八方庭

營業中

休息中

好耐未同屋企人食餐好嘅，今日就決定同屋企人試下呢間八方庭。之前都一直好想試，因為見佢環境幾闊落舒適，啲嘢食又幾啱食。🦐🍤鴛鴦蝦球係8粒炸到金香鬆脆嘅蝦球。首先賣相已經好吸引，其中4粒係放喺匙羹上面，就好似生動嘅魚尾咁；另外4粒係中間，上面有橙色嘅醬汁，令顏色更加豐富。外皮非常鬆脆，內裏嘅蝦肉都非常豐富，彼此配合得幾好。🍗🥓辣子雞脆大腸滿滿嘅辣椒同配料有好滿足嘅感覺。上面幾舊香脆金黃嘅脆大腸，未食都聞到香味。咬落去有陣陣嘅油脂香混合小小嘅辣味，成個感覺好豐富。如果唔鍾意食腸都可以食下佢啲雞肉，同樣鮮嫩香辣。🍲🐂川味水煮牛肉再試下啲牛肉，同樣辣味十足，愛辣之人一定要試下。質感方面牛肉唔會太韌，味道亦係剛剛好，有一種川辣嘅風味。芫茜同辣椒組成嘅湯底都別有一番風味。🍖🐷叉燒拼燒腩仔跟住試下豬肉。呢一味燒味我覺得唔錯，都可以試下。叉燒同燒肉都唔會太多肥肉，肉質亦唔會好嚡口。環境：🌟🌟🌟🌟/5食物：🌟🌟🌟🌟🌟/5服務：🌟🌟🌟🌟🌟/5

呢間裝修得唔錯既中菜館係屯門，幾大間，都多位坐，茶具餐具都幾靚，幾有心思既設計。蜜汁脆薯牛仔粒🐮牛仔粒嫩得黎有啲筋位有啲肥膏，都有咬口，而且充滿油香，佈滿芝麻，除佐有牛肉本身既肉香仲有蜜糖香，同埋甜薯一齊脆炒，特別惹味！鴛鴦蝦球🦐蝦球都用薄薄既炸粉包住炸脆，本身就已經好香脆，一半係用蜜糖調味，甜甜地好滋味，一半就用千島醬調味，酸酸地再夾埋青瓜一齊食，反而更加特別，味道好有層次！德國脆皮豬手🐷豬手已經拆晒骨切好一塊塊，豬手皮炸到脆晒，咬落索索聲，但豬肉又唔會好鞋，反而幾嫩，腍腍地，再加啲脆蒜咁食，更加香口！蓮藕煎肉餅🧆肉餅都幾大塊，又厚身，不過啲肉唔會好實，相反幾腍，有啲肥肉有啲瘦肉，肉味更濃，口感更有層次，蓮藕就爽脆既，煎到脆香可口！

琴晚收工叫埋屋企人行去屋企附近呢一間酒樓食飯，試咗好想食嘅酸菜魚，其他小菜質素都唔錯。🔸老壇酸菜魚（桂花魚）平時都有食開酸菜魚，覺得呢間整體質素都唔錯，魚肉雪白又嫩，份量仲好多，酸菜又夠酸，辣味又啱啱好，酸辣嘅味道好平均。🔸蓮藕煎肉餅蓮藕煎肉餅啖啖肉，仲咬到粒粒蓮藕，口感非常豐富，而且仲肉汁滿滿，非常邪惡！🔸泡椒鳳爪泡椒鳳爪酸酸辣辣，非常爽口皮夠韌，好好嚼！🔸豉椒鵝腸豉椒鵝腸炒得好惹味，有小小辣辣地加左豉汁，真係好入味！

🍴餐廳：八方庭📍地址：屯門屯門鄉事會路2A號H.A.N.D.S N區2樓N-225號舖首先講下呢個商場，真係唔知點解要分咁多個區，搵到迷路都未搵到間舖頭，喺二樓又有分二樓同埋二樓半層。。。餐廳其實唔錯，但係要咁麻煩先上到去，真係會好趕客。呢度食物都好大碟同埋睇得出用心裝飾，點心都偏向高檔大概30-50元一個點心，燒賣48元三件貴了一點，今次最驚喜是點了一個菠蘿炒飯，特價78元，是我吃過最好吃的菠蘿炒飯，飯真的吃到菠蘿味，有加菠蘿汁去煮，好好味，其他點心都算ok唔錯，兩個人消費$300。

