影片
更多
2024-01-20
14 瀏覽
今日去旺角做野，所以約左朋友係旺角食埋晚餐。地鋪大部分都食過晒，今次就揀左間樓上鋪試下。一出lift 好特別，見到一部夾公仔機擺係門口，開頭唔知點解，事後發現原來餐廳既特色環節。餐廳內部環境唔錯，乾淨企理。坐低之後店員過黎示意scan個qr code落單。咁我地二人就嗌左個芥末八爪魚做開胃小菜，芥末味道濃郁更加帶出八爪魚既鮮味，唔錯既一道小食。另外我地又嗌左朋友每次食日本野都會嗌黎食既日本小甜薯。朋友話小甜薯燒得好香，甜味十足之後就到主菜 炎～壽司盛 有8件壽司。 壽司擺盤幾精細，壽司既飯入味唔易散，食材亦新鮮。火炙三文魚脆脆卷呢個有驚喜，三文魚既油香加上脆脆既口感，推薦大家黎到要試試！牛肉壽喜燒鍋呢個亦相當唔錯，牛肉肉味香濃，壽喜燒湯底甜而不膩！最後就係上面提到既夾公仔機，原來呢間係旺角新分店做既活動，客人可以去店門口既夾公仔機夾波波，夾到唔同大小數量就得到唔同既分數，然後用分數換領唔同既獎賞，我夾左十幾分 差少少就換到最大嘅獎賞而第二大獎就係可以揀換牛舌一份或者動漫公仔一隻然後店員就推介我地要試個牛舌，因為佢地呢一道牛舌係由日本大師傅直接傳授。咁我地就試試呢道店員大推既牛舌，唔係講
一出lift 好特別，見到一部夾公仔機擺係門口，開頭唔知點解，事後發現原來餐廳既特色環節。
餐廳內部環境唔錯，乾淨企理。
坐低之後店員過黎示意scan個qr code落單。
咁我地二人就嗌左個芥末八爪魚做開胃小菜，
芥末味道濃郁更加帶出八爪魚既鮮味，唔錯既一道小食。
另外我地又嗌左朋友每次食日本野都會嗌黎食既日本小甜薯。
朋友話小甜薯燒得好香，甜味十足
之後就到主菜 炎～壽司盛 有8件壽司。
壽司擺盤幾精細，壽司既飯入味唔易散，食材亦新鮮。
火炙三文魚脆脆卷
呢個有驚喜，三文魚既油香加上脆脆既口感，推薦大家黎到要試試！
牛肉壽喜燒鍋
呢個亦相當唔錯，牛肉肉味香濃，壽喜燒湯底甜而不膩！
最後就係上面提到既夾公仔機，原來呢間係旺角新分店做既活動，客人可以去店門口既夾公仔機夾波波，夾到唔同大小數量就得到唔同既分數，然後用分數換領唔同既獎賞，
我夾左十幾分 差少少就換到最大嘅獎賞
而第二大獎就係可以揀換牛舌一份或者動漫公仔一隻
然後店員就推介我地要試個牛舌，因為佢地呢一道牛舌係由日本大師傅直接傳授。
咁我地就試試呢道店員大推既牛舌，唔係講笑，真心！好好味！牛舌鮮嫩多汁，暫時係香港冇乜幾間做到呢個水準！
張貼
