八居酒屋 (旺角新城)

營業中

休息中

居酒屋每日都有推介新鮮食材既食物，亦有酒放題。旺角分店特別在於有夾公仔機，好易夾中波波換取食物。仙台厚燒牛舌($148)，必點，牛舌厚切成粒，第一口好爽口，之後係軟林口感 。師傅係日本學師後，再按香港人既口味，調製特色醬汁。牛舌放耐食，一樣好juicy，配搭既漬物清爽。一客份量足料添。炎～壽司盛8件($128)，4款壽司每款2件，用長碟送上，好壯觀既感覺～其中，左口魚邊充滿魚油香，爽甜。鰻魚厚身，啖啖肉冇骨 。金龍卷($68)，一客6件每件都卷得實又靚。炸蝦非常脆，唔油膩。放耐食一樣keep到。牛油果配千島醬，加上蟹籽一啖入口，口感豐富。串燒方面，鹽燒雞腎串、鹽燒日本雞心串各有千秋，雞腎爽，細細粒一口，佐酒小食一樣。雞心有咬口，燒得香口。吉列廣島蠔($42)，廣島蠔鮮甜，炸衣好香口，炸得乾身，食完唔覺得膩。三文魚親子丼($88)，三文魚刺身好肥美，每塊都厚切，而魚子大大粒，一咬口腔充滿海水鹹鹹地既味。一大碗足料飽肚。自家製免治雞肉棒($38)，雞肉棒燒完外層脆脆地。醬汁鹹甜，攪拌雞蛋後配搭雞肉，嫩滑。另外，仲加左3%酒精青提子氣酒，入口清甜，果香味濃，好易入口，唔係死甜。用靚靚酒杯飲酒

今日就同朋友去咗八居酒飯食飯食物款式好多, 仲有晚市定食套餐大根煮牛舌定食定食包括沙律, 麵豉湯, 蘿蔔漬物, 茶碗蒸牛舌炆到好腍身同入味, 加埋大根甜甜地, 加配既三文魚刺身亦都好鮮甜炎- 壽司盛4款炙燒壽司, 包括鰻魚, 三文魚腩, 左口魚裙邊, 蟹棒, 總共八貫, 刺身經過炙燒, d 魚油更香濃, 壽司飯亦軟硬適中鹽燒脆白鱔魚皮燒到脆卜卜, 調味啱啱好, 白鱔肉質呈金黃色, 好肥美日式雞骨腸腸仔包住左雞骨, 有啲咬口又唔會太硬榴槤炸彈炸得好香脆, 咬開入面都係榴槤蓉, 榴槤味幾香

係Openrice見到呢間餐廳喺尖沙咀，跟住再撳入去，原來佢喺旺角分店，所以就book 左呢間旺角的分店。去到冇咩人，原來佢地旺角分店係新開業。同埋因為平日18:00我地已經到店，所以我係晚市第一張臺的客人，之後陸陸續續有好多人入座，好彩我哋有book 位我哋嗌咗兩個dinner set，一個係鰻魚丼飯，另外一個係八貫壽司定食+巨峰乳酸梳打八貫壽司有三文魚、吞拿魚、鯛魚、深海池魚、赤貝、墨魚、蟹籽軍艦、芥辣八爪魚軍艦啲刺身都好新鮮唔好睇佢細細碟，成個set食已經好飽鰻魚好足夠汁，正👍個set有茶碗蒸，同埋麵豉湯加沙律茶碗蒸好滑，裏面都有丸同埋菇朋友話本來冇諗過會好飲，但係巨峰味好出同埋夠甜，令佢有驚喜😂旺角新店有優惠like佢哋嘅社交平台就會有三文魚刺身送。之後又有部夾公仔機，之後睇返人地d相，原來都係新鋪優惠活動，但係我哋就冇玩。😂

朋友介紹，佢食過尖沙咀總店，話好食抵食想食多次，見咁岩旺角分店試業中，而且位置好方便，係信和中心隔離，所以今晚就陪佢食多次。🍣八居自選丼$108有超過10款刺身任君選擇，今次揀左飛魚籽（$22）、三文魚腩（$38）同油甘魚腩（$48），飛魚籽份量勁多，入口鮮味；三文魚腩好厚身，油脂分佈均勻，有光澤，味道濃煙郁；油甘魚腩口感細滑，油花均勻，入口即溶：珍珠米有少許醋味，好開胃。🍱豚肉生薑燒定食$138定食套餐包括茶碗蒸、雜菜沙律同麵豉湯，豚肉肥瘦均勻，肉質嫩滑，味道偏甜，送飯一流。🍜清湯野菜烏冬$78湯底鮮甜，咸度適中，稻庭烏冬好彈牙，索哂湯汁，配上大量旺菜同菇菇，清而不膩。🐟燒銀鱈魚乾$38呢味小食送酒岩哂，鱈魚乾切得好薄，好似食緊薯片咁，配上沙律醬酸酸甜甜，食唔停口。🐟鹽燒三文魚頭$68三文魚頭燒得皮脆肉嫩，膠質又多，師傅好細心咁切開細份，方便食用。而且試業期間，有活動進行中，顧客可以夾波波，夾中唔同分數波波就可以換唔同小食，好得意。📌八居酒屋（旺角新城）地址：旺角彌敦道594-596號旺角新城5樓評語食物性價比高，高質店員友善好客🐵推介🍌🍌🍌🍌🍌（5🍌為滿分）

