八居酒屋 (旺角新城)

營業中

休息中

旺角新城樓上舖嘅居酒屋🏮位置都幾多而且坐得好舒服好闊落！QR落單，主打串燒，魚生但見到都有丼飯，如果唔食魚生都可以揀烏冬添同朋友叫左個蟹王炒飯炒得好香粒粒分明又乾身，而且都好多蟹肉食落好正👍🏻桃酒嘅桃味好香唔係好假嗰種而且甜度啱啱好，酒味唔會好濃好易入口仲試左杯香印提子酒比起桃味更加香甜但都好好味😌同朋友飲返杯但唔想咁重酒精味嘅呢啲絕對係推薦👍🏻-海膽三文魚籽茶碗蒸蛋又香又滑，海膽都好新鮮🤤牛舌好嫩而且燒得好香🤤🤤🤤芝士年糕4小件份量啱好唔會好油膩，煙煙韌韌-餐廳仲有啲二人套餐可以食到唔同菜式環境舒適好適合同朋友喺到食飯飲返杯☺️

今日約咗朋友輕輕鬆鬆想傾吓偈揀咗呢間睇旺角新城嘅居酒屋上到去環境都好舒服枱與枱之間嘅空隙都相當合適枱面上面會有實體嘅Menu睇啱之後，我哋就喺QR code落單佢嘅食物種類非常之多由壽司刺身去到串燒丼飯都一應俱全鍾意飲酒嘅朋友更加可以試吓佢嘅清酒清酒嘅種類選擇，亦都非常之多我哋叫咗個刺身沙律角切刺身配上新鮮嘅蟹籽另外個沙律汁酸酸甜甜非常之開胃蟹籽牛油果吉列大蝦卷嘅配搭亦都非常之好大蝦新鮮即炸，上到嚟仲熱辣辣配搭埋牛油果嘅口感同埋沙律醬蟹籽嘅質感口感非常唔錯甲羅燒配米通蟹膏味道非常濃郁配搭埋脆米通嘅口感一軟一硬，食完之後蟹膏味道仲會停留喺口腔燒三文魚鮫非常之肥美配搭埋佢準備嘅蘿蔔蒜檸檬同埋酸汁可以中和返三色刺身飯刺身嘅份量都好足牡丹蝦嘅size亦都好大件食嘢嘅過程中店員都會時不時過嚟幫我哋加水服務態度非常之好

今日同朋友仔係旺角買嘢到lunch time就來食個飯。兩個人點了兩個套餐，好抵食。角切魚生粒粒丼飯幾新鮮，飯上面鋪著三四種刺身，有三文魚，吞拿魚，三文魚籽。魚生件件切得厚身肥嫩，加少少魚生醬油同芥末混合，食落每口飯裡都有刺身，都幾滿足，可以消除頭先行街的攰～套餐裡還有一小碗麵豉湯，一個茶杯蒸蛋。麵豉湯稍微有小少鹹。蒸蛋都好嫩，底下有蟹棒，切成細細塊，味道正好，唔鹹唔淡，好快見底。蒲燒鰻魚丼饭有两大块鰻魚，單看賣相已經很吸引🤩燒汁足，鰻魚厚身，咬落很嫩很香口，配搭白桃🍑疏打非常清新解膩。追加的芝士蛋糕🍰非常細膩香滑，細細一舊份量正好，不會太膩。榴槤炸彈名副其實，榴槤味好濃，酥酥脆脆都幾好味。

