光榮冰室 (鴻威大厦)

營業中

休息中

越做越差。食過特餐，阿姐話要等好耐。叫我食炒粉麵飯，問佢大約等幾耐15-20分鐘得唔得，又話唔知，擺明趕客。立刻走人。大把同路人餐廳，唔一定要食你。接受意見，原來係口號嚟㗎咋。

🌸▸❥❥❥❥❥❥❥❥❥❥❥❥❥❥❥❥❥❥❥❥評分(5分為最高):❥好味指數:❤️❤️❤️❤️🖤❥抵食指數:❤️❤️❤️❤️🖤❥回購指數:❤️❤️❤️❤️🖤❥❥❥❥❥❥❥❥❥❥❥❥❥❥❥❥❥❥❥❀『良心餐廳💛』⓵雞扒炒蛋飯碗飯勁大碟🤤大碟到我食吾曬🤙🏻🤤雞扒超大塊🤩有一隻手掌大😆炒蛋都好滑🤩賣相好吸引🤩豉油幾濃🤤蔥油又好香😋❥⓶沙嗲牛肉撈丁本身諗住係煲黎🥺去到先發現原來煲已經停左半年😕又係份量超多😆相信大家都見到🤤起碼有兩個麵底😆沙嗲牛肉好唸🤤又有好多汁🤤加上個麵煮得較軟 好掛汁🤤下次要去有煲既分店試下🥺❀➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭🏢店名 : 光榮冰室💛🗺地點 : 旺角📍地址 : 旺角花園街3-5號鴻威大厦地下12-13號舖🚃交通 : 地鐵油麻地站A2(步行5分鐘)➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭

去點了一個鮮茄炒蛋牛肉飯，發現只係簡單地將三樣材料分開放上碟中就上菜，完全沒有將材料炒埋一齊。從來沒有食過一個咁樣整法既茄蛋牛飯。只係份量夠大，價錢夠平，但卻完全失去了應有既味道

好食嘅良心店有唔少，平嘅都有唔少，但又平又好食嘅光榮絶對係當中的佼佼者，我諗除咗係得座位比較迫之外都無乜大問題，正宗港色茶記快靚正加抵！重要抵食夾大件，完全係為人民服務咁，唔乜點想賺您錢咁，作為一個茶記老闆，算係有良心。蔥油雞扒飯 -面頭勁多已煮過嘅蔥油，好香，雞扒大件得嚟又好脆口，重要炸得好好，外脆內嫩，飯重要好多，真係黐孖筋，完全係不計成本咁。作為一個香港人，真係諗唔到一個理由係唔去幫襯光榮，又平又好食，重要個老闆咁有良心，有時間就要去幫襯下喇。

又幫襯光榮啦🤣 做個標題黨痴線叉燒滑蛋飯係因為佢真係好大碟我仲要叫左兩個做外賣 一心諗住2大1小應該都食得晒……. 點知 食1盒都飽飽地叉燒又多 成盒飯都勁重囉痴線🤣係點賺錢架 $46連埋野飲佢啲常餐呢 我就麻麻地但飯餐真心推介比大家

今時今日要食間又有良心又高質又抵食嘅茶記真係唔係成日食到🤫光榮冰室相信好多人聽過都支持過💛真係keep住好食得黎仲真係份份都大碟❗️-🍴千島醬勁大!雞扒包(下午茶) HKD36一上枱🧜🏻‍♀️見到個包嚇親 真係勁大🤣靜係塊雞扒都大過塊面 仲要好厚身 肉質嫩得黎仲好juicy😳入邊有一大pat千島醬 令到味道昇華😚就算就咁食個包都好香牛油味仲烘到個包邊脆脆地😋另外仲有青瓜 蕃茄等 一齊食可以解膩🥰連薯條都炸到外層脆脆兼且唔覺得油🤩🍴沙嗲牛肉一叮配火腿奄列 牛油多士 HKD45(+1)本身諗住食佢個沙鍋沙嗲牛 點知去到先話無 唯有食呢款啦🙈沙嗲牛關注組注意⚠️沙嗲汁好多 味道非常濃厚 上枱都聞到好香 而且牛肉都好嫩滑🤪長方形嘅火腿奄列占左大半個碟 切開仲有蛋汁起入面唔會覺得好乾😍🍴凍唂咕 凍朱古力留意返凍飲無需加錢😏唂咕就姐係特濃朱古力咁解 所以🧜🏻‍♀️叫左一杯唂咕 一杯正常朱古力 睇下個分別🤣唂咕果然係朱古力味濃郁好多 偏甘苦少少 無咁甜🍫而正常朱古力就會偏甜啲 岩小朋友口味😛感覺就係唂咕係黑朱古力 正常凍朱就係牛奶朱古力🤔✾味道覺醒指數: 4/5抵食指數:5/5服務指數:3.8/5

今日又再 Encore 光榮, 又再叫咗鴛鴦牛肉滑蛋飯, 個碟飯依然係好好味, 沙爹牛仍然濃又正, 但份量方面就少咗一半 ……….我 7 月 6 日幫襯嗰碟滑蛋多到食唔曬, 目測起碼有 4 隻的份量, 今日好似 2 隻蛋都冇, 仲覺得唔夠喉添, 白飯今晚亦比上次少一半, 牛肉比上次少三分一左右, 唔知係佢地修正咗份星定係咁啱今日係咁, 原本仲諗住同老公 share 食一碟加多隻炸雞胛就夠, 點知依家呢個份量係一人前, 我一個人都可以 KO 到, 以前份量先係 2 人前, 或者都係好事, 因為可以食得曬 😅

