八居酒屋 (旺角新城)

營業中

休息中

旺角樓上居酒居由尖沙咀開分店開到旺角 係信和隔離夠晒方便海膽炒飯 $ 172好濃郁嘅炒飯一上碟已經香氣逼人，加上超級新鮮嘅大大份海膽，入口鮮甜美味，炒飯乾身爽口夠晒均勻入味，完全推介！三文魚刺身2切 $24追加嘅三文魚刺身，厚薄都適中好新鮮，見到三文魚嘅油脂都好靚，食落去都冇得輸！西柚梳打 $ 28配搭得居酒屋一定要叫嘢食，種類繁多選擇都多，今次叫咗西柚梳打，甜度剛剛好唔會係沙糖死甜味，加上啖啖果香都不錯！牛肉壽喜燒鍋 $ 98即上原鍋壽喜燒，牛肉七成熟剛剛好可以食得，入口濃厚嘅牛香，半溶嘅口感不得了，加上壽喜燒湯汁，甜鼓油更加強烈帶出牛肉鮮味，加埋浸到入味嘅配菜，叫個烏冬白飯襯都一流！汁燒魷魚筒 $ 98原隻大大條魷魚筒，惹味嘅醬汁好特別，將鮮嫩彈牙嘅魷魚再有別一番風味！🆓試業期間重有夾公仔機一次，有機會獲得飲品/雪糕等加一服務費八居酒屋 (旺角新城) (旺角)旺角彌敦道594-596號旺角新城5樓

聴講呢間日式餐廳係尖沙咀都有間，旺角呢間係第二間，可能遲啲二合為一。先上巨峰乳酸梳打，酸酸甜甜，有氣巨峰香味。仙台厚燒牛舌，老細話師傅專登程去日本學，外皮燒得脆身，食落唔似普通牛舌，好厚身，有啲似厚身牛肉嘅質感，好特別！泡菜豚肉鍋，開埋火爐，可以一直熱住，暖笠笠！面頭鋪左好多雪花䐁肉，湯湯香濃白雪雪，入邊仲有好多唔同蔬菜，有大葱、蘿蔔、金菇、菇類等等，仲有薯粉，大滿足！三色刺身丼，有大蝦、三文魚同埋油甘魚，刺身新鮮，配埋薑片同壽司飯底啱啱好。

近排好想食日本餐廳，上網搜尋睇吓邊一區，日本食物有好推介，就比我搵到呢一間響旺角附近嘅日本居酒屋，估唔到食咗一次，就愛上了，因為食物質素好高，下一間物超所值嘅日本居酒屋，一定要推介俾朋友呀，而且都好適合一大班朋友，情侶，來聚會嘅地方，非常方便，而且環境寧靜，整潔，乾淨，仲有餐廳裏面有獨立廁所，所以唔使污糟邋遢，好鍾意呢一間餐廳食嘢嘅氣氛，服務質素都好高，市民服務都好好，好有笑容，餐廳裏面有飯類，壽司累，手卷，串燒炸物等，任君選擇，我哋叫咗一個肥牛烏冬，個湯底好好飲，好友牛肉味，而且份量十足，烏冬配襯肥牛，真係好好配搭，肥牛都有好多件，擺盤好靚，睇得出廚師好有心思，我哋仲叫咗個鰻魚手卷，仲有牛油果吉列蝦手卷，都係好好食呀，即叫即整，帶子刺身冇得頂，全部都係肉質鮮嫩，非常好用，食得好開心

今日放工約咗朋友敘舊，揀中間點旺角方便大家，朋友想食日本嘢，所以就揀咗間居酒屋位於旺角新城樓上可能平日嘅關係，餐廳唔算好多人，唔洗等位，不過卡位就坐滿人，裏面都好光猛同闊落企理，聽店員講原來旺角舖係新開嘅，尖嘴都有間分店，店員都好nice,推介我地食仙台厚切牛舌，不過我哋就麻麻哋鍾意，所以就冇點我哋叫咗海膽炒飯，海膽新鮮唔腥又鮮甜，配搭青瓜，再加蟹子雞蛋炒飯，炒到粒粒分明，份量剛好，味道唔錯另外點左炎壽司盛有八件壽司包括鰻魚、火炙三文魚、火炙左口魚同埋火炙蟹棒，d 料好大件，三文魚好肥美，食落去入口即溶，好好味，啱晒唔鍾意食太生既我鹽燒牛舌串，我比較鍾意薄切，充滿黑椒香味，燒得唔錯七味雞軟骨，燒得幾香口我哋食量唔係太大，所以份量都還好，食物質素唔錯，同埋又唔限時，埋單每人大約$200，下次再encore

