公和荳品廠

營業中

休息中

去開深水埗買嘢，去到玩具街附近經過見到公和荳品廠，不過好耐冇去食過嘢，雖然都好多人但係見咁啱有位坐，趁未開始買嘢之前食下佢哋嘅豆腐花先。叫咗大嘅熱豆腐花同埋一碟豆卜。豆腐花仍然保持到佢嘅水準，仲有黃豆嘅香味，同埋其實覺得比以前好咗，因為嚟到嘅時候真係熱嘅，以前試過嚟嘅時候完全唔熱，所以覺得係進步咗嘅，我加埋啲黃糖落去食，香味更加濃郁。至於個炸豆卜，佢話因為一路都放響個煎爐嗰度，所以嚟嘅時候都係熱熱地嘅，同埋都係脆嘅。

公和荳品廠 - 深水埗同小朋友輕食下午茶！老字號公和荳品裝修過後環境寬敞光猛～🔸凍豆腐花軟滑滑溜，連小朋友食落都話好味過平時連鎖式甜品豆腐花店！🔸叄拼（釀豆腐、豆卜、魚腐）釀豆腐：新鮮豆腐配上魚肉，淡淡豆香豆卜：外皮鬆脆，內餡豆腐都飽滿魚腐：魚腐裏面有少少豆腐同魚肉，外脆內軟🔸凍豆漿選擇無糖，非常順口，濃稠適中！總括🔹傳統的味道，算係健康輕食下午茶之選！

今日放工，未有時間多弄餸食，路經深水埗的公和荳品廠，一於就加餸~煎釀荳腐。買了十塊共$36元，外賣可添加附送鼓油及辣醬伴食，但我更喜歡吃原味荳腐。這款煎釀荳腐加餸簡便可即食，節省再烹飪的時間，荳腐本身就是一種營養豐富的食物，富含蛋白質和礦物質，對健康非常有益。這款煎釀荳腐更是將荳腐制成小巧的塊狀，方便攜帶和食用。不管是作為快速午餐還是晚餐的主菜，煎釀荳腐都能滿足您的口腹之慾。

不怎麼會去深水埗的我，看到米芝蓮百年老店，不禁進去探個店，嘗過後有點失望，豆腐花夠滑，豆漿也有豆味，但其他就一般般了，豆腐煎得不够香，燒賣粉菓放蒸籠太久了，皮也乾水了⋯⋯

今日要過嚟買電視零件, 第一樣諗到嘅就係要去兩間老舖支持一下. 腸粉嗰間變得乾淨整齊, 收銀店員亦都變有禮貌, 喺呢邊唔多講但抵讚.第二站就去呢間豆腐老舖, 知道一個人唔食得多, 叫咗一碗細豆花同釀豆腐, 最後有兩舊豆腐食唔曬, 又唔想浪費, 於是特登嗌多盒炒麵行街, 放埋落去一齊拎走. 瘦男店員寫單39蚊我睇錯細豆花七蚊碗, 於問係咪收多咗? 個瘦男人就用啲一貫粗聲大氣的「香港特色」手指指話「你睇清楚啲先啦」! 我話三樣野14+14+7唔係$35? 再講「你睇清楚啲先啦」, 就係唔肯講細豆花係11蚊. 我相信一定有人話我有錯在先, 投訴甚麼! 我嚟你舖頭光顧要數學第一, 要背曬你哋個價錢牌? 你哋食肆從來唔會計錯數收多錢? 我問多句保障自己好合理. 話我錯嗰啲一係自己做服務都係咁曲街, 一係未享受過正常的服務.呢啲曲街服務, 真係香港獨有! 全世界都冇啲咁樣鬧客人嘅服務! 呢啲店員嘅底層心理, 大概就係窮得好唔開心, 唔想做又要做, 所以做野悔悔氣氣同老細倒米或攞啲顧客嚟出氣! 最好笑嘅係仲有一個習慣現象, 就係對你粗聲粗氣之後, 會即刻對下一個顧客特別好語氣, 想証明唔係佢有問題,

