八妹雞煲

營業中

休息中

天氣開始轉涼🌬又係時候食雞煲啦🤩！今次去咗位於大埔直街嘅八妹雞煲，條街雖然唔係大街，但係都有好多唔同嘢食㗎！😋一入到舖頭就即刻有驚喜🤩舖頭係以「懷舊香港」做主題，非常之適合打卡！🤣樓面都非常之乾淨同大，就算坐滿人都唔會太嘈☺️餐牌有兩頁，最特別係有二人必點🥰平時兩個人打邊爐好驚食唔晒，都唔敢嗌太多種類🥲但係佢呢啲拼盤價錢可以試到唔同嘅菜，讚！嗌完嘢食就等上菜啦😚順便去調埋醬油先！有個🍶醬油專區去配自己鍾意嘅配料，仲有埋小食😋加分！😋秘製八妹雞煲(半隻) $168一上枱就即刻食得!! 不過都可以用個爐加熱啲先食，會更加有feel😛我哋揀咗微辣，真係唔算太辣，但係都有嗰種嘴唇👄麻辣嘅感覺😆非常惹味，令人想食完再食！😍雞肉係非常嫩滑，連雞胸都唔會鞋口。有驚喜係個洋蔥🧅本身全部未煮熟我都好怕會好辣，但係之後火鍋食法煮淋咗係非常甜嘅洋蔥，好食！食完雞煲就加水變火鍋啦！🤩我哋揀咗清湯，因為想試吓原本八妹雞煲嘅汁做湯底會點，事實證明變咗火鍋都係繼續好惹味😋😋😋🍅八妹拼盤 $85呢個蔬菜拼盤真係好正🥳有我最鍾意嘅南瓜，特別啲嘅有秋葵同埋蕃茄， 海鮮菇條條都白雪雪，好好食😆🧆混丸 $60四款丸（魚蛋，墨魚

-八妹雞煲-@大埔.天氣開始轉冷，就最岩去打邊爐食雞煲。晚餐時段都多人，剛好有張2人枱，座位唔算太逼，枱面都夠位放食物。.想一次過享受雞煲加火鍋，我地點左花膠雞煲 (半隻 $238)我地點左少辣，對我黎講係冇咩辣味，帶有香辛調味料，雞煲醬汁都好濃。雞件都幾多，每件都好大塊，本身都熟左的，稍稍整返熱就食得。.花膠厚身大件，吸晒雞煲醬料味，好入味，而質地偏爽口。.店員一早準備左火鍋湯底俾我地，雞件食到差唔多就加湯底打邊爐。.雪花肥牛 (小) ($128)同雙拼蚌($148)都夠新鮮尤其係打邊爐必食的珊瑚蚌拼桂花蚌，夠厚身爽口。.鮮腐竹($35)同萵荀/ 鮮淮山/ 蘿蔔片三拼 ($60)，2樣算幾大份，食極都仲有。.飲品點左香滑的凍椰汁冰($30)，都幾大杯，抵飲。

大埔八妹雞煲，深受街坊歡迎，間唔中想打邊爐都會諗起呢間。嗰日同朋友兩個去，其實兩個打邊爐叫餸就比較唔方便，因為可以試到嘅款式唔多。我哋嗰日揀咗醉雞湯底，竹笙、粟米、唐生菜、韭菜餃、滑牛肉、響鈴，再嗌咗竹蔗茅根清清熱氣。湯底味道唔錯，係一如既往印象中嘅味道。嘢食方面今日嘅VIP竟然唔係響鈴，而係韭菜餃。韭菜餃裏面有好多嘅肉汁，以蔬菜餃來講真係令人眼前一亮，飽到爆炸，大家都係清晒呢一碟，反而係不嬲印象中好好食嘅響鈴食到最後就有啲油膩感，所以冇食晒。其次第二出色就係滑牛肉，打邊爐一般人都會比較鍾意叫肥牛，今次我就試一試佢嘅滑牛肉，顧名思義，質感的確比較滑溜，但係價錢只係肥牛嘅三份一左右，味道唔錯又抵食。至於其他嘅菜式都比較中規中矩，叫做keep到水準，嚟緊冬天如果想打邊爐都會再返嚟呢間😋

