六本木日本料理

營業中

休息中

上完嘉頓山後，落山食餐便飯，選了富有特色的居酒屋🏮✅很適合喜歡熱鬧的人，老闆應該是sake 專家，以酒會友，滿場飛。✅環境是懷舊日式設計，可解卿愁✅食物有特色，食材新鮮，基本上每款都好好食，心思有水準之作。✅性價比高，兩人食了七碟$560⚠️銀仔有兩面，想安靜傾計的話，居酒屋不合適。⚠️我們不懂酒，也沒有叫酒，離開時無人說bye bye ，也沒有送門，感覺是外星人走入鬧市。

自己搬離開深水埗 再加上疫情 成兩年無機會去返深水埗 呢間六本木 係的住深水埗時 新開業無耐 一直好想試但無機會 今日終於返左去深水埗試啦店面裝潢、員正態度、食物都非常之好 同有質素，價錢同區平民店比較的話的確是高價、但絕對物有所值。店員會先問係米第一次幫襯 因為佢地有好多介紹🤣🤣我地兩個人都叫左器少野食 食到好飽 每樣野都好好食 蝦風雲餃子是驚喜🥟🦐 真係好好味 瑩光魷魚同樣非常鮮味 🦑👍👍連沙律都好好味 ，明太子蛋卷係我到日本餐廳必點菜式 同樣無令我失望 會再去食

深水埗真係一個美食天堂嚟嘅，去到邊間餐廳都好食今日去咗深水埗買電子野，買完熱辣辣要食返餐好嘅<油甘魚腩$70>肥厚新鮮，正<軟骨雞肉棒$46>雞肉棒超推介，絞碎左嘅雞軟骨同埋落去雞肉碎裏面，好爽口<明太子玉子燒$88>至少唔會剪得太熟，keep 到中間有蛋汁，明太子小小辣，見到佢哋好好食<加洲卷$78>普普通通啦，正常發揮<燒年榚$30>燒年糕超好食，系平時有紫菜旺旺嗰隻味，年糕超軟Q，可以拉絲咁滯<鰻魚飯$168>鰻魚太過un，Fatbrown 鍾意腍身入味啲<櫻花可樂$35>櫻花可樂幾得意，櫻花味唔系好重，係淡淡的可樂味

今日去石硤尾做嘢，離得去到人生路不熟的地方，當然就一架的士直落去最近的深水埗找食啦！本來打算一心去某一餐廳，但路過呢間六本木，企在門口望下見到好多午餐選擇，加上太熱唔想行咁多，所以就決定呢間，都幾人山人海的！到坐低太熱即唔理價錢下叫兩枝汽水，一等一輪後，侍應話有枱客阻住咗個雪櫃，未必咁快拿到俾我們，我第一次聽呢個理由，但都證閒佢地唔會為錢麻煩客人⋯⋯咁佢地知我們熱，立馬送上兩杰冰水，都唔錯！叫了拖羅魚蓉飯，有驚喜⋯⋯有一半魚蓉加三塊吞拿魚，哈哈！朋友食銀雪魚西京燒，佢都話好好味！下次有機會可以再去！

提早打電話Book左位到達嘅時候都幾乎滿座，得返兩張二人枱其中一張就係我哋嘅坐低無耐就有店員拎住一塊黑板過嚟，上面寫左有咩「飛機貨」刺身魚供應，店員話可以根據喜好，例如口感，油份等推薦俾我哋，而且建議我哋可以影低塊牌慢慢考慮，之後就行開咗，一啲都唔hard sell唔chur 。因為我哋一早喺OpenRice 睇左一啲推介，心目中一早有想試嘅野食，所以無叫「飛機貨」。見到餐廳入面有好幾台客都係嚟聚會，老闆都親自落場同啲客傾計飲酒，真係有日本居酒屋感覺。值得一提的是，店員好細心勤力，無論加水定係介紹食法。成餐飯食完，最中意係雞泡魚干，燒年糕，燒牛舌串燒，六本木秘制牛肉，相比其他就比較普通。今次食哂想試嘅，知道咩好食，下次就有肚可以試吓「飛機貨」。