📍公和荳品廠只餘下現在的深水埗北河街舖。近港鐵深水埗站B2出口，眼睛遠望偏右看，便看到公和的大寶號在大廈的外牆標誌着，那就是公和的所在處👇🏼熱豆腐花(細)$11，豆花質感幼滑，且有淡淡的豆香，當然要加不可或缺的黃糖，慢慢細嚐香滑甜美的豆腐花👇🏼珍寶炸魚蛋(2粒)$13，說得珍寶當然如乒乓波般大，爽口彈牙，外皮脆香，但不油膩👇🏼煎釀豆腐(4件)$14，豆腐面微微脆，豆腐內裏軟滑好吃👇🏼外賣了四隻瑞士汁豬手$22回家，是兩隻豬手和兩隻豬腳，size是大的，卻不夠淋。雖不夠淋，但在每樣物價都昂貴的香港，可以用$22買到四隻豬手，實在不錯呢👇🏼食品價目紙

傳統味道去開深水埗又經過公和，就入去食返碗豆腐花。公和有兩個鋪位，一邊細啲懷舊味重啲，似係舊鋪，另一間地方又大裝修又大，不過兩邊都係坐得好逼，食完快快走人唔坐得耐😂😂同行朋友叫咗熱豆腐花，我見天氣仲係熱就叫碗凍無糖豆腐花。Err…雖然叫凍但上到嚟係屬於室溫狀態，有豆味同豆香又夠滑，不過下次都係揀返熱食可能會更好🙈🙈公和荳品廠 (深水埗)深水埗北河街118號地舖#hk #hkfood #foodie #hkfoodie #foodstagram #instafood #foodlover #hkrestaurant #travel #hktravel #hklife #香港 #香港美食 #香港餐廳 #豆腐花 #公和 #深水埗

星期日店內坐滿人, 顧客絡繹不絕。一個人叫咗個雙拼(煎釀豆腐加魚腐)同凍豆漿。煎釀豆腐同以前一樣好食,豆腐好滑夠晒豆味,但魚腐就…唔知食緊咩,太炸、好油、好鹹…豆漿太甜,下次都係叫無糖, 唔知係咪太多人食嘢嘅關係，杯豆漿一啲都唔凍！

今日周末去到深水埗買隻game，買完game緊係食埋個午餐先返屋企慢慢打。之後就去行下福榮街、福華街睇下有無啲咩嘢係啱食嘅，文記車仔麵又排到長長嘅龍隊、劉森記又唔係咁想去食、周記油渣麵又唔係好想食到咁heavy。咁去到都無乜嘢想食，前面抬頭就見到，有間公和豆品，想去食得清淡嘅我，實在真係啱晒河車！佢果度有兩間舖嘅，然後中間有條巷仔，我就揀咗係巷仔度坐，之後叫埋嘢食。一碟叄拼、一碟炸包心丸。消費都貴，呢家埋單都$40但真心係好食嘅！支持本土小店！

🎐公和荳品廠 (深水埗)📍深水埗北河街118號地舖星期一至日｜0700-2100-大無糖豆腐花（熱）$13最好食嘅豆腐花 好滑 放入口1秒吞咗 淡淡的豆味-參拼(荳腐/荳朴/魚腐各2款）$18/6 現場食幾乎個個都有嗌個人覺得豆腐配魚肉最好食 豆腐好滑好有豆味 魚肉一細塊偏重陳皮味豆卜切開一半去煎 都幾有口感反而魚腐麻麻哋 佢係打碎左啲豆腐同魚肉 一齊攞去煎 偏乾身-少糖凍豆漿（大）$17 好好飲佢個質地係有少少濃稠感 飲得出好足料 少甜嘅甜度大概係平時嘢飲嘅50% 都接受到！可嗌無糖兩個人飲啱啱好-