同朋友book咗位嚟呢間餐廳食雞煲見天氣涼咗嗌咗藥膳雞煲覺得個藥膳雞煲可以濃郁啲但雞件肉質都不錯另外我哋嗌咗刀貝 但係就令人失望因為肉質偏老 除咗以上呢兩個位有啲失望之外其他水準都不錯食材中上水平響鈴自家製非常出色牛都唔錯 整體同朋友食得都幾開心

呢排凍返啲 食雞煲真係好啱兩個人煲吓煲吓 個場坐得又舒服好啱吹水！個雞煲基本上一叫即上 熱辣辣 即刻有得食我哋叫小辣 唔算辣喎！我覺得食得辣嘅人可以唔使咁保守挑戰高啲辣度😎😎😎成隻雞都好嫩滑 好多肉食！我哋兩個女仔😂眼闊肚窄係叫咗一隻雞呀🤣食完都飽咗一半！值得一讚嘅係……姐姐同我哋先落雞煲單我哋食到咁上下 再叫打邊爐嘅嘢😄咁就唔怕叫多咗食唔晒🥰 呢一點真係好好！啱晒我哋兩個女仔🤗本身叫雞煲嘅時候就已經配埋一個雞湯湯底如果想食啲特別口味 就可以另外再加錢食😙我哋見到牆上寫今日有墨魚鬚！ 可以打邊爐食 （不在menu以內）！🤩平時喺其他地方都好少有！咁梗係即刻叫喇😄真係冇令我失望！！墨魚鬚好爽滑食得好過癮！另外我哋再叫咗即炸響鈴、八妹拼盤同埋豬腩肉！全部都滿意喎🤩響鈴應該係八妹自制上嘅時候仲係熱辣辣 好脆卜卜😋八抺拼盤就有好多唔同嘅菜同菇好啱有選擇困難嘅我😛仲有豬腩肉呀…！好有豬肉味🤣 絕對唔係雪咗好耐嗰啲冇味肉！仲有仲有… 我同朋友都覺得八妹個辣椒醬好啱胃口😍又香辣又甜甜地 好易入口咁整體來講一餐都好滿意😋😋😋

估唔到隔左三四年先硼食雞煲，今次黎到喺大埔舊墟嘅呢間八妹雞煲，裝修好有特色，有別於過往食雞煲都係簡陋，相對無咁整潔既大排檔度食。呢度係新式大排檔設計，光猛整潔，坐得好舒服😙當日我喺下午六時入座，已經坐咗幾台客啦！自己去添醬油，仲有不同配料！花生好脆好香口😋嚟到百匯雞煲咁就梗係一定要嗌佢嘅招牌雞煲啦！我有爬文㗎 ！呢度嘅辣汁，如果你係食開小辣就叫中辣，因為佢嘅辣到係相對輕微嘅☺️我哋兩個人所以嗌咗半隻雞食，雞味濃，肉質鮮嫩，半隻雞份量岩岩好！🥰個秘製汁完美掛哂係舊雞度，超正！無得頂！😎辣汁方面，我地叫左中辣，因為乾辣椒開頭未出哂味，我覺得我哋可以挑戰大辣🫣 之後打邊爐既時候，中辣既辣度其實就岩岩好。🧐我鍾意食海鮮，所以叫咗雙色蚌，其實淨係叫珊瑚蚌仲好味！😌當然少不了叫肥牛啦！我哋叫咗A級安格斯肥牛（小），牛味濃，雪花唔算好多，配雞煲汁真係好正🤩友人指定叫呢個墨汁墨魚丸！嘩！好多粒啊食到好飽啊！😜最後當然要點個菜食下，我揀左萵筍，爽口索汁，我既至愛☺️我哋仲叫左竹蔗水飲，我同友人都大讚八妹雞煲既秘製汁超正！份量岩岩好！埋單先$685！好坐乾淨大份，一定要再encore 呀！😋😋😋