同朋友慶祝生日黎左食選左幾款師傅推薦話香港好少有得食刺身蜜柑鯛$98/3腦天$200/3片粒具$420/隻仲叫咗一條黑鯛$420刺身做拼盤，上菜嗰陣真好有氣氛擺設好靚，刺身都好新鮮好甜，店家好明顯好畀心機做個拼盤刺身。重叫咗其他小店嘅皇牌食品，推介嘅燒物，壽司等等 都好好食，價錢有少少貴

大海食評裡找到這一間位於深水埗日本居酒屋, 即管入去試一試, 沒有訂座, 六點鐘入去食早飯. 餐廳內裝修以深木色為主, 牆身黐滿酒樽貼紙, 餐桌距離也較密. 坐低後, 有個服務員拿著一塊黑板"是日精選", 板上多數介紹原條刺身魚我們二人叫了以下食物:胡麻醬豆腐沙律滑滑凍豆腐, 沙律菜, 粟米粒, 車厘茄配無得輸芝麻醬😁 就算大家今次沒叫, 平時有食過都應該知道是什麼味道😅鹽燒蜜柑魚魚鮫服務員介紹時, 講到這條魚是十分罕有. 食完後, 只覺得魚味不重, 幸好魚肉夠滑配柚子味醬汁,食後感想是"沒有什麼特別"😅串燒雞翼, 豚肉露筍卷, 豬腩肉&燒飯團特別要稱讚這裡的串燒燒得非常好👍 尤其燒飯團. 肉類串燒燒到表面乾身, 內還有肉汁. 燒飯團外表燒到有飯焦, 內有醃製黃蘿蔔粒粒唐揚雞軟骨粒又係一貫炸雞軟骨味道, 沒什麼好介紹原先諗住叫一些食物食住先, 後再叫一些熱食. 點知食完以上食物已經覺得飽飽地, 所以沒有再叫其他食物. 今次叫得太多炸物, 食完之後, 已經感到熱氣, 條脷有點痛🥴

We had a 3 persons dinner there. The vibe was good that you thought you were in Okinawa. The boss and staff were friendly and they would treat you cups of sake hahaOn the other hand, the food was great, we ordered a fish and it was fresh. Snacks were great and tasty. Although the location was not that convenient, you could still walk there from Sham Shui Po MTR station for 10 mins.

今日黎到深水埗，朋友介紹都話呢間野D野幾好食，於是我就黎左試下。我黎嘅時候係lunch時間，所以款式冇晚上咁多。今次我叫左鹽燒秋刀魚定食同明太子玉子燒。個秋刀魚嘅火候燒得好好，香口但肉質保持係鮮拌飯簡直一流。而個玉子燒簡直冇得頂，令人一試難忘，絕對推薦。

誤打誤撞walkin嚟到呢間居酒屋🍶🍤🍣🍢好彩仲有張吧枱坐😁全場滿座呢度老闆係非常之熱情招待，同每枱客都有傾有講😄好親切👍我地食到差唔多時，老闆請每枱顧客飲清酒🍶仲主動同每枱客飲酒，最精彩環節原來9點有唱歌環節🎤🎵開始係老闆唱🎵之後老闆叫每枱客都唱吓😆唱完再送酒再送甜品炸🍦👏全場都興高彩烈🍾氣氛好好👍可惜限聚令去到10點🤭唔係大家唔願走繼續飲🍶繼續唱🎤🎵都要介绍吓我地點了😋前菜係海膽豆腐,海膽新鲜，豆腐好滑入口即溶味淋雞泡魚乾🐟熱辣辣好咬口一d都唔硬👍送酒一流牛舌🐂燒得惹味，夠厚，肉質煙靱鰻魚飯👍原條大大鰻魚厚肉味道香濃六本木秘製牛肉🦬口味好重，肉質好嫩👍不用點鹽都野味雞皮餃子🐔雞皮夠肥厚但不會油腻又香口😋海老雲丹天婦羅🍤外脆內裡啖啖蝦肉，入面包了紫蘇葉👍同海膽非常夾蟹肉忌廉餅🦀新鲜炸起外脆內creamy😋柚子炸雪糕🍦呢個係老闆全場都會送😋外皮炸到好香脆，內裡雪糕好fresh好濃柚子味總括來講非常好氣氛😍店員老闆非常友善👍食物都新鲜同價錢都合理👍會再來幫襯

