元朗花甲粉

營業中

休息中

花甲粉成日都聽到元朗花甲粉好出名, 呢日就專登過去搵, 就點左個花甲粉絲底BB辣😛湯頭好濃好鮮味, 配料好豐富, 有勁多花甲, 娃娃菜, 金菇,豆卜, 我額外加左肥牛, 食慾大增😬😬😬花甲好鮮美, 肉質鮮嫩同湯底嘅香辣味道完美結合, 肥牛好嫩滑, 粉絲, 豆卜, 娃娃菜吸收咗湯汁嘅精華, 每一啖都非常滑溜, 口感豐富, 啖啖都好滋味, 我就鍾意一啖粉絲, 一啖湯咁食, 好滿足😬鴨屎香手打香水檸檬茶呢杯成1L既檸檬茶, 見到都好surprise😍😍夠哂睇頭, 勁大杯, 好解渴, 又抵飲😝

今日發掘左間食花甲粉，花甲粉，即係用花甲去煮，湯底會清甜好多，而且會有花甲係入面❤️餐廳坐到好full, 所以打包番去，因為外賣，所以冇叫到粉絲，叫左米線同烏冬。番到屋企都唔會淋埋一舊，好抵讚既係，佢既料吸晒啲湯汁，好入味😍唔怪得咁多人食，仲好多人外賣。依家餐廳仲加左燒烤，燒生蠔串燒等美食。叫好多餸菜，有魷魚、牛柏葉、台灣腸等等。放心叫，都冇伏，份量真係超級巨大，仲比左好多菜，就咁一碗都已經成個山咁大份😂😂 餸大份定抵食之外，佢飲品鴨屎香手打檸檬茶都唔錯同出面既鴨屎香檸檬茶專門店一樣咁高質！十分清涼同埋有誠意。鍾意飲手打檸檬茶既朋友唔好錯過呀！而且重點係跟餐+$25 就飲到，個杯係勁大杯！超抵飲，2個人飲一杯都得🤣

聽人講元朗呢間花甲粉大碗抵食味道唔差，今日終於係元朗附近可以食到。係朗屏站行過去5分鐘左右，見餐廳keep住都多人流。餐廳係間幾friendly嘅店，因為佢地每日都會有送暖粉行動，好關懷社區有需要嘅人士。花甲粉 $63 ×2 (自由配搭配料)必食花甲粉勁大一碗！而且好足料！花甲份量多，粉麵亦都好夠多。其中一碗湯底揀左BB麻同辣，另一碗揀左清湯。如果食得比較辣嘅建議可以食中辣以上，佢地仲有一個魔鬼麻辣可以挑戰。花甲食晒咁多隻都係新鮮，食落無沙好重要，個湯底好鮮甜好正，呢個價錢好抵食。糖醋皮蛋 $20 + 涼拌青瓜 $18另外叫左兩個小食，青瓜足一條，少少辣食起上黎好爽脆。糖醋皮蛋有溏心夠靚之餘，皮蛋味都幾香，唔會係普通皮蛋個種勁濃味。建議大家揀檸檬茶，因為足足一公升勁大杯檸檬係香水檸檬，飲落唔甜，檸檬味好香

🐻由疫情開始捧場嘅元朗花甲粉，之前剩係得水車館街外賣舖次次都要等一個中以上，食到而家佢終於係泰利街開咗堂食舖，終於可以唔使等咁耐，同埋可以坐低食🐻每次有朋友入元朗搵等，我都必同佢地食，個個食完都係讚不絕口，過一排就會話好掛住個湯底呀🤪🐻佢地既湯底表明一d味精都冇，真係用花甲洧出嚟，所以係好鮮甜，再加埋麻辣味，我每隔一段時間就要沖去食🤣我每次都係簡粉絲面底，貪佢可以朔晒啲湯，雖然佢有其他面可以揀，但我就冇試過🤣，餸方面就都係大路嘢肥牛，牛柏葉腸仔丸類等等，但係佢哋周不時都有啲特別嘅餸會寫喺枱頭比客人揀，好似今日咁我哋揀咗蝦滑同埋鵝腸👍🏻不得不提佢哋嗰杯手帶檸檬茶，真係又大杯又好飲🍋🐻最重要嘅係佢之前一定要去佢哋個社交媒體網站睇吓今日有咩特別，有時老闆娘會送嘢或者加一蚊又送其他嘢咁樣，仲有糖水可以食，所以我每次去之前都一定會睇吓佢地個社交媒體網站 😝

