光榮冰室 (鴻威大厦)

營業中

休息中

已經係第二次去食光榮嘅沙嗲煲仔麵 真係超好味😋😋😋😋沙嗲汁好濃好香～之前去過慈雲山另一間好出名嘅茶餐廳食煲仔麵 但係光榮呢個真係好食好多同埋抵好多🤩🤩🤩佢個煲仔麵有兩個選擇 一個係配金菇，另外一個係配窩蛋，雖然金菇好似抵食啲，不過個人認為窩蛋撈埋個沙嗲汁真係好正😋同埋建議如果兩個人一齊去食嘅話，唔好兩個都叫煲仔麵，會有啲太漏～如果唔介意share黎食嘅話，一個叫煲仔麵，一個叫普通常餐個沙嗲牛一丁，真係絕配！順帶一提如果唔想食太漏，其實光榮本身個沙嗲牛一丁都好好味😋😋（暫時試過咁多間光榮都係覺得旺角嗰間最好食！）

今日行過旺角，又想平平地食個午飯。經過光榮冰室，我就諗都唔使諗，行咗入去 入到去見到好多人幫襯，證明呢間店舖好受歡迎望一望餐牌，選擇非常之多，又有經濟實惠嘅碟頭飯，又有傳統嘅煲仔飯，一時之間都唔知點揀落手😆😆 最後我望見餐牌第一個就係叉燒炒蛋飯，我心諗放咗第一個位置一定有佢原因。所以就隨心咁叫咗一份☝🏼嚟到之後，我嘅自然反應係: 有無咁抵食呀............😍😍首先睇吓個賣相，成碟都係叉燒炒蛋，完全遮住下面啲飯🤤🤤 而且炒蛋同每塊叉燒都合二為一，加上少少豉油，顏色相當吸引。一入口，炒蛋嫩滑，叉燒肥瘦適中，選料可以話係上品👍🏼👍🏼加埋杯凍檸茶都只係大約$50😻😻仲有一次，有個食客要去銀行㩒錢，個收銀員同佢講”唔緊要，慢慢黎! 我地信得過你!!” 當年個食客最後都有返番轉頭俾錢。由此可見，食客同餐廳員工都有好高嘅質素🙌🏼🙌🏼 估唔到食一餐飯，都可以體現到人與人之間應有嘅信任同高尚嘅情操👍🏼👍🏼咁好嘅餐廳，絕對足夠我哋一試再試如果一次都未食過，你唔係唔試呀嘛😏?!?

生滾煲仔金菇沙嗲牛麵🍜$46又係睇到沙嗲牛肉關注組🤣結果忍唔住，就走咗去試😏呢個的確係幾啱我口味😋滾住上枱，望住覺得好自癒😎個湯底真係好濃郁😆絕對係關注組所講嘅洗腎系列🥸湯汁掛到麵，味道亦都啱啱好😇而且牛肉都多，仲要夠厚身🤤整體而言，我係幾鍾意😍個餐連飲品，冷熱同價😇注意⚠️暫時只於旺角及荃灣店😆十一時半後供應，只限堂食，不設外賣🥸光榮冰室 (鴻威大厦) (旺角)旺角花園街3-5號鴻威大厦地下12-13號舖

🙋🏻‍♂️餓底探員今晚去咗旺角調查呢間冰室🥩🍜沙嗲牛肉煲仔麵 $46📸表示喺茶餐廳或者冰室食沙嗲牛麵係好普遍，但個麵用砂煲煮完再原個上枱就比較少見，好期待個麵用砂煲煮會有咩分別🤔🙋🏻‍♂️表示一碗沙嗲牛肉麵，沙嗲絕對係成個麵嘅精髓，呢碗麵個沙嗲汁好多，仲要好杰身，味道非常香濃，好似食緊撈麵咁，加上個麵用砂煲嚟煮，食落有陣陣焦香，好惹味📈吃貨指數😋好味度 7/10🔙返啅度 7.5/10

開心樂園餐$55+咖喱牛腩飯$48評分：上癮程度：⭐️⭐️⭐️（唔可以成日食，會變肥妹仔）美味程度：⭐️⭐️⭐️外貌程度：⭐️⭐️⭐️價錢低食：⭐️⭐️⭐️⭐️（碟頭飯價錢）

