八居酒屋 (旺角新城)

營業中

休息中

牛肉壽喜燒鍋用上咗極上嘅牛肉，每片牛肉都切得薄薄地，色澤鮮紅，煮完之後入口即溶。湯底用上咗傳統嘅日式醬油、清酒同砂糖，味道甜中帶鹹，非常濃郁。加上啲蔬菜同豆腐一齊煮，味道更加豐富。🍲🍲仙台厚燒牛舌呢度嘅牛舌真係特別厚切，果然係餐廳主打嘅招牌菜式，煎得外脆內嫩，咬落去口感非常彈牙，同時仲保留住啲肉汁。牛舌嘅味道好濃郁，絕對唔可以錯過。👅👅金目鯛刺身呢度嘅金目鯛刺身非常新鮮，每片魚肉都晶瑩剔透，油脂分佈均勻。入口即溶嘅感覺真係一流，魚肉嘅甜味同油脂嘅香味完美結合，真係食得出廚師嘅功夫同心思。🐟🐟三文魚刺身呢度嘅三文魚刺身同樣非常新鮮，每片都切得厚薄適中，油脂豐富，配埋少少醬油同芥末，更加突出三文魚嘅鮮味。🍣🍣

幾好食嘅魚生飯，嗰日去到應都幾好招呼同埋客嘅數目唔算多，所以食嘅時候都可以好安靜咁同朋友吹水 又唔會趕住要人離場 最後埋單一百幾都算合理價錢 如果路過旺角唔想食放題嘅話可以一試

每次經過信和附近都會見到呢幢大廈有唔少餐廳，咁啱想食日本嘢就揀咗呢間八居酒屋🏮上到去見到裝修都係偏向家庭式，中午都有唔少定食選擇，亦都可以加配其他小食或者刺身😆我哋揀咗兩個定食，分別係：🍜清湯牛肉稻庭烏冬配雙色炸蝦卷呢度嘅雙色炸蝦卷就係芝士同埋牛油果兩款，炸蝦嘅炸粉唔會過厚，味道唔錯～雖然望落去兩份都係比較細份，但一個女仔食落都夠飽😚男仔就可能要加配多少少嘢食啦🐟銀鱈魚西京燒定食餐廳將銀鱈魚煎到外脆內軟，而且呢款魚比較少骨，基本上啖啖肉😋表面裝飾嗰條粉紅色嘅蔥我哋都試咗少少🤣應該係用醋醃製過嘅，味道都幾酸下🙈前菜已經包括咗麵豉湯同埋日式蒸蛋，另外我哋都加配咗一個忌廉蟹肉薯餅，一共有兩小件，同樣炸到外脆內軟，雖然唔係太覺得有蟹肉🤣不過整體味道都唔錯啦

八居酒屋 (旺角新城)📍旺角彌敦道594-596號旺角新城5樓今日係旺角收工想同同事去間餐廳食下嘢傾下計，openrice 一search就見到有間樓上居酒屋，就決定去試下啦～餐廳係用QR CODE落單，食物種類都算多，有沙律、鍋物、壽司、丼飯、小食、串燒等等……一坐低店員就會主動向客人推薦的食物👍態度好好，好有禮貌👍泡菜豚肉鍋 $128🍲豚肉好大片，帶點肥肉但唔會覺得油膩，豚肉鍋上枱時已經熟曬，唔使驚會整唔熟，粉絲索曬泡菜湯嘅味道非常入味。鍋中仲有菜、冬菇、豆腐、蘿蔔、金菇，都幾足料👍推薦指數：8/10火炙三文魚脆脆卷 $78 （6件）🍣三文魚好厚切，加埋脆脆落壽司度令到成件事好有層次👍好特別🥰推薦指數：8.5/10自家製玉子小卷 $24（6件）🥚自家製嘅玉子甜甜地，一啖一件，好快就食曬😆推薦指數：8/10火灸三色丼 $98丼飯分別有三文魚、左口魚裙邊同埋鰻魚，每樣都大約有2片，三種魚都非常之肥美，全部魚都有輕輕火炙過，令到魚嘅油香散發出嚟，非常好食😆推薦指數：8.5/10白桃乳酸梳打梳打大大杯，白桃味啱啱好唔會太甜👍好適合一邊食壽司一邊飲🍑🍹推薦指數：8.5/10整體黎講，八居酒屋

