光榮冰室 (鴻威大厦)

營業中

休息中

行街經過差不多下午茶啦附近茶餐廳都係門面買相所以價錢都唔平失業情況下都要食架就見到光榮價錢合理叫咗二個下午茶餐佢都有粉麵飯下午茶估唔到奶茶有水準👍🏻(只欠玻璃杯)即炸雞髀都好滑豬扒包好厚又可以選擇沙津或薯條真係掂😋

趕時間關係，又想不到要吃甚麼，就找了光榮冰室，果然落單到出餐都超快﹑超有效率🤣非常適合步伐急速的香港人😎點了極大份又邪惡的常餐👻1̲ 香煎雞扒公仔麵 $46轉辛辣麵、跟炒蛋、多士、熱奶茶招牌大大塊雞扒😆辛辣麵味粉要自己放進麵內，可以自行調節辣度👍🏼熱奶茶偏重茶味，但亦不會太苦澀，來茶餐廳就是要喝熱奶茶😎不過對於女仔來說實在非常大份

👦🏻同同事行完旺角信和同現時點，開始肚餓。同事問👦🏻有咩好推介，我地就一齊去我既旺角飯堂—光榮冰室😋。🌟沙嗲牛肉炒蛋飯🐮🍳🍚平時都係食開叉燒炒蛋飯，今日攪攪新意思，試下沙嗲牛肉炒蛋飯，結果無令我失望。沙嗲牛肉醃得濃味，重沙嗲同花生醬味🥜，炒蛋相當香滑，唯一缺點就係油比較多。成個飯份量比較大，夠一位男士食得飽飽。整體來講都係值得推介👍。誠意推介大家經開旺角試下，個炒滑蛋真係好好食😍。

平時好中意食蔥油，所以光榮既蔥油鴛鴦扒飯係我每次必點。今日嗌左個蔥油鴛鴦扒飯外賣，翻到屋企一打開外賣盒，發現一d蔥油都冇！！！唔好話油 一粒蔥都冇，d飯好乾，好在豬扒雞扒水準依舊，但係冇左蔥油，成個飯冇左靈魂！之前堂食就已經試過嗌鴛鴦扒飯，就淨係比塊豬扒，好彩同侍應講一講，都會補翻比我。外賣拎走，仲要翻到屋企先發現冇蔥油😢冇理由走翻去光榮叫佢比蔥油我架嘛冇辦法唯有拎屋企既薑蔥油加入個飯到，將就咁食下下次嗌外賣真係要睇清楚先

之前下午試過佢嘅咖喱牛腩飯，真係一試難忘，今朝早再來試吓佢哋嘅早餐先⋯$30雙拼通粉，連冷或熱飲同價，可以轉一丁/辛辣麵，仲要唔使加錢！係真唔係呀⋯ 😱😱😱$34單選沙嗲牛肉公仔麵，配抄滑蛋加厚多士，同樣地可以轉一丁/辛辣麵，冷或熱飲同價，真係賤物鬥窮人⋯沙嗲味香夠濃，牛肉又唔會煮得好老，而且件件都有返咁上下大件有趙口，配合大光麵點會輸！抄蛋真係好滑，入口可以滑入去，或夾厚麵包一齊食，效果最佳一流！反而碗火腿仿鮑魚通粉就真係普通咗D，或者呢個比較難突圍而出⋯ 😅杯奶茶依舊係我的致愛，我諗我一定會再嚟多几次⋯ ✌🏻✌🏻✌🏻

今次已經係第N次幫襯光榮冰室，不過每次令我考量嘅原因就係太大份，以一個普通女仔嘅食量根本無可能食得曬，我諗呢個份量係比從事體力勞動工作嘅男人食就差唔多，因為個份量真係超級CLS!蔥油雞扒一直係佢嘅招牌菜，通常我都鐘意食太陽蛋，不過如果外賣黎計會變左熟蛋，所以唯有食炒蛋，炒蛋外賣依然保留少許滑溜，值得一讚！個蛋舖滿成個飯面，我估計至少用左兩至三隻蛋。蔥油咸香味好正，雞扒煎得岩岩好唔會過火。食完呢餐晚餐我都無食，因為食唔落如果可以，希望餐廳出返一個女士份量我只係勉強食得曬塊雞扒已經真係滯足全日

下午茶 G 吉列豬扒配西多士（$35）+ 紅豆冰（$5）份量超大，咁嘅價錢簡直超級抵食。吉豬有用咖哩粉醃味，唔會炸過火乾爭爭（唯一可惜是油咗少少）。西多用厚方包，包中間仲有餡（呢件又唔油喎）。紅豆冰超多豆而且煮得啱啱好，軟硬適中。食完超級飽。

火榮企理出品, 地方乾淨企理, 光榮出品唔錯嘅茶記... ✌✌✌好耐冇食過咁好味嘅咖喱牛腩飯，原全係兒時嘅味道，咖喱香辣味又適中，唔太喊又唔太辣，牛腩唔散有趙口，又唔會黐呀，D飯又有飯香，一定要再試其他咖喱嘅產品⋯最出色竟然係佢杯奶茶，又滑又香，真係好耐冇飲過一杯咁正嘅杯茶⋯一定要搵日再嚟過試其他嘢⋯ ✌🏻

