六福菜館

營業中

休息中

難得有一晚比較清閒，突發其想，想去西貢食晚飯。本來打算去第二間，但電話一直打不通，所以臨時變陣，去六福。六福整齊企理一坐下，當然是送上小食。六福的酸菜好吃非常，絕對不可錯過，就算收費也心甘情願掏腰包。先來椒鹽奇脆豆腐（半份$50），絕對不容錯過的一道菜，外層夠堅庭又夠乾脆，咬開之後嫰滑得像蒸豆腐一樣，內外完全相反的口感，特顯廚師功力，必點之選。清蒸西貢海魚仔（$288），另一不能錯過的菜式，原因只因一個「鮮」字。海魚仔真的十分鮮，熟度剛剛好，魚又夠嫰滑，無可挑剔。沒有加上濃烈的醬油，令容人可以更清楚食出魚的鮮味。油鹽水粉絲浸蜆（$128），這個不錯，但先吃清蒸西貢海魚仔再吃油鹽水粉絲浸蜆，顯得沒那麼突出。蜜糖欖角骨（$55），也弄得十分出色，甜道適中，欖角夠香，肉質也佳。點菜期間，侍應溫馨提示豆腐跟蜜糖欖角骨半份已夠二人享用，十分貼心，抵讚。最後以生果作結，滿意！食物、環境也相當不俗。

好久沒有來西貢食海鮮，見有假期便山長水遠過來食個午餐，此餐廳不是在海旁位置,是在內街有獨立的2層，地方整潔!打開餐牌，的確嚇一跳，海鮮類價錢分開為食物及烹調，不是單一的收費，心想可能有些客人會自己買海鮮，所以才會分開計算，但計算下來真的比起其他餐廳貴得不合理，心想都來到，便唯有試下!共點了魚湯、椒鹽奇趣豆腐、椒鹽鮑魚及炒聖子，魚湯唔腥唔油鮮味十足，豆腐外皮好香脆內裡又好軟滑最好味，鮑魚及炒聖子用料新鮮,略為不夠火喉入味!最後食完覺得不夠飽，但差不多要600元，真的貴夾唔飽!

明知道呢度做富貴遊客與食客生意, 咁小市民的我就不應該來, 雖有心理準備但是還是遠超估計.講好的先, 裝修很不錯, 古典中帶清新, 傳統中帶新色. 服務比普通海鮮店有一點的優秀. 環境舒服.米芝蓮, 講緊個價錢定裝修? 食材手工分開計, 但是你一看隨便一樣, 都已經是其他海鮮老店的通樣菜色價錢有找.餐牌選擇並不多, 每樣海鮮的價錢超貴, 一條班的價錢夠一個人在本地十大酒店食自助晚餐, 好食嗎, 還可以, 比得起呢個錢, 咁點解唔去酒店食.中蝦仔, 五舊. 又唔可以自己買食材, 困獸鬥. 後來先知道遠來溝通有問題, 是可以的, 都係問得與唔得, 有何問題?蕃茄魚尾湯, 料少淡兼味精多仲要舊幾水. 招牌炸豆腐, 香脆軟滑, 但絕對物非所值, 貴得離譜.有條友一定要食鮑魚, 點左椒鹽鮑魚仔, 軟身但椒鹽味唔夠, 而且鮑魚本身無咩味, 連鮮味都無乜, 埋單見到呢種貨色個價錢, 憤怒了.聖子王完全令我失望, 無辜被切開幾份的聖子, 浪費了大大條得本質, 一點鑊氣都無, 似食香口膠, 有沙而非常一般的豉椒炒聖子!上湯花甲粉絲, 還可以, 天價. 蜜味欖菜骨, 不錯算係最好的, 甜酸混合非常過癮.煎