呢間餐廳睇完openrice 食評 就係Openrice 訂枱 因為想睇下係咪cp值咁高呢 食完真心推薦啊佢地4月做緊128 兩小時任飲松竹梅清酒 啤酒果酒 果汁 我地都想假日chill 下 就決定嘗試 實在太多款 真係花多眼亂 我地叫左嵐山 清清地 幾易入口 又嘗試桃汁 真係一d都5假桃味 值得嘗試 10點後98 tim 不妨去嘗試食得太多不能盡錄 三個人食左咁多 所以大家量力而為啊講食物先呢個一卷既魚 有驚喜 之前係第間食過 魚油太漏 但食呢個又5覺太漏 正常發揮好creamy 不爽口 睇你中意咩口感雞皮餃子 樣5太令 但味道好白色薄切魚 好好口感 紅色皮魚 味道更重 有驚喜 不妨試牛舌必食 爽口又好嫩呢個牛旁 調味好夾 推薦

樓下成日有姐姐派傳單，通常都快快腳行過，會miss左旺角新城，其實樓上都有好多野食！今日就同朋友食左e間日本居酒屋，裝修同佈置都有用心設計，門口既餐單已經有多款清酒供應，不愧係愛喝酒人士既好去處。同時餐廳仲做緊2小時無限飲既優惠，都幾抵。日式芝士年糕芝士好濃郁，口感都Q彈，鍾意芝士既你就唔好錯過！黎到居酒居，當然要試下啲串燒喇！我地叫左七味雞軟骨、鹽燒雞皮串、鹽燒雞翼串及汁燒日本魷魚串，當中魷魚串推薦👍🏽👍🏽個汁好食，份量恰當，口感豐富！另外仲叫左鹽燒鯖魚，肉質都嫩滑，而且都大條既，兩個人食岩岩好。牛肉壽喜燒鍋牛肉既份量都好多，雖然e個價錢做唔到入口即溶，但起碼份量都好足，食落都幾有口感。入面既粉絲索曬壽喜燒既汁甜甜地好好食可惜我最鍾意既味淋魚乾最後先上，雖然份量都係好足，味道亦好好，可惜我地已經飽飽地🥹對於想要放鬆飲酒食好西既人來講，e度絕對是一個值得一試既地方。

今次朋友帶我去旺角新城5樓吃日本居酒屋「八居酒屋」，餐廳不太大，日式家庭風裝潢，以QR code落單，食物種類多，有鍋物、刺身、壽司拼盤、小食、沙律、串燒等，飲品有酒精及無酒精清酒，滿適合一班人黎聚餐。時令海膽三色丼 $158比我想像中細碗，但刺身份量算多。有吞拿魚蓉、海膽、三文魚籽和青瓜，刺身算新鮮，海膽帶有啖啖的海水鮮味，不腥。三文魚籽味道又鹹又甜，帶有海味。牛肉壽喜燒鍋 $128湯底清甜，牛肉份量多，而配料有菜、金菇、粉絲等。三文魚腩壽司（2貫）$32三文魚壽司（2貫）$24三文魚腩和三文魚一樣岀色，厚切得黎非常有咬口，又新鮮。原條穴子壽司 $22果然係原條穴子，真係非常大條。

喺旺角鬧市一間日本料理，真係有啲出色嘅料理等緊你去發掘！😍👌🏼呢間餐廳唔單止環境舒適，而且啲食物都係一級棒～☺️首先，佢哋嘅角切魚生飯真係令人驚艷❤️魚生新鮮爽口，配埋啲軟綿嘅飯粒，真係令人回味無窮～而且價錢$88都唔算太貴👍🏻除咗魚生飯之外，佢哋嘅明太子玉子燒都值得一試！🙆🏻‍♀️玉子燒軟滑多汁，而明太子嘅微辣味道又為整個菜式增添咗唔同嘅層次😆如果你想試下啲更加特別嘅料理，不妨揀返大根煮牛舌同火焰三文魚脆脆卷👍🏻大根煮牛舌帶有微微的甜味，加埋啲滑嫩嘅牛舌，真係入口即溶！！！而火焰三文魚脆脆卷則帶有獨特嘅風味，外脆內軟🫶🏻總括嚟講，呢間位於旺角嘅日本料理餐廳，絕對值得一試！無論係食物質素，定係服務水平，都絕對唔會令你失望！☺

