光榮冰室 (鴻威大厦)

營業中

休息中

喜見「光榮冰室」生意愈做愈大，在旺角、九龍灣、荃灣甚至深井都大展拳腳，分店愈開愈多。旺角店對我來說最為就腳，就找了一天去支持支持它。店中的一款「三眼仔雞扒飯」（$49）有一個名字特別，饒有深意的「開心浩園餐」，其實即是三蛋雞扒飯，只要想像一下三隻煎得像是太陽一樣明亮的的荷包蛋加上一塊美味的煎雞扒，便不難覺得它吸引。不過一次過吃三隻雞蛋對我來說實在是生命中難以承受的重，還是留給更適合的人吃吧！沒吃「三眼仔雞扒飯」，這天的快餐中卻有一款對我這個愛吃蔥油汁的人更加適合的「蔥油雞扒飯」（連冷或熱飲，$45），那便以之作為代替品吧！這「蔥油雞扒飯」水準奇高，實在令我喜出望外。煎雞扒大件肉厚，舖滿整碟飯面，把底下早已淋上了蔥油汁的飯完全遮蓋，大量蔥油堆在雞扒之上，一片青綠，顏色極為吸引。雞扒的雞皮雖稍軟而不脆，仍覺可口，雞肉嫩滑而仍能保持肉汁，蔥油汁更是味道甚好，令飢腸轆轆的我開胃非常，不需多時便把雞、飯、蔥油全部一掃而光。在這段疫境中，「光榮冰室」的生意仍能不受太大的影響，客人不少，著實不易。但風雨過後的陽光最是燦爛，黑暗過後的晨曦最是光明，戰鬥過後的勝利最是難得。香港人最緊要團結一致，終有一天

我自己係好鍾意食茶記嘅，因為價錢平之餘，都好難會中伏。而我覺得由沙嗲牛肉可以睇得出一間茶記到底係好唔好食因為呢樣簡直係茶記基本menu，如果連基本都做唔好，其他菜式點會好食？而光榮冰室嘅沙嗲牛肉係完全冇令我失望！我叫咗個特餐，包飲品、奄列或炒蛋同埋一碗麵。我揀左炒滑蛋配沙嗲牛肉米粉。沙嗲牛肉米粉個汁好好食，係有微微嘅辣同埋有花生味嘅餘韻。其次係佢個牛肉同出面d茶記唔同，佢係冇用到鬆肉粉，所以食落去比較有咬口同埋充滿牛味。而且仲要俾咗好多牛肉，真心抵！我男朋友叫咗沙嗲牛肉飯，點知啲牛肉係多過飯真心超級抵，下次會再來過！P.S. 繁忙時間可能會比較多人，有機會要搭枱

今晚一嘗良心小店💛聽網上講呢間餐廳嘅快餐唔止快 食物嘅質素仲相當一流 令人食過返尋味😋係旺區仲要用相當親民嘅價錢仲要包埋嘢飲 咁有良心嘅餐廳 點都要光顧一下🍽--葱油雞扒飯配凍檸水 $45🍗我就叫咗最中意食嘅雞扒飯配搭上葱油 葱油落得幾多下 每一啖都食到葱油嘅香味🤤塊雞扒仲要成隻手掌嘅大🖐🏻真係相當抵食 而且味道好好 夠哂肉汁 下次仲會試吓其他款式--叉燒滑蛋飯配凍檸茶 $45🍳以女朋友就嗌咗個滑蛋叉燒飯🍚啲滑蛋同叉燒嘅份量一樣多 滑蛋滑得嚟又好香 🥚叉燒嘅味道更加冇得彈😋每一啖都可以食到滑蛋同叉燒 --📍 光榮冰室 (旺角)旺角花園街3-5號鴻威大厦地下12-13號舖

