椒炒蜆,椒鹽瀨尿蝦~野味非常~!!蒸扇貝~一流~!豉油王竹節蝦~始終係最配合~味道岩岩好椒鹽鮑魚仔~不用多介紹~必食之選外脆內軟辣酒螺~酒味香,螺內軟,辣味夠~!!上"木台"時酒香濃郁,佢堅係用酒煮O架唔似有D酒家熟O左之後用酒浸住就算不過有開車O既朋友要小心~小心~!!薑蔥蟹及黃薑海鮮飯 水準依然~!所有食材都是從船家買回到的~連工整餐5個都只係一千六百左右~超值~!!

12月25日，聖誕節，陽光普照，一大家人去西貢食海鮮。女士們先去街市買海鮮，男士們就去六褔坐住等。我地一共十人，買咗6樣海鮮：鮑魚、大蟶子、肉蟹、花甲、桶蠔同大蝦。再喺六福度叫咗蜜糖欖菜排骨、瑞士汁炒河、脆皮豆腐、薑汁芥蘭、沙薑雞腳。蜜糖欖菜排骨，要咗一份半，大大件排骨，炸完再塗上厚厚的蜜糖。味道甜甜的，欖菜已切得非常碎，食唔出欖菜味。排骨半肥瘦，好香口。脆皮豆腐，縮咗水，細件咗，同最初黎食嘅時候細咗1/4。沙薑雞腳：好厚肉，又大隻至於海鮮，煮法如下：椒鹽鮑魚：招牌菜，好食到無話可說，鮑魚經過椒鹽後都唔會韌，又唔會老，火候掌握得剛好豉椒炒大蟶子：要咗20枝，所以炒埋勁多，食極都仲有。大蟶子肉質彈牙，唔會韌，啖啖肉，食就一定要食大嘅。薑蔥肉蟹：隻蟹大隻，但唔知係咪剛熟，d肉勁黐殼，食得有點狼狽油鹽水浸花甲：買咗兩斤，又係食極都有，花甲大隻，火候難掌握，所以有少少韌；不過個湯就好甜好鮮，仲有粉絲砵酒桶蠔：賣相黑黑的，雖然唔靚仔，但味道很好；砵酒味剛好，亦能同蠔融為一體，肥美嘅大蠔，食一隻就夠，如果唔係就會太膩豉油皇大蝦：大大隻，個殼上晒d豉油汁，很香口，蝦肉新鮮彈牙，也鮮味而家乜都貴，搞到

ok, this restaurant is based on the fact this is a michelin restaurant...so i expect high quality foodok, me and my family, just landed in hong kong on the wednesday, and my cousin suggested a family reunionshe wanted to try this restaurant, so we agreedshe bought some seafood to take there to tell them to cookabalone, crab, razor clam, prawnswe also brought our own alcoholapparently your not suppose to, but as we knew the kitchen staff it was fineok...the food, the seafood we bought, was really

在西貢一直都找不到一间愜意的海鮮酒家，因找不到好"煮功"的。今次睇完食評加上表哥推介所以來試試．三大一細點咗以下几樣椒盬豆腐：沒什麽特別，鬼佬可能會鍾意，豆腐滑但冇豆味，咁嘅價位就不值了椒盬鮑魚：幾得意，唔韌，時间控制得好吧盬蒸西貢海魚：有驚喜，两舊水一碟有成八條魚毛，好有魚味，用盬和熟油蒸是返樸歸真，現今Ｄ高價魚大多養魚，(所以有時打冷食條魚飯仲正), 呢碟魚Ｄ味就魚久違了。希望下次要試吓佢蒸條瓜子．始終如果請客好難請人食魚毛。油盬焗閹仔：係大閹仔，相信唔係本地貨，幸好羔還是豐腴香滑的，肉就唔夠甜，如果唔同本地（黑頭……）一齊食小弟冇信心能分得出來。在這裡要提他們的椒盬小弟唔係好buy。佢地應該混合了“味椒盬”，通常日式串燒會用，加在炸豆腐上面還可接受，（送啤酒就得），但加在皰魚，閹仔就太搶了。豉椒聖子王：正，洋葱太生，破坏了我的味覺，汁好．未致於“和”味但已好好，稀稠調中．聖子爽口証明 料好煮功高，除了太子基隆街的ｘ記外，呢间算亞軍了。蜜汁欖菜骨：幾好味．總括來講呢間係Good 嘅！雖然不至於令我專程“中”入西貢番單，但如果有人問我西貢有乜好嘢我會介紹呢度，而且環境，招呼都令人舒服

