元朗花甲粉 (已結業)

🐻由疫情開始捧場嘅元朗花甲粉，之前剩係得水車館街外賣舖次次都要等一個中以上，食到而家佢終於係泰利街開咗堂食舖，終於可以唔使等咁耐，同埋可以坐低食🐻每次有朋友入元朗搵等，我都必同佢地食，個個食完都係讚不絕口，過一排就會話好掛住個湯底呀🤪🐻佢地既湯底表明一d味精都冇，真係用花甲洧出嚟，所以係好鮮甜，再加埋麻辣味，我每隔一段時間就要沖去食🤣我每次都係簡粉絲面底，貪佢可以朔晒啲湯，雖然佢有其他面可以揀，但我就冇試過🤣，餸方面就都係大路嘢肥牛，牛柏葉腸仔丸類等等，但係佢哋周不時都有啲特別嘅餸會寫喺枱頭比客人揀，好似今日咁我哋揀咗蝦滑同埋鵝腸👍🏻不得不提佢哋嗰杯手帶檸檬茶，真係又大杯又好飲🍋🐻最重要嘅係佢之前一定要去佢哋個社交媒體網站睇吓今日有咩特別，有時老闆娘會送嘢或者加一蚊又送其他嘢咁樣，仲有糖水可以食，所以我每次去之前都一定會睇吓佢地個社交媒體網站 😝