光榮冰室 (鴻威大厦)

營業中

休息中

💛光榮冰室（旺角）​📍旺角花園街3-5號鴻威大厦地下12-13號舖 (好景商業中心斜對面)​​Menu圖1️⃣雞扒蔥油飯 ($56)超級～正，首先成塊面咁大塊雞排，雞肉滑嫩😋完全唔柴，配埋豉油同蔥油，超級香，又唔鹹，仲要56蚊大大碗😋（仲可以揀一樣：腸仔/餐肉/腸仔）超抵​圖2️⃣全日特餐 $48有各款粉麵揀（配奄列同牛油方包）送冷熱飲㨂左沙嗲牛仔公仔麵、火腿奄列、熱奶茶，全部野食正常發揮，沙嗲牛唔會太鹹，公仔麵唔太淋(我最鍾意)​（評分：5杯☕️最高分）食物：☕️☕️☕️☕️☕️雞扒真係好大塊環境：☕️☕️☕☕️CP值：☕️☕️☕️☕️服務：☕️☕️☕️️️️️️️️️️️️☕️​✨會再幫襯? 會，雞扒蔥油飯真係好正

早上9:00食早餐，舉手落單，廳面再忙是否要睇住個場先，個個樓面好似盲Q左，舉手7分鐘無人睇到，個場好大咩，我仲要係舉餐牌，其實唔想做真係摺埋間野佢啦，個個黑口黑面。

貴為黃店，點解要咁做衰自己？話說，幾年來都幫襯開尖沙咀店，三日唔埋就停電停水都照幫襯........今日去旺角店....我諗我唔會再去﹗叫個常餐.....想要胡椒粉.....倒極都無，我同姐姐講，麻煩幫我攞個第二支胡椒粉，因為無晒喇；........佢轉個頭開左個蓋同我講「仲有好多呀....你倒唔到呀？」我見個樽有1/5.....咁我照倒啦.....之後，個炒蛋咩事呀？油浸呀？無味嘅？2粒鹽都無，仲係溝水......食唔到.....算喇；唔講喇.....唔會再去﹗光榮係咪唔憂做？唔講顏色，食物服務完全唔掂，叫人點再撐你？

食完即刻來評論，餐廳服務態度有禮，是食物有問題。食此餐廳有5次，每次都是叉燒炒蛋飯。前4次很好食，叉燒量足，不柴，炒蛋香滑，份量多，飯蒸得粒粒分明，水份適中。以52蚊包飲品來計，屬物美價廉。然而今次第五次在此餐廳食便中伏，炒蛋看似份量很多，蛋漿卻加了水，口感難食，沒有蛋味，滲水，嘔心。以後一段時間內不會去旺角分店食。 尖沙咀分店食過2次叉燒炒蛋飯，水準頗佳。剩餘2星是給叉燒同米飯。炒蛋很差。希望店主能改善。

諗住黃店幫襯下，超級失望！近日偷懶，差唔多每餐用外賣平台，每次都好準時。今次好開心有得叫呢間餐廳外賣，所以一心諗住支持下。7:29pm 落order, 一路等到8:30pm 都未到，唯有打電話去跟進下。點知光榮一接電話，又話一早整好曬啲嘢，係無人嚟囉，仲要大大聲講我地晤會遲。得👍👍阿姐，我信你，以後唔會再用任何途徑幫襯你👏👏👏完

今日下午茶經過終於冇人排隊，諗住試吓順便支持黃色經濟圈。兩個人叫咗三個餐：1. 美極牛肉炒飯6分。味道正常，唔算炒得好乾爽。2. 生炸雞髀拼薯條1分（都好似高分左）雞髀賣相好靚，但裏面全部都係凍嘅，懷疑廚房炸定先，然後收到客人order直接擺盤放出嚟，我比1分，純粹俾個賣相。（建議大家行出舖頭轉左行去豪大大食)3. 香煎雞扒出前一丁加$6廚師腸3分。大家睇幅相都見到個湯係冇顏色，完全係連鹽味都冇，公仔麵嘅精髓就係個湯底，吧難以置信佢可以用清水煮俾客人。我比$6加咗一條廚師腸，佢竟然可以煎都唔煎一下，就咁放落個湯度烚熟俾我，嚴重懷疑如果我今日加餐肉係咪都係會咁烚下就算。同咗餐廳店員講，態度都算良好，話肯換俾我。但個問題係，換都冇用啦….真係好難食。換咗個廚房會好啲囉……

-{連鎖港式茶記🍛}第五波疫情之前一星期起碼食一次光榮早餐 每次都係點雞扒早餐😚🤤光榮早餐🤤 ($40)雞扒真係勁大塊 敢話係見過嘅雞扒早餐最大塊嘅😂仲要好juicy🥰🥰🥰雖然話係薯餅但次次都係薯角👀都脆嘅份量亦好夠多👻炒蛋就夠蛋香又滑😋👖褲評: 8.3/10要揀光榮嘅話一定係旺角最正🤩🤩🤩最唔推係觀塘😕性價比: 8.5/10服務: 8/10環境: 7/10🚩光榮冰室🚩地址: 尖沙咀厚福街5-6號地下6號鋪荃灣兆和街18號地下旺角花園街3-5號鴻威大厦地下12-13號舖 #fuudjai #fuudjai港式 #fuudjai荃灣 #fuudjai尖沙咀 #fuudjai旺角

