八妹雞煲

營業中

休息中

今日係大埔等朋友放工佢又比較大食就揀火鍋依個八妹雞煲想試好耐嫁喇之前聽就聽得多今次先有機會黎食入面個裝修好靚好有gimmic打卡一流 好有舊香港味度叫左渣竹蔗茅根水 $48好肚餓 叫個雞煲先揀左徴辣半隻雞 $168 好好味 好少雞煲既味係可以入到去啲肉入面通常得表面而且依個味只有依間餐廳先有果然係秘製😋👍🏻👍🏻即炸響鈴 $50大大舊 自家製 好食 有咬口豬肉 $55美國雪肥牛(大) $148好食 唔會有雪味 新鮮紅薯粉 $22 大大碗鮮淮山 $38 份量多又好食好鐘意打邊爐食淮山野生竹生 $70 爽 新鮮黎個大合照有個大食朋友係到大家都食唔晒$695 連加一每人 $347.5

收工要食好啲😍，諗起都有一段時間冇食雞煲，就去咗附近八妹雞煲食啦，好彩平日唔使點等位，好快就可以入去😊第一件事就梗係叫咗雞煲先啦，跟著就去拎醬料啦，啲侍應好熱心😅係咁叫你出去拎醬料🤣🤣因為係咪都要收醬料錢，梗係唔好蝕俾佢啦😂😂睇開我食評都知我好鍾意食辣，指天椒當然唔少得啦🌶🌶有個驚喜就係醬料區竟然有小食提供，有一個三角形物體同埋有鹽花生🥜出奇地好食香脆可口👍🏽👍🏽咁就逐樣講吓啲食材啦😊八妹雞煲小辣半隻雞🐓因為朋友唔係好食得辣嘅關係就叫咗小辣，就真係得微微既辣味，但都好嘢味😋好多芫荽同洋蔥🧅雖然得半隻雞但我哋得兩個人食🤪🤪所以都好足夠啦😌😌啲雞好嫩滑，係會食完想再食👍🏽👍🏽炸響鈴🥠超級脆！！配埋個雞汁真係一絕😋大安格斯牛🐮🐮喺落咗湯同未落湯之前都分別食過，落湯之前個雞煲汁好濃味，有少少蓋過咗，但仍然係食到牛肉味嘅😀落咗湯之後湯底清左，牛肉味就出好多😌都算係濃厚牛肉味😋😋什餃🥟🥟有三粒韭菜餃兩粒雲吞同三粒魚皮餃，魚皮餃就好似四州魚皮餃咁嘅味，要讚一讚個雲吞🦐🦐大大粒！好足料，而且味道好，蝦彈牙👍🏽感覺好新鮮👍🏽👍🏽👍🏽大大杯凍檸金橘🍺酸酸甜甜好開胃😊入邊仲有兩粒話梅😆都幾好飲超級飽🤭好好味

今日同朋友特登入到嚟大埔食好西，朋友推介呢間八妹雞煲。我哋8:30入咗入面都算多人，入到去已經聞到陣陣麻辣花椒香味，個環境都算幾新潮比較有特色。我哋點左招牌嘅半隻麻辣雞煲要咗小辣，半隻雞好多件，兩個人食岩哂。辣度剛剛好 夠哂麻香，令人撲鼻嘅花椒，感覺好正。雞肉都好嫩，好入味 搭埋洋蔥同芫荽一流。食完雞煲之後就可以叫店員加湯轉打邊爐，我哋要咗蔬菜拼盤墨魚滑同豬頸肉，每樣配料都好新鮮墨魚滑夠晒彈牙，平時好少見到打邊爐會有豬頸肉嘅選擇呢度嘅豬頸肉半份都好多，用料上乘絕對唔係馬虎貨色。推介蜂巢豆腐同竹笙，兩樣朔晒個麻辣湯汁，一咬落去充滿麻辣香，刺激味蕾。另外佢個炸魚皮都好抵食大大兜重要好香脆無論浸湯或者就咁食都好好味。

今日去到大埔探朋友 山長水遠梗係要食下好西 朋友介紹食呢一間八妹雞煲 佢話之前同屋企人成日嚟食☺️☺️☺️入到餐廳環境相當闊落 裝修充滿復古元素 牆上面嘅佈景板好有特色 例如全院滿座嘅戲院 果欄魚檔嘅菜市場等😃😃😃麻辣雞煲 半隻 小辣半隻嘅份量兩個人食夠晒 我哋叫咗小辣 辣度啱啱好 麻香濃郁 舌尖傳來陣陣酥麻嘅感覺 好正啊 至於雞肉好嫩 食得出唔係冰鮮雞 好入味 洋蔥同芫荽都好多😋😋😋安格斯牛肉 一份本來諗住點半份 但由於點一份嘅性價比高過半份好多 所以就叫多咗 牛肉好新鮮 落咗去啲麻辣湯底打邊爐之後特別惹味 食到停唔到口😚😚😚藍妹啤酒食雞煲梗係要嗌啤酒啦 凍冰冰飲落去中和左雞煲嘅麻辣 呢度嘅啤酒價錢平 仲要係大支裝😍😍😍

