八不·壽喜燒

營業中

休息中

八不.壽喜燒 - 和牛封門柳同野菜盡情嘗今日經過太子，見到門口有間非常日系裝修嘅壽喜燒餐廳。好掛住日本壽喜燒，所以入去試吓呢一間八不·壽喜燒！意外地發現一間好好食嘅壽喜燒餐廳🤤🤤和牛封門柳套餐（$288）和牛肉質非常優質,咬落絕對軟滑鮮甜,仲帶點香氣。一開始餐廳會幫你燒香蔥，然後教你點樣落壽喜燒汁，之後就可以自己落手享受壽喜燒嘅樂趣。和牛封門柳肉質有咬口，脂肪比例一絕，食落口亦都唔會太膩！讚！野菜拼盤就有唔同口味同質感嘅蔬菜,例如番茄、娃娃菜等,清新爽口。 套餐嘅份量都剛剛好,唔會食到好飽。服務員態度也非常親切友善。有機會一定要嚟試下佢哋嘅特色菜式。#太子 #太子美食 #hkfoodie #hkug #foodie #香港美食

之前已經聽朋友推介過呢間今日趁住同太太慶祝周年專登黎試下真心滿意，細節到位！！！我地點選左店員推介嘅 ‘’雪室和牛2人餐‘’食物黎到個下的確有點被驚豔到，同老婆同時拎起手機打咭，哈哈。見我地影完相 店員小妹妹幫我地開爐，當時因為太太一句玩笑，話我地未黎食過可唔可以教下點煮？店員小妹妹非常熱情話可以幫我地煎下先，邊煮邊同我地介紹唔同肉類同煮不斷強調要‘’收汁先好食！！‘’最後足足企嚮度幫我地煮左半個鐘，有講有笑非常有禮貌，非常感謝呢位小妹妹，呢個店員真心值得讚一個！食物就唔多形容喇，直接上圖。雪室和牛

🔸A5黑毛和牛（佐賀西冷）    $368呢嗰係經典日本料理一人份量【壽喜燒】，餐廳已經將啲頂级和牛肉切成一片片長方形肉片，職員會幫客人用 嚿肥牛肉同埋大蔥一齊開鑊， 和牛嘅肉質係好靚嘅，肥瘦相間，牛脂豐滿牛味濃郁，放入鍋裏面倒上壽喜燒汁，灸十幾秒就可以上枱，蘸上無菌日本生雞蛋，混和一齊入口，口感嫩滑就係美妙嘅和牛味😚燒完十幾塊 佐賀和牛就會將一大堆菜蔬落鍋煮成鍋物，實行一鍋兩吃👍   有大冬菇、洋蔥、豆腐、秀珍菇、白菜仔同粉絲，由於落咗壽喜燒汁一齊滾，菜蔬咸香味道重。味道：8/10性價比：7/10🔸蒲燒海鰻     $88肥嘟嘟大大舊嘅鰻魚肉有3片，係即叫即做，燒得好香，海鰻本身嘅鰻魚味比較重，而且經過醬燒，甜香味特別濃鬱，鰻魚肉口感爽脆，正！味道：7/10性價比：7/10▪️🔹環境： 居酒屋就喺 大南街街頭，舖位唔算大，裏面係和風裝修，有好多日本裝飾品同埋壁畫，超有日本feel🤪

二訪太子八不日式壽喜燒，鐘意呢度高質牛，味道確實不錯餐廳以日本風為主題，店內雖然吾算好大，但環境舒適，職員非常有善，加上食物水準高，令我印象深刻壽喜燒套餐 $288內香之追求-和牛封門柳野菜拼盤今次再點這款和牛封門柳，keep到水準，肉質幼嫩，油脂分佈平均，沾上壽喜燒醬汁，提升味道層次感，仲附上日本野菜拼盤，款式好豐富，令人回味八不牛盛烏冬 $98湯底味道濃郁，安格斯牛都吾錯，烏冬富彈性，仲有好多櫻花𧎚，增加味道層次感雜錦吉列野菜 $68吉列野菜有南瓜、茄子、冬菇等，炸到剛剛好，酥脆可口，食到吾停得口