呢間餐廳喺旺角，同朋友行街行得攰就上嚟呢度繼續慢慢食嘢同傾偈！貪呢度可以坐耐啲！蒲燒鰻魚丼鰻魚上面的蒲燒醬汁賦予了鰻魚獨特的甜味和炭燒香氣，配上蓬鬆的白飯，口感豐富且滿足。搭配日本蘋果汁，可以為餐點增添一絲清爽的口感。追加一道小吃忌廉蟹肉薯餅這款薯餅外皮金黃酥脆，內部則包裹著濃郁的蟹肉和奶油，帶來奢華的口感！唔算好多粉都有足夠嘅蟹肉味道！角切魚生粒粒丼是另一款午市選擇，它以新鮮的切塊生魚片為主角，有唔同品種嘅魚，包括我哋常見嘅三文魚魚同埋蛋！魚生好多鋪滿晒啲飯見唔到穿窿值得一讚！茶碗蒸口感綿密細滑，配料包括鮮嫩的蝦仁、香菇、紅蘿蔔等。這些配料在蒸製的過程中釋放出獨特的香氣，與蛋液相互融合，仲有少少鰹魚湯嘅味道，使茶碗蒸的味道更加豐富。茶碗蒸也是一道營養均衡的菜餚。蛋液中含有豐富的蛋白質和維生素，感覺好健康健康冇負擔！我喜歡帶點酸味的飲料，叫咗乳酸梳打！是一個不錯的選擇！

朋友話想搵間靜靜地嘅日本餐廳傾吓計，Openrice見到呢間嘅環境同嘢食都好似唔錯，價錢亦都唔貴，即日book枱仲有折添～.入到去環境幾舒服，裝修得幾日式，靜靜地幾適合傾計，朋友話冇揀錯地方～ 前菜叫咗個蟹籽沙律，中規中矩冇乜特別。飲品方面朋友就叫咗杯乳酸梳打，唔會話太甜，不過我就鍾意無糖多啲，所以冇叫嘢飲，飲熱茶就算。.主食叫咗個角切魚生丼，都係啲正常野。仲叫咗個雞皮餃子，顧名思義外面就係雞皮，但入面個餃子餡同普通餃子唔同，有啲好似筍或者馬蹄爽爽地嘅材料，同外面軟腍腍嘅雞皮形成強烈對比。.另外牛油蒜香炒雜菇同銀鱈魚西京燒好有驚喜。前者牛油同蒜味都好突出，個汁杰身可以掛喺啲雜菇上面，但係食落又唔會好油膩。.至於後者個皮燒到香脆，但肉質依然保留到嫩滑，燒過後之突出咗鱈魚嘅魚油香，配埋沙律醬再將個味道提升，唔係飽咗都想叫多個嚟食。.最後埋單唔算好貴，但環境舒服食物質素都唔錯，又唔會趕人走，係個唔錯嘅選擇。

今日朋友帶咗我嚟信和隔離呢棟大廈搵食最後決定食呢間八居酒屋好彩今日早咗收工 唔洗等位就可以直接入座呢度嘅食物選擇好多 有壽司 刺身 卷物 丼飯 炒飯 一人鍋等等 炎～壽司盛 (8貫)火炙三文魚 火炙左口魚邊 火炙鰻魚同火炙蟹棒各兩件 三文魚同左口魚邊油脂豐富 食落入口即溶 而鰻魚同蟹棒好厚肉 一啖入口勁滿足三文魚親子丼師傅用料好足 面頭鋪上五塊三文魚刺身同滿滿嘅三文魚子 再配埋蘿蔔絲食就唔洗怕太膩 串燒方面就嗌咗四樣 每串上面都灑上咗黑椒 但係份量恰到好處唔會搶咗食材本身嘅味道 鹽燒雞翼串 (2隻)燒得啱啱好肉質食落唔會太乾身鹽燒雞腎串 (1本)爽口又有嚼勁鹽燒雞皮串口感有彈性又帶點脆口鹽燒雞頸串(1本)第一次見有雞頸嘅串燒 食落估唔到相當有驚喜 一直以為雞頸係鞋口得嚟又無咩肉 但呢度嘅雞頸串燒肉質好嫩!!!