作為一個西柚(西貢友)，我覺得西貢真的有很多美食，有水準的西餐、正宗的PIZZA、惹味的泰菜，還有海鮮及馳名的甜品.西貢開飯之選，六福是其中一間心水餐廳，如果想在西貢食海鮮，我一定選這間，因為食物服務價錢都合理.上次同家人食飯，因為唔想影相，好似好阻著人咁，所以冇寫食評.今次兩個人食，沒有叫很多款式，海鮮多人吃才可以食多D款式，開心D~我們沒有買海鮮，因為之前曾在這裡order海鮮，覺得價錢合理，質素有保證(自己不太識揀海鮮)，所以今次繼續這一條龍服務。我們order了2隻鮑魚($50)，4隻海中蝦($60)，一隻奄仔蟹($140)，海鮮材料$250.兩個人茶價+餐前兩小碟+海鮮材料+加工錢+煮蜆，再加埋一，共$600.(滿意!)

米芝蓮餐廳，趁午市時候去嚐嚐。 地面鋪位滿座，上了閣樓享用午膳。環境寬敞，服務員提供貼身服務，不用叫破喉嚨去叫服務員。吃了時菜魚滑米線和蒜蓉粉絲蒸帶子。前者讓我們等候了差不多30分鐘，追了兩次單，可惜只是一般水準、沒有驚喜，時菜份量太少。後者配白飯應該一流，味道重，不喜蒜蓉者勿試。人太少，沒吃餐廳的米芝蓮菜式。建議用餐人數至少4-6人。餐派內不少海鮮菜餚，可價錢不菲喔，要吃好東西便請先做心理準備。

是日同事們約了到 六福聚餐 此店小弟多次BOOK 位都未能如願(因是星期6及日的關係)所以是次抱了很的大期望~大夥早了入西貢分開了兩批人~女仕去遊山玩水 , 男仕就去買海鮮,隊中有家庭煮男小弟都是跟著學~ 行到碼頭邊向數艇家入了貨( 青花蟹 , 大聖旨, 元貝 ,鮑魚 ,東風螺(細號), 竹蝦, 細沙猛魚)都不用900元( 12人份)好講下點食佢地先首先出場係 豉油王蝦 ~ 蝦肉爽口,豉油無遮蓋蝦的鮮味, 兩者互相配合真係一絕之後係 六福出名O既椒鹽豆腐 ~果然外脆內滑 , 讚~!!跟手係 豉椒聖旨 Wa~ 肉質嫩滑加上豉椒香味又夠鑊氣 , 一小口我已經送o左半碗飯.....正..再出場係 油鹽水沙猛魚 ,我同家庭煮男都一致通過要細魚~唔蒸大魚 , 因為細魚夠晒鮮甜味美又嫩滑,加上油鹽水浸熟 , 絕對係美食~!!之後係薑蔥蟹~ e個就ok~ 因為本身蟹唔係太靚~ 跟住果個蒸元貝就一流啦,又嫩滑又鮮甜,真係貝類極品a~再黎係 清酒煮螺 d螺仔細果頭,但一粒一粒好鮮美, 煮開o既湯又幾好飲wo~之後係另一六福出名食品 椒鹽鮑魚 聽講佢地係將鮑魚蒸約7成熟再黎椒鹽~ a 又幾特別一次2個口感

洗塵宴系列內其中一個重頭戲，便是一家大細浩浩蕩蕩的殺入西貢，大吃一頓海鮮....在西貢吃海鮮，"六福"當然是不二之選了。預早數天訂了位，少不免也要預留了一大碗蕃茄薯仔魚湯，才是王道....外面下着超大雨，但卻阻不了我們一眾嚵嘴人的熱情。心目中有數個項目是一定要叫，另外有數款上次來與之無緣的，今次也很想藉此機會一試....記不起上一次有沒有吃竹節蝦。今趟叫了斤半來白灼。肉既爽又鮮味，是超一流的味覺享受....魚湯的味道跟上次喝到的一樣，味道夠家常沒妖邪味，一個字記之曰 : "鮮"...花螺也是要白灼才能吃得出鮮味來。這裡的甚厚肉也夠爽，而且份量十足。已經很努力的不斷的剝啊剝，但最後也是吃不完....蒜蓉粉絲蒸扇貝是吃海鮮餐的鐵膽之一，怎能不叫? 大姨說吃到有沙，但小弟連食兩隻都不覺有。只能說她不大夠運了。肉有咬口而且鮮甜，不過此味東西的精粹，卻是那極度惹味又帶辛辣的蒜蓉及嗉盡甜汁的粉絲....蟶子王的最佳配搭必然是加上豉椒去炒，惹味度可是一百分呢，再加上小弟眼光獨到，專挑些肥大肉厚又鮮爽的貨色，入口自然是無得頂了。怪不得眾人此時也各顧各的，低下頭不斷的猛擦一番...記得上次從街市挑了一條