來到區內八妹雞煲，雞係必選，只在於選那一種，與朋友傾了，要雞煲定純打邊爐，定要醉雞鍋，討論未應達至共識，就石頭剪刀布一拳定勝負，終於…… 藥膳花雕醉雞鍋（勝出）我們點了半隻雞，醉雞鍋一到枱加熱，那蔘味及花雕香氣四散，我們雙發亮，期待一試那半隻雞。一口咬下去，雞肉嫩滑，一咬就開，仲超有雞味，透出酒香。我們更忍不住喝了口雞湯，嘩！不肥膩，藥香酒香又濃，令人口了整鍋。 醉雞鍋吃畢後，我們開始進入邊爐時間，首先試食羊肉：沒有羊騷味，肉質鬆軟易咬。鱔片：勁好味，有鱔的咬口，魚味濃，encore 之選。特級墨魚丸：多，真係冇預佢咁多粒，抵食。八妹拼盤（南瓜，皇帝茶，露荀，粟米芯，白菇，秋葵）必選東西，多菜，多款，樣樣也吸引，係秋葵太大了最後吃不下。醇滑嘉士伯：打邊爐必備之選。下要要再試雞煲。

今日同同事因公事黎到大埔處理 , 搞掂後都差唔多7點 , 就諗住附近解決埋晚餐同事提議雞煲火鍋 , 並附近有好介紹地點在太和站行10分鐘左右到達正值7:30黃金時間 , 近乎座無虛席自助調味區冷氣夠勁 , 唔會大熱天時食到出晒汗地方頗大 , 座位寬敞 , 環境亦乾淨企理店員都OK殷勤餐牌簡而精order左唔夠10分鐘 , 雞煲就開始上枱秘制八妹雞煲(半隻)$168 - 黎到梗係要試招牌野 , 雞煲香氣四溢 , 叫左小辣 , 醬汁濃稠不過鹹 , 雞肉惹味兼嫩滑 , 再者份量不少 , 材料亦足 , 非常推薦美國雪花肥牛 (大) $148 - 肥牛脂肪比例佳 , 可見油香雪花紋理 , 半肥瘦好味混丸 $60 - 各兩隻 , 魚蛋同墨魚丸均好彈牙 , 香丸味道香濃 , 牛筋丸最為出色 , 牛肉味好突出什餃 $60 - 魚皮餃鮮味漸出 , 雲吞內裡蝦肉 豬肉 比例好好 , 絕對要試 , 韭菜餃脹脹餡料不吝嗇 , 皮簿餡靚最後埋單連茶芥加一等 差不多$540 , 朋友無介紹錯 , 等冬天凍少少再黎更佳

這間店食物真係唔差，本來每月都會同朋友來兩三次，但好可惜帶有口音長髮便服嘅經理對客人呼呼喝喝，滿口粗口，佢介紹海鮮，我唔食就黑口黑面，話我食垃圾，我對海鮮敏感，唔通都得罪你咩！比錢食飯中要受氣，最搞笑係我比散子又唔收，要我比大紙，莫非散子唔係錢咩，都唔明宜家咩世界呀，真係欠你嘅咩！真係唔明點解佢老闆可以忍受這種極品中嘅極品！

今日同朋友黎到大埔的八妹雞煲。因為今日都想食清淡少少, 所以我地無試雞煲啦, 直接叫左湯底打邊爐, 餐廳設自助區, 可以自由調配醬油, 自助區仲有辣味花生可以任食。湯底叫左鮮茄湯, 有蕃茄, 粟米, 薯仔, 西芹, 芫茜, 味道鮮甜, 好足料。"2人必點"叫左什餃同菇拼, 餃子有雲吞, 韮菜餃同魚皮餃, 每款各兩至三隻, 雲吞魚皮餃正常無咩特別, 韮菜餃餃皮略嫌厚左少少, 但味道唔錯。菇拼盤有冬菇, 秀珍菇同雞脾菇, 三款菇類都新鮮, 吸左蕃茄湯好正。蘿蔔份量充足, 鮮甜無苦味。另外叫左一份大的雪花肥牛, 牛肉色澤好靚, 肥瘦均勻, 入口嫩滑, 份量都好足, 值得推薦。麵類試左薯粉, 薯粉滑身, 口感煙韌彈牙, 同蕃茄湯非常夾。最後個人覺得整體性價比都算唔錯, 食物質素不過不失，鐘意食雞煲火鍋的朋友不妨一試。