今次係食咗咖喱雞飯外賣帶走返公司覺得份量好足夠而且菜都比較多但係咖喱方面就比較淡啦如果可以再鹹少少就比較好～感覺上冇乜味⋯⋯可能呢個唔係佢哋招牌下次都係食返招牌比較好嘅感覺等嘅時間都係好快5分鐘左右就可以帶走唔驚遲到啊！下次都會想再過嚟支持老闆分店咁多都好方便可以攞走味道方面可以再改良一下相信會有更加多人過嚟支持！而家外賣咁方便唔一定要坐低都可以食！而且價錢又實惠～下次都會再外賣返去試下唔同款式希望味道方面會再改善一下啦咁就非常好啦～

全日消費黃色經濟圈冇問題! 直落晚飯光榮快餐，蔥油雞扒快靚正，蔥油撈飯夠惹味，連野飲檸茶都係$45，太抵了，買杯h啡都40。中意足度既氣氛，侍應到客人都好輕鬆咁講嘢。#test_mk______________________________🏠 光榮冰室💛📍旺角花園街3-5號鴻威大厦地下12-13號舖💸 $45‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾#黃色經濟圈 #旺角美食 #香港美食 #hongkong

光榮冰室終於在旺角正式開幕！良心餐廳提供高質素美食同一流服務，價錢更加平絕返有茶記，絕對不能不去。下午餐時間非常多選擇，今次叫了邪惡特大炸雞髀配薯角或沙律。雞脾體積驚人，即叫即炸，所以製作需時，但一切都值得。雞脾肉十分嫩滑，啖啖juicy,雖然油份比較多，但炸脾實在難以避免。薯角甚多，比起薯條更勝一籌，啖啖薯仔，炸得甘香脆口。配上經典茶餐廳凍檸茶，茶底夠味，和檸檬配合得宜，苦澀味均衡。餐牌清晰，想食乜都有。

晨早流流要去旺角見客，咁緊係要去附近嘅茶仔食個早餐先有力同個客吹水。要搵間好食嘅茶仔唔易，好彩近排旺角開左光榮分店，我先食得開心，課得開心。牛奶炒滑蛋。食到一半先影sorly。個蛋都好大份，我用左少少蛋自製蛋治。個蛋都炒得夠滑，有少少奶味，無乜鞋位，炒得好好味。個麵係一丁面，對比附近茶餐廳用啲平面，呢個面真係贏晒。出前一丁唔係乜高尚野，但至少好過大部份即食面。而啲沙爹牛都好夠沙爹醬，好濃味。牛肉唔鞋口，但又唔會煮到霉晒，唔係神級，但都贏晒附近茶仔啦。至於杯奶茶就普通野。整體好好食，最緊要成個場都同聲同氣，食得好開心。

係旺角行街，想食下午茶就決定要去光榮冰室食佢嘅西多士吉列豬排配西多士見到就知極脆，吉列豬排炸到非常脆，完全冇骨，好正西多士超厚，算大舊，再配牛油同糖醬外脆內軟，真係食唔停吉列豬排同西多士真係茶餐廳先做到呢個效果😜常餐叉燒辛辣麵(辛辣麵加五蚊) 配 火腿炒蛋多士😆其實辛辣麵自己加辣粉，就公仔麵冇乜特別，火腿炒蛋個蛋就比較乾，不過幾多火腿😜侍應都幾風趣幽默服務都算唔錯嘅😄下午茶時段坐滿人，都要搭檯

其實都係因為想撐黃店所以先走咗嚟食同埋今日係狂賀有狗隻中招既日子 所以特登食咗個椒鹽豬扒飯賀一賀 店員態度幾好 店內就係好似一般茶記咁 價錢都係平時價位 冇乜特別 就係一間普通嘅茶餐廳

對於大部份嘅香港人嚟講，2020年2月20日嘅晚上係近8個月嚟最令佢地鼓舞嘅一晚🍾️🍾️🍾️，而光榮冰室竟然為依晚特意製作一個期間限定飯餐，據聞限量三萬份，見咁特別，大家又咁高興，咁今日嘅lunch當然去試下乜料，順便慶祝一下啦，yeah 🍾🍾🍾武警飯 $45>心情大靚，食咩都咁好味>熱辣辣>豬扒少肥，椒鹽味可重手啲>白飯底ok，不硬>應太多人叫，忘了落豉油，健康==================推介指數 🌕🌕🌕🌕🌕唔使講，總之食得開心，過癮，高興，如餐飲係香檳再配返首小鳳姐嘅喜氣洋洋做background music呢，就真係完美喇😂😂😂😂