《八居酒屋》有兩間店鋪，一間位於尖沙咀（天文臺道），至今已開業8年，今日我就去到另一間店鋪，位於📍旺角彌敦道旺角新城5樓。餐廳以居酒屋佈置，環境舒適，食物選擇有刺身、壽司、燒物，鐵板、炸物、串燒等。另有可以以一個價錢，有啤酒/清酒任飲。門口有一部夾波波機，每位客人都可以夾一次，夾中可以兌換相應獎品。仙台厚燒牛舌牛舌外層燒至焦香，色澤亮麗，油份豐澤，中間肉汁豐富，口感軟腍扎實，非常脆彈。雙層芝士厚鰻卷鰻魚燒至香脆，上層包上一片厚厚的芝士，入口煙靭軟滑，下層米飯軟糯，中間卷上蛋、芝士粒，口感層次豐富。送沖繩海鹽雪糕藍藍的海鹽雪糕，入口微微海鹽鹹味，非常清爽好味

◾️晚市套餐 - 汁燒牛肉定食 $98呢個定食有沙律、麵豉湯、茶碗蒸同埋主食。茶碗蒸唔會過份甜/假甜，好嫩滑足料。主食係甜鹹嘅醬汁煮牛肉+菇，白飯神偷！😋不知不覺就爬晒成碗飯😌◾️炎壽司盛 (8貫) $128總共有四款火炙壽司，包括鰻魚、蟹柳、三文魚、左口魚裙邊。全部都係熟或者用火槍燒過，啱晒個日唔食得生冷嘢嘅我！特推鰻魚壽司，舊鰻魚夠晒肥美，同埋左口魚裙邊！◾️小食：芝士玉子燒 (4件) $58必叫小食！入面甜甜哋，而且好滑唔dry，芝士味都好濃郁，大滿足🥰◾️小食：吉列廣島蠔 (3件) $42炸皮好脆，蠔好肥好飽滿，食得出蠔嘅鮮味。◾️汁燒雞肉串 (2串) $24甜燒汁好味，雞肉嫩滑易入口。每個食客都可以夾波仔，夾中指定顏色嘅波波就可以換食物/飲品，真係好睇運氣㗎！

日本菜對於香港人黎講可以話食極都唔厭丫🤣 今日我地去完旺角行街就去左呢間八居酒屋食晚飯😌 可能我地六點左右就到，店內人唔多，但坐低左就慢慢多人黎👫店內菜式選擇好多，壽司串燒炸物之外，連刺身丼都有提供。我地叫左好多野食，分別有：清酒煮蜆壽司拼盤-炎黑松露芝士炸蠔卷燒雞翼燒牛舌當中燒牛舌同黑松露芝士炸蠔卷都整得相當唔錯，我地一向中意食牛舌🐮，個牛舌厚切得黎充滿肉汁，相當惹味。而個炸蠔卷加埋黑松露同芝士件事好夾，入口味道濃郁🧀。叫完菜之後店員仲邀請我地去玩遊戲👾，原來係夾公仔🤣 夾到指定分數後可以換唔同食物，我地就成功換到一份玉子燒。最估唔到個玉子燒咁高質🥚，可以話係我近期食過最好食既玉子燒之一，比起平時出面既更juicy更濕潤，下次黎一定要再叫👍🏼

八居酒總店係尖沙咀，衣家旺角店係試業中，係大廈全層，環境清靜，窗口位可以望到外面街道景鋪頭唔同新張活動現正進行中，有得玩又有得贏獎品!!只要有消費就有得夾波波，唔同顏色有唔同分數，相應分數就可以換對應既小食!食物種類都多火灸三文魚脆脆卷入面包裹香脆炸物，三文魚肉質嫩滑，火灸後口感細緻，口感外軟內脆，飯量岩岩好，一啖一件海膽炒飯炒飯有著香氣四溢嘅米飯，加入鮮美嘅海膽，令整道菜色香味俱全。海膽嘅味道濃郁，帶有淡淡嘅海洋風味明太子玉子燒味道鮮美，帶有明太子嘅辣味同玉子燒嘅濃厚口感。味道微辣鮮味，同玉子口感夾，如蛋漿再嫩滑小小，口感會更滑流蒲燒鰻魚定食鰻魚經過蒲燒烤製，肉質鮮嫩多汁，帶有蒲燒醬嘅獨特風味。佢嘅味道帶有甜中帶點鹹嘅醬汁味道，與鰻魚的鮮美肉質相得益彰日本桃汁清新嘅飲品，味道帶有桃嘅甜味，同時保留桃本身嘅鮮美果香三文魚刺身只要like店鋪既社交平台就免費送贈三切三文魚刺身! 🙌🏻肉質鮮嫩，帶有絲絲彈性，入口即化枝豆中獎禮物味道清甜，豆莢爽脆，內部的豆粒嫩滑。枝豆可以生吃或者煮熟食用，帶有淡淡嘅豆香味