幫襯光榮係情意結，懷念茶餐廳味道，今次叫臘味煲仔飯外賣，加8蚊送埋煲仔，煲仔係傳統瓦煲仔 ，梗係加錢換啦咁開心😂 裡面有1條臘腸、1條潤腸、1件臘肉和一件臘鴨，個人比軟喜歡臘腸潤腸，都好好味，係個豉油唔夠甜同咸咗d😞煲仔豉油要杰杰地甜甜地先好味，不過喺屋企可以食到瓦煲煲仔飯已經好開心啦🤭可能當日係假期應該太多客叫呢款，所以等咗1個鍾，好彩喺屋企等，而且好味嘅等下都無妨😁用錫紙包住送到嚟仲熱辣辣添～

知道喜歡的「光榮冰室」新推出了「生滾煲仔沙嗲金菇牛肉麵」（$46連冷或熱飲），在這北風凛烈的寒冬中甚為吸引，便在一個午後，趕在晚上六時前前往這冰室的旺角分店幫襯。下午五時左右，來到這冰室門外，前面已有數人在等，大約過了十分鐘，當我可以入內用膳的時候，跟在我後面，趕在晚上六時前堂食的客人，已有接近二十人了。也是的，要是家中沒有晚飯吃的話，如果不在六時前舒舒服服地堂食，便要買外賣回家才有得吃了。因為一早已鎖定目標，所以只是花了兩三分鐘，已可下單，過了一會，一窩熱氣騰騰，教人寒意盡消的「生滾煲仔沙嗲金菇牛肉麵」便已送到。這煲上桌時還在冒煙，熱呼呼的「生滾煲仔沙嗲金菇牛肉麵」湯底加入了秘製沙嗲汁，味道濃郁適中，既不過鹹，也不過甜，惹味得很，那些份量不少的沙嗲牛肉，也切得大大件的，口感不差，加上索汁力極強，索滿了美味沙嗲汁的爽滑麵條與金菇，就像是冬日裡的一股熱流，讓人感到份外溫暖。老婆仔的下午茶「生炸大雞髀配沙律」（$31）也不錯，即炸雞髀熱辣辣的，雞皮炸得脆，裡面的肉仍嫩滑，港式沙律懷舊得來也好味。在寒冷的天氣裡，吃上一煲熱燙可口，教人心生溫暖的「生滾煲仔沙嗲金菇牛肉麵」，確是甚好。

繁忙時間唔係等好耐，餐廳忙住做外賣，就算入面有位都唔得閒招呼人入去。上次食雞扒常餐，雞扒同蛋庵列都大過我塊面，蛋庵列有好多火腿。全部野食都好大份，食曬雞扒、蛋同麵包已經超飽，最後差唔多食剩半碟米粉。叉燒炒蛋飯（$35）今次試叉燒炒蛋飯，專登叫少飯，今次食得曬！！蛋炒得啱啱好，好滑。叉燒份量好多，有肥有瘦。經典唂咕好少見茶餐廳有唂咕，貪新奇想試下咩黎，點知中伏😑😑聞落好香朱古力味，飲落得苦同水味，最後只係飲左兩三啖。

其實就唔係話好好食，但真係抵食大碟又快上菜！如果唔知食咩又唔想諗去食茶記係一個唔錯嘅選擇！但環境位置就好一般，旺角同尖沙咀位置都好逼。反而深井就坐得舒服啲闊啲！而啲員工態度都真係一時時一間間⋯時好時壞！但食得茶記都唔好預有幾好服務！