一直都對花甲粉有種情意結，咁啱今日入到嚟元朗，心心念念想試呢間元朗花甲粉🙂‍↕️ 由於第一次食嘅關係，就算平時譚仔食開三小辣，都只敢叫BB辣同埋BB麻🤣 聽講佢地花甲粉都幾大碗下，所以我就無加其他配料🙂‍↕️打算專心一意食花甲😻😻花甲大大隻，幾鮮甜咁，而且啲花甲套吐沙吐得唔錯，真心做得唔錯🙂‍↕️ 粉絲又索哂味，啱哂我🫶🏻🫶🏻 而且芫荽、蔥、炸蒜都係自助加嘅，好似我咁樣鍾意重青嘅人可以自己落爆🤣🤣 而且怕熱氣又想明目嘅我仲叫咗樽佢地自家製嘅菊花茶🙂‍↕️ 算係少甜🙂‍↕️ 幾好飲又健康另外值得一讚嘅係，餐廳仲會提供酒精濕紙巾喺每張枱上面，令大家可以安心食用🫶🏻 學生仲會有85折優惠🙂‍↕️真係好幸福，之後有機會入元朗一定會再嚟食！

琴日去咗呢間位於元朗嘅元朗花甲粉食飯❤️‍🔥❤️‍🔥❤️‍🔥我哋分別叫咗一碗肥牛魷魚花甲粉同埋芝士魚腐花甲粉💕再加多一個皮蛋小食同埋兩杯鴨屎檸檬茶💚 首先想講每一碗花甲粉都係勁大碗 入面有好多配料 包括金菇，娃娃菜，豆卜等等😇炸蒜、蔥同埋芫荽係可以自己任加😍😍😍一個女仔絕對食唔晒一碗🤣食完之後超飽 但係亦都唔止大份 花甲粉好鮮甜 粉絲索晒湯汁嘅味道 而且唔會死鹹😍同埋鴨屎檸檬茶都係超級大杯 呢間舖頭啲食物完全係勁大份😗所以都好抵食元朗花甲粉 (元朗)📍元朗泰利街11號大興大廈地下6-7號舖

元朗花甲粉今次要介紹一間喺元朗嘅一間叫「元朗花甲粉」，佢哋喺2022年拎到架勢食堂得獎食店，仲有佢哋由2020年起，每日都會送暖粉，每日送出十碗花甲粉比有需要嘅街坊，呢個小店嘅行動堅持咗四年真係唔容易做，小小行動令食者更加溫暖窩心！呢間小店門口係有一級，輪椅人士就要自備斜板入去，店員好樂意幫助我，仲幫我執拾好雜物讓通道暢通比我入去，真係好親切嘅服務！1.花甲粉$63（米線+3）（10/10）呢個花甲粉湯底揀咗清湯，入面除咗有大約10隻花甲之外，仲有娃娃菜、金針菇同豆卜，花甲雖然細細粒，但每一隻花甲都無沙同鮮甜，娃娃菜好清甜，豆卜都有3舊，米線要加$3，整體份量都堅多！2.百搭粉（牛丸、肥牛）（粉絲）$63+$11+$9（10/10）點解叫百搭粉係因為可以自選兩個餸，但不能加花甲，自選餸我就揀咗牛丸同肥牛，麵就揀咗粉絲，粉絲份量驚人，自選餸有2粒好彈牙嘅牛丸同超多肥牛，我估大約有十幾片肥牛，其他材料有娃娃菜、金針菇同豆卜，鍾意食辣嘅你可以試下揀大辣，真係會辣到跳舞！3.糖醋皮蛋$20（9.5/10）呢碟糖醋皮蛋有少少似流心蛋，不過雞蛋改為皮蛋，而且有少少甜，份量都唔少，大約切開有8舊糖醋