得閒約下知心好友出嚟傾計食，都係一件賞心樂事，咁岩搵到一間喺旺角的居酒屋，可以暢談心事🤗聽老闆講呢間餐廳係新開既😊黑松露芝士炸蠔卷 HK$ 78黑松露芝士呢種配搭十分特別，黑松露香中帶一點鹹味，然後在炸蠔的層次上又別有一番鮮味，值得比個like👍🏻蒲燒鰻魚定食 $176晚市套餐包左茶碗蒸、什菜沙律、麵豉湯和青蘋果蘇打，新鮮的鰻魚當然冇得頂，一邊食鰻魚，再一邊飲蘋果梳打，爽啊🤣🤣大根煮牛舌定食 $138套餐都有跟茶碗蒸、什菜沙律同麵豉湯，牛舌夠淋，而且牛舌份量比較多，配上一些白蘿蔔，有D似蘿蔔煮牛腩✨好味指數：10/10性價比指數：8/10餐廳名稱：八居酒屋餐廳地址：旺角彌敦道594-596號旺角新城5樓電話：35835218

1️⃣特上吞拿魚全盛丼我真係好中意食吞拿魚,見到依個真係好吸引.有吞拿魚赤身,中拖羅,大拖羅,拖羅蓉.每片都好厚身,同埋食落真係冇筋,靚魚呀.份量又ok.價錢合理💰HKD$1882️⃣特上八盛丼海膽,蝦,帆立貝,油甘魚,白身魚,三文魚,三文魚籽,蛋.齊哂咁多款魚,唔洗諗得咁辛苦呀,全部都好新鮮呀😍💰HKD$168加$25有2片三文魚刺身,好肥美,大片😆3️⃣鹽燒牛舌燒得剛剛好,好香, 牛舌又唔會un👍🏻💰HKD$58店員態度好好,有介紹餐廳菜式,仲有夾波波玩,夾中有得送野食野飲,係度食飯真係幾開心.😁😁

八居酒屋同男朋友都鍾意食日本野😍今日試下八居酒屋，好耐之前都食過佢尖沙咀分店知道佢係旺角開分店就黎踩踩點😋💛 時令壽司定食(8貫) $138 （圖三）壽司上枱好吸引😍 第一舊食三文魚好新鮮壽司都好新鮮，一秒覺得自己係日本咁+$20配左茶碗蒸、沙律、麵豉湯茶碗蒸個蛋勁滑😋 入面有菇、肉丸、蟹柳💛happy hour 3x串燒 1杯酒 $98 (圖4)呢個套餐超抵！ 我揀左鹽燒雞翼串、汁燒日本魷魚串、日式唐揚炸雞、梅酒，都係$98！真係超抵！飲下酒食下串燒，聽埋餐廳播緊既音樂，chill💛汁燒牛肉定食 $98 （圖5-6）裡面有牛肉、菇、洋蔥，醬汁好惹味份量都多，牛肉好多塊又大又塊😋+$20配左茶碗蒸、沙律、麵豉湯而家去八居酒屋食飯仲可以夾公仔😍（圖9-10）食野之餘仲可以玩埋，憑運氣拎走大獎😋價錢：$373 (二人) (另加一)⭐️⭐️⭐️評分：8.5/10⭐️⭐️⭐️📍八居酒屋 (旺角新城) (旺角)旺角彌敦道594-596號旺角新城5樓