點餐時候有個帶眼鏡嘅男職員幫我落單，我話要蔥油雞扒三眼蛋飯，可能我帶口罩講野佢聽唔清楚。之後我睇到張單寫左普通蔥油雞扒飯(B餐），我就同佢講番我係要蔥油雞扒三眼蛋飯（E餐)。佢話我頭先叫蔥油雞扒飯。我話我想要蔥油雞扒三眼蛋飯。佢話B餐都係蔥油雞扒飯。我就唔係好明點解佢唔明我其實只係想叫佢轉番做E餐姐。咁我講多次我想要蔥油雞扒三眼蛋飯，佢先好不滿咁拎走張單去改。我都係想食個飯姐，唔明點解要受氣。其他女職員就nice嘅。係呢個哥哥仔唔知做乜咁燥。食物就普通水準啦，份量足料嘅，男仔都好夠食。不過三眼蛋就有一隻變左熟蛋。雞扒就似係炸嘅，皮好脆但係啲肉就有啲老。凍檸茶就放低嘅時候都已經無冰咁濟。杯野係室溫嘅。期望質素可以有改善啦，我都希望多啲有質素嘅黄店不負香港人嘅支持。

好大個黃店光環😇一個飯有好多條不知明既毛🤯，望落去好似幾好，不過食落無咩味。咖哩就係普通茶記咖哩無咩味😂開心浩園，下面係炸豬扒+三個蛋有驚喜既咸檸水，係好飲既

光榮冰室天氣開始轉涼，啱晒食煲仔飯估唔到光榮冰室都有煲仔飯食，款式就唔算太多窩蛋鮮牛肉既牛肉份量都算多同嫩滑鴨油既香味滲晒落飯度，但鴨髀真係太咸臘腸都幾好食，咬落去油脂感爆發，勁香口成煲飯食落熱辣辣既，飯焦都有焦香味但就唔係好誇張好大塊好香脆果隻

一個人吃午飯，想去間傳統茶餐廳或冰室，誤打誤撞進了這間，點了一個生炒牛肉飯，免費送冷熱飲品。由牛肉粒、蛋、及葱炒成的飯，牛肉有些少牛味，蛋味極微，應該不是用很靚的蛋。一個炒飯，本應是茶餐廳或冰室最基本的，無可能炒得不好吃，但這間卻炒出代表作。首先沒有鑊氣;其次飯炒得不夠乾身;第三飯不夠粒粒分明，黏起一團;第四蛋炒得不均勻，不是每粒飯也沾上蛋。什麼蛋味牛味也先不計，上述四樣基本功卻無一達成，根本是零分之作。再講服務，本身侍仔們都很有禮。餐廳門口寫有必須量度溫度，發燒者招待。還寫有遇到戴手帶者會報警處理。很嚴格的防疫啊!但我吃飯期間竟容許五個同行人聚餐(當時限聚令是四人)，不是要防疫嗎？不是要報警要拉要鎖嗎？防疫是對其他僱客的服務承諾啊！讓人吃得安心啊！

之前見親有人排隊,今日早上沒有排隊，咁就可以，沙嗲汁都〇k，奶荼少少奶唔，但我覺唔夠少奶～但茶滑的，友人早餐古仁茶等、佢話合格，但在Mk 茶餐廳價錢這店算平啊！服務生一個男就差d，另外收錢女仔服務態度就ik.

某天首次到這裡吃吾點了😋生滾沙嗲牛肉一丁配火腿奄列跟油包及熱鴛鴦，奄列的蛋看似過熟，實情中間是非常滑溜，鴛鴦的茶啡比例剛好，沙嗲牛的沙嗲香濃惹味，牛肉仍保持應有的咬口，最興奮是特餐本身已預設沙嗲牛是跟一丁，還。要。是。不。用。加。錢。啊😍，而店方亦細心地附上丁麵的味粉及麻油給食客自行添加，沙嗲牛已很美味，加點麻油更添香氣，味粉就免問了。特餐的美味令小的心癢癢，想吃吃看飯餐的水準，於是某天又在前來，本來想吃焗飯，但原來未有供應，於是在快餐四選一當中，點了😋薑蔥豬扒飯，碟頭飯來到，看到份量直傻了眼😳，面層是兩大塊極厚身豬扒，扒上的薑蔥份量也絕不欺場，稍移開豬扒一看更是不得了，飯的份量絕對是二至三人前🤪，真的未吃已讓眼晴也飽了😝豬扒雖然厚身，但極之鬆軟，近骨位置的薄肉更是煎得帶點酥香，蘸點薑蔥同吃更是滋味十級跳😘，個人認為豉油也不用下也行，由於份量極巨，任憑在下怎樣努力吞噬，還是剩下不少飯呢，所以下回緊記要求少飯唷😁