作為元朗街坊同時又係花甲愛好者😍元朗花甲粉一直係我宵夜飯堂營業時間開到夜晚12點，啱晒夜鬼幾乎每星期都會食一次完全係欲罷不能🤤🤤老闆娘好大方🥹長期有送暖粉活動不定時仲有唔同優惠上次特登嚟食過$20狗仔粉震撼價！味道都好出色！每次都係食招牌花甲粉花甲粒粒飽滿新鮮，絕對冇沙芫荽、炸蒜同香蔥全部自助任添湯麵份量巨型配料有豆卜、金菇同娃娃菜😋個湯底鮮味十足，香口惹味最推薦係BB辣BB麻👅同埋手打檸檬茶個份量又係離晒譜😹大份到不得了，超級抵飲🤣

花甲粉是一道具有濃郁海鮮風味的經典小吃，鮮嫩多汁的花甲肉搭配吸汁的粉絲，口感豐富。湯底通常使用花甲的鮮味與蒜頭、辣椒等配料相結合，味道層次分明。湯底鮮美又微辣，正好能夠刺激食慾。花甲粉的特色在於它的辛辣和鮮香，粉絲吸附了湯汁後更加入味，吃上一口，湯汁與花甲的鮮味在嘴裡爆發，讓人一口接一口停不下來。花甲肉嫩滑爽口，嚼勁十足，並且帶有大海的味道。如果你喜歡帶點辣味且清新的海鮮風味，這道花甲粉無疑是一道極具誘惑力的小吃。不僅能夠滿足味蕾的需求，也能夠在寒冷的天氣中帶來一份暖意。真的是驚喜的一道，美食，不能錯過！

花甲粉真系超正嘅美食呀👏！花甲粒粒饱满多汁，鲜嫩爽滑，一咬落去，满满都系海洋嘅鲜味。搭配劲道嘅粉丝，吸饱晒浓郁嘅汤汁，每一口都超满足。再加上響鈴，魷魚，娃娃菜呢啲配菜，口感更加丰富，层次分明。湯底同辣度多種選擇，真係好好呀。檸檬茶甜度适中，唔会过于甜腻，而且超大杯超抵飲！！

元朗花甲粉都幾出名㗎，出名在咩？就係店主係美少女戰士迷。哈哈，連店logo都好有美少女風格。是晚嘅聖誕大餐就決定食元朗花甲粉，七點多來到，雖未排隊等位，但有五六個車手喺度等緊外賣，店內非常熱鬧。⭐墨魚丸+魚皮餃+山根花甲粉自己點咗個三餸花甲粉，湯底要小麻小辣，面底揀咗粉絲，吸爆湯汁好正㗎，除咗麻辣味，仲嚐到花甲粉嘅鮮味😋⭐肥牛+潮州魚腐+漢堡扒+紫菜花甲粉朋友就點咗個四送花甲粉，湯底係中麻中辣配烏冬，哈哈，估唔到紫菜係四分一餅咁插喺個麵入面，份量十足正喎😆由於烏冬唔係好吸湯，食起上嚟仲冇小麻小辣嗰碗咁辣添，朋友話下次考慮要大辣。⭐鴨屎綠檸檬茶仲叫咗一杯特大鴨屎綠檸檬茶，用上1000ml量杯童叟無欺，鴨屎綠茶底香，有青檸同檸檬酸酸甜甜，幾好飲呀👍小店而家仲有即叫即燒嘅生蠔同蟶子，不過是晚見好多人等緊，就冇叫嚟試了。