幾個月前黎過旺角新城食雞翼放題發現大廈原來都有唔少美食，今日試下位於5樓既八居酒屋。居酒屋同大部分和食餐廳一樣，地方唔大，有幾張卡位，其他大部分都係2/4人台，入到黎有位侍應姐姐已經好NICE咁介紹餐牌，得知餐廳既師傅原來曾經去過日本學整仙台牛舌，一於試一試。仙台牛舌價錢唔貴，牛舌質感夠厚冇筋又好有牛味，啖啖肉之餘中心既肉質比較嫩口，搭配餐廳跟既醬汁一流。成碟牛舌有成10舊都只係百幾蚊，無論係價錢定係質素都同係日本食既差唔多。推薦~~三文魚蟹籽丼三文魚蟹籽丼用料夠呎，師傅俾左唔少厚切三文魚，蟹籽粒粒都晶盈剔透，朋友亦讚成個飯都鮮甜無腥味。鹽燒雞翼/雞串串燒的味道同火候都做得岩岩好，師傅將雞翼開邊令燒起來容易熟D，少少鹽味令雞翼食落非常惹味但又唔會過咸，雞串都係燒得剛剛好唔會太柴。金龍卷金龍卷比較抵食，75蚊就有6件，牛油果本身有少少三文魚既口感，入面既炸蝦脆而不膩，上面仲有滿滿既蟹籽，性價比超高~雙重芝士鰻魚卷我自己就好喜歡喱個鰻魚卷，鰻魚夠厚身，飯既比例相對少一D，微溶既芝士加上鰻魚一齊食令成個口感都好豐富。整碟4件亦岩岩好，唔會太滯。火灸左口魚邊壽司朋友超級鐘意食左口魚，貪佢口感豐

油尖旺既食店真係多到數唔晒 , 今日朋友相約小聚又想食日式野行完信和就近近地佢介紹食過既 八居酒屋設有夾公仔機 , 供客夾中波波換取食物 , 有得玩有得食位置優越 , 就在信和旁日式嘅設計甚具風格 , 店員不多 , 但殷勤有禮 , 並會推介時令 招牌菜沒order野飲 , 但無限添加熱綠茶  值得一讚餐牌設計精美 , 日本酒類更是多不勝數order左唔夠10min就開始有野上枱汁燒雞肉串 2串 $24 - 汁醬特別 , 雞肉頗嫰滑七味雞軟骨 $22 - 軟硬程度適中 , 富含雞油香鹽燒雞頸串 $18 - 多汁鹹香 , 配檸檬汁好夾三文魚腩壽司2件 $32 & 火炙三文魚壽司2件 $28 - 富光澤魚油香 , 微妙清爽 , 火炙過後更別有一番微香焦香風味三文魚蟹籽丼 $80 - 份量合格有餘 , 三文魚油脂豐盛 , 蟹籽新鮮在口內爆發鮮味 , 飯則是日本醋飯 非一般白飯牛肉壽喜燒鍋 $128 - 牛肉 多汁而肉質飽滿 , 脂肪均匀 , 湯底材料足料 , 菜,菇,豆腐 等令湯底更為鮮美八居蟹王炒飯 $148 - 味道清新討好 , 蟹王味濃郁 , 炒飯粒粒分明 , 佐以蟹去炒 , 特別鮮甜埋

八居酒屋🏮位於旺角新城嘅樓試居酒屋，餐廳嘅昭和風格裝潢別有一番風味，而且仲有一種古式懷舊嘅溫馨感覺😆假日午市都有午市套餐提供，另可加配小食刺身等，選擇不少，重點係價格親民貼地，最平只係$48起🤭🤭我地揀咗兩款lunch set ，加配小食特飲已經相當豐富🤗蒲燒鰻魚丼 丼飯有兩大片厚身嘅蒲燒鰻魚，色香味俱備，淨係睇都流晒口水🤤，鰻魚肉厚肥美🤩🤩加埋日本珍珠米嘅煙韌口感一流，跟餐嘅茶碗蒸都十分足料同滑嫩👏🏻👏🏻銀鱈魚西京燒定食銀鱈魚扒煎至帶微微焦香感，魚肉相當嫩滑而且魚油脂含量高，所以食上口超級美味😋仲可以沾少少加咗七味粉嘅沙律醬一齊食👍🏻👍🏻白身魚厚切刺身是日白身魚係金目鯛🤩🤩魚皮經火炙後微脆身，重點係迫出香噴噴嘅魚油閃令令咁，天然魚油加上金目鯛嘅鮮味，真心世一，絕對超值🥇三文魚刺身一客兩件厚切三文魚刺身，跟餐加配價都只係$24，相當抵食又新鮮👍🏻跟餐餐飲都有好多選擇，當中不乏日本飲品選項，我地就揀咗日本波子汽水同日本桃汁🤗🤗