大埔八妹人氣雞煲🌸秘制八妹雞煲半隻$168⭐️⭐️⭐️⭐️⭐️傻婆們叫左微辣，真係好微既辣，但又有微微花椒香，有好多芫荽西芹同紫洋蔥，雞件十分嫩滑入味，雞煲醬汁鹹度適中（唔太重口味既人啱吃）🌸豬皮$45⭐️⭐️⭐️⭐️⭐️一開波傻婆們就加入埋雞煲去炒，食雞既時候就等豬皮慢慢煮熟同入味，下次大家都可以試下！🌸羊肉片$60⭐️⭐️⭐️⭐️⭐️羊肉片有9片，不會太羶，很快就烚好，好重羊味！🌸娃娃菜$35⭐️⭐️⭐️⭐️⭐️娃娃菜十分新鮮，冇爛冇浸過水，而且夠大份，抵食！🌸竹蔗茅根水$42/酌⭐️⭐️⭐️⭐️⭐️甜度適中，材料足夠，完全可以清熱氣，大大酌完全夠飲！🌸天地一號蘋果醋$42/樽⭐️⭐️⭐️⭐️⭐️大支裝的，先飲一杯天地一號蘋果醋開下胃口，不會太酸，咁就可以擦餐飽每位醬油費$12有豉油、辣椒、辣椒油、芫荽、蔥、乾蒜、蒜蓉，2款小食餐廳裝修好似去左大排檔甘，座位舒適，冷氣十分足夠，需加一服務費，傻婆們平日夜晚去食，18:30後都幾爆場，如果大家想去食都建議book定位預防萬一！======詳情======八妹雞煲大埔舊墟直街4-20號美新大廈地下A1號舖================#yummy #香港美食指南 #香港美食 #hkfoodi

太和都係住宅區為主，今次真係第一次嚟到呢度搵食，發現附近都有好多唔同嘅放題雞煲，最後揀咗八妹雞煲環境裝修特別，位置都可以坐得好舒適，有唔同嘅推介產品都會掛喺牆上除咗有唔同嘅雞煲同埋邊爐配料之外，仲有一啲特別嘅餐前小食都可以嗌，不過今次因為得兩個人食唔晒就下次先再試醬料區周圍嘅打邊爐都可以自己調配醬料，但係呢度特別嘅係多咗炸花生，花生脆口而且鹹度適中，好好嘅開胃菜秘製八妹雞煲有唔同辣度可以揀，我哋叫咗微辣，一上枱嘅時候都已經香氣十足，而且佢所有嘅醬汁係包裹晒全部嘅雞肉佢放嘅花椒同埋辣椒仔都係偏大少少，愈煲得耐更加能夠帶出成個雞煲嘅香辣感，雞肉啖啖肉，好新鮮完全冇雪藏味，肥瘦分布都均勻，咬落去係好嫩滑美國雪花肥牛脂肪比例分布平均，唔會係想像中嘅好多脂肪，擺碟整齊吸引，索晒成個雞湯嘅精華，就算淥耐少少，肉質都唔會話好鞋身，再點埋醬汁，鮮味提升即炸響鈴一上枱已經即刻哇一聲，因為係即叫即炸，每一個響鈴都係脹卜卜，有好多層，放入去大概5秒已經夠晒，咬落口嘅時候仍然係爽口，層次豐富油麥菜新鮮乾淨，而且都好有心機咁樣整齊排列，每一棵放入去湯度索晒啲湯汁，依然保有菜嘅鮮甜感

好耐都無打邊爐 今次嚟咗係太和嘅八妹雞煲食火鍋鮮茄濃湯底 $98鮮茄湯嘅蕃茄味的確好濃郁 亦食唔出味精嘅味道入面嘅配料豐富 有好多蕃茄 唐芹 粟米 蒜頭 薑去令湯味更突出 令食到啲餸菜嘅時候可以食到濃濃嘅蕃茄湯味 作為湯底好出眾美國雪花肥牛（大）$148大份肥牛大概有十片到 肥牛嘅肥瘦分佈均勻 唔會太過多肥膏 牛肉亦幾滑 質量不錯二人必點什餃$60 （雲吞，韭菜餃，魚皮餃）韭菜餃嘅餡料幾豐富 充滿住滿滿嘅韭菜餃子皮都幾索湯 蕃茄味配餃子都幾夾菇拼$48 （冬菇，秀珍菇，雞脾菇）菇類嘅份量亦好豐富 白蘿蔔片$35蘿蔔片非常索湯 吸收咗湯底嘅味道紅薯粉$22 稻庭烏冬 $36餓底點都想叫埋麵類 紅薯粉好煙韌呢度除咗火鍋仲有雞煲食 不過食完火鍋都好飽好滿足 下次有機會再試吓