好友帶我去元朗遊玩，順道去左位於元朗泰利街11號大興大廈地下6-7號舖的《元朗花甲粉》食稻庭烏冬，餐廳係供應海鮮湯底粉麵的小店，老闆娘係一位善心人，每日都有暖粉供應（給有需要的人）。我點左個花甲粉配稻庭烏冬，有肥牛、萵荀、花甲、紫菜。小食係涼拌蓮藕；好友點左個花甲粉配稻庭烏冬，有豚肉、萵荀、花甲、娃娃菜，小食係涼拌青瓜。餐飲係自家製檸檬（3款）茶1 jar。2個麵都係用鍋盛載，份量大，湯底鮮甜，稻庭烏冬好味👍，餸菜豐富，花甲好新鮮肥美；2款BB麻辣小食好惹味；自家製檸檬（3款）茶真係唔講得笑，用個 jar 來裝，我和好友飲哂成 jar，味道唔錯👍！

元朗花甲粉❣️元朗花甲粉這家充滿人情味的香港小店，讓人感受到濃厚的香港街坊氛圍🥰餐廳裝潢簡約而溫馨，木質桌椅和明亮的燈光營造出輕鬆自在的用餐環境，讓人感覺如同回到家中。🌟花甲粉（響鈴、肥牛）🐮響鈴、肥牛花甲粉的份量驚人，花甲新鮮無沙，搭配豆卜、金針菇和超多娃娃菜。粉絲吸附了湯底的鮮美🤤滑順入味，令人一試成主顧。最特別的是，蒜、炸蒜、蔥和芫荽可無限添加，讓每一口都充滿香氣，蒜香和炸蒜的味道撲鼻而來，增添了豐富的風味。🌟 花甲粉（芝士魚腐、豚肉、芝士腸）🐷芝士魚腐、豚肉和芝士腸花甲粉則是另一番風味。稻庭烏冬彈牙有勁，搭配濃郁的湯底，讓人回味無窮😍芝士的濃厚與鮮嫩的肉類完美融合，讓人感受到滿足的享受。🌟糖醋皮蛋🥚糖醋皮蛋的酸甜口感恰到好處😛為整個餐程增添了清新的平衡感，讓味蕾得到充分的滿足。🌟暴打檸檬茶🍋清爽可口，完美解膩，讓人感受到清新。重點係超級大杯！！🌟總括而言，元朗花甲粉不僅提供美味的菜式，還展現了支持本地小店的精神，讓每位顧客都能感受到滿滿的溫暖和關懷。

回憶花甲粉 一如既往 好味😋好正😍花甲好新鮮 份量好足夠 料多好味🤤唔洗加餸都有大量清甜新鮮嘅娃娃菜 豆卜 金針菇👍🏽個粉絲真係冇得頂 食得慢浸耐左依然超級好味😋 個湯底都正到不得了👍🏽大推大推👍🏽👍🏽

位於元朗的「元朗花甲粉」是一個讓人驚喜的美食去處，這裡的花甲粉絕對值得一試。當我走進這家餐廳，首先映入眼簾的是簡約而舒適的環境，讓人感到放鬆。我點了一碗花甲粉，湯底的味道讓我印象深刻。湯底鮮美，帶有濃郁的海鮮風味，讓每一口都充滿了海的氣息。花甲的份量相當豐富，個個新鮮飽滿，口感滑嫩，咬下去時那種鮮甜的味道令人陶醉。為了增添風味，我還加了肥牛。這肥牛切得厚實，煮熟後肉質依然保持著多汁的口感，與花甲的鮮味相得益彰，讓整碗粉更加豐富。每一口都讓人感受到滿滿的幸福感。此外，我還點了一杯手打檸檬茶，這款飲品的鴨屎香特別吸引人，清新的檸檬味與微微的甜味相互交融，讓人感到清爽。值得一提的是，餐廳還設有自助吧，雖然選擇不多，但提供的芫荽、蔥及炸蒜都能為花甲粉增添不少風味，讓用餐體驗更加靈活有趣。總的來說，元朗花甲粉是一個值得推薦的地方，無論是湯底的鮮美、花甲的品質，還是自助吧的靈活性，都讓我感到非常滿意。如果你在元朗，不妨來這裡品嚐一碗花甲粉，保證不會失望！