光榮冰室 (鴻威大厦)

營業中

休息中

全日特餐招牌香煎豬扒公仔麵 $49配火腿奄列 牛油方包 熱飲好味指數 3.5/5 🍭🍭🍭🍬{豬扒好大塊 煎得好香口 公仔麵係出前一丁可以自己加配料 特餐還配有火腿奄列 奄列有很多火腿絲 蛋既熟度亦剛剛好 還有厚厚既牛油方包 這個餐真係好飽肚}

天寒地凍諗住去食個煲仔飯暖下肚, 旺角近家樂嗰邊得返一間有煲仔飯食,之前未試過諗住幫襯下,睇張餐牌煲仔飯都好少選擇, 基本上已經唔記得有乜嘢食, 全程八十幾蚊, 最後叫咗個滑雞煲仔飯, 啲雞冇乜肉搭多兩條菜, 食到尾飯焦刮唔甩, 一般貨色, 凍檸茶完全唔掂, 冇茶味, 好似飲冰水咁, 同佢講佢又係咁已加返啲茶底都係淡茂茂, 人生從未飲過咁差嘅凍檸茶, 呢次真係第一次, 人係多, 搭枱都已經冇乜所謂, 坐低咗又叫人轉去第二張枱, 態度衰到乜, 服務態度係0, 四個字超級唔掂, 冇裝修冇服務乜差都冇, 啲嘢又唔好食, 不喜歡可以隨便插。

光榮冰室旺角店午市一向非常熱鬧，可能因為價錢親民，今時今日午餐五十幾至六十幾蚊可以食到你捧住個肚走，真係好難得。既然今次唔駛排隊，就去幫襯支持一吓。首先介紹最著名嘅雞扒三眼仔飯（$62），呢個飯最適合要練大隻，吸收大量蛋白質嘅朋友。我就揀咗配秘製豉油加蔥油汁，用嚟撈飯一流。美中不足係有兩隻蛋黃爆咗，唔係我就中意就咁成隻蛋黃吞。另外一個飯就揀左雞髀炒蛋飯（$60）炒蛋都幾滑，可惜雞髀應該係雪藏貨，煎炸完好似仲有一陣雪味。整體而言，如果肚餓去一定夠飽夠滿足，但唔同菜式質素唔同，真係要試過先知。

對唔住都要講個吉列豬扒真係好難食好難食早咗度所以就食返個下午茶本身餐牌都幾多嘢揀好唔好再揀咗個吉列豬扒拼西多嗰間連豬扒炸到側邊嗰啲粉都有少少黑個豬扒食落去仲好似酸酸地咁一咬落去極柴皮嗰啲炸粉係勁硬嘅又有一口油咁樣本身我好肚餓但係真係冇辦法食得落個西多就正常啲啲啦但係都唔係好食個包好厚好實，點啲糖漿監生吞

蔥油雞扒飯🐓🍚 ($56)呢個飯確保大家食都好飽啊 飯同雞扒份量好足夠啊🫃🏻🤰🏻🙋🏻‍♂️唔鐘意太淋 太水嘅飯 呢個啱啱好啊🍚雞皮好脆 但調味偏鹹🧂 而且塊雞扒有啲過熟👨🏻‍🍳👩🏻‍🍳 食起上嚟有啲硬 沙嗲牛肉公仔麵🍜 配火腿奄列🥚 牛油方包🍞 ($49)每次去茶餐廳 🙋🏻‍♀️都好鐘意叫沙嗲牛肉麵🍜 沙嗲醬汁好濃 而且麵底比較生 係🙋🏻‍♀️最鐘意食啲麵質火腿奄列包住好多火腿啊 而且蛋都煎得好薄 好好味🤤🤤牛油方包如果多啲牛油就正好多啦 同埋唔記得問有冇得轉多士 或者烘底⏲️同大家分享一個🙋🏻‍♀️食沙嗲牛肉麵嘅小習慣 就係會用多士夾住啲公仔麵嚟食🤔😋

下午茶想食啲港式野，旺角經過見到光榮有下午茶餐，就入去食咗個沙嗲牛肉飽配沙律🥗超級好食🤤個沙嗲超濃啲牛肉份量又多👏🏻然後仲要只係$36🥺超級大推🙏🏼不過有時好多人排隊，大家要自己預時間呀🫡回頭率：👅👅👅👅性價比：👅👅👅👅👅打卡值：👅👅

經朋友介紹下到了這間聞名的冰室，看過餐牌後，可見價錢非常便宜和吸引！.雞扒公司麵🍜公司麵內容豐富，有火腿、餐肉、煎蛋和雞扒，每一件食材都很大份，絕對令人非常飽肚！主角雞扒有一塊面之大，煎得很香脆，亦非常厚身！另外，也有一整塊餐肉和火腿，絕對是大件夾抵食！.熱奶茶☕️茶味較濃，茶底亦很香，而奶味較少，但整體水平也十分好！.員工態度友善，不會強迫撘枱，盡可能都會為我和同行朋友安排在同一枱。環境衛生，而且乾淨！

呢度早餐份量比一般茶餐廳足，沙嗲牛肉份量都多，不過牛肉就有啲硬好難咬😝牛油方包夾住滑蛋好味，如果牛油搽多啲會更加好😝不過都仍然會幫襯佢，除左沙嗲牛肉之外😂😂

嚟到旺角想搵間茶記梗係要搵光榮啦 大件夾抵食「頹飯」一啲都唔頹三隻蛋都煎得好靚🍳蛋黃夠晒你撈飯食 超正蔥油好香好好食 唔係好似某啲餐廳咁是但比啲食燒味嗰啲薑蔥蓉你就算數撈撈吓唔覺唔覺就食完大半碟不過飯就食唔晒喇 太大碟🤣🤣下次要叫少飯鰻魚飯加咗啲紫菜同木魚絲有啲日式炒飯嘅感覺有鑊氣! 飯粒粒分明 入口食到鰻魚都多嘅雖然加咗三色豆嚟炒🙊但唔影響整體另外嗌咗熱奶茶同紅豆冰正常茶記水準 不錯下次嚟一定要試吓佢嘅米線先🤗🤗

