影片
更多
2022-10-01
1121 瀏覽
見有少少涼意，就去食下雞煲同埋打邊爐止下口痕😝😝黎到到呢間比較偏遠小小嘅雞煲，見入邊裝修幾得意就入去試吓😎😎😎✨雞煲(1隻雞)$268⭐️⭐️⭐️⭐️⭐️因為今次我哋主要食雞煲嘅關係，所以我哋兩個人就叫咗一隻雞嘅份量，中辣程度👍🏻👍🏻👍🏻雞煲上枱嘅時候已經聞到好香麻辣味，雞件亦都足夠，係真係一隻雞兩隻雞翼兩隻雞腳，因為平時喺出邊食親嘅雞煲，話就話一隻雞，但係唔明點解會有超過兩隻嘅雞腳😏😏所以呢間雞煲都好誠實。中辣程度對我哋來講唔算太辣，淨係可能佢哋對辣嘅調味比較輕手☺️所以平時食開小辣嘅朋友真係可以試吓中辣至大辣架🤩🤩雞件要煲一陣先夠入味，但係佢哋自家調製嘅雞汁真係好好味，非常香口又開胃惹味，雞肉好滑身，唔會煮到鞋烚烚👍🏻👍🏻👍🏻👍🏻🤤✨安格斯肥牛(小) $198肥牛好鬼靚，煲熟咗之後入口好軟身，亦都非常香牛味🤤真係會令到你追住食落去。✨蟹子蝦滑 $96呢個一定要讚一讚，因為成舊蝦滑都真係好多蝦肉喺裏面，就算分開咗出嚟一小舊咁樣食，都食到每一啖都有蝦肉喺裏面，亦都好香蝦肉味，再加埋啲孩子入口脆卜卜，蝦肉就彈牙口感，真係非常好味，嚟到嘅朋友一定要叫返一碟👆🏻👆🏻👍🏻✨大檸檬茶 $36呢個價錢，但係足
見有少少涼意，就去食下雞煲同埋打邊爐止下口痕😝😝
黎到到呢間比較偏遠小小嘅雞煲，見入邊裝修幾得意就入去試吓😎😎😎
✨雞煲(1隻雞)$268
⭐️⭐️⭐️⭐️⭐️
因為今次我哋主要食雞煲嘅關係，所以我哋兩個人就叫咗一隻雞嘅份量，中辣程度👍🏻👍🏻👍🏻
雞煲上枱嘅時候已經聞到好香麻辣味，雞件亦都足夠，係真係一隻雞兩隻雞翼兩隻雞腳，因為平時喺出邊食親嘅雞煲，話就話一隻雞，但係唔明點解會有超過兩隻嘅雞腳😏😏所以呢間雞煲都好誠實。
中辣程度對我哋來講唔算太辣，淨係可能佢哋對辣嘅調味比較輕手☺️所以平時食開小辣嘅朋友真係可以試吓中辣至大辣架🤩🤩雞件要煲一陣先夠入味，但係佢哋自家調製嘅雞汁真係好好味，非常香口又開胃惹味，雞肉好滑身，唔會煮到鞋烚烚👍🏻👍🏻👍🏻👍🏻🤤
✨安格斯肥牛(小) $198
肥牛好鬼靚，煲熟咗之後入口好軟身，亦都非常香牛味🤤真係會令到你追住食落去。
✨蟹子蝦滑 $96
呢個一定要讚一讚，因為成舊蝦滑都真係好多蝦肉喺裏面，就算分開咗出嚟一小舊咁樣食，都食到每一啖都有蝦肉喺裏面，亦都好香蝦肉味，再加埋啲孩子入口脆卜卜，蝦肉就彈牙口感，真係非常好味，嚟到嘅朋友一定要叫返一碟👆🏻👆🏻👍🏻
✨大檸檬茶 $36
呢個價錢，但係足以飲到差唔多三杯嘅檸檬茶係非常之咁抵，等你一路食打邊爐一路飲之餘亦都唔會咁快飲晒要叫第二杯👍🏻👍🏻👍🏻
下次一定要同多啲朋友嚟試多啲其他餸菜😁😁😁😁😁
張貼