🇭🇰Hong Kong - Sham Shui Po📍公和荳品廠香滑荳花荳漿_____________________________嚟到深水埗第一件事就係去食公和，好細個嘅時間係深水埗住，到之後搬離左呢個地方，再去到小學每星期媽咪都帶我去深水埗練舞。每次都一定會去公和。呢度簡直充滿童年回憶。每次嚟一定係食熱豆腐花同一杯凍豆漿，好濃郁嘅豆味。每次食豆腐花一定要配上大大羹黃糖。另外，發現到今次有新品豆腐雪糕同布丁但食得太飽決定下次再嚟試。每次嚟到都係源源不絕嘅人嚟食同買豆製品。📍 深水埗北河街118號地舖

我去咗公和豆品廠呢個老字號！真係由BB仔就開始食，食咗幾十年！第一次寫食評！今日下午茶時間過去，唔係好肚餓，所以只係叫咗杯凍豆漿同埋炸魚腐！凍豆漿好好味，唔使多講，炸魚腐真係我每次嚟都會叫，有時食三併都會留到魚腐最後食，因為入面有香濃嘅豆味，同埋炸得香脆，真係令人回味無窮。公和豆品廠嘅凍豆漿真係一绝，濃郁豆香，冰凍得剛剛好，一口一口飲落去，清爽又滋味十足。而炸魚腐就更加令我驚艷，外層炸得金黃酥脆，一咬入口，豆腐內裡鮮嫩，帶有豆香和魚的鮮味，絕對是我口中的經典美食之一。公和豆品廠作為一個老字號，他們的食物質素從未讓我失望。每次嚟到呢度，就好似回到了童年的味道，讓我感受到濃濃的家的溫暖。無論係凍豆漿定係炸魚腐，他們都保持著一貫的優質水準。今日睇openrice 先發現原來佢已經有好多好多間分店執咗笠，好希望呢一間可以一直維持下去！要撐住呀！

行到身水身汗，最想食凍既野～ 係深水埗就會諗起食豆腐花😍一碗大凍豆花係常態，但今次🤣🤣🤣 見隔離檯食雪糕又想食雪糕，薑糖豆腐雪糕，食到荳味，薑糖可以再薑點。忘了加黃糖 會更好口感。

細個既時候，媽咪會帶埋我一齊係到食豆腐花、煎釀豆腐今次重遊舊地，裝修後，招牌，地板，枱櫈仍然冇變，回憶返哂黎，坐低後即刻叫返兩碗熱豆腐花🥄熱豆腐花熱辣辣既豆腐花，仍舊香濃、香滑，加少少黃糖，豆味再濃郁，食極都唔會厭📍公和荳品廠

米芝蓮必比登推薦百年老店荳品廠，超好味煎釀三寶豆腐花👍🏻🔻熱豆腐花 (大) 💰13 ➡️7.5/10熱食先可以品嚐到更加濃郁嘅豆香，豆腐花非常柔滑細膩，一擺落口好似就黎融化咁，加上小小黃糖，可以成為我嘅comfort food☺️🔻煎釀三寶 (豆腐、豆卜、魚腐各2件) 💰18 ➡️8/10煎釀三寶好絕，啱啱煎出黎熱辣辣香噴噴👍🏻特別係豆腐，外酥內軟，可以食到入面超級嫩滑嘅豆腐，再加上特製嘅醬汁，真係食得好滿足😍🔻豆漿 (大) 💰10 ➡️7/10 豆漿反而冇咁濃荳味，不過都幾順滑，夏天飲返枝消暑解渴💦公和荳品廠始創於1893年，至今已經有超過一百年歷史，係名副其實嘅百年老店👍🏻食客絡繹不絕，唔單止街坊食，都有好多遊客慕名而來，所以大家路過深水埗可以不妨黎試下👍🏻👅味道：7.5/10💡性價：8/10📌環境：7/10