一去到招呼已經好好，落單的時候嫲嫲問左好多問題，我地又一改再改，但仍然好親切甘回答好多食物太好味都忘記了影相！只影左2張。。魚湯個味好似蕃茄薯仔湯甘，魚令到成個湯好甜，唔會腥。椒鹽豆腐，外脆內滑！炒聖子皇係剪開晒小件炒，唔會食到好狼狽不過就無啖啖肉。椒鹽鮑魚好好味！好林，嫲嫲都食到，而且大過一隻匙羹！蒜蓉粉絲蒸扇貝！好大隻呀！成隻碟甘大！粒肉蒸完都有匙羹甘大！好好味呀最後有炒飯，不過好細碟，一碟分到3碗仔左右。最後貼心既係，我地散叫，但佢會跟應食既次序上菜。不過廁所太少，得一半入座率，我去廁所都要等，如果滿座就一定等好耐。

由學生時代已經去西貢食海鮮，以前都係幫襯全記，但係自從食過六福之後，每次嚟西貢都係去六福食！六福並冇海鮮魚缸俾人揀海鮮，所以種類冇咁多，但係六福就係以食物水準嚟吸引同埋留住食客！食得多咗，有時會見到佢嘅老闆老虎哥阿Sam，佢相當好人亦好好傾！每次去都一定會食海鹽蒸魚，多數都係食黃皮老虎班，今次都唔例外！如果唔係要食好滑嘅魚，黃皮老虎班係好抵食嘅魚，佢只係紅瓜子班價錢6成左右！有個有趣嘅情況，就係佢哋上菜好似都有個既定次序，今次嘅次序亦一樣，最先係椒鹽鮮魷，之後係油鹽水花甲，跟住係海鹽蒸黃皮老虎班，再嚟燒雞，最後係竹笙菜心。飯後水果都係西瓜，不過每人最多都只得3塊！有一樣值得一提係佢餐前小食嘅炸菜，非常好食又開胃，次次都食曬！椒鹽鮮魷 – 各類椒鹽都係六福嘅強項，好似椒鹽豆腐，椒鹽鮑魚咁都做得好好。我自已比較偏好鮮魷，不過就好睇嗰時啲魷魚靚唔靚，點嘅時侯都會問問啲夥記！今次嘅椒鹽仍然係高水準，鮮魷亦唔錯，只係有一兩塊差咗小小。有啲奇怪係今次完全冇魷魚頭同鬚！油鹽水花甲 – 花甲亦一樣，要問吓夥記先決定叫唔叫，今次嘅花甲，雖然比我食過嘅最肥嘅細咗好多，但係就好好味又唔韌。不過今次係用姜而我

幫襯六福都已經N咁多次，不過對上一次都係一年前，由於有朋自遠方來所以又再拜訪！品質絕對冇退步，當然價錢就有升冇跌啦！由於淨係得兩個女仔，所以淨係叫咗五碟餸。我哋係海旁買咗海鮮，不過唔知點煮，由佢地提議，結果扇貝就用左黎蒜蓉粉絲蒸，至於本地花蟹就用來薑蔥炒。另外再叫椒鹽豆腐，清炒菜心，同埋豉油王炒麵。首先上椒鹽豆腐，waiter 好好人，見我哋得兩個女仔所以提議半份size. 椒鹽豆腐上枱熱騰騰，外脆內軟，椒鹽味濃厚，比我記憶中嘅quality還超班，可能好耐無食。我記得有一次只係luke warm 一啲都唔掂，今次 reputation redeemed! 然後上薑蔥炒蟹，香到爆！我個外國朋友食到唔停，第一次食呢味餸，佢話簡直係a classic dish. 講真，啲薑蔥及調味仲吸引過隻蟹。蟹肉絕對有鮮味，唔會比調味蓋過。Waiter 仲好細心自動幫我地換左兩次碟。再上蒜蓉粉絲蒸扇貝，因為我哋忙住食蟹，搞到啲扇貝變冷了，有點可惜。不過D粉絲同埋個豉油汁好好食。可能我哋買得唔好，扇貝肉有點兒tough. 如果我有一個提議，就係叫六福唔好比咁多蒜頭！最後來清炒菜心，叫左小油真係有小油。菜心

