光榮冰室 (鴻威大厦)

營業中

休息中

相信唔少香港人都認識光榮冰室，我聽就聽得多，今次係第一次幫襯，同先生行過附近，見好多人排隊，行近一望原來係鼎鼎大名嘅光榮冰室，當然要幫襯下。餐廳入面冇乜特別，係舊式茶餐廳嘅格局，食物亦係大路嘢，價錢合理。有幾款出名嘅飯餐係特別吸引，四十幾蚊包飲品，相當抵食。本來想試下大受歡迎嘅三萬完蛋飯，但一早已經售罄，唯有轉戰同樣出名嘅雞扒飯，我揀咗蔥油雞扒飯，而先生就揀咗三眼仔雞扒飯。雞扒份量超多，有成兩大塊雞扒，非常慷慨！雞扒外皮香脆，啖啖肉，肉質唔會好乾，仲保持到鮮嫩嘅肉汁，質素唔錯。雞扒再好都需要薑蔥油扶持，薑蔥油簡直係成個飯嘅靈魂，鹹淡適中，薑蔥嘅香味好特出，令成個飯變得非常惹味！另外白飯亦係粒粒分明，飯味突出，齋用薑蔥油撈飯已經令人滿足！凍奶茶雖然稱唔上香濃，但質素尚可，四十五蚊包飲品，凍飲仲要唔使加錢，夫復何求呢？先生叫嘅三眼仔雞扒飯比我嘅多咗三隻太陽蛋，價錢都係差四蚊，的確係無懈可擊，蛋仲要煎得幾靚，一啲都冇揸流攤。凍檸水亦非常正路，慳返三蚊覺得零舍好飲。親身體驗完終於明白點解大熱天時都咁多人排隊，食物質素的確係唔錯，特別係蔥油雞扒飯，成個組合都冇得彈，價錢又實惠，真係抵佢咁多擁躉！

ᴄʜᴀ ᴄʜᴀᴀɴ ᴛᴇɴɢ💛.每次喺旺角行街經過 都見到好多人排隊🧐早啲去 就唔洗等位同冇咁迫🤪啲嘢食真係相當抵食 碟碟都勁滿 份量十足🤩不過服務態度就真係比較差☹️.蕃茄湯排骨粒通粉 + 西班牙奄列🍳 $45 每次去茶餐廳都一定係食全日特餐🍴最鐘意就係蕃茄湯🍅估唔到呢到咁足料 有勁多配菜仲有半個蕃茄喺入面😍湯底唔太酸 係甜甜地帶辣嘅羅宋湯🧐佢似係用左豬軟骨唔係排骨 一啲都唔鞋口😋第一次食西班牙奄列 幾特別😛入面有茄汁豆同埋廚師腸🙈蛋唔算太滑 不過配埋包食真係好正💓牛油方包(一開二嘅薄切方包🍞)+$1可以轉多士(半塊厚切方包)麵包一定要烘到脆卜卜窿窿地先正🤩.咖哩豬頸肉飯🍛 $45豬頸肉真係好厚切又夠大塊 飯又夠多😍四十幾蚊一碟 真係好抵食‼️我妹一個人食唔晒 所以我食埋佢🤫第一次見豬頸肉係成舊上 唔係一片片🤣不過可能因為太大舊 煎得唔夠香🥺食落冇平時一片片咁好食🙈肉質雖然好嫩滑 但係偏肥 食得多都真係幾膩🤢咖喱汁都幾多 建議可以叫佢少汁🤏🏻.鮮茄豬扒飯🍅 $46豬扒相對冇豬頸肉咁大件 佢比較薄身 不過都差唔多成隻碟咁大🤤肉質都好腍好嫩😚但係都係煎得唔夠香😫茄汁嘅蕃茄味唔太濃 太多芡汁😪

未試過可以喺茶餐廳食大大塊鰻魚！大大碟，啲蛋又香又滑，鰻魚無骨又好食！仲有食左佢個叉燒炒蛋飯同咖喱豬扒飯都好好食！香港最出色的係有人情味的餐廳，茶餐廳係代表，而呢間茶餐廳係出色！一定要試佢個鰻魚蛋飯！推介！