同朋友去左太和，太和出名多野食選擇，行過哩間火鍋店見人頭湧湧，便決定入去打邊爐，裡面格局似街市內既食堂氣氛，充滿懷舊色彩。網上話哩度食材用料新鮮，先叫個特式蕃茄湯底拼三款肥牛鍋，仲有2人必點既混丸、拼菇、什餃、蔬菜拼盤同稻庭烏冬。湯底由個大鍋裝住上，鮮橙紅色，裡面有蕃茄、粟米、薯仔、芹菜芫荽作餚煮配菜，叫既火鍋料好快就擺滿整張枱，好開心，食火鍋就係要排長，唔同既食材自己喜歡食咩就恰下恰下勁過隱。先講下哩度既調味料，係要係出面自取的，拎既時候發現有兩款小食(三角脆及炒花生)，緊係唔執輸拎一兜返去食住滾，三角脆脆辣辣地，勁好味過隱。 隨湯底配既三款肥牛鮮艷無比，每款都有唔同質感，我同朋友都比較喜歡手切肥牛，牛味重兼鮮嫩無比，而雪花肥牛花紋均勻漂亮，滑牛口感嫩滑美味。 混丸：由4款丸配搭混合，分別係牛筋丸、墨丸、貢丸同潮式魚蛋組合成一碟，每款兩粒，每樣都可以試下，每款都爽口兼彈牙新鮮。 什餃：韮菜餃、雲吞、魚皮餃，每款都係兩粒，樣樣都可以試到，配搭好正。蔬菜拼盤：露筍、皇帝菜、娃娃菜、粟米芯、秋葵、海鮮菇、南瓜、蕃茄每款蔬菜都有一些，滿足均勻飲食需要，尤其皇帝菜，唔係度度都食到，雖然望落去唔

天氣開始凍 打邊爐食雞煲既時間到了🥰今次就去左大埔食出名既八妹雞煲-八妹雞煲店內裝潢是走懷舊風 坐邊度都係打卡位😏 有好多令人懷念既香港景觀💁🏻‍♀️🍴秘制八妹雞煲(半隻) $168叫左最出名既秘制雞煲 辣度方面 因為👧🏻唔係好食到辣 就簡左微辣🤭個辣醬好香 食食下有少少麻辣味 好惹味 仲有d生洋蔥🧅 好爽口 如果唔想食生洋蔥 可以等加湯打邊爐個時先食 吸曬d汁 軟淋淋都好好食👍🏻+$22 八妹辣雞汁同行朋友仔厭唔夠辣 另外加多左個雞汁🤣 如果食開辣既話 辣度可以簡小辣/中辣 會啱大家口味多啲😝🍴手切肥牛(小) $218切得靚靚既肥牛 油花比例平均 幾重牛肉味同新鮮🥰🍴鴛鴦滑 $108鴛鴦滑好啱選擇困難症又咩都想試既人 有齊蝦滑+墨魚滑 2個滑都好彈牙爽口 有咬勁😋🍴即炸響鈴 $50打邊爐必點既響鈴🥹❤️ 呢度既響鈴係即炸 好大舊 極邪惡 好酥脆香口👍🏻🥤竹蔗茅根水 $42/酌呢度既飲品出名大大杯😆 同朋友2個叫一酌竹蔗茅根水都夠飲 好解渴📍八妹雞煲 @大埔舊墟直街4-20號美新大廈地下A1號舖

近排都喺大埔返工，每日收工都會同同事去附近食吓嘢，近排愛上咗一間雞煲，經常都會幫襯，所以喺度推介一下。雞煲名味道香濃，性價比高，真係好值得幫襯。八妹雞煲，地址喺大埔舊墟直街4-20號美新大廈地下。餐廳裝修得好整潔地方好大，帶點懷舊風情。好似返咗以前嘅大排檔一樣。幾有特色，燈光夠晒光猛，坐得舒服，冷氣又足夠醬油同調味料都喺自助區自己選擇，基本嘅醬料都齊晒，辣椒，蒜頭，芫荽，炸左嘅蒜頭，蔥花，沙茶醬…. 呢度一定要幫襯試吓個雞煲，今日我哋點一隻雞（微辣），雞煲一上枱已經聞到好香嘅味道，上面鋪滿香菜，洋蔥，芹菜，雞肉非常嫩滑，吸收咗少少辣味將雞嘅鮮味提升，而且仲要好入味。洋蔥食落去好爽口，整體嘅調味配合得啱啱好，呢度嘅雞煲係我食過最好食，食完雞煲再加湯打邊爐，記得食晒啲雞先好打邊爐，如果啲雞煮得太耐就會唔好食😚安格斯肥牛，牛肉色澤紅潤帶少少脂肪，😁脂肪分佈均勻，食落去牛肉味特別香濃，牛肉吸收左雞煲嘅香味，味道更加有層次，肉味濃郁響鈴，即叫即炸嚟到新鮮熱辣，放入湯底1秒已經食得，又香又鬆脆又吸收左雞煲嘅香，無論口感同味道都係一流，同埋濃郁嘅湯底已經比響鈴吸晒啲味道打邊爐梗係唔少得叫支啤酒飲吓，