❤️入到去已經比牆畫吸引，餐廳用咗日本名畫北齋大師《神奈川沖浪裏》🌊，已經好吸睛，周圍嘅環境佈置都好精緻。坐低咗之後，一樣用QR code落單，而且店員服務好好，每上一碟菜都會為我哋介紹，又會幫手開爐，先落京蔥，然後落壽喜燒湯汁，驚太鹹嘅話又可以攞啲清湯中和返。餐廳仲送咗一碟好開胃嘅柚子醃蘿蔔，酸酸甜甜解膩一流————————————————————————🟡壽喜燒套餐 1人份［經典］日本A5黑毛和牛（佐賀西冷） $368🔺套餐包括：✔️日本雞蛋- 牛肉、豬肉沾上雞蛋汁液，感覺無咁膩✔️野菜拼盤- 拼盤有各種時令蔬菜，有娃娃菜、金菇、冬菇，浸喺壽喜燒湯底，好入味✔️A5佐賀和牛120g- 肉質鮮嫩多汁，非常柔軟細膩，配壽喜燒湯汁，香味濃郁敦厚，入口即溶🤤呢款牛一定要叫🟡壽喜燒追加🔺日本雞蛋 $10🔺烏冬 $28🔺美國極黑豚（梅肉）100g $88- 豚肉散發淡淡梅子香，未熟時顏色淺淺嘅桃紅色，煮熟後，肉質索壽喜燒湯汁同雞蛋汁液，入口軟嫩多汁

🍲壽喜燒套餐 ($288)和牛封門柳、野菜拼盤🐃🥩個人認為加埋追加嘅嘢食係好夠二人份量😉首先和牛封門柳一上碟就睇得出啲肉非常之靚，油脂分布平均，店員會教你點樣燒，和牛封門柳肉味非常之濃，即使加咗壽喜燒汁，都完全唔會遮蓋牛肉嘅肉味，而且份量都唔少🤩🥬野菜拼盤裏面有唔同嘅菜，例如鮮冬菇、娃娃菜、小白菜、紅蘿蔔同南瓜等等，當中粉絲真係必食，因為完全索哂壽喜燒汁同埋肉汁，煮野菜的話，建議壽喜燒汁加埋清湯，會冇咁濃味，同野菜嘅清甜會比較夾🤍+追加🥩頂級•365日全穀飼•黑安格斯•牛小排 ($188)壽喜燒點止食一款肉，所以追加左牛小排，因為都係牛肉界肉味非常濃之選，牛小排脂肪較封門柳多，所以食落會比較嫩口啲🤤稻庭烏冬($28)烏冬就係我最愛，加埋壽喜燒汁煮，完全索晒入烏冬裏面，建議唔好煮咁耐，咁樣烏冬咬口就會多啲，唔使驚煮得少會索得少汁，因為烏冬本身非常之吸汁，所以煮一陣都已經索晒😎

平時出去食壽喜燒都幾貴，如果想平平哋又多選擇嘅話，就可以試下太子嘅八不壽喜燒，最平一百幾蚊左右已經可以食到一個套餐～如果想食靚少少，仲有A5和牛可以揀，豐儉由人✌🏻❥日本A5黑毛和牛 （佐賀西冷） $368店員會幫手燒香個爐先壽喜燒方面就要自己動手佢哋嘅醬汁濃度啱啱好和牛嘅雪花紋理好靚油脂分布平均肉質好軟好嫩裹滿咗蛋汁之後更加滑煮野菜拼盤嘅時候可以加清湯❥美國安格斯牛板腱 追加 $98油脂相對和牛嚟講冇咁多肉質相對較實，但牛味都好重安格斯牛同黃牛嘅配搭會令到壽喜燒冇咁膩❥稻庭烏冬 追加 $28食壽喜燒一定要有烏冬！但套餐本身唔包，所以要額外叫稻庭烏冬同壽喜燒嘅醬汁好搭

🥩呢間中價壽喜燒嚟講都算唔錯，前幾日食完壽喜燒，姨甥女又想食就帶佢，我之前去過嘅呢間八不！除咗想食和牛之外，仲食佢嘅裝修啊！因為佢呢間裝修比較本居酒屋！非常光明設計每個角落都有風格！打卡一流！姨甥女開心到不得了😂🥓每個餐一個鍋非常方便！極稀有の雪室熟成和牛餐點，熟成牛油脂比較均勻，亦都唔會好流，雖然呢間餐廳冇飯，但都可以接受油脂嘅油膩程度，唔使搵飯餸😂所以我都回頭再食✋🏼好食🌟🌟🌟🌟🌟🥬煎完牛就落壽喜燒汁煮椰菜盤，次序就係再加追稻庭烏冬，咁就係完美配搭！有菜平衡返頭先食牛，烏冬就愛嚟填飽飽肚！滿足好食🌟🌟🌟🌟🚇太子站步行3分鐘到🪑目測26人左右座位==================壽喜燒套餐 $758+ 1人份【極稀有の雪室熟成和牛】封門柳（150g）追加-稻庭烏冬 $28追加-野菜盤 $68==============$854/2人,每人$427