性價比高 抵食午餐之選🤩😋✨如果想食日式午餐，呢間係一個好選擇。⭐️銀鱈魚西京燒定食魚質嫩滑，外皮燒得鬆脆，仲有滿滿油香，配上熱辣辣軟綿綿的飯，口感正。⭐️角切魚生粒粒丼魚生新鮮足料，配上軟滑的熱飯，食完會想再食。仲有茶碗蒸、麵豉湯、茶漬物，令到成個午餐更豐富，好滿足。而且碗碗碟碟非常精緻，有和風感覺令到午餐更歡愉。環境溫情舒適，地區都非常方便，係午餐晚餐的好選擇。店員熱情好客，殷勤有禮，非常親切。

星期一番工普遍係打工仔既痛苦一天，所以呢收工就好需要食d野鼓勵下自己，今日簡左呢間旺角樓上居酒屋。環境裝飾有日本氣氛，門外仲有一部夾公保機，每人都有一次機會，可以換到唔同類既食品，就睇你運氣啦🐻蟹籽沙律($56)爽脆青瓜絲配上蛋黃沙律醬再加埋蟹子，清爽解膩👍🐻牛肉壽喜燒鍋($98)欣賞唔係好甜既壽喜燒，牛肉既份量一d都唔少，而且勁鍾意入面既寬粉，完美吸收左湯底加上滑到不得了既口感，勁推👍👍👍🐻燒銀鱈魚乾($38)十分適合配酒，食幾條銀鱈魚乾，配啖酒，再同埋朋友吹水，so nice👏👏🐻牛油蒜香炒雜菌($60)牛油香而不膩，一啖接一啖咁食丫🐻日本雞皮餃子 (3件)($42)少見到用雞皮做餃子皮，雖然十分邪惡，但係香氣爆棚，充滿肉汁，比普通餃子更加香口👍👍👍👍🐻日本雞骨腸 (1本)($18)啖啖肉，冇骨串燒岩晒我呢d懶人丫，再配上新鮮既蛋黃，正丫👍👍👍🐻三得利混合啤（$55）混合啤未見過，味道好有趣，同時飲到啤酒同黑啤，但又唔會有衝突鍾意試新野既一定要試😆😆😆🐻柚子酒（$48）口感清爽，酸甜可口，香濃柚子香喔

行開信和中心，咁就係附近搵下野食啦，點知隔離就有橦樓都幾多野食，細心揀完一輪之後入左呢間八居酒屋，時間尚早唔多人，出Lift個員工就好友善咁介紹同招呼，望下餐牌，款式都幾多，丼飯、魚生、串物等等基本野有齊，落好單之後個Staff走埋黎話做緊活動推廣，可以出去夾公仔機玩遊戲，原來係抓乒乓波咁，有波入到窿就有食物獎賞，又幾得意ｗｏ! 呢度裝修係復古既日本風，感覺都幾好，佢主打應該係飲酒傾偈之選，有酒類放題，岩哂朋友歡聚枝豆熱辣辣上枱既前菜，初時我仲以為係凍食ge tim，入口又幾好味，新鮮枝豆配合少量既鹽香，幾開胃下角切魚生丼魚生全部切成粒狀，三文魚、玉子、吞拿魚魚、八爪魚，入口依然堅實新鮮，唔會有塌哂既感覺，配合日本米飯，口感唔錯，自己淋醬油調味要小心一點，否則會好似我咁唔小心重手左就咸左啲啲鹽燒鯖魚上枱仲有香味飄出已經急急起筷，外皮燒至脆身，入面肉質甜厚，個人覺得係推介食物，一份魚我會想一個人食哂佢XDD鹽燒雞心串傳統日本燒物，伴上檸檬，入口彈牙挺身，口感不俗櫻．壽司盛(八貫)有三文魚、油甘魚、帆立貝、紋甲魷魚、赤貝、赤身、芥末八爪魚、三文魚籽各一，每個都有唔同既口味，同女朋友一人半件

一家人 加埋bf一齊去食見評論話係算平民價嘅好食日式餐廳所以bk黎試下叫咗 清湯野菜烏冬好有味道嘅烏冬都算幾大碗三文魚親子丼正常丼 份量唔算大時令海膽三色丼海膽唔腥 都算唔係唔新鮮個啲都算ok但會覺得都係試食一次就算職員 負責人 有禮貌 但可惜價錢上相對唔算太突出 所以會覺得試過就算 唔係特別想回頭再食鹽燒大蝦都算好大隻 但可能係個汁醬？咸得濟鹽燒脆白鱔的確燒到好白脆 襯熱食係幾好但我媽覺得都係腥 怕腥人可能未必會食係得意在有抽獎玩下 令客人開心玩下抽到 揀咗銀鱈魚乾燒魷魚都正常 唔算好熱 可能係汁醬？唔係日式燒汁醬唔算超夾 好似係黑椒甜汁咁總括 係可以一試 但未必會揀再食當日 星期五夜晚 我早食 6點半都冇客人坐 環境係算ok 個日好似包場咁係臨走 7點幾多啲先多咗一枱客坐可能早食 唔算太旺場嘅感覺冇燒得咁香