天氣開始轉涼啦梗係要去食雞煲暖下個胃啦係咪先;-)店入面裝修好懷舊,係七八十年代嘅香港,好特別好有心思雞煲黎八妹雞煲點可能唔叫佢嘅招牌菜,有大中小微辣, 唔食得辣嘅可以試下微辣,d雞好嫩滑又入味,份量真係冇偷工減料,食極都仲有,2個人叫半隻雞啱啱好,食完再放湯打邊爐～一次過滿足曬兩個願望٩(˃̶͈̀௰˂̶͈́)و雪花肥牛非常有牛香味,煮完仲好軟身, 食完雞煲開始少少飽,叫細份量都夠～竹蔗茅根$42超！級！抵！$42有成壺咁多,食雞煲飲呢個可以清下熱氣🙆🏻‍♂️每人都可以飲咗起碼5杯蝦滑墨魚滑有別於其他舖頭,呢度D 蝦滑墨魚滑好爽口,貌似冇落粉漿?全部都係真材實料～炸軟殻蟹 呢個係小食黎～上檯嗰時熱辣辣～炸粉唔厚, 食起上黎唔會淨係食到炸粉,一碟都有5-6件架～炸魚皮冇見過每舊都係咁大舊嘅魚皮,超鬆脆總括黎講食物用料高級,調味做得好好,好入味,冷氣夠大唔會出曬汗打邊爐～地址: 大埔舊墟直街4-20號美新大廈地下A1號舖

八妹雞煲 (大埔)📍大埔舊墟直街4-20號美新大廈地下A1號舖🍾用餐體驗天氣開始轉涼🍂突然好想打邊爐！於是就約下朋友仔一齊烚下烚下😍獎勵下自己！🤍鮮茄濃湯底 $98朋友唔食辣，我又想健康啲，所以就叫咗呢個番茄湯底！☺️🍅本身都有啲擔心係好假嘅番茄味，點知一嚟到見到同食咗一啖就非常滿意🥰🫶🏻係超足料嘅新鮮番茄！！仲有其他配料，令個湯底好濃郁鮮甜。🤍美國雪花肥牛(大) $148作為牛魔王嘅我打邊爐一定要食肥牛🤭🤭作為食牛無數嘅我都要高度咁讚佢嘅肥牛選材係好高質，而且份量都唔少，大份嘅兩個人食可以食到大滿足，正呀😝🤍竹串海蝦(例) $118例牌海蝦一碟有八隻，上枱時仲好生猛，腳仔仲有郁都識跳咁！🤗入口好鮮甜彈牙，絕對唔會後悔叫咗，推薦！！🤍羊肉片 $60凍凍地點可以唔叫羊啊！見個價錢好平，所以質素同份量都嚇我地一跳😳😳性價比咁高得唔得架？🤍西班牙黑豚豬腩片 $70最後叫左黑豚豬腩片食，佢嘅油脂分佈好好，唔會太膩，又好有咬口😆😆連平時少食豬腩嘅朋友都食唔停口！🍺獅威啤酒 (樽) $25打邊邊識飲一定係飲啤酒，下下火，又夠麻甩🤣完滿左成個邊爐晚餐呀/味道 🌟🌟🌟🌟🌟環境 🌟🌟🌟🌟服務 🌟🌟🌟🌟🌟衛

聽朋友介紹呢間雞煲裝修好有特色，今日嚟到，大開眼界… 「嘩！」左出嚟。完全將香港舊有風味整晒出嚟，一路食一路欣賞餐具方面都好有心思，用返八九十年代嘅風格雞煲幾抵，半隻先$168… 原本想1隻，但個姨姨話份量唔少，怕我地2個人食唔晒另外，食完雞煲可以打邊爐，款式都幾多，價錢相宜，唔貴天地壹號：聽就聽得多，但飲就第一次。原來幾好飲，酸酸甜甜🤣不過就俾人笑大鄉里雞煲嚟喇！！好香呀，我地叫左個小辣、半隻雞。啲雞煲醬好香濃，雞呢就幾大隻，好有肉，好彩無叫1隻，實食唔晒。雞好嫩滑，唔會過左火喉👍🏻叫左包粉絲，索下雞汁嚟食，好正呀蝦滑&墨魚滑：2隻都好食，但我個人比較鐘意墨魚滑，彈牙啲五花腩：呢個唔洗講，一望就知靚肉啦，肥瘦分明最後叫左2隻大蟶子，新鮮甜美嘅，係唔夠肥美啫😂😂😂整體都幾好👍🏻