趁星期五收工多啲時間去左樓上鋪搵下有咩好野，見到老闆娘係門口極力推薦就入左去試。環境日本風，聽老闆娘講因為租金貴但又吾想用加價黎減成本所以新搬到嚟呢度 幾有良心👍見職員極力推介上面個厚燒牛舌同魚丼飯，我地就跟足指示落單😂先上個8件壽司，個人覺得最好食係帶子壽司同池魚壽司。帶子超大粒口感好有層次完全冇腥味，池魚就好香油香味。呢度嘅壽司有個特別處係個醋飯比平時出邊日本餐廳食嘅會細舊一啲，整體食落冇咁漏，值得一讚👌呢個魚丼飯性價比好高😋98蚊食到lam lam脷重點推介真係呢個牛舌，夠灑厚好有咬口，食落好爽想食完一舊即刻再食😭個人就會中意唔配芥辣醬，因為本身食材已經好好👍另外叫咗雞腎，豬腩肉串燒同炸蠔，同樣出色🫡最後配杯香印提子酒無得輸😎擺落枱果下香印味巳經撲鼻而湧整體用餐感覺好好，老闆娘周不時會過嚟同你傾偈😄

星期五放工係旺角做facial，之後約左朋友dinner。去左間上樓既居酒屋， 旺中帶靜。 餐桌以木系為主，日式極簡風裝潢令人舒服自在。 食物種類非常多元化，有壽司、串燒、鍋物、丼飯等。明太子玉子燒 $60玉子燒蛋味香濃而且十分嫰滑，口感綿密鬆軟，仲要配搭埋明太子醬微微炙燒，咸香惹味。火炙三文魚壽司 $28肥美既三文魚 ，經火炙後鮮味提升，聞到陣陣焦香味，口感豐富。岩鹽炙燒三文魚腩壽司 $36三文魚腩炙燒後魚油更濃郁香氣，肥美嫩滑，入口即溶，加上岩鹽更顯油脂感，超級好味! 想再encore 😋!金龍燒 $75牛油果口感綿滑，中間捲住香脆既吉列炸蝦，口感豐富。面頭加上蛋黃醬作點綴，滋味滿滿。鹽燒牛舌 $58牛舌十分厚身😍，牛肉味夠晒濃郁，軟嫩多汁，豐富既油花，簡單以少量鹽調味已經好正！八居蟹王炒飯 $148見到呢款菜式係時令推介，果然唔錯！飯粒炒到粒粒通透乾身，夾雜住鑊氣同埋油香，仲有絲絲蟹肉同薑絲，非常惹味。

八居酒屋👻想食日本野係旺角好多選擇今次揀咗間性價比好高既居酒屋依個質素真係好抵食壽司串燒丼飯都有下次都可以再約frd黎食😙.🔅牛肉壽喜燒鍋 HKD 128鍋入面牛肉既份量都唔少雖然唔係入口即溶但係大大份都幾有口感個壽喜燒汁甜甜地唔錯整體黎講性價比幾高🤩🔅三色刺身丼 HKD 98三色刺身有三文魚劍魚同甜蝦刺身都係厚切一啲都唔孤寒最緊要係刺身夠凍甜蝦新鮮又好食🔅 香蔥拖羅蓉軍艦（2貫）HKD 42淡粉紅色既拖羅蓉真係好正入口勁creamy真係不愧為我最鍾意既壽司🤭🔅忌廉蟹肉薯餅（2件）HKD 32新鮮熱辣炸起入面忌廉同蟹肉好夾作為小食一流🔅鹽燒雞翼串（2隻）HKD 24🔅自家製免治雞肉棒（1本） HKD 38另外再加咗兩串串燒燒既火喉控制得幾好雞翼燒到外脆入嫩😛.整體來說:抵食之選 性價比高😚.🎈 八居酒屋 (旺角新城) (旺角)旺角彌敦道594-596號旺角新城5樓