位置：八居酒屋 (旺角新城) (旺角)旺角彌敦道594-596號旺角新城5樓（位置都好方便，超近信和，唔講唔知信和隔離都有好野食）食後感：樓上居酒屋，靜靜地可以同朋友傾下計都唔錯，野食唔算十分貴，味道各方面都唔錯，行過可以黎食下。晚市套餐都係$100左右。味道：角切魚生粒粒井（$88）粒粒魚生飯都有幾種魚生，八爪魚、三文魚、蟹柳、甜蛋、青瓜同蟹籽。魚生都夠撈曬成碗飯，味道都唔錯。清湯野菜烏冬（$78）烏冬係稻庭烏冬，又滑又索湯。烏冬上面有大量黃芽白，冬菇。平時出街好小有蔬菜食，女士們叫呢個食岩曬。湯底係甜豉油湯底，味道岩岩唔太咸唔太甜。仙台厚燒牛舌（$148）廚師推介仙台厚燒牛舌，其實姐係蜜椒炒牛舌粒，味道甜甜地地加埋黑椒，十分惹味。牛舌切得夠厚，入面爽彈又夠淋。超級推介👍🏻餐飲：熱柚子蜜：超濃柚子味，夠曬甜（$18）白桃乳酪梳打：清爽梳打，天氣咁熱飲落好爽呀（$28）

旺角樓上隱藏左好多性價比好高既餐廳～ 今次同朋友就搵左呢間係信和附近既日本菜 野食好食又好抵！.最驚喜係依家光顧就可以按人頭數目玩遊戲夾公仔機🤭 夾到唔同波波就有唔同分數 一枱人既分加埋就可以換野食🙌🏻 換領既野食都有誠意架 仲要好易玩😆 我地兩個人成功有5分 換左個香蔥玉子燒😆.｜炎～壽司盛（8貫）$128入面有四款火炙壽司各兩件 三文魚/左口魚邊/蟹棒/鰻魚 火炙係岩岩燒好 仲有少少焦香同微暖🤭 其中最驚喜係鰻魚 好厚肉同魚油香～ 仲要無骨！（因為食過太多鰻魚係有明顯既骨 唔敢食🥲）.｜金龍卷 $68睇到價錢真係嚇親 好抵食👍🏻 上面有牛油果同蟹籽 壽司飯包住脆卜卜既炸蝦🍤.｜熟北寄貝壽司 (2貫) $28想食熟壽司就叫左呢個 正常發揮 北寄貝唔會韌/凍冰冰.｜鹽燒雞腎串 $26 / 汁燒日本魷魚串 $32串燒燒得岩岩好 唔會乾同韌.｜明太子玉子燒 $58滿滿明太子醬燒熔左 又係熱辣辣 好正！.｜牛油蒜香炒雜菌 $60呢個超好食！有3-4款菇係入面 切絲切片 好多口感👍🏻 重點係牛油好多 夠重口味😝

星期六約朋友係旺角食飯, 之後去西九睇水上煙火。今次揀左間日式居酒屋, 係信和中心附近, 位置幾方便。我哋叫左三色刺身井, 幾款刺身都十分新鮮, 牡丹蝦亦很鮮甜。除左刺身, 我哋也叫左兩款壽司, 牛油果三文魚卷, 味道好清新。帶子壽司亦好大隻十分鮮甜。另外我哋叫左幾款串燒, 牛舌燒等好嫩滑, 唔會好靱, 白鱔亦燒到好脆口和有油香。晚餐可以加配蒸蛋, 湯和沙律, 十分豐富。我哋被安排坐係餐廳窗邊位, 望著樓下既景色, 感覺好輕鬆。

旺角八居酒屋是一家以居酒屋風格為主的餐廳首先，讓我來談談鹽燒三文魚頭。這道小食以三文魚頭為主角，經過鹽燒的處理，味道鮮美。三文魚頭的肉質鮮嫩多汁，燒烤後表面形成了一層鹽燒的香脆皮，增添了口感的層次感。這道小食的味道十分濃郁，搭配著檸檬酸味，更能提升整體的風味。接下來是晚市套餐的蒲燒鰻魚定食。這道套餐非常豐盛，其中包含了茶碗蒸、雜菜沙拉和麵豉湯。蒲燒鰻魚本身非常美味，鰻魚肉質鮮嫩，經過炭火燒烤後，表面形成了一層香脆的外皮，內部則是濕潤多汁。這道套餐的配菜也很不錯，茶碗蒸的蒸蛋口感綿密，雜菜沙拉新鮮爽口，麵豉湯則帶來了濃郁的味道。旺角八居酒屋還提供了壽司定食，其中包括了八貫的壽司，包括三文魚、吞拿魚、蟹籽和魷魚等。如果喜歡三文魚，你還可以加錢加兩片三文魚刺身。這道壽司定食的壽司都很新鮮，每一口都能品嚐到海鮮的鮮美味道。壽司的製作精細，米飯軟糯，魚肉鮮嫩，搭配薄切的魷魚和蟹籽最後，我要提到這家餐廳的創意服務。差不多吃完的時候，店員邀請我們使用代幣去外面玩夾公仔機，夾出的波數量可以兌換指定的食物。這種互動式的服務增添了用餐的樂趣，讓整個用餐體驗更加有趣和獨特。我們最終選擇了螢光魷魚漬作為獎品，