八不·壽喜燒👻朋友介紹原來太子都有正嘅壽喜燒一於晏晝約埋朋友嚟試吓入邊個裝修好似去咗日本咁格局同埋啲餐具都好精緻成個用餐體驗非常好🥰.🔅壽喜燒套餐 HKD 368午餐都有壽喜燒食我哋揀咗日本A5黑毛和牛啲雪花紋勁靚佢係一片片細片嘅牛店員會落啲蔥同洋蔥加壽喜燒汁起一起鑊之後可以跟自己份量落去燒😆燒咗幾片和牛食咗之後可以加清湯同埋壽喜燒汁變成shabu shabu食啲野菜同埋粉絲份量都幾足 兩個人食都夠食😌🔆追加稻庭烏冬 HKD 28我哋另外加多咗個烏冬呢啲壽喜燒汁真係好正等佢收一收水仲要再濃味啲添🔅京都脆雞 HKD 78仲叫咗個脆雞粉唔厚又肉質夠Juicy係最近食過最正嘅炸雞點埋佢個醬超級夾😋.整體黎講:豐富午餐 正壽喜燒😚.🎈 八不·壽喜燒 (太子)太子大南街52號地舖

話說我下午5點幾約左女朋友食飯，見呢間OpenRice 都好多正評諗住試一試，一入到去QR 落單同90分鐘用餐，雖然有啲不太滿足，不過算，可能人地都忙，我地就落左個788二人餐包一支酒心諗咁好，都支酒上到枱先發覺自己諗多左，支酒係難飲到唔識形容，講返食物上菜都算快既，員工幫我地開爐，正常壽喜燒應該用一舊脂肪充當油，而當時店員用一舊不知名既半脂肪半肉，仲要最後成舊散晒，我記得788呢個餐係有3款肉，而該3款肉類一夾就散，未落爐就散開4-5塊，吉野家牛肉飯入面啲牛肉都好食過佢地，真係唔明呢間舖頭有咩存在嘅必要？而店員方面更加不知所謂，店員只會再覆單同埋上菜時出現，我當時全場只有三枱客人，包括自己，總數六個人，但係店員只會聚集喺門口傾計，完全唔會留意場內客人發生咩事，枱上缺乏什麼，其中有個店員仲要有其中一個耳仔帶住AirPod，帶住AirPod樓面我都聞所未聞，本人亦係做飲食業，完全諗唔到點解一間餐廳，可以做得咁差，完全冇管理，食物冇品質，作為一個客人完全唔覺得呢間餐廳有任何一樣值得用餐嘅地方

上幾個月去完日本一直掛住日本美食，幸好在港亦可享用到高質的壽喜燒😍涮肉的過程中，芳香四溢，忍不住想大快朵頤食完肉肉，還有一蔬菜盤可以解解膩清一清口腔，好滿足😋👍🏻每一枱都各有一樽清湯一樽壽喜燒汁，客人可以自行倒入壽喜燒汁涮肉，亦可因應個人口味加入清湯中和壽喜燒汁的甜味，非常貼心🥰.𐐂壽喜燒套餐 - 人氣滿滿二人餐𐐚.。小食。.❥ 吉列千層豬一份涮肉之前，我們先品嚐這道菜，坦白講，一開始並不抱太大期望的😂但沒想到味道亦不遜色喲，外層炸得酥脆，內裡夾著一層層豐富的豬肉片，肉味香濃，再點一點美奶滋，鹹中帶點甜更美味😍.。肉類。.❥ 澳洲M9+全血和牛100g肉質鮮美嫩滑，入口即溶的感覺，帶有牛肉天然的奶香味，吸收了甜甜壽喜燒汁的精華更加滋味十足🤤.❥ 365日長穀飼。黑安格斯小排150g跟和牛相比，它的肉質口感較有嚼勁，但還是很鮮嫩順口，味道亦香醇，唇齒留香🫶🏻.。蔬菜類。.❥ 野菜盤一份食得肉多，難免會想食菜解一解膩，而這套餐就可以滿足這一點～有菜、菇、南瓜、豆腐和粉絲等等，熱騰騰的邊食邊聊天好治癒🌸.。飲品。.❥ 白岳果酒 300ml聽店員介紹有白岳果酒有三款口味-柚子、梅子和柑橘，我們