👏🏻👏🏻3-8婦女節有人話食請lunch，想食日本野，近近地嚟呢間八居酒屋，呢度嘅午市套餐好多選擇，揀咗蒲燒鰻魚丼，連麵豉湯、茶碗蒸、漬菜HK$ 88漬菜係兩片白蘿蔔，食到中間諗住酸酸地清一清味蕾，點知一食超驚喜，蘿蔔好淋甜，帶少少漬味酸，醒味！好好食！茶碗蒸一滑入喉；二多料，小小一碗有蟹柳、雞肉、菇，勁足料；三剛好的調味，似食緊滑滑豆腐花嘅雞蛋版😛麵豉湯又係勁多料，好多海帶、油揚條，鹹度適中，趁熱快飲😂蒲燒鰻魚丼，兩大片厚燒鰻魚，香噴噴，熱辣辣咁嚟到～睇到鰻魚真係帶點燒烤嘅樣子，啖啖肉，連埋秘制鰻魚醬汁，正！鰻魚底下嘅日本米，一睇就知好食，同埋好大碗呢～呢碗鰻魚飯足半條鰻魚，仲咁厚肉，$88好抵食🤤每個午餐都可追加小食，我哋加多客日式炸雞（2件)$28，睇吓件雞肉好大，炸得好好，唔會成口油，又啖啖肉🥰

本身想試自家沖製嘅烏龍王，但見有白桃梳打，就轉軚了🤭因為白桃真係至愛，加$18，好大杯，比平時加$3果d餐廳凍飲，多1/3分量，而且夠凍夠爽，呢餐食得好飽，好滿意的一餐，掂！


餐牌有好多選擇，包括刺身、壽司、天婦羅、沙律、佐酒小食、揚物、丼飯、食事、串燒、燒物，仲有新登場既蟹王炒飯和滋味壽喜燒等。牛肉壽喜燒鍋：壽喜燒係一種以豉油、糖與味醂等醬汁烹煮食材既日式火鍋，配料除左牛肉之外， 還有冬菇、豆腐、大蔥、萵苣和各款蔬菜。吉列廣島蠔：炸到金黃色，新鮮酥脆，廣島蠔肉質豐滿、口感鮮美，蘸上沙律醬，不油不膩。三文魚蟹籽丼：三文魚油脂濃郁，新鮮肥美，飯面鋪滿大量蟹籽，非常滿足。雙重芝士厚鰻卷：包括兩種唔同既芝士，鋪面果塊芝士灸燒過，所以比較挺身，芝士味突出；飯卷裡面既芝士就比較creamy；鰻魚非常軟腍，魚香四溢，咬落去層次感豐盛。日本芝士年糕：年糕煙韌，芝士味香濃，滋味無窮。總結，餐廳地點方便，食物質素高，價錢合理，店員服務態度親切，性價比高。

喺旺角覓食 OpenRice search附近餐廳發現咗呢間八居酒屋📍八居酒屋 (旺角新城) (旺角)旺角彌敦道594-596號旺角新城5樓午市套餐共有8款價錢由$48-$88起 旺角區嚟講經濟又實惠以上定食附茶碗蒸/沙律 味噌湯開胃前菜 酸蘿蔔 味噌湯及茶碗蒸✨角切魚生粒粒丼多款角切魚生 食材新鮮 除咗魚生之外仲有青瓜同埋玉子 份量啱啱好 ✨銀鱈魚西京燒定食 魚肉口感柔軟多汁✨追加小食 北寄貝壽司✨甜品係 CocoBerry 雪糕餐廳環境舒適 職員親切有禮無意間見到呢一個無限暢飲放題 好正呀下次約埋啲friend飲餐飽先得🤭整體用餐體驗✨味道(4/5)✨環境(4/5)✨服務(4/5)
✨抵食(4/5)

