影片
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
炮台山懷舊飯堂叉燒蛋飯 40元＋胡椒湯（加$10）叉燒鋪滿成碗飯，鹹香夠味，帶少少焦邊加上滑蛋鋪面，蛋汁流晒落飯度，完美融合成碗邪惡滋味！一拌即香，叉燒＋蛋＋飯每啖都超滿足。胡椒湯香濃夠暖，胡椒香撲鼻但唔嗆喉，配主食剛剛好。餐蛋豬油撈飯 35元香煎午餐肉＋流心太陽蛋＋濃香豬油，拌飯一流，食到停唔到口！半熟蛋一拌即爆黃，加埋豉油香同蔥花，開胃之選!咖央多 24元表面烘得香脆，中間夾住厚厚牛油＋香甜咖央醬，鹹甜交錯，食落超治癒！性價比高，推介午餐之選！
繼續閱讀
成日聽人盛讚呢間餐廳，今日終於到我去試吓。樣樣嘢都好似幾好食咁，最後決定叫「香煎脆邊蛋肉餅飯」同埋樽裝奶茶。🍚個飯我叫咗少油多蔥，食落冇咁罪惡。肉餅真材實料，唔會太多粉影響口感。🧋樽裝奶茶冇得選擇甜度，但係好彩都唔係太甜都幾好飲。我本身都真係幾唔鍾意食飯，但係見到有咁多人討論呢間餐廳又忍唔住要去試吓。一試佢個飯真係做得幾出色。下次去試埋滑蛋叉燒飯先得🤤
繼續閱讀
一坐低即刻嗌咗碗招牌豬油渣溫泉蛋飯上枱時熱辣辣 面頭鋪滿金黃脆卜卜嘅豬油渣仲有啲蔥花 賣相不錯😛- 豬油渣溫泉蛋飯 $40一啖戳穿蛋黃 蛋黃同飯撈勻 再夾埋豬油渣一齊食真係幾夾😋豬油渣炸得亦都夠脆雖然望落好似好細碗，但其實都份量足夠枱面仲有豉油可以俾你加 鍾意重味啲就可以加多啲味道未去到驚為天人 但係算係性價比唔錯價錢亦都幾抵·另外都嗌咗個咖咉多士 總共有4塊咖咉多士就不過不失 略嫌唔夠熱同埋好似剩係得咖咉醬但係冇牛油咁所以都冇特別影低
繼續閱讀
之前喺旺角成日經過兩草咁啱今次係北角見到 又唔使等位 就走咗入去食入面個裝修懷舊 好適合打卡當日叫咗香煎脆邊蛋肉餅飯有好多豉油加埋蛋汁一流仲叫咗豬腸粉熱食真係好好食 加埋辣醬真係冇得頂好少食到咁好食嘅豬腸粉仲Encore叫多咗一碟再叫咗一碟雞翼煎得好脆 好多汁 好少地方可以做到呢個效果好想再叫多一碟 但係真係太飽最後飲埋個胡椒湯收銀姐姐怕我哋唔夠飲 仲提我哋可以添飲🤭食咗咁多嘢 兩個人埋單都唔使$200喺香港真係好少搵到啲舖頭又平又抵食
繼續閱讀
今日中午一點左右嚟到，等咗一陣，店員好快速就安排到我入座，雖然係搭枱但我唔介意！坐低落單冇耐就已經送到面前，效率超高超快！絕對係「快靚正」加埋懷舊大排檔裝修，有feel有feel我叫咗個香煎蛋肉餅飯，賣相非常靚，肉餅幾厚，D飯粒粒分明，再配埋隻世一脆邊蛋，多蔥，好好味！檸檬薏米水飲完舒服，感覺新鮮，仲要大大支，原來係佢哋自己煲㗎！下次想試吓佢哋嘅胡椒肉骨茶同埋雞翼！
繼續閱讀