公和荳品廠

營業中

休息中

凍豆腐花的口感滑嫩而質感結實，食落有淡淡的豆味確實有一種清爽的口感，適合作為甜點或下午茶的選擇。而熱豆腐花則豆味更加濃郁，帶來不同的口感和風味（ps會滿滿的一碗，下圖是凍豆花無咁滿😭）。比較欣賞豆花是完整一碗，而不是一般店舖將豆花一片片放在碗上。另外凍豆漿，有淡淡的黃豆香和順口的口感確實能夠解渴，而且豆漿甜度剛剛好吾會過甜🤭相比於一般連鎖店或超市販售的豆漿，凍豆漿更加濃稠，口感更豐富。🫶🏻

周末黎到 無需等位～大家都係叫碗豆腐花同食個煎豆腐或雙拼就走 流轉得好快 所以都唔駛點等位🙌🏻.｜煎釀豆卜豆腐 雙拼$16每次黎深水埗都一定要食！雙拼有3件炸豆卜同2件煎魚肉釀豆腐.炸豆卜好好食 非常脆口🥹 未試過食咁脆既豆卜煎豆腐就脆邊但入面豆腐好滑嫩 有豆味🙌🏻 表面既魚肉得薄薄一層 比較少 但始終重點係食件豆腐 所以一樣咁好食😆🤣.｜豆辨醬 $22食炸豆卜既重點同精萃就係呢個醬❤️ 辣辣地又甜甜地既香味 好惹味！ 今次忍唔住買左樽返屋企☺️

一直好想試呢間嘅豆腐花,話曬咁多年歷史,又有米芝蓮推介,自然對佢有一定既期待平日星期三下午5點幾到,幾乎滿座.本地遊客各佔一半.點咗一個參拼同細凍豆腐花參拼有魚腐-都ok豆卜-炸得夠鬆脆滑豆腐-算滑既,但唔重豆香味細凍豆腐花-比起坊間嘅唔算特別滑,亦都唔重豆香味.走之前再叫左一杯豆漿試,正常,都係唔重豆味總括呢講,試完一次就夠.食既係情懷,背景多過味道.價錢唔貴,行經可以食,又有得坐,但唔係專登嚟

放工到深水埗買嘢路過, 有啲肚餓, 見到公和好多人食小食, 便入去食豆花同煎豆腐. 豆花有熱/凍/大/細選擇. 煎炸食物可以選雙拼三拼. 仲有豬手、雞翼, 抄粉麵. 多左好多選擇. 座位比較迫, 個個都係食完即走. 翻枱極快.豆花要了走糖(水), 因為我自行加紅糖豆花的豆味略欠奉, 唔算非常滑. 食的是懷舊風味. $11有一小碗, 算係咁. 煎豆腐有豆味的(唔算濃), $14/4件而且有得坐其實已經好好. 主要做街坊生意, 不失為揭一歇腳的好選擇！

作為一個窮遊素食者，搵到呢一間餐廳好開心。上一排發現呢間嘢之後做咗佢哋嘅常客。食咗大概六七次，應該可以寫一個比較中肯嘅review。上一次會係我最後一次食呢一間餐廳，因為我發覺我次次食完之後都心情好chur就算餐廳唔係太多人，可能佢哋慣咗chur人落單執嘢有一種好趕客嘅感覺我本人接受唔到。餐廳衛生一直都唔係咁好好多位都黐立立枱面經常有沒有抹好的汁。最後果次食食吓凍奶凍，有隻死咗嘅烏蠅喺入面。嗰日心情想試吓點知就有粒死咗嘅烏蠅喺底，嗰刻覺得好嘔心想快啲走沒有影相。佢哋見到我咁唔開心都費事同我嘈最後都話好啦呢碗唔計你錢。 一開始佢哋唔係好想，因為見到我食咗差唔多成杯。咁我都要食到底先見到，冇諗過要check成碗豆腐花先開始食㗎嘛。 一句對唔住都冇，淨係保持一個趕客人走嘅態度。當然我會唔捨得佢嘅煎豆腐，魚腐同芽菜。 價錢方便便宜同埋次次都熱辣辣。 但係服務同衛生真係令到我唔想再幫襯喇。食物推介：芽菜，豆腐食物衛生： 不建議餐廳服務： 好chur，好趕客，收銀態度不好。