店內走和式風格，雅致舒適，整齊清潔，卡位的大玻璃對著彌敦道大馬路，繁華閙市仍有清靜地方可同朋友晚飯暢談。菜譜簡單易明，款式很多，日式食品應有盡有，定食和單點任客人自選。1. 雙重芝士厚鰻卷$68擺相很精緻，芝士和鰻魚原來非常夾，入口芝士軟滑，鰻魚肉嫩彈牙，配上日本珍珠飯粒，可口又美味。2. 火炙三文魚脆脆卷$72（6件）三文魚略略燒焦，令魚油透亮，提升魚脂鮮味，卷上舖滿蟹子和沙律醬，使口感更豐富突出。3. 牛肉壽喜燒鍋$128冬天喜歡吃燒鍋，暖笠笠感覺很舒服，牛肉壽喜燒鍋材料非常豐富：有金菇、秀珍菇、冬菇、娃娃菜、京蔥、雞蛋、牛肉、還有吸入湯汁彈牙滑粉絲，調味適中，非常滋味。金龍卷$68（6件）上枱時非常吸引，卷內有天婦羅蝦，炸至脆脆金黃，蝦肉鮮甜多汁，不可不提卜卜脆蟹子和沙律醬舖滿在卷物上，提升豐富口感盡在不言中。熱柚子蜜$18來一杯熱柚子蜜飲品，香濃柚子味，清甜又舒服，為這餐劃上美滿飽足的句號。

信和中心隔離的商業大廈，都有幾多食肆，食得多大商場，試下呢d樓上店當探下險😎餐廳不是太大，走日式家庭風裝潢，有3張卡位及幾張大枱，見同場都有d疑似大學生十個咁開開心心坐係中間大枱開緊餐！不意外，用手機scan QR code落單，種類都幾多，有滋味一人鍋、刺身、壽司拼盤、小食、沙律、軍艦、串燒、卷物，飲品有酒精無酒精清酒都有，都真係幾岩一大班人黎Gathering👨‍👩‍👧‍👧👨‍👩‍👦‍👦👨‍👩‍👧‍👦明太子玉子燒玉子味鮮甜，頂層配上一大層明太子醬，濃濃的，十分Juicy 💦厚燒鰻魚壽司經過香煎的鰻魚，入口甘香，肉身厚度十足三文魚脆脆卷三文魚卷食得多，呢款卷物就加入了天婦羅沾粉，少許沙律醬及蟹籽，一次過呈現三種口感，紫菜，脆口三文魚及壽司飯，同一時間滿足三個願望✅️牛舌串燒師傅推介，都係筆者喜愛之物，火喉剛好，牛味出👍牛肉壽喜燒鍋材料多多的sabusabu，牛肉片都有至少4-5塊，鍋內有齊雞蛋、大白菜、金菇、草菇及冬菇，必食之選！芝士蛋糕賣相好靚仔，食落味道都一致，芝士香而不膩，價錢都係實惠($4x)

隱藏於旺角新城嘅八居酒屋 ，日式居酒屋佈置，滿有氣氛。食店雖然唔算大，但仍然坐得舒適。🔅三色剌身丼 $98三款剌身鮮甜帶油香，米飯亦不俗，粒粒分明又保持煙韌口感🔅燒銀鱈魚乾 $38燒得香脆，飯前飯後，傾計必備小食🔅榴槤炸彈 $26一口咬開，香濃嘅榴槤餡料爆出， 大推🔅日本明太子雞翼 $42脹卜卜，填滿明太子餡料，少少辣，惹味🔅明太子玉子燒 $60玉子綿軟，面層重鋪滿明太子醬，特別加入香蔥提升味道🔅松葉蟹肉蟹膏軍艦 $36蟹肉鮮甜、蟹膏香濃，滿口蟹嘅香味🔅七味雞軟骨串 $22🔅汁燒日本鰻魚串 $35🔅汁燒雞肉串 $24燒汁甜甜地，雞肉鰻魚啖啖肉；而七味雞串點上檸檬汁，相對清新