清蒸新鮮黃腳立加撻沙，店主說是向漁民取貨的，的確不錯，也沒有蒸過火，魚新鮮只要不犯錯，很難煮得難吃。油鹽水粉絲煮蜆，不過不失啦。椒鹽奇脆豆腐，外脆內軟，說易做難的一樣野，做得很出色，特別係長長的一條，更難控制。蕃茄薯仔魚湯，鮮味特出，又一贏在材料的菜色欖角骨，說是推介，但六福還是海鮮較出色六福比其實地方出色的不單是烹調技巧，還有選材。當大家在選急凍貨，飛機貨時，六福捨遠取近，棄易取難，選用本地新鮮貨，贏在起跑線就是如此。

同一班同學仔聚一聚，太耐冇見了，當然食好D啦經討論後就來LEE度啦西貢地道魚湯~~~好濃的魚湯，好甜好好好味呀！一D味精都冇架！六福小食拼盤椒鹽豆腐~~~外皮好香脆內裡又好軟滑芥未雲耳~~~爽爽的雲耳跟芥未好配合蜜糖骨~~~炸都好乾身，蜜糖味又夠適中喎，肉又夠"林"蜜糖雞翼~~~外皮脆卜卜又充蜜糖香，入面的雞肉仍然係好滑架象拔蚌刺身~~~好鮮甜好爽口的象拔蚌呀豉椒炒聖子~~~聖子炒得剛熟，不會太UN，味道又好好喎海鹽蒸海老虎~~~好正的魚魚，魚肉夠結實，味道好好呀椒鹽焗鮑魚~~~完全未食過LEE個食法呀！鮑魚表面好香好乾身，但肉質依然好好架蒜蓉蒸茄子~~~茄子吸收哂蒜香味呀！好味客家咸菜炆腩仔~~~味道炆得好好，腩仔炆得入味又軟"林"呀湯浸白菜仔~~~上湯好甜美，白菜仔都好嫰油鹽焗奄仔蟹睇下D羔多到，真係鮮味十足呀真係一餐又美味又開心的海鮮餐呀！

第一次去「六福菜館」食lunch都叫左幾多送下 真係好好味!!炒飯 炒得好乾 唔會一舊舊飯粒好分明 無咩油幾好味^^鼓油王炒麵真係炒得好靚味道唔會好咸配埋辣醬 正!!哩個好似係酥炸豬扒炸得好脆同埋好大塊啊!!哩個蜜糖雞翼真係一食難忘好味到不得了!!真係做到外脆內嫩甜甜地 要讚啊哩個!!唔太記得叫咩名不過真係好好味啖啖都係肉哩兩個菜好多地方都有不過煮起上來唔會好油都OK.

西貢巿海鮮食肆林立，大多數遊客都會到靠海邊的較大間的酒樓，早幾年前有西貢地膽介紹這間位於內街的六福菜館 。早幾天秋高氣爽，郊遊之後，再臨這小店午餐。今月是蟹的當造季節，試了羌蔥炒肉蟹，蟹由酒家代買，足肉羔多薄殼，廚房用大量羌葱高火炒，將料頭的味道迫入蟹肉內，夠鑊氣，我覺得還有點鹽水焗蟹的風味。 蒜蓉蒸海蝦，中蝦開邊蒸，非常鮮甜，蒜蓉及醬油都是上乘材料，用粉絲墊底，吸收了材料精華，超正。上湯菜心苗，菜苗很鮮甜，廚房很細心用上先油炮好的蒜子與菜心一起浸，特別好味。

西貢是香港吃海鮮的其中一個重鎮，什麼通記全記早已出名，而米芝蓮在這裡竟然也有涉足，其中一間響徹雲霄的餐館就是位置較為遠一點的海傍街的六福菜館。很多人問我今晚西貢那裡吃飯，通常都會估那些最大路的選擇，不過我和他們說六福的時侯，大家都好奇地最詫異的眼神望著我說:"吓!去珠寶店呀。"真奇怪，米芝蓮上榜都不只一次，為什麼都不太多人識呢，大概俘虜大陸人的珠光寶氣的金飾更有名吧，記得幾個月前這裡還因有網民上網曾經看Openrice做reference話人頭平均一位$500搞到食飯報警投訴而風頭一時無兩的六福，應該很出名的是吧。所以我都很出奇為何幾個朋友都不認識。是晚我們一行九人坐的士來到西貢吃farewell 飯，上次來應該是兩年前吧，不過今次人更多，可以試多點不同的食物，更令我引頸以待。辛苦坐了個多小時的士來到，好肚餓呀，立刻送上小弟很早便決定了的菜單，不知是名字的關係，全晚腦海都是想著之前陳慧琳幫某金舖唱的主題曲"完美關係"："因你閃耀的形象，似鑽戒般照全場"，看到其他客人枱面上粒粒海鮮之星如鑽戒般向我們揮手，我地就急不及待了，今晚的珠光寶氣六福海鮮之夜便開始。首先來的是椒鹽奇脆豆腐($98)