第一次來到這點，裝修格局真的像去了日本一樣，牆上四周貼了一些日本的裝飾和海報。第一道菜我們選擇了連子鯛，蓮子調味都新鮮很重鮮味。我們一尾兩食，魚骨用來全炸，每條魚骨也卜卜脆，香口不已，想一吃再吃。龍蝦沙律，是一道很好的頭盤龍蝦肉滿滿的。芝士玉子燒也十分精彩，蛋捲二長方形托盤上枱，來到時十分熱騰騰，每層蛋卷也很厚，吃下後滿足。香芒軟殼蟹卷是最飽的一道菜，芒果新鮮美味軟殼蟹香脆可口。整體來說，這頓豐富的晚餐我們一行三人也飽着肚子回家。

今次嚟到有人大力推薦嘅六本木，老公提早左4、5日訂位，好彩訂到。因為我地準時六點到達，有對情侶諗住一早等開門就一定有位，答案係大錯特錯🙅‍♀️，由於此店不設限時，食幾耐都得，所以夜晚walk in真係難啲，各位想試記得訂位啦！既然無限時就放慢嚟食啦！先由刺身同佐酒小食開始：海膽豆腐，炸赤蝦BB，海膽刺身，水母刺身，紋甲魷魚刺身。刺身係新鮮嘅，師傅刀工一流。海膽豆腐除左豆腐上面嘅新鮮海膽外，豆腐本身都有濃濃嘅海膽味!正呀！赤蝦BB送酒一流呀！唔會炸到乾曬!之後到熱食：串燒，秘製燒牛肉，燒牛肉他他，海膽天婦羅，海老雲丹天婦羅，明太子玉子燒。燒牛肉同牛肉他他都好有驚喜，燒牛肉上枱後，會點著牛肉下面嘅清酒，再燒一燒啲牛肉，牛肉嘅生熟程度剛好，味道相當唔錯。而牛肉他他係經過煙燻嘅，上枱嘅時候都仲見到啲煙，食落口別有一番味道，好想一食再食呀！至於兩款天婦羅都有我至愛海膽，海老雲丹嘅海老真材實料，食到啖啖蝦肉，如果海膽嘅份量再多少少就完美啦！另外嘅淨海膽天婦羅，食到陣陣嘅紫蘇葉味，同海膽非常配合，食完好滿足。玉子燒嘅蛋好嫩滑，入面包住嘅明太子份量啱啱好，明太子味道帶少少咸同辣，而玉子就甜甜地，味道豐富

喺深水埗嘅一間居酒屋，之前並不起眼，今晚岩岩經過想試一試。清酒有好多選擇，首先係枝豆同海葡萄，枝豆比其他居酒屋有心，鹽落得平均，唔會一啲有味一啲無味，海葡萄就比較一般冇乜味道。飛機魚本身想點金時鯛，但岩岩冇貨，結果點左目仁奈，都係唔錯，油分同魚味比較平均，加了魚骨煮湯，非常鮮味。另外點了雲丹蝦天婦羅，加上冰葉，蝦鮮海膽甜，值得推薦。六木本牛牛味重，荔枝豚肉串燒襯非常夾。唯有炸蝦BB量比較小，食到到喉唔到肺。總括嚟講，一間不錯選擇既居酒屋。

洗咗成千蚊，食完嗰晚仲肚痛。😖😖貴價普通貨，質素一般，甚至係難食，性價比低。❌ 牡丹蝦：$60一隻，但同普通連鎖壽司店質素相若。❌ 阿波尾雞胸軟骨：個名特別，但食落係乾，柴。❌牛舌：乾，硬，不值。❌鰻魚飯：都係乾，硬。

呢間店舖好有驚喜，無論老闆、員工、食物和氣氛俾到我一個舒暢既感覺，特別工作緊張和壓力大的城市人。帶了不同的朋友來這店，個個都讚。Vincent 哥，多謝你帶俾我哋既歡樂，好開心。