八沢 (筲箕灣東大街)

營業中

休息中

去完鶴嘴行山，成身汗好想食啲清清地嘅嘢，於是嚟咗呢度。本身以為呢啲食烏冬嘅新派小店通常都係好細間，人夾人好迫咁坐，入到嚟又唔係啵，仲有卡位添，所以印象分已經加咗。坐低叫咗個大家都推介帶子芥末果醋冷烏冬，一嚟到：嘩～啲帶子超大隻，仲有三隻添！入口冇沙冇粉，都幾新鮮，保留到帶子嘅鮮味，唔錯。呢度用嘅烏冬係幼身扁扁地嘅，本身比較鍾意食粗身讚歧果隻，因為覺得有咬口啲，但呢款幼身嘅又出乎意料地好食，比食過嘅稻庭烏冬爽口少少，用嚟做冷烏冬真係一個好好嘅選擇。好，點一點果醋，原來已經撈咗芥末，撈得非常均勻，味道岩岩好，唔會話一啖辣啲一啖冇咁辣；加上果醋嘅酸酸甜甜，兩者好夾，令成件事更加清新，就好似返咗去日本食最簡單果種冷烏冬咁，唔需要複雜嘅用料同煮法，非常簡單嘅味道，但就因為互相平衡，所以全部食材嘅鮮味都出晒嚟，甚至提升咗，呢種Fresh嘅感覺真係好開胃。雖然只係食咗一樣野，但對呢度嘅感覺好不錯，會再返嚟食。

八沢📍.去到筲箕灣 E.L每次都會行到東大街附近覓食貪佢食店集中多樣揀 可以慢慢諗.今次就試左間日本菜🇯🇵食店裝修比較懷舊 都幾骨緻感覺唔錯📸.🌱芥末果醋帶子冷烏冬（$82）清新之選🍀烏冬彈牙有口感 加埋酸甜既果醋食落好開胃 如果蘸埋少少wasabi 口感更多重 味道幾特別😋凍食既帶子新鮮彈牙 仲好大隻下👍🏻.🐟黑松露忌廉海鮮烏冬（$92）一上台已經聞到香氣撲鼻忌廉香味勁濃 配上有質感嘅既烏冬勁夾😍湯底帶有黑松露既香味 兩者混合如夾又香濃 好好味👍🏻仲有彈牙既帶子同三文魚做配料 整體表現高質 值得推薦💁🏻‍♀️.另外仲試左明太子雞翼（$42）同黑豚生蠔燒（$78）一樣足料好味 一啲都唔失禮🙈.同時仲試左佢地既蜜柑味draft beer（$62）🍻飲落帶有柑味既甜味同清香 加上啤酒既獨特香味 甜中帶香 超好飲.總括而言整體食物表現高質 裝修都幾靚難怪大受筲箕灣街坊歡迎有興趣既朋友記住早少少排隊攞位啦👣.人均消費：$180美味指數：😋😋😋😋😋😋😋（8.5/10）抵食指數：💰💰💰💰💰💰💰 （8/10）打卡指數：📷📷📷📷📷📷📷（7.5/10）.店名：八沢 (筲箕灣)地址：筲箕灣筲箕灣東大街59-

芥末果醋帶子冷烏冬🍅 HKD82果醋令人胃口大增，加上些少芥末，意想不到咁夾🤤👍🏻夏天食就啱晒。烏冬質感彈牙，帶子口感亦唔錯、size比想像中大👍🏻好食指數: ⭐️⭐️⭐️⭐️打卡指數: ⭐️⭐️⭐️大份之數: ⭐️⭐️⭐️⭐️抵食指數: ⭐️⭐️⭐廣島蠔肉碎烏冬🦪 HK88有四粒飽滿嘅廣島蠔，新鮮鮮甜，沒有腥味👍🏻湯底不錯，有濃郁的昆布味和肉碎味，再配合質感彈牙嘅烏冬一齊食，正✨ p.s小編將所有湯都飲晒🤤👍🏻好食指數: ⭐️⭐️⭐️⭐️打卡指數: ⭐️⭐️⭐️大份之數: ⭐️⭐️⭐️⭐️抵食指數: ⭐️⭐️⭐

📍八沢📍Hachi Sawa ..🇭🇰香港筲箕灣筲箕灣東大街59-99號東威大廈地下7號舖🇭🇰Shop 7, G/F, Eastway Towers, 59-99 Shau Kei Wan Main Street East, Shau Kei Wan, .人均消費: HKD165.味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.門面不起眼，總覺得與東大街格格不入的日式餐廳，又怎麼想到有如此高質的食物，而且一直少人提及⚠️八沢開業應該都兩三年，一直都沒有要一試的感覺，始終筲箕灣日本菜好吃的少之有少，更何況新派日式Fusion菜 要立足於東大街談何容易.八沢不是主打正宗日本菜，感覺比較多元化，門面和餐廳裝潢都幾特別，主要木系風格，有好多感覺懷舊的飾品，感覺舒服，亦有少許居酒屋的感覺💕.🍱一桶厚燒鰻魚玉子飯 ⭐️ HKD198鰻魚玉子飯為二人份量，實際為三人份量😳鰻魚好靚，燒得很好啊！又多汁又入味，而且份量都挺多玉子是滑蛋那種，所以配蛋不錯！飯好多，多得吃不完，幾5個人食剩差不多兩碗飯🙈.🍜黑松露忌廉海鮮烏冬 💯 HK