這間八居酒屋位於旺角新城係一間樓上舖、整間居酒屋係以木系裝置格調🤔、以柔和色調坐著舒適😙、同時好有别的味道風格!.蒲燒鰻魚丼 $88呢一款蒲燒鰻魚丼賣相吸引🤤、整碗鰻魚丼色澤味道都好有水準🤔、鰻魚肉質厚薄適中沾滿醬汁啖啖口感鮮而美味😋、配埋蛋絲、紅薑伴飯增添香味😚、尤其是珍珠飯粒粒口感真的好正!.角切魚生粒粒丼 $80呢一款魚生粒粒丼賣相豐富😯、有不同款式角切魚生及青瓜粒、蟹籽、整碗角切魚生都好新鮮色澤鮮明😚、食到入口啖啖鮮味粒粒口感😋、加埋D蟹籽卜卜脆味道更加正又好食!.鹽燒三文魚頭 $68呢一款鹽燒三文魚頭店員送到上枱散發香噴噴味😙、整碟賣相焦香惹味、入口味道鹽燒香味味道適中、魚肉新鮮魚嘅味道口感我覺得真係幾好食😋、加添杯啤酒就好啦🤭!.日本波子汽水 日本桃汁 +$18呢一杯日本桃汁細細杯、望見色澤都好靚😍、飲入口冰凍香甜可口😋、啖啖桃香味😚甜度適中!

星期五晚放工想食日本野呢間居酒屋係旺角地鐵站附近大約5分鐘路程餐牌款式選擇多刺身、壽司、軍艦、手卷、卷物、丼飯串燒、炸物、燒物、鐵板 etc.當然有居酒屋唔少得既日本酒同佐酒小食用QR code落單 方面快捷 明太子玉子燒 4件 $58明太子醬鋪左係玉子燒上面 明太子醬惹味 唔太辣酸瓜拌碟松葉蟹肉蟹膏軍艦 2件 $36蟹膏入口香濃軟滑 甘香鮮甜軍艦體積偏細海膽炒飯 $1482片新鮮海膽鋪係炒飯上面炒飯用左蔥花同雞蛋 夠鑊氣 飯粒乾身 炒得岩岩好加左蟹籽 增加口感深藍色既碗襯托橙橙黃黃既炒飯 貝柱拖羅蓉三文魚籽丼 $118丼飯盛裝左3款刺身魚生細細粒貝柱 鮮甜蔥花拖羅蓉 軟綿綿三文魚籽粒粒都好飽滿係口腔到爆出鮮味 壽司醋飯 黏度高 口感軟糯

放工約咗朋友黎呢間旺角嘅日本餐廳 - 八居酒屋🥃 我記得佢哋仲有一間分店喺尖沙咀天文台道，好耐之前都同同事試過食過喇😆 最出名係串燒，你仲可以飲返杯酒，同朋友傾下計咁🍻今次我同朋友黎食個簡單晚餐🌝 兩個set都配有麵豉湯、沙律同茶碗蒸。✅汁燒牛肉定食就咁睇好似細細碗，但其實份量都幾多。佢有好多牛肉汁，方便我撈飯食😚😚✅三色刺身丼凍野食係朋友揀既，刺身厚切又夠新鮮，性價比高😗我地仲叫咗個小食：仙台牛舌厚燒😋聽老闆娘介紹，佢地既師傅學咗日本嘅烹調手法，而且用上牛舌最靚嘅部位，真係一流！我哋叫咗杯西柚汁，好開胃呢 。本身想叫幾杯酒試下，但朋友揸車就唔好了🫢呢間餐廳整體唔錯 。食物ok而且環境闊落，食耐啲都唔會趕你走😎聽講依家係試業階段，遲啲應該更多人幫襯🥳🥳

出佐信和買嘢,行完近近哋係隔離旺角新城樓上間八居酒屋醫肚,知道尖沙咀諾士佛臺有間,這間新開幾個月！見店舖是令推介👍仙台厚燒牛舌 牛舌微微嗆焦香,厚身啖啖肉有口感,點埋秘製芥末子醬食更惹味😋雙重芝士厚鰻卷(4件)面鋪上濃郁芝士及鰻魚,每一啖飯入面都有芝士。多重口感,一邊食鰻魚,再一邊飲蜜桃梳打🍑爽啊👍蟹膏軍艦(2貫)🍣蟹膏是滿滿,好似搽上厚厚的cream甘,入口好鮮呀！👍海膽炒飯海膽味道鮮甜,飯粒粒分明,,撈勻海膽一齊食更正👍鹽燒脆白鱔(1本)白鱔肉厚彈牙,鱔皮香脆,肉質Q彈,魚香四溢,呢串好啱我心水👍環境尚算闊落,坐得幾舒適,卡位仲望到街景,不錯！