朋友講開好想食雞煲，於是就搵到呢間八妹雞煲試試佢！兩個人食，嗌咗半隻雞($168)，可以揀辣度：不辣、微辣、小中大勁辣。另外再加咗細份嘅雪花肥牛($128)、一份混丸($60)(係魚蛋、牛丸、頁丸同墨魚丸，各2粒)、一份三拼($60)(萵荀、鮮淮山、蘿蔔片)、一份水魷($48)，同埋一乍竹蔗茅根($42)，最後連加一每人$300左右。個雞煲係超級好食！佢個醬應該係自己調出嚟的，勁香濃惹味，每一件雞都好夠味，唔會太油/辣，但又煮得好嫩滑，食到停唔到。雞煲完就可以加湯打邊爐，個湯底用嚟煮肥牛真係一流，連額外嘅調味都唔駛已經好好食，又有牛肉嘅香味，同時加埋雞煲醬嗰種惹味，大讚！蔬菜三拼都一定要試，三樣都係勁吸味嘅嘢，淥完一輪之後食，吸收哂D湯嘅精華，又係食到停唔到。混丸就正正常常打邊爐嘅丸。水魷都都食，爽口！一乍竹蔗茅根都係$42，好大樽，清熱又降火，配埋雞煲真係無得頂！

大埔太多隱世餐廳唔問街坊都唔知邊間係好食同朋友去完大埔打波，兩個人就比會帶左去一間區外人見到，唔太起眼嘅餐廳八妹雞煲唔係放題，所以質素相對上會高小小唔算平，不過d料夠新鮮serivce 夠好半隻雞$168唔算平，不過可接受味道夠哂，d 雞都好肉唔會得d,骨鮮牛肉$55好大碗好抵食又健康，唔肥嘅白鱔片$98都算大碟夠新鮮健康下，叫d 菜咁總結唔算平。不過唔貴嘅小高汁雞煲店多人食應該會抵d,同可試多d 野不過你唔黎，大把人黎街坊識食，唔洗你講

今晚book左7:30食雞煲，見openrice有好多好評，就入大埔試試佢，呢到有得揀雞煲，普通湯底，特式湯底，心思思有諗過芫茜湯底，最後都係食好耐冇食過既八妹雞煲，叫完好快上枱，呢到既員工好好禮貌，食完一碟好快就幫你收起，唔怕冇位叫多幾碟，雞煲份量都幾多，叫左微辣，對於我地唔係好食得辣，但又想過下癮既人係好正，個汁好香，雞脾肉滑，連雞胸位都好入味唔嚡，食完又唔會覺得口渴，而且配料都好入味，洋蔥好甜，正食完雞煲，用雞煲做打邊爐湯底，叫左細雪花肥牛，雪花分佈均勻，同自製醬油好夾叫左支醇滑加士伯配打邊爐海鮮芝士豆腐，上枱熱辣辣，幾特別，裡面芝士軟心金菇好岩打邊爐，入哂雞煲汁底精華即炸響鈴形狀非常特別，第1次見，淥完可以捲住食，好脆，又可以似麵咁食，索哂雞汁，第1次食新鮮炸起既響鈴，上枱店員亦會細心提醒小心熱絕對有下次😋

終於有等到放假嘅時候約埋朋友一齊出去踩單車完成一啲咁高消耗既活動量之後梗係要補充番足夠嘅體力啦今次朋友帶我黎到大埔呢間雞煲食野一入到去勁有驚喜入面裝修每個卡位都係打卡點😍全部都係好有舊香港特色既設計雖然喺大排檔嘅風味但係環境非常之乾淨舒服冷氣都好足夠入面另外有2間獨立房一大班朋友黎打邊爐嘈d都唔怕阻到人特別推介呢個花雕雞煲就咁飲都岩岩好，唔會太濃，酒味亦岩岩好最值得讚既係d雞件好軟淋淋由頭滾到落尾都無變”un” ! 推介！食完雞煲就直接打邊爐配料勁新鮮，食得出唔係雪藏個種味最驚喜係醬料區既小食飲住啤酒食小食感覺超正！下次會再同朋友黎試下