小宅第一個食評，緊係由一間自己喜歡的餐廳開始。六福係一間三層高連地下，細細間但乾淨舒服的海鮮小店。小宅最喜愛的是海鹽蒸小海魚。海魚的品種天天不同，用海鹽蒸更能帶出魚仔的鮮甜味道。不過怕魚骨的人，就吾啱啦。另外，魚湯及風沙雞亦係比較出名。今次吾記記訂風沙雞就無得食啦。今次朋友生日，叫佐佢鍾意食嘅椒鹽瀨尿蝦。椒鹽味及瀨尿蝦都可以，如果有膏就更好味。魚湯：鮮甜，呈奶白色及無腥味。好好飲。油鹽水浸花甲：花甲好新新鮮無沙，但由於花甲質地比硬，我個人覺得油鹽水浸蛽會更加入味及鮮味。椒鹽鮮魷：鮮魷好新鮮，但價錢貴佐少少。椒鹽豆腐：外脆內滑，水準之作。食海鮮，好靠材料新鮮及合時。所以今日好食，吾代表次次好食。不過，去過咁多次都幾滿意。係一間物有所值的海鮮小店。

早年入西貢,多數會光顧海邊的幾間食店,全是大路貨色.貪方便就腳,直到米芝蓮報告一出,先知道附近橫街有食店隱身其中,只不過一直沒機會試試.假如遇上周日,如不是事先BOOK好檯,根本無機會食,而且店方同沿岸幾間食肆一樣,海鮮可以係附近街市買好,再交回店方處理,而只不過收回醬油錢.可能時間尚早,街市內有特色的海鮮不多,就連大蟶子也沒有.但六福最出名是椒鹽鮑魚,就一定要買夠大隻的.白灼東風螺 : 不論在食味或肉質上跟花螺真是沒得比,雖然已經挑手指公大小貨色買,但味道未夠鮮甜,韌度亦比花螺結實.所以兩者售價相差很大.西貢地道魚湯 : 問店家用上什麼魚,也說不出一個實在,講真,用的多數是什魚及未能上枱的細魚,煲湯魚味濃郁,奶白色的湯底,呷每口都充滿魚香,醇厚甘甜,海魚本身的精華,通通都滲入湯底,難怪受歡迎程度,不下其他幾道名菜.............椒鹽奇趣豆腐 : 實在出色的一道菜,炸得微黃的表皮,色澤均勻,油溫處理得恰到好處,薄薄一層椒鹽粉,帶少許辣味,大廚手法熟鍊,每一件都非常完整,表皮雖然薄,但依然脆口,豆腐卻又嫩滑討好,單是這道菜,已經值得來跑一趟..............椒鹽鮑魚

好熱的日子，由於是walk-in 的關係，被安排坐在戶外，一路食一路出汗，來回了廁所洗面數次，但這.....不是重點。叫了椒鹽鮑魚 ( 部長話係米芝連推介)，食完後，可是米芝連是由一些外國人來評分的，口味不同中國人吧。因鮑魚只有咸味，沒有鮮味。價值$45隻 ( 連加工)，普通貨色!又一個米芝連推介魚湯，哀哉! 沒魚味的魚湯.......... 加一個半份椒鹽豆腐、一個花甲粉絲浸上湯之類菜式，不過不失。好多花甲，都算滿意。一枝啤酒。總共$510!!!!!! 覆單----> $510 ---> $410 再覆單 ----> $510----> $410----> $361。( 應該係$351，但費事計了)好彩冷靜地覆單，不然便被騙掉$150，可是最心痛的是米芝連的推介原來也是如此水平........