🥳八不烏冬 配 香蔥安格斯 呢間餐廳嘅午市定食好抵食，$68有前菜、煮食、小食、飲品。烏冬煙靭有咬口，湯底濃淡適中，唔係味精，而且份量有幾多，夠晒飽肚。面頭仲有腐皮、名門卷、大量櫻花蝦，提升鮮味同豐富口感。🥳壽喜燒好好食，和牛入口即溶，而且配合壽喜燒汁，簡直係有驚喜；佢嘅配菜都好吸引份量啱啱好，食完和牛食吓啲配菜，金菇、蘿蔔等等，她食之外又會健康啲！職員會先教一次做法！🥳神戶運來嘅蘋果汁都特別好飲🤭

🎌再訪太子人氣壽喜燒小店🫕-同朋友講起想食壽喜燒嘅時候 諗起呢間太子小店😉 套餐選擇豐儉由人 唔駛驚喺香港食太高門檻呀🤭-🔸一人份壽喜燒套餐（配 野菜拼盤 葛絲）-🐮 澳洲全血和牛 Blackmore M9+ 套餐 $322今次嚟我哋試貴少少嘅澳洲全血和牛😏 出面嘅火鍋店比較少提供 肉味果然香濃🤤 肉片偏厚切 無論係半煎煮 定係用壽喜燒湯涮一樣得😚 套餐本身已經配咗野菜拼盤同埋葛絲🥬 最後落個葛絲落鍋 索曬壽喜燒汁同埋肉汁 勁正呀🥹-🐷 100g 美國極黑豚梅肉 +$88大家食壽喜燒可能慣咗食牛肉🤔 其實豬肉一樣好食㗎😉 極黑豚同樣係肉味濃郁 煮耐啲都唔會嚡 推薦😍-🥣 稻庭烏冬 +$28烏冬份量都唔錯😌 我哋兩個唔算大食 share嚟食都夠飽😋-🍎 Tominaga神戶100％蘋果汁 $16天氣熱辣辣 都係要嗌凍果汁飲下🧊 飲落係新鮮蘋果味 唔會假幾清爽🍃

👧🏻Wodafoodie in Prince Edward 食壽喜燒唔一定淨係揀人氣排隊店～今次經過太子大南街Cafe集中地竟然發現呢間壽喜燒小店！日系裝修，食物質素高，服務又好，有種返左日本既感覺🥺✨ 🥘極品•八不壽喜燒二人牛盛 $788🔸🇯🇵日本A5佐賀130g 🔸🇺🇸SRF封門柳100g 🔸頂級黑安格斯小排100g 🔸野菜盤x1 🔸日本雞蛋x2 🔸清酒白鹿/果酒自選一支兩個人試左呢個極品套餐，可以一次過試到三種牛😍店員首先會開爐，用牛油起鍋，煎香洋蔥大蔥，落壽喜燒汁，之後就到我地自己落牛啦😍首先一定係食日本A5和牛，油脂豐富，雪花紋好靚，煎香左再點落生雞蛋一齊食，油脂溢出，入口即溶，大享受呀～🥰🥰🥰！美國封門柳牛味香濃，安格斯小排口感嫩滑😋壽喜燒汁同清湯可以隨自己口味落，又唔收加一，真係好食又抵食！😚📍 八不·壽喜燒 (太子)太子大南街52號地舖 👅更多同區推介☺️ #wodafoodieinprinceedward

八不喺大南街，位置比較低調，食完覺得有驚喜，無論係食物質素定裝修，都有日本正宗、地道嘅感覺壽喜燒套餐($368)1人份日本A5黑毛和牛(佐賀西冷) - 一睇就知好食，牛味又香又濃，油脂分布平均，先用牛嘅脂肪、壽喜燒汁同埋大蔥、洋蔥開香個爐，再燒啲和肉味道更提升，愈食愈想食，完全唔膩，高質野菜拼盤 - 種類多，份量足，洗得又乾淨，又可以用壽喜燒汁同清湯自己調校口味，好欣賞吉列車海老烏冬($98)烏冬配上傳統日式清湯，口感綿密，仲有大量櫻花蝦、蔥同昆布，口感好豐富，腐皮、鳴門卷同蟹柳亦好食海老肉實淨彈牙，炸得剛剛好，點埋撈咗wasabi嘅沙律醬好夾好好食日本Sangaria大麥茶、烏龍茶(各$15) - 兩枝茶味都好出，同壽喜燒好夾裝修同佈置都係走日本風，好靚好乾淨，擺設亦好有心思，座位闊落，坐得好舒服，服務亦好好，整體高質，值得再嚟