同哥哥睇完中醫，經過光榮記，我未試過就去食個晏。本身見門口排左幾個人想放棄，但哥哥話好味就排隊試吓啦。我自己叫左個滑蛋牛肉飯，哥哥叫冇個雞扒三眼仔飯，黎到嚇我一跳，好鬼大碟，我地已經叫咗小飯都好大份，食到我地反晒白眼，但味道真係唔錯，啲料好多，牛肉好林，雞扒勁大塊，加埋三隻旦真係不得了，最正係上面仲有蔥油，真係好好味。食到2點有下午茶，我最後仲叫左個炸雞俾薯條外賣比我老公食，不過佢話麻麻地，唔似炸俾。

排隊嘅人太多 排左半個鐘頭入去叫左個叉燒炒蛋飯啲叉燒仲多過啲飯要清曬佢有啲難度叉燒太厚 有啲硬午市樓面太小 落單都要排隊一張一張台黎態度唔差不過落單好似好急咁個飯到左 野飲都未到不過等食嘅時間仲可以接受到btw我好小寫食評係今日見到個樓面妹妹幾有活力比佢吸引左黎打個飯後感 想認識下小妹妹整體方面唔錯 就係叉燒厚左啲

沙嗲牛肉麵之前直有好多人討論過，之前媒體都有介紹過呢間餐廳出咗用煲仔煮出黎既沙嗲牛肉麵！幾受迎歡，緊係要嚟試吓啦！個人覺得整體味道一般般，麵質煲到有啲冧，醬汁比較鹹，無沙嗲醬既味道。不過醬汁比較稠所以麵條容易掛汁。

昨天去食午餐，見到黃店標志入去試下，我哋二位，叫左個炒面，我叫嘅係豆腐火腩反，上抬味適中還算好味，但食到一半見到好多條頭髮，頓時冇哂胃口，無言以對，跟住我同事食到炒面內有紙巾，驚嚇！跟住叫人換，見佢拿入廚房唔係扔垃圾桶，呢間咁嘅餐廳唔會有下次幫襯,見到驚驚，留返條命好的，今日肚屙左成日，我朋友也是，如果唔係周圍有新冠肺炎，認真想入醫院，真係想去check吓，不過望佢環境都唔似幾乾淨下， 下次食飯唔可以睇吓太人多啦，都要睇吓環境夠唔夠乾淨先入去食！

💫光榮冰室💛今次就嗌咗個常餐～沙嗲牛肉出前一丁🍜 多士 炒滑蛋🍳沙嗲牛肉出前一丁🍜呢個好出名 牛肉嘅份量都唔算少🐮而且幾淋 好易咬開 冇咩根 💛個麵好彈牙 好吸啲湯😆個湯幾濃 好惹味 有少少辣 😍熱食係最好嘅👍🏻.個多士搽滿哂牛油🧈烘過之後好脆身 好正🤣.個滑蛋好滑 唔會太油🍳有啲真係油到唔夠膽食🥲回頭率💫： 🌕🌕🌕🌕🌑

沙嗲牛嘅熱潮過哂，我先終於有時間試下依到出名嘅沙嗲牛肉撈丁🤣。碟嘢都幾大碟下，一定夠一個男人食飽。味道嚟講就真係好濃，好聽啲就好有沙嗲牛味，難聽啲就啫係好鬼咸😵😵。另外嗰麵整完出嚟之後偏乾，啲汁又好杰，所以其實好難撈暈哂嗰麵嚟食。可能就係咁，所以覺得偏咸咗啲，因為有啲就好多沙嗲汁，有啲就冇咩汁。不過我覺得$46係旺角嘅茶餐廳嚟講，依個質素完全可接受啦。依個位都算方便，員工服務至少唔會串串貢，希望依啲良心小舖長做長有。

#港式eatcovery💡最港式之選小編做運動前，諗住食小小野補充下體力先。腦海就即刻諗起屬於香港人既茶餐廳光榮，仲要係下午茶時間，唔洗猶疑，即刻就去馬。🍽干炒牛河小編知道一個平炒牛河等於千幾卡路里，但對上個次係九龍灣分店食完，念念不忘，因為太正，所以照板煮碗叫多次。份量依舊咁多，但今次味道就同上次有分別啦，可能落左唔係咁多油去炒，食落係有分別，但今次最失望係牛肉份量，對上個次九龍灣分店食係有好多，但今次成碟先得五，六舊牛肉，仲要係細細舊，食緊個陣，有小小懷疑係唔係食緊干炒「牛」河。🍽生炸雞脾配沙律炸雞脾炸得太燶，全隻雞脾嘅皮都硬到不得了，好似蟹殼咁，完全咬唔到，好失望。好彩嘅係入面嘅雞肉都鮮嫩，有肉汁。沙律係普通沙律醬撈生果，入面有部分係罐頭生果，叫做不過不失。（小編上次食觀塘分店嘅炸雞扒出色好多，今次真係失望）🍽 凍奶茶 x 凍檸茶合格，係一般茶餐廳水平！ps/值得一讚餐廳每張枱都有一個QR code比食客反映番食物質素，好讓餐廳改進一下。推介度：⭐️⭐️⭐️

超高性價比嘅茶記，油尖旺區可以dinner $50 一餐仲要凍飲唔洗加錢，果然係良心💛店，全部嘢食都大大份，多餸多飯，佢地嘅叉燒滑蛋飯係朋友推薦，仲話果日冇就唔食