又去咗「八沢」喇😋😋呢度嘅手打烏冬真係世界級好味😛😛烏冬控嘅一定一定要試試😚上次試咗招牌黑松露忌廉海鮮烏冬，今次試吓其他嘢🥰-🍶芥末果醋帶子冷烏冬🍜-手打烏冬一向係八沢嘅招牌🤩原來佢無論熱定冷烏冬都咁好味😍😍間唔中會食冷麵或冷烏冬，但出面嘅冷烏冬通常又乾又硬，搞到我對冷烏冬冇咩好感🥵但呢個真係整得好好味😍😍 凍嘅手打烏冬依然好滑好彈牙，好煙韌，軟硬度啱啱好，又唔會乾😚凍食涼浸浸嘅口感好新奇，平時有啲驚Wasabi🥵但撈左落果醋之後，果醋嘅酸甜味令wasabi冇咁kun，容易入口好多👅酸酸甜甜中帶有少少wasabi辣，啲手打烏冬將醋索晒，好多汁好正！🤩佢仲有3件好大塊嘅帶子，好鮮甜好好味🥰🥰流心蛋都好滑好香，煮得啱啱好😚😚-評分：8.3/10 價錢：$82-🌿香葉煎蛋肉碎飯🍳-如果唔想嗌日本嘢，呢度仲有提供泰國菜，但好似淨係杏花邨分店有🧐(唔肯定) 呢個好足料好香🥳煎蛋嘅脆邊好好味，蛋黃係流心，超正🍳肉碎四季豆同辣椒香料一齊炒🌶好香好入味🥰但對比冷烏冬就冇咁有特色🤣因為始終係好common嘅泰菜，可能唔少人都食過，但佢真係整得幾唔錯🇹🇭任何主菜加$8就有泰式奶茶/龍眼冰😋-評分：8/10

本身唔住筲箕灣 所以都好驚山長水遠黎到d野會伏🥴 但係結果出乎預料之外 雖然等嘅時間有少少耐 但覺得係值得嘅🥰皇牌嘅烏冬真係好好食 湯雖然係用忌廉製作 但一d都唔覺得滯 反而好清好好飲 烏冬嘅粗幼度適中 而且黑松露好多 味道都好濃 結合埋一齊嘅時候成碗野都好make sense地好味相比之下拉麵就好一般 豚肉太肥太硬 流心蛋太熟 麵都好普通 所以不太推薦 唯一好嘅就係黑蒜味都濃 但並不足以令拉麵可以得到升級所以 非常推薦呢間野嘅烏冬 會想繼續試其他口味嘅烏冬！

無論是門口，還是室內環境都佈置到尤如日本的居酒屋似的。店內全用木造傢俬及碗碟器具，感覺簡約得來又不失和風色彩，環境甚好。同時他們的食物也是非常好吃，尤其是黑松露雜菌芝士烏冬，這種fusion的感覺佷新鮮，而且這個配搭出奇地match，讓人有種耳目一新嘅感覺。另外，他們的串燒厚切牛舌的那種油香令人齒頰留香，柔軟的口感更讓我們欲罷不能。值得一說的是，他們的豚肉燒廣島蠔味道互相襯托，沒有搶去各自的味道之餘，為我們帶來一次味蕾的衝擊，完全擺脫了一般燒蠔的味道，讓我們非常深刻。

住筲箕灣幾年，知道呢度多野食，但係未能夠一一去試。今次嚟到呢間八沢，之前經過好多次，都有想過入去食，但總係好似好多人，地方睇落去又暗又細。今次因為疫情關係，好似人少咗，又想去幫親下小鋪，就走咗入去。我係好喜歡試新野，所以就叫咗個"芥末果醋帶子冷烏冬"。冇唸過芥末同果醋竟然可以咁夾，食出嚟嘅味道好有趣。友人說第一次食要試最地道食品先知道呢間鋪嘅質素，所以叫了個最普通嘅"豬骨湯叉燒拉麵"。點知味道不錯個湯好creamy，叉燒是我食過日試叉燒裡面最好食嘅。

Lunch 嚟食，入面坐得幾舒服，冇急急趕你走叫左個鯛魚腩飯，多汁，又香又滑又好味，腩都有好幾片，非常滿足之後送左杯飲品，味道有d 怪，我就麻麻地啫下次要試其他食物

