兩草 (威德閣)

營業中

休息中

平日夜晚差不多七點嘅時候一個人去食見到有四個吉位但係店員要求我搭枱我問佢可唔可以坐四人枱其中一個位店員強調要搭枱我最後坐喺四人枱先有人嚟先算結果第二位食客入嚟佢即刻安排佢坐我對面隔離仍然有兩個吉位🤔其實我唔介意搭枱只要你張枱夠深唔好我食嘢嘅時候同對面個食客個頭好近🫣其實有冇諗過好尷尬？仲要係唔識嘅一男一女唔高興係店員嘅態度一個人食就係坐得舒服啲嘅自由都冇？其實我都係一樣俾咁多錢食飯Lunch time繁忙時間我理解但係夜晚確實唔算多人我坐低到走嘅時候都係不斷有吉位以後一個人我唔會再嚟呢度食嘢一係就外賣食物不過不失未去到嘩然可能我嘅味蕾都比我嘅感受影響咗

上次食過雞扒飯，極重味精，食完個口好唔舒服。諗住今次試下食叉燒飯應該好d，點知都係有味精。另外，d叉燒原來係叉燒“絲”，仲要極少肉。茶記/燒味都唔會咁做啦，我寧願你比3舊完整既叉燒都好過咁。其實間野已經用app落單，已經少左好多野做，服務態度都係好差，櫃台收銀個女人極冇禮貌，客人唔係你既出氣袋，你返工又辛苦，客人食個飯又辛苦。如果考慮價錢平，咁不如食兩餸飯，又真係好味冇味精又健康又唔洗受你氣咁辛苦。

行開去北角，想搵啲商場以外路邊嘅小店，被呢間餐廳嘅傳統港式食檔裝潢吸引到就入咗嚟。坐落都感覺到餐廳好有懷舊味道，不過落單就係用而家呢個年代先有嘅QR code自行落單因為客人唔多，所以店員都好樂意協助同服務嘅。呢度個好處就係食物可以散叫，無話一定一人叫一個主菜，而係可以叫唔同小食、「淨食」、三文治等等大家share啲食物。不過叫調返轉講，飯麵嗰啲就唔跟飲品，加嗰啲涼茶飲品都要+$20，飲品就唔算太划算。香煎脆邊蛋肉餅飯 ($42) ★★★★★雖然個飯碗唔大，但係載滿白飯，上面再舖一塊肉餅同煎蛋，一般成年人應該勉強夠飽(或者可以再加一份小食)。佢真係做到菜式名講嘅「脆邊」煎蛋，簡簡單單加埋啲蔥油同甜豉油已經好下飯；肉餅亦煎到非常香口，肥瘦適中，又唔會太鹹加埋少少豉油就啱啱好，好快就食完成碗白飯，係難得將家常小菜做得好好嘅餐廳。

兩草係旱有人情味濃厚餐廳，係我黎東岸公園必食飯堂，真係好意外發現的，本來食半島，哈哈。滑蛋叉燒飯一流100分！齒甲留香，胡椒湯都好好味，下次要試埋招牌炸雞翼！！

🚩港島平價之選 香港人的浪漫🚩📍 兩草「兩草」在廣東話中有二十元的意思，而這間餐廳亦如其名，讓食客能以相宜的價錢嘗到不同種類的美食。它有售地道小食如腸粉和雞翼，亦有茶餐廳類的食物如肉餅飯和三文治，更有不少新加坡美食如咖央多士和肉骨茶，款式可算是多不勝數。雖然食物偏向地道又便宜，但店舖的裝潢絕不失禮，富有舊式大排檔特色之餘，店內更會播放不同年代的廣東歌，是香港人必懂得的浪漫。🍴香煎脆邊蛋肉餅飯 ($42)你沒有看錯，這碗份量十足的肉餅飯甚至不需$50。先要讚，這隻脆邊蛋做得十分出色，蛋邊做到少少燶邊而非常脆口，中間的蛋黃又能依然保持流心。戳開它，把蛋黃連同蔥粒和豉油一起混和在飯粒之中，是非常邪惡但無敵的組合。肉餅方面，整體來說偏乾身和實淨，不像蒸肉餅般充滿肉汁，個人來說不太喜歡這個質感。但以這個價錢來說，單單是那隻脆邊蛋已值回票價。🍴小籠包胡椒湯 ($40)$40有四粒小籠包。小籠包本身沒甚麼特別，就是大家能想像到的那種味道。皮既沒有很薄，也沒有很厚，簡單來說就是普通小籠包的感覺。但配上胡椒湯的這個組合，我也是第一次見。首先，湯的胡椒味濃，能暖胃之餘入口又舒服，整體配味做得很好。其次，胡

