光榮冰室 (鴻威大厦)

營業中

休息中

聽講話依間茶餐廳份量足又抵食～經常都好多人幫襯～今次經過試吓先叫返兩個下午茶餐嘆吓先～仲要包凍熱飲唔使另外加錢蔥油鴛鴦扒飯餸份量足～飯少配兩塊手掌咁大嘅扒～一塊豬扒、一塊雞扒好嫩唔會乾～仲有一大堆蔥油汁唔油膩～應該係老抽爆蔥～好惹味有油香送飯一流鮮茄雞扒意粉意粉偏淋冇乜味～又係一大塊雞扒～茄汁帶甜唔夠酸～不過加埋雞扒一齊食～味道啱啱好下午茶餐包凍熱飲～茶餐廳奶茶、鴛鴦一定係第一選擇～茶味濃、咖啡香外賣+$2x2

生酮嘅朋友出街都一定面對一個問題，就係到底有咩可以食。放題類就一定冇死，但係食都食到窮。呢兩日係fb 見到光榮話出左生酮人都岩食嘅餐，即刻就去食啦🥡 煎蛋雞扒飯 (走飯轉菜底）$56一上枱見到個碟大過塊面，塊雞扒又同隻碟一樣大，普通女仔係完全食唔曬～姐姐仲好好咁幫我轉咗做煎蛋添！雞扒大得嚟，都有返咁上下重量，咬落去啖啖肉，加埋佢個豉油都ok。煎蛋方面，三隻有兩隻都係成功半生熟，加多兩粒鹽就更好啦～菜底就用咗菜心，條菜心仲長過塊面，咬唔開，再成條一次過快吞轟，同埋數量就得三條，但唔洗加錢嚟講我又覺得抵喎！

叫外賣，大約一個鐘先送到，好彩D食物都仲未凍！蔥油雞扒飯撈飯一流！雞扒好大飯，無雪藏味。秘制醬油叉燒煎蛋飯飯蛋熟左D，叉燒一般，個人認為雞扒飯正D。凍飲竟然唔使加錢！！

每當出開嚟旺角，永遠都係諗唔到食咩既時候，就會去幫襯光榮冰室💛💛😎因為真係平靚正之選啊！！！平日下午十二點幾一點去到，要等一陣先可以入座。每次嚟都好多人，好熱鬧既茶記😝😝叉燒炒滑蛋飯 ($50) 熱可力記得第一次食既時候，碟飯上枱個時真係「嘩」左聲出嚟，因為真係大碟得好誇張！！！飯同餸加埋份量係足夠兩個女仔share食，炒蛋好夠滑，叉燒就偏瘦，加上豉油同少少蔥，好滿足既一個下午🥳🥳最尾真係食唔晒，要打包半盒做晚餐。下次已經識得叫少飯😂😂😂 XO醬牛肉炒一丁 （$55）茶走份量都一樣咁大份～麵加左少少韮黃、辣椒仔一齊炒，料的確唔會孤寒，炒得略為乾身左啲啲，味道唔錯。性價比高茶記，又係黃店，要多多支持😉

平時一向好多人排隊嘅光榮冰室 最出名嘅之一就係蔥油雞扒飯🤤🤤佢哋嘅蔥油好香 唔會太鹹 加上秘製嘅豉油汁 帶有少少甜 簡直可以撈晒成碗飯🍚雞扒個外皮煎得好脆薄 🤤🤤令到雞扒嘅油脂出晒嚟 食落去即刻唔會好肥 以啲肉啱啱好唔會好鞋火候控制得好好👍🏼👍🏼凍檸茶嘅茶底濃厚 茶香👍🏼

大家對光榮冰室都應該唔陌生🤝，平時多數食開呢度既午餐、碟頭飯，但其實光榮既下午茶餐都好抵食，行行下街，覺得攰，不妨黎呢度涼下冷氣，食下野。三文治餐 （雙拼）$29 奉送冷熱飲 叫左炒滑蛋加午餐肉，凍檸茶正常港式茶餐廳既質素，但個滑蛋十分之厚，絕對係足料，唔係一打開得個邊有餡🤣🔸三文治餐（下午兩點至六點供應）$29有個咁厚既三文治，重要連埋野飲（凍飲重要唔加錢）又可以坐下涼冷氣，真係無得輸👍🏻，黎呢度食個下午茶，重好過係街買杯手搖飲品🤫

推薦下午茶! 光榮冰室！係旺角行到咁熱咁你去飲杯珍珠奶茶都30蚊左右 點解唔去茶記坐下 嘆下冷氣又有野食呢？叫左份西多 成兩隻手指咁厚加凍飲都係$32 ！！重點外脆內軟加上蜜糖。因為唔同出面既西多士用薄麵包 一放入口就好似唔使咀嚼。但我覺得用厚度 有咬口 多d 麵包又冇咁甜個餐肉我覺得要再厚身d 再整燶d 脆d 就岩晒我口味 環境就好似一個般茶記咁麻雀雖小五臟俱全😂不過上餐速度就好快。 岩晒咁高節奏既香港人大家下次去食下午茶餐唔 低食