「八沢」主打手打烏冬😋鍾意烏冬嘅一定要試試😚尤其係以下介紹嘅招牌黑松露忌廉海鮮烏冬✨🥰🥰-🍜 黑松露忌廉海鮮烏冬🐟-呢個烏冬係「八沢」嘅招牌✨烏冬係手打嘅，好彈牙，好煙韌😋軟硬度啱啱好🤩入面有好多塊厚切三文魚、同埋兩舊帆立貝等，好多料🐟忌廉湯底濃郁，好creamy😍簡直係成道菜嘅精華⛄️每一條烏冬都滲入左湯嘅精華，所以好入味，怕肥嘅可以飲少啲湯，因為淨係食烏冬都feel到浸濃郁嘅忌廉味😛-評分：8.5/10 價錢：$92-🍳日式滑蛋叉燒飯🥩-日式嘅叉燒果然係唔同啲😋炙燒日式叉燒好正🥳足足有四件叉燒，肥瘦均勻，肉質鮮嫩，配醬汁同飯簡直一流👅滑蛋都幾滑，飯都煮得唔錯，唔會太稔太濕👀但我覺得始終唔夠有特色🤣🤣招牌烏冬正d🤩-評分：7.8/10 價錢：$68-📍 八沢 筲箕灣 銅鑼灣📍-

Forever and ever Ramen自問都幾鐘意食烏冬同拉麵今日收工比個老友話帶我去食好西今次去左八沢到食我地分別點左一個黑松露忌廉海鮮烏冬 芥末果醋帶子冷烏冬 金菇 包 同埋大蔥雞串黑松露忌廉海鮮烏冬: 個湯底好creamy 同埋食落有好香濃既黑松露味 配料方面有帶子同埋三文魚 全部都好足料 芥末果醋帶子冷烏冬: 個冷鳥冬酸酸甜甜好開胃 同埋帶子又大粒又鮮甜 烏冬好彈牙有咬口金菇包都係誠意推介有好香濃既牛油味 同份量都比較大 夠兩個人食@hachisawa.superbLocation: Shau Kei WanPrice (10 is expensive): 6/10Yummy (10 is yummy): 7/10

拍拖一周年，男朋友特登睇咗好多食評，搵到呢一間人氣極高嘅日本餐廳慶祝。我哋嗌左一款招牌菜：「黑松露忌廉海鮮烏冬」。本身都預計黑松露同忌廉湯會好夾，因為濃郁嘅黑松露味先可以帶出忌廉奶油嘅鮮味，但飲落去先發現真係會咁夾！！！哩個要歸功比店主煮得好出色嘅忌廉湯，湯味濃郁得來唔會太「流」，係用咗好多唔同嘅材料炮製而成，係傳統西餐廳，一碗靚嘅忌廉湯都要幾十蚊，呢度幾十蚊就可以飲到靚嘅黑松露忌廉湯，而且粒帶子勁大粒同埋厚身！！！另外，我哋嗌左正之選-「清酒雞肉竹笙烏冬」。因為「清酒雞肉竹笙烏冬」係之後先上，如果單獨來講佢都好好味，不過前面食咗「黑松露忌廉海鮮烏冬」，整體對比太大，所以令到後者有啲黯然失色……我期待清酒可以突出多啲，可惜被紅棗味蓋住，令成個湯偏甜。紅棗加蟲草花、桂圓，比較中式嘅煮法，好滋補。不過，啲烏冬吸咗個湯之後，又幾夾咁，都幾好味。第一次出街食湯烏冬，連湯底飲晒

今日同朋友行完龍脊，坐返的士落去東大街搵野食。星期六下午六點幾去到，唔洗等位。揀呢間餐廳原因係有啤酒飲，野食又唔係貴。我就點左廣島蠔肉碎烏冬，我覺得幾好味，原因係1. 湯底清得黎有濃厚昆布味2. 廣島蠔烚得好滑嫩，時間掌握準確。3. 烏冬稍軟，合我口味。另外我點左Honey Beer 飲落有咖啡，蜂蜜既香味，幾特別。環境-檯有點小，會頂到坐對面朋友隻腳，感覺有點逼，不過二人都可以坐卡位，算唔錯服務-侍應態度ok, 執碟速度可以接受

咪食住但係我想話一個番茄沙律先切咗幾片，都要32蚊，搶錢咩？食物就普普通通，但係真係都好貴囉，我覺得無必要去到咁嘅價錢，以架訂外賣都要咁貴？沙律真係好離譜，唔會再訂你地呢間！

今日同老公兩個人去搵嘢食，黎到熱鬧嘅東大街，唔知食咩好，但係比呢間餐廳嘅餐牌吸引左，我哋坐低之後，叫咗一個青咖喱同冬陰功青，咖喱味道啱啱好，唔太辣，啱晒我口味，而冬陰功就令人越食越開胃，最驚喜嘅係啲海鮮都幾鮮甜，以後去搵嘢食，又可以多一個選擇啦。