今日急急趕趕要衝入深水埗，連午餐也未好好享用，當然呢區係咩都有，大食，小食，慢食，快食都得。路過公和，總想入去坐一坐喝一口食一啖荳品……雙腳自然走進去，叫了一杯熱豆漿，再頭了煎釀豆腐。環境多年不變，最愛老舖的桌椅，一排大大的牆壁放了不同的豆品，沒有打算去新店，少了此風味。豆漿清甜好味，真係可以飲3杯。。。而煎釀豆腐就熱辣辣，薄薄的魚肉與豆腐超夾，可以隨便加辣醬，醬油配合自己口味。好想再食豆腐花同埋豆腐雪糕，下次再試。#真係味道不變#豆製品健康好味#無負擔進食#減磅食飽之選#下次再嚟的藉口

今日和友人試食豆腐花，排隊排了約十分鐘就有位了！店內環境好逼，店員都不會抹枱，所以枱面很污糟！我們張枱沒有筆，所以畫不到點餐紙。當我們叫一名男店員落單時，他要求我們畫點餐紙，友人說沒有筆，男店員面口非常難睇，很不想落單的樣子，非常沒有禮貌！我們點了熱豆腐花、凍豆腐花和煎釀豆腐！豆腐花很滑，但我們食不出豆味！煎釀豆腐同樣的，豆腐很滑，但沒有豆味！我們還以為應該會有豆味，但竟然沒有！綜合擠迫環境、污糟枱面和地下、價錢、店員態度，基本上不會再來幫襯！

周末無咩計，閒來無事嗒個轉，就行到公和荳品廠門口。入去後，一股微微的豆香味撲鼻而來，心諗：今次一定要食返碗熱辣辣豆腐花呀！點了碗熱豆腐花，端上枱個瞬間，見到佢嗰滑溜溜嘅面頭，光滑得黎照得見人影👀，一試之下，果然係入口即溶，一啖熱辣辣豆腐花，冬天嘅涼意頓時消失無蹤。豆味正宗，黃糖嘅甜味又岩岩好，甜而不膩。轉個頭，又來一碟煎釀豆腐，金黃撲鼻，香噴噴嘅。豆腐鬆軟得嚟帶有彈性，魚肉餡香滑得嚟又透著鮮甜，外層微微焦脆，啖啖肉香，真係惹味到不得了🤤。呢個組合簡直係無敵，鹹香嘅後勁令人唔自覺又夾多一塊。臨走前，忍唔住又攞咗碗薑汁荳腐雪糕🍦，清新嘅薑香味咁啱解膩，仲有微微嘅辣味，撞上濃郁嘅豆味，雪糕滑溜又清涼，係個完美Ending。總括嚟講，公和嘅豆製品真係做到心意意，開心！下次再黎，一定要試埋其他嘢！

喜欢豆制品的朋友真的可以尝试一下推荐豆花 黄糖是灵魂 可以自己调节糖度姜汁豆腐雪糕🍦真的很好食 是一股非常浓郁的豆奶味其他还试了清炒芽菜 没什么特色 但是清清爽爽的双拼选择了煎豆腐和豆脯 感觉煎酿豆腐更好食 也不油腻总体感觉非常实惠 简简单单解决一餐 也没什么负担