Tried this Michelin star restaurant after coming back from a boat trip. Fried Tofu: very soft and smooth, great soya taste.Fish Soup: almost creamy, the soup tasted fresh. You could taste the fish very well and perhaps due to the fish used, wasn't fishy.Razor Clam: was chopped up and stir-fried. It was very peppery but the sauce brought out the clam taste very well. Mantis Shrimp: great 'wok flavour'. Dry on the outside and still moist on the inside. They were quite big as well. The only thing I

今次一行十人，大家專程入西貢試下呢間米芝蓮星級餐廳。之前做足功課，已有幾項心水菜式想一試大家興高彩烈地點了很多菜式：魚湯、椒鹽鮑魚 、 油鹽水粉絲煮蜆、奇趣豆腐 、風沙雞、椒鹽賴尿蝦、客家燜腩仔、豉油炒麵……很多碟海鮮來不切影相，便被搶先掃光在眾多菜式中，最令我我難忘的，一定非椒鹽鮑魚莫屬! 酥炸後仍能保持肉汁鮮味，香氣橫溢，真的一試難忘!很滿足嘅一餐，雖然大家遠度而來，但總算物有所值!

今次一行十人，大家專程入西貢試下呢間米芝蓮星級餐廳。之前做足功課，已有幾項心水菜式想一試大家興高彩烈地點了很多菜式：魚湯、椒鹽鮑魚 、 油鹽水粉絲煮蜆、奇趣豆腐 、風沙雞、椒鹽賴尿蝦、客家燜腩仔、豉油炒麵……很多碟海鮮來不切影相，便被搶先掃光在眾多菜式中，最令我我難忘的，一定非椒鹽鮑魚莫屬!   酥炸後仍能保持肉汁鮮味，香氣橫溢，真的一試難忘!很滿足嘅一餐，雖然大家遠度而來，但總算物有所值!

今日來到試下這家口啤同食評唔錯既餐廳，果然好美及抵食， 每人平均＄400到！ 樣樣都好好食。 【油盐水粉絲煮蜆 】蜆有稍為熟了些少，但係現在講求食物衛生既時代，都係熟小小為佳。加上湯汁好鮮甜， 配上粉絲真係天作之合！ 【蕃茄薯仔魚湯】 （要預訂） 完全沒有腥味，証明魚夠新鮮。蕃茄及薯仔份量剛好，不會蓋過魚湯既鮮味，而做到配襯吊出鮮味既效果。 【椒盐奇脆豆腐】 外型好CUTE。外皮超薄而十分脆口。內層豆腐香滑可口。超愛豆腐既我，簡直愛不擇手。 【椒盐鮮鮑魚】 從來未食過咁柔軟既鮑魚，一D都唔 ”UN”. 好似食緊手打魚蛋咁軟滑。 抵讚！ 【風沙雞】 （要預訂） 外皮香脆，雞肉嫩滑，夠雞味！証明係新鮮雞！ 想食美味雞一要早些預訂喔！ 【椒盐賴尿蝦】 好大隻，蝦肉鮮甜夠彈牙。 外層炸得十分乾身，但又封到內蝦肉既肉汁。火喉控制非常之好。 【客家燜腩仔】 肥肉入口即溶， 味道及火喉到位。真係無得彈！ 雖然西貢係幾遠下，但係為了食好野，都係值得既。 下次叫多D人，可以試埋其他不同種類既美食。