今日除夕，夜D就好多人食飯同倒數，老公話不如來個early dinner。呢個商場在信和旁邊，全幢是餐廳，我哋就揀左間食日本嘢嘅餐廳。餐廳唔細，日式木系裝修，地方乾淨整齊，坐位寬闊，坐得幾舒服。餐牌都幾多嘢食，呢度用QR code落單。主食可以+$20變套餐，套餐有什菜沙律、麵豉湯同茶蒸碗。除左主食，仲有串燒、小食同清酒等。最後我哋叫左兩個套餐，另外店員推介左仙台厚燒牛舌比我哋，咁就不如叫埋啦。前菜：酸蘿蔔酸酸地，幾開胃。什菜沙律：沙律菜洗得乾淨，簡簡單單加麻醬已經OK。麵豉湯：剛整起熱辣辣，唔太鹹，天氣咁凍飲就啱晒。茶蒸碗：有蟹柳、菇同雞肉，都係剛蒸起，調味幾好。仙台厚燒牛舌：平時食開係切一片片，呢度厚切，一粒粒。食落有口感，較嫩多肉汁，唔韌，點埋旁邊甜甜嘅醬汁一齊食，仲好味。三色刺身丼：有三文魚、鯛魚同甜蝦，魚生塊塊厚切，帶薄薄油脂，飯量多，整體唔錯。海膽炒飯：海膽大塊算多，食落新鮮，炒飯粒粒分明，唔太油。裡面有雞蛋、洋蔥同紅蘿蔔粒等，咬落爽口，有層次感，好香，幾好食。

《八居酒屋》本舖在尖沙咀天文臺道，這間旺角分店現正試業中，地點在信和中心隔離非常方便。彌敦道街上繁忙人來人往，上到位於5樓的居酒屋則舒適寧靜，環境闊落，我和老公揀坐卡位，可望到彌敦道街景。食物選擇多，有刺身、壽司、燒物，鐵板、炸物、串燒及日式料理等，黑板上亦寫有多款時令推介，晚市套餐更加係 CP 值超高之選！晚市套餐 - 壽司定食(8貫）$138呢個價錢有 8 件壽司加沙律、蘿蔔漬物、麵豉湯、茶碗蒸，真的太抵！壽司款式由師父發辦，是日有三文魚、油甘魚、深海池魚、金目鯛、墨魚、帶子、芥辣八爪魚及蟹籽軍艦，魚生非常新鮮，份量亦夠，連大食的老公都說超飽！晚市套餐 - 汁燒牛肉定食 $98牛肉片份量頗多，洋蔥、菇充份吸收甜甜的醬汁，送飯一流。時令推介- 仙台厚燒牛舌  $138非常推介這個餐廳招牌菜，連不好牛舌的我都食到唔停口！厚燒切粒，外層散發炭烤鹽香，口感彈牙而不韌，而且定價親民，香港好少地方食得到！小食：芝士玉子燒 (4件) $58玉子燒控的我去親居酒屋必點玉子燒，入口嫩滑，蛋味香濃，面加上半溶芝士，味道更加濃郁，香口又有層次感。值得一提，餐廳有得食又有得玩，門口位置有部夾波波機，凡惠顧

旺角開左間樓上居酒屋 有串燒食之餘仲有壽司刺身食😋🍣壽司定食套餐 $158本身系$138 +$20可以升級做定食 有茶碗蒸 芝麻醬沙律 麵豉湯茶碗蒸好滑溜 又可以暖下胃準備食壽司😎壽司有8貫 分別系🔸️三文魚腩 🔸️真鯛🔸️赤貝🔸️油甘魚🔸️北寄貝🔸️赤身🔸️魷魚🔸️劍魚腩赤貝新鮮爽口😚三文魚腩好肥美🤤真鯛味道清甜🐟銀鱈魚西京燒 $148燒過後既甜味噌醬汁幾惹味魚肉嫩滑 加多個飯就岩曬啦🐥鹽燒雞翼串 $24/2隻雞皮脆卜卜 咬落去啲油滲曬出黎🦑汁燒日本魷魚串 $32幾彈牙 切好左一小口 方便咬🤪醬汁味道濃郁💭自家小店 食物水準不錯 門口仲有夾公仔機玩🤣