一講起大埔嘅雞煲，最快諗到嘅餐廳就係八妹雞煲～舖面都好大，夠曬位坐又闊落，裝修都幾有心思，用左較早期七八十年代嘅香港風，寧舍地道。小編就試左以下幾樣：1.雞煲⭐️⭐️⭐️⭐️食八妹雞煲當然要試一試個招牌菜～辣辣地嘅秘製醬汁加上嫩滑多肉汁嘅雞脾肉，非常惹味😋鎖住雞嘅肉汁令到雞味更突出，有大中小辣任君選擇，食完雞煲再放湯用個汁打邊爐，真係無得輸！2.牛柳粒、脆鯇、水魷、蝦滑⭐️⭐️⭐️⭐️火鍋嚟講又唔使煎炸唔使開芡，最緊要一定係食材料～先講牛柳粒，彈牙又有口感，食落唔會韌之餘仲好香牛味！水魷脆鯇都好鮮味，魷魚唔會過得太多皂水味，脆鯇切得夠薄一浸水漾一漾就食得，唔會太老～蝦滑亦都打得夠曬鬆，可以話係必試～3.酥炸墨魚嘴⭐️⭐️⭐️⭐️嗌左個炸物送下啤酒，炸得卜卜脆之餘又唔會有浸千年油膱味，相信師傅都換油換得幾密～而大啤同整體價錢都唔算貴，適合街坊街里一家大細試下～

八妹雞煲嚟到大埔探朋友，朋友推介哩間八妹雞煲，就喺度食個晚餐，裝修行懷舊風，有舊香港風味今次早咗嚟，5點幾就到，全場得我哋一枱，點知到7點真係全院滿座，好采嚟得早-------------------------秘製八妹雞煲 微辣 (一隻) $268秘製雞煲醬超級惹味，仲有花椒，紅洋蔥，芹菜等配料，好香濃，微辣啱啱好雞肉嫩滑，同惹味雞煲醬超夾，好食食完雞煲加埋上湯打邊爐一流鴛鴦滑 (蝦滑+墨魚滑) $108一勺起已經feel 到黏性重，打到起曬膠煮熟完爽口彈牙，蝦同墨魚味都濃竹串海蝦 $118海蝦好新鮮，蝦身晶瑩剔透，上枱一刻蝦腳仲有微郁蝦肉彈牙鮮甜，蝦膏甘香 😍😍😍西班牙豚豬腩片 $70鮮嫩得嚟幾爽脆，食落唔會好油膩竹蔗茅根 $42食雞煲緊係要配竹蔗茅根，清涼解熱，正-------------------------個人覺得每款份量偏多，多啲人一齊食可以試多啲食物哩度仲有海鮮魚缸，即叫即撈，下次嚟要試埋其他海鮮 😋八妹雞煲地址🎈大埔舊墟直街4-20號美新大廈地下A1號舖

朋友生日，佢最鍾意嘅就係食雞煲，搵咗呢間喺大埔具有名氣嘅店舖，不單裝潢獨特，食物質素亦都有一定嘅好評🫶🏻睇返Menu，選擇都算好多，而且價錢合理👌最重要係朋友無酒不歡，呢度絕對可以滿足到佢嘅願望。首先當然係佢拎汁醬，同時有懷舊嘅小食供應，大為驚喜！點咗兩種飲品，一種係鬼佬涼茶😂一種係中國涼茶😬可以配合唔同口味嘅需要主角雞煲終於可以上枱，我哋點咗微辣，睇返雞件啖啖肉，裹上獨有嘅醬料，夠晒惹味，而且雞肉非常嫰滑，佐料都十分到位！果然名不虛傳👍🏻食完雞煲，自然會加湯再打邊爐，當中點咗排行榜內嘅響鈴，聽聞係自家製的，尺寸非常巨大，層次分明，果然別有一番風味！肥牛亦都非常有牛味、油脂均勻，並唔係一般行貨👍🏻