This is the second time I have eaten here. This time I was a guest at group dinner. The "signature" dish of fried tofu was OK, but I remember it being better last year (perhaps since we were with a group, it got cold waiting to be served?). The soup was simple fish stock w/ tomato & potato, I can make as nice (if not nicer) at home. After watching the waitress hack at the steamed fish, my husband helped to cut it and found that it was not completely cooked. After we went it back for more steam

兩大必食縮水精選：蠔仔餅 - 根本唔係蠔餅,係蠔煎蛋,啲蛋煎到好薄,太約2、3MM厚、6寸直徑. 份量少得可憐。煎素鵝 - 素鵝通常除咗腐皮,腐皮內會有冬菇、甘筍之類,但佢只係一張腐皮對摺後去炸，食落好似紙咁薄而且係6寸X3寸咁大。最啱想減肥嘅你，食完好似無食一樣。主打：炒蟶子 - 完全冇鮮味,求其搵間大排檔,小菜館都好食過佢。海鮮炒飯 - 呢個叫做炒得尚算可以，不過咁嘅價錢只係合格，份量不多亦不少。豉油皇海中蝦 - 呢個已經係全餐之中最好食嘅, 夥記話啲蝦係叫返嚟,十隻蝦盛惠 HKD135 + HKD46油料費六福自己話好出名嘅乜野椒鹽豆腐加埋一要成差不多一百蚊，只係普通豆腐加咗個脆漿造成嘅殼，似乎貴得有點那個。去嘅時候只得我地一枱人，佢地竟然逐碟上，每碟仲要隔好耐時間，有餸食冇飯食，到有飯食啲餸又已經食晒，因為唔食啲餸等咁耐會凍晒，無奈。埋單找數要等成十五分鐘又是另一敗筆。

朋友聚會, 精心挑選了西貢的六福菜館, 原因是朋友鑫少指定的, 他說上星期品嚐過, 認為可以安哥, 所以今次要和大家再重臨舊地, 說好野當然要一起分享, 當然今次也是鑫少發板, 其他我唔敢講, 講食,鑫少在朋友之中也算識食, 所以他介紹的既應該也不錯. 先來個西貢地道魚湯, 一個例牌, 六個人六碗剛剛好, 魚湯呈奶白色, 蕃茄薯仔應該係煲好先放上去的, 魚湯好鮮甜, 個湯好清, 好似飲緊牛奶咁, 不過就係好重魚味既牛奶, 但一點也沒有腥味, 只是一碗太少了. 六福招牌菜之一-炸豆腐, 鑫少極之推介, 亦是他重選這裡的原因, 金黃色的炸豆腐, 一客十二件, 非常抵食, 豆腐外脆里滑, 口感一流, 用來佐酒更為完美組合. 一入口先是輕輕的椒鹽味剌激味覺, 之後是香滑的豆味停留在口中, 必食之選. 咸才炆腩仔, 一看便知味道濃郁, 因為些腩仔也入了色, 應該是炆了相當長的時間, 用南乳醬炆製而成的, 有好重的南乳味,豬肉是用半肥瘦的豬腩肉和咸才,木耳製成的, 腩仔咸才搭配的非常合拍, 咸才吊起整個餸菜的味道起來, 也令到豬肉無咁肥膩, 陪酒, 陪飯一流, 夠味濃.清正東星, 正魚度度都有

星期六, 一家五口到西貢逛逛, 午飯於米豬蓮一星的六福菜館食午膳. 其實之前有好幾次都有經過想試的, 無奈的是每次都太多人等位了, 帶住小朋友又不願等太久, 小朋友不奈煩, 站一會兒又嚷著累, 今次一早訂了位, 總算不用等了. 坐在三樓, 因為帶小朋友, 所以不點海鮮了, 點了些小朋友也喜歡的食物:椒鹽奇趣豆腐: 炸得金黃色的金磚, 外形十分吸引, 香滑的豆腐，炸成長方形的狀態,非常之完整和沒有損毀. 實在是藝高而膽大。吃起來外脆內軟, 熱辣辣的, 好滑既豆腐,外層被炸成一塊薄薄的皮, 包住內面的豆腐, 口感非常之好, 椒鹽味道調得剛剛好.無懈可擊. 炸豆腐和喼汁也配合得天衣無蓬, 必食, 豉油往油麵: 鑊氣很夠.夠乾身夠火喉, 不會油, 每挾一注都好散, 都不會痴成一碟, 味道也均衡. 使我們愛不釋手. 侍應會跟碟甜辣醬的, 不過我認為就這樣食, 不加任何醬食更為美味. 所以簡單反而顯出心意. 海鹽蒸魚: 海鹽蒸白鰂魚, 不用豉油，只用海鹽，白鰂魚不是很大條, 有八條, 魚蒸得剛剛好, 不會出現太熟, 透過海鹽將魚本身的油蒸出來,(碟上面的油是魚蒸發出來的不是人落下的, 愈肥