香港人食早餐相信有一種情意結，入來茶記緊係會有沙嗲牛肉麵啦係咪呀？！而且個個都係專家咁！由細食到大，基本上大家都可以食沙牛食到好似評全民造星參賽者咁，師兄一放低碗麵就開始由外表評分，呢個得呢個唔得，都未起音樂就知入唔入到圍啦！對我泥講凡事唔好睇表面。叫完餐之後，一位用譚仔話既靚姐，拿住呢幾包味粉同麻油走埋泥，細細聲貢話：唔好出聲啊！比你地自已加落去！😂😂😂好似有國家機密話我知貢！我話：靚姐！我唔係第一次泥！我以前食過，你唔孕得禾！比你笑死！😂😂😂😂一早食早餐，亞姐同你夠膽玩！你話幾開心呢🤣🤣🤣後來發現，佢哋成班伙記都係貢！有人入單，入單哥仔就同收單既靚姐講，有禮物比你啊！其實係張單泥！咁在旁邊我睇住呢份工作氣氛都會影響食客都會好開心！😙😙😙食物睇下相片介紹有詳盡分享😇😇😉😉💪🏼💪🏼

今日星期日休息，成日行過光榮冰室都冇乜機會幫襯，難得食飯時間冇咩人排隊，走咗入去食個靚飯~！！💛💛支持下黃店。入到去環境都幾乾淨，雖然坐位較為狹窄，店舖細小，但好有舊式冰室嘅感覺。食物方面，就叫咗大部分冰室同茶餐廳未必有嘅三鰻完蛋飯（鰻魚滑蛋飯），同好耐都冇飲過嘅紅豆冰，都只不過+$5就有，。份量適中，味道方面，滑蛋超正，加上啲鰻魚燒汁同木魚碎，突然令到隻蛋昇華左（誇張Mode）；但鰻魚就一般好食，如果可以燒到有啲焦焦地，咁就更加好食啦！碟飯攞嚟嘅時候，啲木魚碎仲識「旭」。紅豆冰應該落左椰奶（因為飲到有陣椰奶味），唔太甜，好過淨係淡奶加紅豆咁甜爺爺。🥤🥤價錢方面，個人認為碟飯同其他日本餐廳食嘅鰻魚滑蛋丼都算有得fight，唯一冇得Fight嘅，就係絲苗米同珍珠米嘅分別。所以如果想食唔到鰻魚滑蛋丼嘅話，性價比上粗粗地喺光榮冰室食都可以~！順手支持下黃店~！！💛💛

每次睇啲食評或者IG post,都會想食光榮冰室嘅叉燒滑蛋飯，但係今次嚟食🥺好似同之前睇嗰啲相、同埋食評有啲出入😢個叉燒滑蛋炒得好似冇其他相咁靚，可能今次有少少失準，個人鍾意滑得來有口感嘅滑蛋，但係呢個就好似整到一Pat野咁🥺另外食食吓仲發現有啲蛋殼添🥺但係朋友嗰個就好似幾好味個蔥油雞扒飯好似煎得幾靚🙈下次再嚟可能會試吓🤍相信平時光榮冰室應該會好少少（？）下次會再嚟幫襯睇吓係咪真係一時失準😊

早排喺旺角做嘢😌見去旺角就特登去呢間餐廳幫襯下😙我就叫咗一份光榮早餐🥣 早餐包括有茄汁焗豆、牛乳炒滑蛋、雞肉腸、薯餅同埋吉列魚柳😋係我暫時食過最豐富嘅茶餐廳早餐！薯餅同埋吉列魚柳食落去外脆內軟😙茄汁焗豆食落去酸酸甜甜😝啲蛋食落去都好滑口😌 牛乳味都好香😍 雞肉腸食落都好彈牙😋如果大家有興趣可以過嚟呢度試吓佢哋嘅早餐！我就外賣拎返去食 疫情關係都係係室內食安全啲 因為我見餐廳嘅環境都唔算太乾淨🙈

學校雖然唔係附近，但係偶爾想食飽啲既時候都會特登行咁遠黎食光榮，只可以話真系正既，扣底都食得好飽好飽，最中意個咖哩汁，同埋個雞排，前者濃稠惹味，後者多汁嫩滑，仲要咁既價錢，只可以話系學生福音( ≧Д≦)

旺角光榮冰室，永遠都唔會令人失望嘅好推介！佢D沙嗲牛肉公仔麵，件件大嚿又好味，沙嗲味道係同大光麵好拍檔，大光麵質剛剛好，彈呀又有趙口！抄蛋又夠滑，配上厚多士絕對係絕配！杯奶茶又夠香香濃，值得再次推介✌🏻

出名好食嘅餐廳唔需要用太多文字去介紹，基本上入到舖頭就好似選擇困難症上身咁，樣樣都想食，好辛苦終於唸到食乜！職員落完單，非常快速就有得食，所有食物溫度適中。沙嗲牛肉麵餐 $45依碗麵簡直係小時候的味道，麵的軟硬度適中，湯底亦唔會太鹹，食完非常飽和。蔥油鴛鴦扒飯 $44依碟飯真係勁勁勁好食，個蔥油香到不得了，超級好味，好味到連最後一粒飯都想食埋，跟餐有兩塊扒（一塊係豬扒一塊係雞扒）煎得恰到好處完全唔會乾令到肉非常Juicy，原來你覺得唔夠仲可以叫職員加蒽油，真係好窩心服務。味道：💛💛💛💛環境：💛💛💛價錢：💛💛💛5x💛為最高回頭度：8/10整體而言我覺得依間店舖食物質數高，款式選擇多及吸引，非常值得食！📍旺角花園街3-5號鴻威大厦地下12-13號舖