食物上枱賣相好正香煎脆邊蛋肉餅飯肉餅味道比睇落去淡, 不過可以根據自己口味加豉油, 雞蛋煎得啱啱好豬油渣溫泉蛋撈飯同樣味道偏淡，同埋有啲太油原粒蒜肉胡椒湯最鍾意呢碗湯, 蒜味好香又夠辣, 天氣凍飲好舒服咖央多士個樣平平無奇, 但係咖央味好出, 多士又夠脆, 好味

北角小店👍🏻👍🏻🔸️肉餅脆邊蛋飯 $42性價比高💕足料，好大碗！😍肉餅：肉質實在，無加入太多水，好飽肚👍🏻脆邊荷包蛋：蛋黃夠香又濃白飯：飯粒分明， 份量多，如果豬油多d會更好🔸️想食多幾款小食，可以選擇小飯🔸️鮮蝦胡椒湯米 $48胡椒湯 ，因為無油，比起豬油飯，食完無罪疚感🤣湯底算濃，有胡椒味，不太辣，適合大部分人蝦夠新鮮，蝦身飽滿👍🏻🔸️招牌炸雞翼 $27好好食❤️炸得剛剛好👍🏻外脆入面又keep到多汁見到雞翼咁深色，以為炸得太耐，原來係醃料既顏色影響🔸️豬油渣 $15十分推介，炸得剛剛好❤️外脆內軟，送飯一流‼️佢唔係豬油渣麵果d 脆到硬👌🏻🔸️檸檬薏米水 ‘微糖’ $22🔸️每日新鮮煲，欣賞小店的心機 🩷所以唔揀汽水😊員工服務好好，有親切笑容💕

$4x 個飯，價錢係ok.可能覺得自己巳經好平所以問多句都厭煩，唔休冇生意！希望佢生意興隆，請多兩個人幫手等d員工做得開心d,客人又食得開心。香港服務業加油！！！

其實都想支持香港小店， 但係有時啲服務質素真係好短視。 搭枱係正常都，唔會怪你哋。但我已經叫咗正餐叫埋嘢飲， 食完啲豬油有啲肥膩，想叫你畀杯水飲兩啖解下肥， 回覆係我哋淨係得樽裝水。食物質素正常， 多士都脆， 肉餅質素不過不失， 喜歡可樂係樽裝上。但豬油渣係室溫，好似係膠袋倒出嚟咁， 其實熱一下都唔係好大功夫。 職員話茶餐係星期一至五先至有，但係將海報好似睇唔到(可能啲字有啲細)。隔離半島冰室可以做排隊王， 就係每一個小節都畀啲功夫， 人哋旺場你好多，但係都唔會咁樣對待客人。

雞翼同肉餅，好夠味，咸香十足，唔知係咪落佐蝦醬呢，完全唔駛再點額外既醬料，都覺得好味😋肉骨茶，似新加坡合併馬來西亞😂好濃胡椒味既黑色湯底。呢度既肉骨茶胡椒味濃過藥材味，所以入口會偏辣啲，要有定心理準備🤣不過自問飲開馬來西亞風味，鍾意藥材味多啲，有啲唔慣🤣但小龍包，外賣返到屋企，有幾個穿佐，漏走佐啲湯汁，相信堂食會好啲，皮薄小龍包，可能唔太適合外賣整體而言，啲食物味道唔差，價錢又唔算好貴，下次可以試埋其他野😌