復活節連續幾日假期，為避開人群，決定留港消費，這晚到了旺角的中心點，彌敦道信和中心隔鄰的樓上舖日式餐廳。甫踏出門就看到餐廳的宣傳牌。內裡地方寬敞，純日系裝修，感覺舒服。牆上還寫有當天餐廳推介，讓顧客一目了然。翻開餐牌，價格都是走大眾化路線。原來這裡還適合幾位老友把酒談歡，因餐牌有任飲推介，性價比絕對比得上一般酒吧，難怪鄰枱有幾位大男人在邊吃邊喝。開始到我們的正餐了，為了開胃，我們先點了一客芥末八爪魚，這個口感和味道，絕對適合佐酒之選，但可惜我倆都有輕微不適，還是留待下次再喝吧！再來仍是泠盤的芥末海鮮沙律，蔬菜和海鮮都十分新鮮。吃完冷盤是時候吃熱食了，點了這裡推介的牛肉壽喜燒鍋，份量認真不少啊！牛肉和配菜味道都十分入味。吃了熱食，應該吃點飽肚的吧，於是叫了一客角切魚生粒粒丼，同樣份量十足，三文魚粒新鮮味美。看見鄰枱有一份看似甜品的食物，一問原來是雙重芝士厚鰻卷，其他日式餐廳比較少看到，於是也點了一份，果然非常可口。

旺角新城樓上舖嘅居酒屋🏮位置都幾多而且坐得好舒服好闊落！QR落單，主打串燒，魚生但見到都有丼飯，如果唔食魚生都可以揀烏冬添同朋友叫左個蟹王炒飯炒得好香粒粒分明又乾身，而且都好多蟹肉食落好正👍🏻桃酒嘅桃味好香唔係好假嗰種而且甜度啱啱好，酒味唔會好濃好易入口仲試左杯香印提子酒比起桃味更加香甜但都好好味😌同朋友飲返杯但唔想咁重酒精味嘅呢啲絕對係推薦👍🏻-海膽三文魚籽茶碗蒸蛋又香又滑，海膽都好新鮮🤤牛舌好嫩而且燒得好香🤤🤤🤤芝士年糕4小件份量啱好唔會好油膩，煙煙韌韌-餐廳仲有啲二人套餐可以食到唔同菜式環境舒適好適合同朋友喺到食飯飲返杯☺️

今日約咗朋友輕輕鬆鬆想傾吓偈揀咗呢間睇旺角新城嘅居酒屋上到去環境都好舒服枱與枱之間嘅空隙都相當合適枱面上面會有實體嘅Menu睇啱之後，我哋就喺QR code落單佢嘅食物種類非常之多由壽司刺身去到串燒丼飯都一應俱全鍾意飲酒嘅朋友更加可以試吓佢嘅清酒清酒嘅種類選擇，亦都非常之多我哋叫咗個刺身沙律角切刺身配上新鮮嘅蟹籽另外個沙律汁酸酸甜甜非常之開胃蟹籽牛油果吉列大蝦卷嘅配搭亦都非常之好大蝦新鮮即炸，上到嚟仲熱辣辣配搭埋牛油果嘅口感同埋沙律醬蟹籽嘅質感口感非常唔錯甲羅燒配米通蟹膏味道非常濃郁配搭埋脆米通嘅口感一軟一硬，食完之後蟹膏味道仲會停留喺口腔燒三文魚鮫非常之肥美配搭埋佢準備嘅蘿蔔蒜檸檬同埋酸汁可以中和返三色刺身飯刺身嘅份量都好足牡丹蝦嘅size亦都好大件食嘢嘅過程中店員都會時不時過嚟幫我哋加水服務態度非常之好

今日同朋友仔係旺角買嘢到lunch time就來食個飯。兩個人點了兩個套餐，好抵食。角切魚生粒粒丼飯幾新鮮，飯上面鋪著三四種刺身，有三文魚，吞拿魚，三文魚籽。魚生件件切得厚身肥嫩，加少少魚生醬油同芥末混合，食落每口飯裡都有刺身，都幾滿足，可以消除頭先行街的攰～套餐裡還有一小碗麵豉湯，一個茶杯蒸蛋。麵豉湯稍微有小少鹹。蒸蛋都好嫩，底下有蟹棒，切成細細塊，味道正好，唔鹹唔淡，好快見底。蒲燒鰻魚丼饭有两大块鰻魚，單看賣相已經很吸引🤩燒汁足，鰻魚厚身，咬落很嫩很香口，配搭白桃🍑疏打非常清新解膩。追加的芝士蛋糕🍰非常細膩香滑，細細一舊份量正好，不會太膩。榴槤炸彈名副其實，榴槤味好濃，酥酥脆脆都幾好味。