屯門牛👶🏻琴日慶祝牛媽👩🏻‍🦱生日，帶左牛爸牛媽去食八方庭👶🏻👩🏻‍🦱👨🏻‍🦱👩🏻‍🦱 一見到間餐廳嘅佈置，就好舒服😌👶🏻 最愛嘅係翡翠炒龍躉球同川辣口水雞💖翡翠炒龍躉球嘅西蘭花清甜得黎又爽口，龍躉球香口得黎唔熱氣～川辣口水雞夠麻辣，👶🏻 中意食辣，更中意麻辣，口水雞嫩滑爽彈😍😍😍😍👩🏻‍🦱 最愛嘅係污糟龍躉蒸雞，👶🏻 覺得污糟龍躉蒸雞啲雞好滑，淋啲豉油上去，真係超好食嘅正宗粵式滑雞 👶🏻❤️👨🏻‍🦱 最愛嘅係川椒豬手，👶🏻 覺得川椒豬手好好咬，啲軟骨咬感好舒服，係令 👶🏻 想不停咬嘅一味餸 ❤️👩🏻‍🦱 對今次嘅生日飯好滿意，仲話黎緊 👨🏻‍🦱 生日嗰陣要再黎！👶🏻 都覺得八方庭無論環境定美食，都好適合生日聚餐！下次👶🏻👩🏻‍🦱👨🏻‍🦱 會再黎，八方庭，see you👶🏻❤️

樓面服務，猶如垃圾一樣職員上菜,佢件衫會掂到嘢食；對食物衛生有要求嘅，千祈唔好去職員態度，問一句會串你幾句；仲衰過唔講嘢樓面嘅同事自己傾偈，細聲講大聲笑，尤其是係男職員，仲會勁多粗口；有小朋友嘅唔建議去；想正正常常食餐飯都要無端端聽粗口啲咁嘅服務態度，食物味道OK都幫唔到可能佢哋淨係想服侍啲熟客廚房，我覺得OK嘅魚係新鮮炒飯都炒得好食燒味正常發揮雞嘅味道就一般不過樓面咁樣嘅服務態度；我都唔應該唔會再去。

😋😆不久前係度食過晚飯，因為好耐無去飲茶🤣！所以試吓去飲茶，今日嘅點心真係有驚喜，特別係流沙奶黃荔枝嗰個，好好味😋，紅蘿蔔🥕鹹水角都好鍾意，點心嘅分量Size都好正👍🏻，可以再去食多次😆

整體黎講，尼一間的食物都有水準，特別推薦：1. 七味豆腐，好嫩滑2. 雪山叉燒包，有啲朋友話甜左少少，不過我就覺得都ok3. 香芋酥，超濃郁的香芋蓉4. 炸蘿蔔絲腸粉尼幾樣都好口味，我覺得鳳爪麻麻地，唔多夠味，半隻雞，有少少韌

今晚老爸👴🏻正日生日🎂其實已經食咗一餐勁嘅！不過今晚老伴👵🏻話要再嚟多次萬歲🍻近近地找到呢間試吓啦！平日無嘜人而且又早所以任坐唔嬲睇吓個餐牌，價錢方面不貴而且有個海鮮配搭四佰幾蚊就有條星斑仔+例牌燒鵝望下個大型魚魟再望埋燒味部d燒鵝！wow好似好🉐️喎！於是我就order上啦上枱見到條星斑真係唔係小魚兒嚟㗎！食落完全彈牙係新鮮游水個種至於燒鵝都火候到位，燒到剛剛好並沒有柴皮，肉質鮮嫩多汁，合格有餘仲有碟炸大腸就真係有少少🐷C味真係名符其實食到豬大腸呀🤣🤣🤣估唔到係屋村商場都食到咁有水準嘅粵菜，以食材品質和廚師技術來講个人覺得價錢中位算唔貴喎！仲有泊車優惠啊下次同屋企人又多個地方聚餐啦

第一次黎食，性價比唔錯酸菜魚、燒鵝同粉絲雜菜都幾好食酒樓裝修幾特別，地氈、椅子、茶壺都跟傳統酒樓ge唔同，勝在味道好食而且食物夠熱同新鮮粉絲雜菜好足料、酸菜魚勁大條好多配菜，可以再食