又到晚餐時間了，不知道🤷‍♀️吃什麼呢逛逛走走，路過花園街「光榮冰室」即管試吓總結： 一般啦非常簡單的裝潢，座位尚算多先看看餐牌：中式、西式、炒粉麵、咖喱…等等見到旁邊食客的食物，大大碟、份量多全日特餐：鮮牛肉湯意粉 $45奄列/ 煎雙蛋/ 牛油方包/ 多士 ..可轉米粉/通粉/烏冬…配牛乳炒滑蛋 …滑滑蛋香特別d , 丹麥多士，賣相不錯甜甜，脆香多士😋鮮牛肉，味道都可以意粉真的多 ，軟硬適中熱檸檬水：放少量糖，醒神開胃

喺旺角行街行到悶，搵啲嘢食下做晚餐，今次就去咗幫襯光榮冰室，同普通茶記一樣佢真係隔板，所以都唔驚有防疫嘅問題。𝐎𝐫𝐝𝐞𝐫:-⧐ 窩蛋牛肉煲仔飯加臘腸⧐沙嗲金菇肥牛煲⧐凍唂咕⧐凍檸茶◎呢個天時你去死呢個煲仔飯即係有少少玩命，好在佢都幾好食！仲有個沙嗲金菇肥牛煲都唔錯！仲有就係仲有凍唂咕，呢個唔係度度都有！—————————————📝評分味道 ³ / ⁵環境 ³ / ⁵服務 ³ / ⁵衛生³ / ⁵抵食 ³ / ⁵—————————————📍店舖：光榮冰室 (鴻威大厦) (旺角)旺角花園街3-5號鴻威大厦地下12-13號舖

光榮冰室聽就聽得多一直都冇試過好多次都係經過行過今次就下定決心入去食啦光榮冰室既裝修好懷舊好有舊時冰室既感覺但政府要求既防疫板真係好影響景觀今次叫咗個三鰻元蛋飯雖然睇落光榮冰室好old school但店員態度一啲都唔差整過過程由落單到黎野佢地都好好禮貌講翻個飯先汁唔係好夠 但可以叫佢俾多啲既店員都好快拎多碟汁黎鰻魚都好厚好大舊唔係薄切既而且鰻魚同啲汁係撈埋咗既平時好多餐廳都係魚同汁分離另外蛋既份量係超級多啱哂啲好中意食蛋既人總括黎講今次黎光榮冰室食野既體驗係幾好！

今日好肚餓所以想食個碟頭飯，去到旺角無意中揀咗呢間。舖頭好光猛，都有唔少座位，全日都有常餐食、亦都有唔同種類嘅飯，任君選擇。我鍾意食蛋，毫不猶豫揀咗三眼仔雞蛋雞扒飯，加蔥油豉油。大概5分鐘就有嘢食，三隻太陽蛋煎得好靚，下面就有好大塊雞扒，然後上邊有啲蔥油同埋豉油汁加埋啲飯黎食好好味不過我覺得啲豉油可以多啲，都可以甜少少或者鹹少少，調返多啲蔥油同埋雞蛋嘅味道另外塊雞扒，如果可以切開定，就會食得更加方便套餐凍飲唔使加錢，凍奶茶嘅奶比較多，查比較少所以啲色澤好淺但係整體來講都係好好味嘅

#flashback 記錄由第一次食下午茶到食埋光榮既晚餐🤭趁有時間過旺角，就搵朋友黎幫襯光榮，之前一路都有聽過佢既野食係抵食夾大件，一上檯，哇，甘足料既！西多士超級好食，有花生醬餡，仲要超級厚㗎！仲有個炸脾都好好！個超級脆的！最鍾意有d燶邊本身以為食完下午茶唔知幾時會有下一次呢？點知轉個頭就食埋晚餐🤣沙爹牛特餐，沙嗲味唔係太夠，再濃啲會開心啲。另外咖喱吉豬蛋飯，啲飯多到食唔晒😳吉豬脆卜卜，隻蛋又滑，仲有杯好耐冇飲嘅凍檸茶🥹 巧感動😊仲有嘅係，侍應哥哥好好笑😛我呢啲唔多過海嘅人，下次要幫襯銅鑼灣嗰間先😊

之前經常都幫襯光榮冰室，貪佢價錢唔貴水準又有保證今日lunch依舊咁多人，叫左個三眼仔雞扒飯外賣，不過咁熱嘅天氣加上飯嘅餘溫拎到返公司已經有一兩隻係半熟唔再流心不過雞扒同蔥油都係咁好味，吐唯一挑剔就係份量太多，希望可以出返個女士飯餐，因為每次都食唔曬～

又有一個吃貨朋友拎獎，所以一定要食餐好食嘅，咁就比一齊聚會傾吓計！就揀咗呢間餐廳食飯，喺OpenRice度見到呢度嘅環境氣氛都好正，十分舒適可以享受下都幾爽🤩真係好喜歡無骨海南雞油飯上枱香噴噴，口感好嫰滑，好juicy，入味好香，絕對要嗌呢一個👍🏻

一向都有聽聞過光榮冰室係一間好地道嘅茶餐廳,所以今次就選擇去到旺角嘅光榮冰室一試。咁今次就試左光榮嘅常餐,因為我係極鍾意沙爹牛肉,所以order左沙爹牛肉麵、火腿奄列+方包多士同埋凍檸茶少冰。首先火腿奄列+方包多士嘅質素唔錯,多士有足牛油同埋口感夠軟,而奄列嘅size算大。主打嘅沙牛麵就有好足量嘅沙爹牛肉,表面嘅醬料都好足味,再加上麵身夠彈口,無overcook,所以整個沙牛麵都唔錯。整體黎講,成個常餐嘅質素係中上,加上價錢唔係特別貴,好推薦大家去try try。