今日試下這間馬來西亞的小店。店裝修簡約舒適。叫了一碗脆邊太陽蛋肉餅飯。太陽蛋煎得剛好帶脆邊，好食。塊肉餅味道可以，豬油加豉油飯香口。$43 份量對女士足夠，抵食。

店面設計有懷舊中式茶樓feel，下午荼時段黎食，送野飲幾抵食~ 香煎脆邊蛋肉餅飯 (多蔥唔要油) $42肉餅飯size唔算大碗 (唔知係咪因為下午茶？定我大食? 🙈)，好似屋企平時用開既飯碗再大少少既size，幾有家既感覺 🤣，不過賣相吸引，多蔥配合燶邊蛋 👍🏻 味道方面，煎肉餅雖然唔算厚身，但好香有口感，特別惹味；配搭多蔥流心燶邊蛋仲有香甜豉油汁，真係好快就食哂成碗飯！結論🫰味道唔錯，可以encore🫰下午菜有野飲送 (14:30開始)~⚡️碗比較細，好難「畢」飯食/會食得有D 喱啡CP值：9/10 餐廳資料餐廳名稱：兩草餐廳地址：北角炮台山宏安道18號威德閣地下6號舖營業時間：11:30-21:00

咖央多士🥪上餐既速度好快已經心知不妙，似乎係一早整定，有人叫嘅時候就拎出嚟，所以唔熱唔脆🥲個味係好但有少少失望香煎脆邊蛋肉餅飯🍳配隻脆邊流心蛋，拮穿蛋黃再連肉餅撈埋有豉油汁嘅飯食落肚真係好香好正😋 如果個肉餅再大少少就好了😆

之前喺大坑嘅時候食過幾次，覺得幾好，香港少有低價馬拉風味，但係今次再去試新舖頭，超級重味精，食完之後超口乾。成個感覺冇咗以前小店風味，變咗快速上菜趕客。叫咗個肉餅飯，好乾，啲啲飯好油，完全唔係香味係油飯。另外調多咗個叉燒蛋飯，又係勁多油，叉燒好硬似係隔夜買。之後叫咗兩個小食，感覺正常，但係都唔平兩個人買單都要$$150 。最後食完真係好口乾，佢每樣嘢基本上都好重味精，希望小店有返啲心機做，保持返以往嘅水平

B級美食發現，飯類小食嘢飲全部都出乎意料地好食，大家要去會一會佢🤘🏻！・・・・・・・・・・・・・・・・・・・・🍚 香煎脆邊蛋肉餅飯 多蔥 HK$42・味道：以為出街食嘅肉餅會好調鹹，點知調味啱啱好唔會好重手，就係媽媽牌肉餅！燶邊太陽蛋世一，加埋豉油冇得輸啦，唔多講XD・口感：肉餅幾厚肉但偏細塊唔夠撈飯☹️，大塊啲就perfect嚕。🍲 小籠包胡椒湯 HK$40・味道：好重胡椒香，唔係倒胡椒粉嗰種，係本身用胡椒粒煲個湯嘅味，辣辣的好爽XD小籠包餡夠大亦咇晒汁，juicy！・口感：辣辣地咁好暖胃，價錢都算抵！🐔 香茅雞扒飯 多蔥 走油 HK$38・味道：雞扒又係，咇晒雞汁好香口，配埋燶邊雞皮係一絕！・口感：好厚肉，呢個份量就夠撈晒成碗飯喇～🥪 滑蛋叉燒三文治 烘底 HK$28・味道：個叉燒整碎咗上，但唔會好乾食到一絲絲柴口豬肉咁，一啖食到晒叉燒、滑蛋加埋蔥，超香口直接高潮XD！・口感：烘底外脆內熱一定冇死，好食方程式desu～🍗 招牌炸雞翼 HK$27・味道：呢個好L好食！！！menu寫明有蝦味，食落好香蝦油香，應該有加蝦油炸，好夾，好食喎！・口感：醃到入面嘅雞肉都有蝦油香，滴晒汁咁，呢個必