最近旺角開了一間光榮。未食過的我有天打算去食發現排長龍，今天下午茶時段一位直入。餐廳裝修就如一間懷舊冰室，餐牌上的價錢也不貴很是吸引，特別是餐飲凍熱同價讓我很驚訝不知道味道如何呢？本打算食炸脾配沙律，價錢幾吸引，但店員說沒有沙律又沒有餐牌上的薯角，只有薯條，那我就改叫西多士餐($28)。熱奶茶茶底少澀，入口不是很滑，奶和茶都比例正常，表現普通。等多幾分鐘，新鮮熱辣辣的西多士來了，樣子嚇了我一跳，連同檯不認識的都望了一眼這是一塊很高、很厚、很有視角衝擊力的西多士，足足比平時食的厚三份一，甚及一半！店員隨後為我補上糖漿。作為茶記這裡竟然是整樽進口貨擺在檯上，跟一般茶記不同，讓我感到意外。西多士本身的溫度把牛油慢慢溶化，倒上糖漿把所有東西都融為一體。切開就知道有幾大份。麵包分為兩層，兩層都很厚但切下去不會死實。外表炸得香脆，裡面軟，中間搽了一些花生醬，不過不夠多可更重手。配著軟滑的牛油和甜甜的糖漿，不自覺一口一口的食完這個下午茶。以這個價錢食到大大份，味道又不錯的西多士很抵食看餐牌上其他食物也不貴，有機會也要試上其他食物

假日晏起身，最簡單常餐除澳牛外，唔見得太多茶餐廳整得好食。難得經過光榮，就入去試試。 新開業門面雖然簡單，餐牌亦選擇唔多，但我愛的全日早餐已好足夠。格仔磚、圓接櫈簡單利落。早餐簡單卻唔馬虎，炒蛋嫩滑唔老，通粉上火腿鮑魚絲好足，义燒即食麵麻油自己落到夠。杯咖啡好香，入口唔苦澀。不論政治，卻實用心做，食物水準一啲都唔差，而且價錢係旺角算平。經開會再幫襯。

食過光榮尖沙咀同荃灣分店，兩間表現都幾好，今日路經旺角，又突然想食沙嗲牛麵，就即刻決定嚟支持新店佢位置好方便啦，坐落旺角市中心，附近都好多食店。裝修同其他分店都差唔多，門口都係有連儂牆佢都有幾款午餐，不過我係為沙牛而來，絕對唔會轉軚😂 不過佢葱油雞脾都係幾出色沙嗲牛一丁完全無令我失望，麵唔會煮得過淋，沙嗲醬夠味，牛肉好軟無筋位 太陽蛋一眼睇哂，夠太陽就得😂方包都無乜評語，唔會唔好食想講佢就算轉辛辣麵都唔洗加錢，出面啲餐廳加成$8 -.- 佢真係良心好簡單嘅一餐，$44仲想點

半年前嘅今日，那令人不安的畫面，那令人焦急的聲音，那令人憤怒的解釋，應每個香港人都不會忘記😠叉燒炒蛋飯 $45>色彩鮮艷，如加幾粒葱花會更靚仔>熱辣辣>叉燒大大舊又不太肥>蛋不鞋，偏淡>白飯底ok，不硬>豉油份量剛好，不太鹹==================推介指數 🌕🌕🌕🌘🌑茄汁牛扒飯 $45>傳統茶餐廳扒加汁嘅飯>蕃茄汁味偏淡，量太多，無螢光，亦不會太杰>牛扒質感幾好，不韌，不過無乜牛味>白飯底ok，不硬==================推介指數 🌕🌕🌕 🌘🌑老實講，不論凍定熱飲，味道中規中矩嘅快餐收$45，係旺角算係抵食夾大件，而嚟得依度嘅🤩 除咗食食物嘅味道外，某程度上係食佢個種風骨，能於亂世中堅守信念，絕對值得一再幫襯，願榮光歸這地🇭🇰✨