三萬完蛋飯係勁受歡迎，除咗名字盞鬼之外係因為真係有三塊肥厚大鰻魚同多多滑蛋！啱啱出個陣即刻搵日嘅中午去咗試，後尾有晚想食再去話售完就以為太夜啦，點知最近再lunch time 再去都已經無賣嚕，都唔知係咪唔再出添！好彩有試到一次姐！咁唔緊要，試佢另一個招牌：叉燒炒蛋飯！嘩啲叉燒肥瘦厚道係剛剛好，啲蛋又完全唔會炒到好乾，而個鼓油真係好開胃，就算勁大兜都好食到停唔到！重點係大家都知光榮黃到金，呢個價錢支持下其實唔難！

Delicious lunch for sure! And only for 45 bucks you get a main and a ice cold drink. I order the scrambled eggs with bbq pork on rice. The the eggs are silky smooth and custardy. And with the soy sauce it is a match made in heaven. It is not your typical soy, it sweet salty and full of umami. Definitely try it. And plus it is owned by locals and support democracy. As a Hong konger it definitely feels good

擁有咁多間分店嘅光榮冰室，有夠黃，又有良心，又抵食，又好味，大家仲唔快啲幫襯？今次因為堂食太多人，所以叫咗外賣三萬（鰻）完蛋飯同埋開心浩園餐（三蛋雞扒飯），分量十足，味道都非常野味

排隊黎食，疫情中食飯，見到佢個隔住的膠牌，即刻加分，好穩陣，又唔怕對面陌生人的口口噴到，希望疫情過後都保持住。我們叫點了出名的三眼仔雞扒飯同三鰻完蛋飯配咖啡奶茶。雞扒炸得太硬，不過個豉油好味，蛋有3隻，估佢唔到咁多。而飯很很很大堆頭，應該叫少飯。三鰻完蛋飯，鰻魚普通，不過多，蛋也滑，普遍來說唔錯。其實呢個價錢，呢個食物質素來說已超值，最深刻係估唔到咁大份。侍應態度幾好，可能係新開張及光猛，入去感覺乾淨，沒有mk茶記那股污糟up味。

三萬完蛋飯冇食到因為🧒🏽唔可以食饅魚呀sad，所以我就叫左常餐既叉意同奄列，個奄列既蛋係超級好食好高汁呀真係好正，而👦🏻就叫左佢一直都好想食既蔥油雞扒飯 ，嘩真係好不得了呀，個蔥油好好好香呀，連🧒🏽唔食蔥既都食左幾啖哈哈🤣雞扒又大塊又脆又juicy ，而且份量都仲好夠 ，加埋甜豉油撈飯食到👦🏻lamlam脷呀😋講真佢地既凍啡都真係好正，唔係普通hea沖，真係飲得好開心，仲要佢地既凍飲係唔洗加錢呀，講真仲邊有咁好咁有良心既，咁就緊係撐啦哈哈哈🤗🤗🤗

今日特登去幫襯三萬完蛋飯外賣，下午6:00左右去到，除咗Order咗三萬完蛋飯，仲叫咗個蔥油雞扒飯。兩個飯連兩杯凍齋啡，$100有找。三萬完蛋飯有差唔多有半條鰻魚份量切成4大塊，配上又香又滑，生熟程度啱啱好，食落一啲都唔老嘅滑蛋。鰻魚尚算厚身，口感十足，鰻魚油香同醬汁味濃。蔥油雞扒飯，十分之有驚喜，雞扒醃得非常之入味，有啲似香茅味，而且唔係一般煎雞扒，應該係炸嘅，但係一啲都唔油膩，食落香口，啖啖juicy十足，配上蔥油同豉油汁，送飯一流！齋啡都值得一提，咖啡☕️味香濃而唔苦，aftertaste後勁十足。無限支持，價錢相宜貼地，食物質素唔會將貨就價！香港人嘅食肆！