今天跟家人一起到八方庭午膳，那兒的點心十分好味。 門口已堆滿了等位的客人，裏面更是客似雲來。話雖如此，但座位寬敞，坐得舒服。它的茶壺放在小火爐上坐熱，啲茶飲起上黎仍是暖烘烘的。好味的點心多羅羅:1 紅蘿蔔鹹水角$38三件(非常鬆脆😍)2 自製醬皇鳳爪$34(醬汁好惹味😋)3 銀蘿薑蔥牛柏葉$334 手剁鮮牛肉球$34(好爽滑彈牙😍)5蟲草花棉花雞$386 鮮蝦菜苗餃$347 蜜汁叉燒包$348 蜜汁叉燒腸$36(皮好薄😍)

八方庭位於屯門鄉事會路愛定商場2樓。八方庭的點心不像連鎖食肆的點心，你能感受師傅比心機去做，點心不單好吃，而且很精緻。點心師傅功力深厚👍👍👍今次只特別推介幾款:1 雪影义燒餐包$34三隻(如果五粒星係最好味，我就比五🌟😋)2 蘿蔔絲天鵝酥$42五件(五🌟😋😋)3 紅米脆蝦腸$51(五🌟😋)4 斑蘭千層馬拉糕$38(五🌟😋)去屯門的朋友，千其唔好錯過去八方庭食點心，真係very good,十分好食。

從來都唔寫食評既我，今次真係忍唔住呢間野太無良我老豆諗住去開飲茶嗰間食晚飯，點知比人當咗水魚，未出菜單就要比訂金先，感覺擺明恰老人家，去到時見到張菜單O晒嘴，我就睇下啲餸黎到咩料我都明，節日前都會比較貴，但唔係咁樣呃老人家囉到上菜時都冇咩特別，好彩都算入到口咁，但一定唔係好食囉，最好個菜竟然係個菜芯囉，咁既價錢完全唔值，最後一個菜酥炸桶𧐢，我一見到就火都黎，食落真係唔洗講，當我未食過桶𧐢呢間野真係不×知所謂，嗰刻真係著🔥左，搵嗰個所謂既主任定已經理問，佢竟然話要去厨房了解下，出黎就同我講係台山桶𧐢，哈……🤬🤬🤬唔捨得比客食就米做飲食啦！真係唔見意大家去呢間野食晚飯，同屋企人去飲下茶就無所謂

我們經常在外吃飯，自問也是識食之人。昨晚家人做節，特登來試吓這間酒樓。這間的砂窩炒飯，炒米粉，夠乾身，有水平。拔絲咕嚕肉，用新鮮菠蘿制作，加分。但我搶不到咕嚕肉，無法評論。蓮藕餅，砂窩海鮮豆腐煲，味道也不錯。叫了半隻燒乳豬，竟然是立即燒。 皮脆肉嫩多汁，更是水平之上。餐牌上的冰梅骨也很吸引，要下次試吓。兩壺茶水是用小火保溫，飯後茶水也是熱的，加分。裝修新淨，環境也光鮮亮麗，吃得舒適，加分。價錢也很合理。 整體水平不俗。

年尾飯局一個接一個，除左同親故們食之外又點可以吾同家中長輩一齊用膳以表孝道呢? 作為孝順本橘，最後揀左中餐館_八方庭_同老老們開開心心食餐便飯-一共叫左4個餸：1/ 沙汁蝦球2/ 乾蔥豆豉雞煲3/ 生炒臘味糯米飯4/ 乾煸粉絲煲-1/ 沙汁蝦球真心，勁好食 (忍吾住咁直接寫) ，蝦球好大粒，應該有幾隻蝦係入面，炸皮好香脆，吾會好油淋淋，仲有好好食既沙律醬係面，老老們食得好開心，特別係光左頭既PAPA，一向鐘意食香口野，岩晒佢，蝦肉好彈牙，有半個&山拳頭咁大既size，真係好回味﹐下次再去必點2/ 乾蔥豆豉雞煲又係香口野，雞煲熱辣辣，岩晒近泥濕冷天氣去食，好多調味料，好蒜，好蔥香，送飯是一流的，而且雞肉好嫩滑，好多件，4個人食一定夠，老老們都讚不絕口3/ 生炒臘味糯米飯又係PAPA鐘意食既一味餸，好香口，好干身，而且好足料，冬天食完糯米個人暖晒，真係好正4/乾煸粉絲煲理個就係本本最愛，粉絲好彈牙，條條分明，吾會痴左做一大舊，好夠味，而且仲好好送汽水啤酒，一下子就已經比老老們分左食左-後話：真心多謝家中老老們對屋企既貢獻同照顧，希望未來仲有二三四五十餐等緊同佢地食