今天心血來潮，決定去光顧個傳統豆品店，話說呢間店真係有幾分人情味。餐單上嘅三拼系統，一樣樣都順滑過人。炸包心丸，外皮鬆脆，咬落去「卜卜聲」，內裡嘅魚味噴香，隨時香過鄰居嘅花花。豆腐花，簡直係豆之魂魄，絲滑得滑過朱古力，淺淡嘅糖水搭住一啖，啱晒夏日解暑。至於凍豆漿，就真係正宗！厚味到，飲落好似舌頭掃過豆田咁濃〝豆〞迷人，味道真心不錯。一轉眼間嘅小歇，就係咁樸實又滿足。如果你嚟到深水埗，記得嚟呢度坐坐，嘆下呢啲地道小食，真係正！🍮😋🛵

🌻煎釀炸荳朴🐱走入公和荳品廠，一陣香氣迎面撲嚟，真係令我口水直流，每次行過都一定要入去放低廿蚊，老闆都認得我。我今次揀咗單拼煎釀炸荳腐朴，佢嘅外皮煎得金黃酥脆，好吸引。一咬落去，外脆內軟，加埋豆香味，真係好好食。每一口都令我好滿足，真係唔能夠停口。其實  唔止有煎釀炸荳腐，仲有好多其他嘅食物，魚腐、雞翼、牛肉球、荳腐花，真心可以每次都有唔同選擇!! 真係希望佢地可以一代傳一代長做長有呀!📍 公和荳品廠深水埗北河街118號地舖⚡️為食貓：😻😻😻😻⚡️氣氛貓：😹😹⚡️翻食貓：😸😸😸😸😸

眼見收銀外賣落單唔專心，同時落錯唔止一樣嘢，又賴個客，呼呼喝喝，嚇怕人，65年幾努力都好，前人種樹，不乏顧客，但如果能改善埋D態度，先值得支持．．．．．．考慮埋豆製產品其實只是不過不失的水平，很多香港小店都能做到嘅味道，日產豆製品也能代替，客人又何必專登去受氣！除非只做舊熟客，食回憶，否則本地客也不用專登出去嘗試．．．．．．至於衞生水平，只是一般般人，天氣咁凍，大大隻蒼蠅🪰飛來飛去，眼不見為淨⋯⋯

Weekend經過深水埗過尼試下，都幾多人，座位都較細同迫，不過呢個價錢絕對可接受啦。參拼 (16$/5件) — 有豆腐、豆卜、魚腐，最愛都係個豆腐，好滑，豆卜都唔錯。熱豆漿 (10$/杯) — 叫咗甜的，都唔係好甜，豆味濃！熱豆腐花 (13$/碗) — 好薑糖豆腐雪糕 (14$/杯) — 呢個必點，個雪糕質地好特別，豆味香濃又唔太甜，薑糖都好夠薑，食得出係新鮮薑整的。咖哩魚蛋 (8$/3粒) — 汁ok但魚蛋係凍的，扣晒分。魚蓉燒賣 (10$/6粒) — 都係一般的燒賣。

🇭🇰公和荳品廠 🥛 如果喺銅鑼灣 我通常都會食人和荳品廠嗰日去咗深水埗 就試吓呢間老字號公和荳品廠先嗰日去嘅時候都好多人食好彩咁啱有人食完先有位坐座位係有少少窄不過勝在裝修夠地道懷緬一下舊時香港嘅感覺都唔錯凍荳腐花 $13行街行到熱到想食返啲凍嘢同埋我食凍豆腐花多啲感覺會滑啲 嫩口啲咁細細個 果時食已經好鍾意落黃糖好玩又好食🤤凍豆漿 $10幾香口 唔錯最重要係夠凍呢啲港式老店愈黎愈少啦大家可以多多支持下🥹

同媽咪係深水埗行街，行行下有d 餓就去咗呢間小店到食野。一入到去已經見到入面好多食客，差唔多滿座，好熱鬧。我地叫咗d 小食，雙拼（豆腐+魚腐），芽菜，豆腐花，豆漿，仲有豆腐奶凍！全部食物都好有豆味，好新鮮，而且仲好滑！豆腐奶凍幾得意，值得試試。