今晚嚟到光榮冰室食晚餐，餐廳同一般嘅茶餐廳冇分別，係有一種懷舊嘅特色，裝修都算係好嘅，但係唔知係咪因為想間餐廳個位置容納到更加多人，所以佢中間嘅圓枱都係坐摺櫈嘅，所以如果係話想追求坐得舒服嘅話呢間餐廳可能唔係好適合你啦。另外餐廳職員都好好咁幫我地抹好張枱，但係唯獨是因為肺炎關係，佢中間會有塊膠板隔住，個原意都係想搭枱嘅食客避免有太多嘅接觸，但係就因為可能接待嘅客人都有啲多，所以膠板都有上一手客人濺上嘅食物醬汁，感覺上就好似有啲唔衛生，但係可能因為客人比較多，服務員做到小小手忙腳亂，呢個瑕疵我覺得係可以接受嘅！首先嗌左個常餐，$45就可以食到一個茶餐，當然凍飲要另加錢，多士都要加一蚊，但係呢個時勢來講$45食到個茶餐我覺得都算係對得住個價錢，另外佢係可以免費轉出前一丁同辛辣麵，用料咁好，$45真係合格有突啦！另外個炒滑蛋真係做到好滑，唔似其他餐廳咁落好多嘅忌廉同牛油，搞到個炒蛋本身變到好油膩，個多士做到好彩，而且上面查嘅牛油都好多，唔似其他餐廳咁淨係比得個少少你，根本食唔出咩味道，所以呢間餐廳嘅質素都做得好好嘅。另外一個叉燒滑蛋飯，之前都食過一次，個炒蛋係炒得好滑，另外豉油都好食嘅，叉燒

今日去旺角 當然要支持黃店光榮門口貼滿哂 依家食飯防疫措施要做到足都系入門口探熱 兩個人食飯有板格住 搭枱都安全啲 我同男朋友兩個都叫快餐 我叫叉燒炒蛋飯 男朋友叫豬扒飯 上菜速度快叉燒半肥瘦 好味道 炒蛋應該有兩粒 最少有少少smooth 我幾鐘意食呢種蛋 個飯唔林 粒粒分明 落左少少豉油 以快餐形式性價比高男朋友話佢個餐都幾好食😋 豬扒大塊 脆脆地評分會俾4/5 值得既系佢凍同熱野飲都系跟餐送 唔會加收兩蚊🤗 可惜男朋友睇漏左 不來有個餐多4蚊 但系個豬扒飯上面會多三隻蛋正正正 下次再去試下

非常好味的茶記，推薦👉🏻 叉燒滑蛋飯半熟的滑蛋加上叉燒， 十分簡單但非常好食😋， 而且份量足夠男仔食完都夠飽，推薦👍🏻👉🏻三眼仔雞扒飯三隻半熟蛋加上面般大的雞扒💯（但人比較多，等待需時）備註：新出的「三鰻」飯可惜已經售完， 下次一定再試😆

黃到發金既光榮💛見到佢既三萬完蛋飯好吸引鰻魚同滑蛋好夾好配合再加上甜醬油鰻魚都有好多 又好大舊滑蛋就必定無死啦最緊要係黃又黃又好食😋同路人一齊支持下黃色經濟圈💛

今日又來到光榮冰室啦，本身一心黎到想食個三眼仔飯，但最終竟然好過份地賣曬！！唯有食番快餐算，咁黎到梗係唔可以唔食佢個炒蛋😂一於食叉燒炒蛋飯😋😋叉燒炒蛋飯 $45炒蛋炒得好滑好香，一如以往咁保持住心準，未食過既，記得蛋係呢度最出名既野😂😂😂厚切叉燒大大舊，份量又多，加埋炒蛋係絕配👍🏻👍🏻👍🏻👍🏻成個飯都只係$45，大大份，平過好多冰室同茶餐廳❗️❗️❗️當然黎到一定要似茶走，茶走即係奶茶但係落煉奶，平時其他餐廳可能落好少，但呢度落勁多煉奶，好好飲，一試便愛上👍🏻👍🏻

之前去過荃灣店嘅光榮冰室，對佢地印象唔錯，剛好今日出旺角，經過光榮，於是又入去支持下。今次唔肚餓，叫個下午茶醫下肚算。沙嗲牛肉公仔麵配火腿蛋沙嗲牛肉味道算濃身，整體上算合格。例牌光榮冰室做法，調味料，麻油自行落。但店員，可唔可以唔好用掟嘅方式掟過嚟呢.......？我明白想做到好隨意嘅茶記感覺，但掟過嚟嘅方式，相信更差嘅茶餐廳都唔會咁樣做掛....另外，呢日安排到後門第一個位，所以好多時佢地要掉垃圾，都要經過我背後先到後門。由落單到埋單，已經多次垃圾同紙皮跌落我背脊，即使紙皮佢地抽起拎，但變相誇過我頭頂走。我覺得如果依衛生上，絕對唔衛生，因為一直放響地下嘅紙皮箱，點可以響食客頭頂飄走，細菌咪周圍跌落我碗麵度.....雖則黃店，但都希望保持該有嘅服務態度，同該以食客角度出發。