上兩個月食過一次 三眼仔雞扒飯 一食就食到塊雞扒係酸臭味 即刻叫佢換過 仲要比我望到換果陣 廚師食左一啖先出比我 好明顯佢都怕有事🤢第二次再比多次機會佢 都係食雞扒 又係酸臭 今次我連換都冇換 唔食就走左第三次再去 我諗住轉吉豬會冇死 點知又係酸臭既 即刻冇哂食欲 連換都唔想換🤢想問你幾時執🙏🏽🙏🏽可唔可以管理下啲出品 乜野肉都係酸臭 好明顯係擺左唔知幾耐壞左 叫食客點食 我實在太嬲 一邊坐係間餐廳一邊打完呢篇野先走 實在諗唔明白 一開始做得好地地 而家變成咁

💥下午茶也是光榮事📍光榮冰室｜旺角📍人均消費 $ 4 X ⚪️⚪️⚪️⚪️⚪️⚪️⚪️⚪️⚪️⚪️行街行到攰攰地決定食個下午茶抖下醫下肚仔😗見到光榮，係喎未食過佢既下午茶喎，即刻入去😂💟 勁大塊雞扒包配薯條 $ 4 0真係超大塊，大過👧🏻隻手仔呀😝仲要勁厚，好似人地啲漢堡包🍔雞扒有肉汁唔會乾，薯條脆卜卜就唔洗講啦🍟💟 吉列豬扒配西多士 $ 3 8呢個係讀U時成日食既下午茶😂頭先雞扒大過隻手，呢個豬扒大過塊面呀🫣西多糖漿任落，爽呀💖🤟🏻不負責任點評好味道🌕🌕🌕🌕🌕🌕🌕🌗🌑🌑性價比🌕🌕🌕🌕🌕🌕🌖🌑🌑🌑回頭率🌕🌕🌕🌕🌕🌕🌕🌘🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

平時經過旺角都想試吓呢一間光榮冰室，今次入去試佢個雙蛋煎雞髀飯加蔥油，而朋友就叫咗一碗米線。平時食開茶餐廳嘅，我覺得一碗飯一定會食得晒，但係呢間茶餐廳拎個雞髀飯擺上枱面嘅時候，我第一眼見到Wah再一聲，然後再同個侍應講咁大碗邊食得晒🤣🤣佢隻雞髀係非常之大隻。炸得香脆可口之餘而不油膩，而朋友嗰碗米線簡直超乎我哋嘅想像，佢嗰個碗係人哋食水煮魚嗰啲碗，大到可以三個人一齊share食，總括嚟講呢間冰室性價比非常之高。兼且大件夾抵食。

係旺角黎講，下午茶買奶占多+熱檸茶$26呢個價格不算貴，比周圍許多茶餐廳都算平😎 仲可以食到正宗香港茶餐廳食物，望落算乾淨衞生👍🏻奶占多🍞多士用咗厚切包，一睇就覺得大大份，塊烘多士搽左好多煉奶+果占🤩 食落幾香口！但小妹還是鍾意食薄片多士🙈不過下次要試埋鮮油奶🧈多先～聽聞係比好厚既牛油🤤檸檬茶🍋而熱檸檬茶正常發揮，冇話好苦而不能接受，重點係唔洗落糖～小妹飲熱檸茶時係唔鍾意落糖，但試過飲話苦既檸檬茶，唔落糖真係搞唔掂🤐光榮冰室都係小妹嘅茶餐廳名單入邊😚因為抵食夾大件！唔會覺得食完唔抵既感覺，飽肚🙂

今日陪小絲到旺角，她的行程是先同男朋友行街，男朋友即是我，之後她自己再會合朋友攝全日時間去打邊爐。行完街送了小絲去打邊爐後，就找午餐吃，行下行下比光榮冰室舖外的海報吸引住。三完蛋鰻魚飯。那就入去啦，諗諗下鰻魚有點甜就改點炸雞脾炒蛋飯。飯一來到有點嚇人，碟飯一坐山咁高，目測是吃不完，最後結果真的吃不完。炒蛋是有三隻雞蛋的份量，與炒蛋沒調味，所以炒蛋+鼓油/蔥油+飯是絕配。炸雞脾很巨，味道比較寡同乾。凍奶茶就是正常水準，到這裡吃就是吃份量，味道是其次。$63連凍飲，比其他貴些許，但一碟飯夠你吃2餐又抵返。

光榮冰室真係好正好滿足！我叫咗蔥油雞扒飯、滑蛋叉燒飯同埋西多士，仲有一份紅豆冰，全部都好大件好抵食！😋蔥油雞扒飯嘅雞扒好大塊，啲蔥油香氣好濃郁，真係好好味啊！😍滑蛋叉燒飯份量都幾足，叉燒肉好嫩，又有滑蛋，好飽肚啊！👍西多士好酥脆，但又唔會太油膩，好正！😁最後，我試咗一份紅豆冰，紅豆多到爆，仲有起沙，真係好過癮！🤤總之，如果你想食大份量嘅好味嘢，就黎光榮冰室啦！仲有啲好正嘅紅豆冰等你嚟試啊！😉