我諗全港起碼8成茶餐廳既凍飲至少都要加$2，餘下2成既其中之一就係｛光榮冰室｝。今日出旺角行街，炎炎夏日🌞半路真係要搵餐廳/糖水鋪/cafe 歇下腳，行過左波鞋街位置，見到有間光榮冰室，就望下下午茶有咩食啦見到奉送冷熱飲品，經以心旭旭天氣熱真係要飲凍野講真叫個普通三文治餐（$29），又有得坐，又有凍飲。出面買杯珍珠奶茶都唔只啦叫左西多士餐，份西多成寸厚仲有糖漿任落切落實淨，容易切開一件件，食落外脆內軟👍🏻另外亦叫左份餐蛋治，塊蛋幾厚光榮下午茶餐真係超抵食

男人既浪漫呀! 碟頭飯!大大碟好抵食又好食!沙爹牛肉撈麵超好食!  平時公仔麵湯麵食得多原汁又香濃又惹味既沙爹汁換成撈麵味道更濃更加香,每條麵都吸左沙爹汁真係超級滋味!滑蛋叉燒飯見到飯架!好多料呀! 叉燒炒滑蛋,D蛋汁真係多到瀑布咁呀~ 叉燒片又多完全蓋住白飯真係變左港式蛋包飯~!男人浪漫既豆腐支竹火腩飯!! 厚切大件既燒腩仔加埋有十幾件超大碟!個汁又香又咸好惹味!仲有招牌蘿蔔牛腩飯 牛腩炆到好軟淋個汁好香濃!抵食夾大碟味道水準都OK消費$170旺角花園街3-5號鴻威大厦地下12-13號舖

🍛滑蛋叉燒飯送到嚟個刻真係冇諗過係咁大碟😂啲蛋嘅份量多到係驚人‼️令我一度好奇佢係用咗幾多隻蛋😯講返味道方面先😋蛋係好滑！叉燒都唔會太肥 偏瘦🤤我係勁鐘意食叉燒嘅人 次次食燒味飯都係簡佢😍味道都算正常發揮🤩幾正🥰呢個價錢真係算超級抵食呀👍🏻

越做越差。食過特餐，阿姐話要等好耐。叫我食炒粉麵飯，問佢大約等幾耐15-20分鐘得唔得，又話唔知，擺明趕客。立刻走人。大把同路人餐廳，唔一定要食你。接受意見，原來係口號嚟㗎咋。

🌸▸❥❥❥❥❥❥❥❥❥❥❥❥❥❥❥❥❥❥❥❥評分(5分為最高):❥好味指數:❤️❤️❤️❤️🖤❥抵食指數:❤️❤️❤️❤️🖤❥回購指數:❤️❤️❤️❤️🖤❥❥❥❥❥❥❥❥❥❥❥❥❥❥❥❥❥❥❥❀『良心餐廳💛』⓵雞扒炒蛋飯碗飯勁大碟🤤大碟到我食吾曬🤙🏻🤤雞扒超大塊🤩有一隻手掌大😆炒蛋都好滑🤩賣相好吸引🤩豉油幾濃🤤蔥油又好香😋❥⓶沙嗲牛肉撈丁本身諗住係煲黎🥺去到先發現原來煲已經停左半年😕又係份量超多😆相信大家都見到🤤起碼有兩個麵底😆沙嗲牛肉好唸🤤又有好多汁🤤加上個麵煮得較軟 好掛汁🤤下次要去有煲既分店試下🥺❀➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭🏢店名 : 光榮冰室💛🗺地點 : 旺角📍地址 : 旺角花園街3-5號鴻威大厦地下12-13號舖🚃交通 : 地鐵油麻地站A2(步行5分鐘)➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭

去點了一個鮮茄炒蛋牛肉飯，發現只係簡單地將三樣材料分開放上碟中就上菜，完全沒有將材料炒埋一齊。從來沒有食過一個咁樣整法既茄蛋牛飯。只係份量夠大，價錢夠平，但卻完全失去了應有既味道

好食嘅良心店有唔少，平嘅都有唔少，但又平又好食嘅光榮絶對係當中的佼佼者，我諗除咗係得座位比較迫之外都無乜大問題，正宗港色茶記快靚正加抵！重要抵食夾大件，完全係為人民服務咁，唔乜點想賺您錢咁，作為一個茶記老闆，算係有良心。蔥油雞扒飯 -面頭勁多已煮過嘅蔥油，好香，雞扒大件得嚟又好脆口，重要炸得好好，外脆內嫩，飯重要好多，真係黐孖筋，完全係不計成本咁。作為一個香港人，真係諗唔到一個理由係唔去幫襯光榮，又平又好食，重要個老闆咁有良心，有時間就要去幫襯下喇。

又幫襯光榮啦🤣 做個標題黨痴線叉燒滑蛋飯係因為佢真係好大碟我仲要叫左兩個做外賣 一心諗住2大1小應該都食得晒……. 點知 食1盒都飽飽地叉燒又多 成盒飯都勁重囉痴線🤣係點賺錢架 $46連埋野飲佢啲常餐呢 我就麻麻地但飯餐真心推介比大家