元朗花甲粉 (已搬遷)

朋友介紹講到好好味，今日下午1點我地6個人去食花甲粉，間餐廳係冇大枱我地分開2張枱坐，我叫咗清湯魷魚粗米線花甲粉，得幾隻花甲，魷魚冇任何味道，粗米線幾好食，個味精湯完全唔得飲完覺得咸。…Read More

去咗呢間位於元朗嘅元朗花甲粉食飯 。我哋分別叫咗一碗肥牛魷魚花甲粉同埋芝士魚腐花甲粉💕再加多一個皮蛋小食同埋兩杯鴨屎檸檬茶💚 首先想講每一碗花甲粉都係勁大碗 入面有好多配料 包括金菇，娃娃菜，豆卜等等😇炸蒜、蔥同埋芫荽係可以自己任加😍😍😍一個女仔絕對食唔晒一碗🤣食完之後超飽 但係亦都唔止大份 花甲粉好鮮甜 粉絲索晒湯汁嘅味道 而且唔會死鹹😍同埋鴨屎檸檬茶都係超級大杯 呢間舖頭啲食物完全係勁大份😗所以都好抵食…Read More

今日路經元朗，見到間隱世小店元朗花甲粉。$60就有大大碗花甲粉，如果細食嘅話兩個人食都得嗰啲餸多到同粉絲差唔多一樣咁多，真係好抵食。間店仲好貼心提供濕紙巾，食完嘢就唔怕搵唔到紙巾抹嘴。今次嗌咗幾樣餸，有幾樣特別深刻。首先係佢個豆卜，索曬佢嘅湯汁咬落去嘅時候，係口爆曬啲濃湯出嚟，超級正。另外佢嘅餐肉全部都係厚切，食落去啖啖肉。叫得花甲粉最出名嘅就梗係去嘅花甲😎， 粒粒花甲都大大粒，好鮮味，浸落個湯度令到個湯底更加出色。另外佢嘅手打檸檬茶真係好特別飲得出真係手打，檸檬亦都非常新鮮。…Read More

花甲粉真係必食！！今次品嚐了兩碗花甲粉，各有特色。第一碗配有肥牛、牛柏葉、魚皮餃、蟹棒、山根和娃娃菜，湯底鮮美，肥牛和魚皮餃味道豐富，清新的巨大檸檬茶則為整餐增添了清爽感。第二碗包含魚片、肥牛、娃娃菜、響鈴，魚片和肥牛相得益彰，搭配的清脆娃娃菜和響鈴增添了層次感，菊花茶的清香讓人放鬆。兩碗花甲粉都令人滿意，搭配的飲品更是完美，值得一試！最正就係佢嘅芫荽同埋蔥都係自助加！而嗰個花甲係超多，我估接近20隻，實在太誇張了！…Read More

今日嚟到元朗食元朗花甲粉，呢度嘅花甲粉可以自己揀麵底、麻辣度, 仲可以加唔同配料，自由度好高🥰無論係鍾意食辣定係唔食辣，都可以揀到啱自己口味嘅湯底！今次我叫咗個小辣嘅湯底，湯底本身都幾清甜，辣得嚟又唔會太嗆喉，仲帶少少麻感，配埋花甲同配料，好豐富😝
 今次我就叫咗兩碗花甲粉再加肥牛、芝士腸、火腿丸等, 肥牛都幾有牛味, 火腿丸喺坊間又比較少有, D 配料同花甲嘅鮮味平衡得啱啱好, 份量仲超大碗🤩飲品方面，我試咗佢哋嘅自家製菊花茶，清熱又解膩！另外, 我仲叫咗杯一公升咁大嘅鴨屎香檸檬茶，超大杯，檸檬嘅酸香同茶底好夾，仲可以解辣🥳…Read More

【元朗區】【元朗花甲粉】同同事遇星哥去元朗做嘢，佢係地膽，我就梗係請教吓元朗有咩名物。佢講到呢間「元朗花甲粉」嘅時候，我就好有興趣喇，於是就走咗嚟食。不過原來 Google Map 搵到嗰個位置係錯嘅，要跟返餐廳地址搵先搵到。平日下晝估唔到都幾旺，枱枱都有人。搵到位就食喇，佢有「花甲粉」同「百搭粉」揀，我哋都係試 $63 嘅「百搭粉」。遇星哥就要中麻中辣，配 $11 嘅「魷魚」，飲 $25 嘅「鴨屎香手打香水檸檬茶」。佢就話碗嘢好足料，食到好飽，調味又啱口味，杯嘢飲勁大杯，好滿足，覺得好正咁話。咁我梗係要自己試吓，我碗「百搭粉」係配 $9 嘅「魚皮餃」，飲 $15 嘅「菊花茶」。佢有個好大嘅特色就係客人可以自己落芫茜、蔥、炸蒜，做到最適合自己嘅口味。而花甲又多又鮮甜，加上粉絲同嘢飲嘅份量都好充足，難怪佢哋能夠成為元朗區內名店。。。（地址：元朗泰利街11號大興大廈地下6-7號舖）@yuen_long_clam_noodles#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am元朗區 #元朗 #朗屏 #大棠路 #元朗花甲粉 #yuen_long_clam_noodles #百搭粉 #花甲粉 #魷魚 #鴨屎香手打香水檸檬茶 #魚皮餃 #菊花茶 #1am1661 #1ambackup…Read More

首先一定要講下佢個份量，真係大到難以置信，感覺好似食極都食唔完咁🤣🤣 再講佢個湯底，係真係好香，而且飲落幾鮮甜。個人覺得花甲粉同粉絲個配搭好正，粉絲彈牙嘅口感再加埋湯底嘅濃郁，口感同味道上都好滿足～ 我另外加咗娃娃菜、芝士魚腐、芝士腸同肥牛。原本諗住額外加嘅菜多極有限，估唔到佢好似啲料唔使錢咁，每款都比好多🤤 連肥牛都係大大份（戴返個頭盔先：我全部都淨係叫咗1份）啲餸係多到我淨係食啲餸都飽咗~ 另外花甲粉本身都有唔少配料，有豆卜、娃娃菜、金菇同埋唔少花甲。啲花甲新鮮，而且唔會有沙，同埋一碗都會有好多隻。食完只可以講cp值實在太高喇！！另外提提佢個鴨屎香檸檬茶，$20幾蚊就可以加一杯1升嘅檸檬茶，講真咧個價錢同份量出面嘅手搖真係搵唔到，而且味道都唔差，飲落有淡淡嘅清香。建議拉埋朋友一齊挑戰咧個大大碗嘅花甲粉!…Read More

#鼠尾草食飲玩 #sagefoodiehk惹味✨ × 足料💖 × 海鮮😍想食大大碗又抵食嘅惹味海鮮粉，鼠尾草🌱就嚟咗呢間元朗街坊推薦嘅名物😍！舖頭嘅招牌花甲粉，隻隻花甲都勁厚肉，尺寸好大隻。而且成碗粉都份量好夠，冇可能食唔飽😋。花粉足料得嚟，仲可以自選麻辣度，又可以喺自助吧自由加調味料，想食乜嘢口味都啱🥰！而且加配嘅肥牛、魷魚鬚、丸類等等配料都份量好多。另外亦都推薦加埋紫菜，風味更有層次✨。餐飲方面仲可以每個套餐加廿零蚊就有1公升嘅手打檸檬茶，大大杯夠晒兩個人飲都夠😚。💰花甲粉$63 💰糖醋皮蛋+$20 💰涼拌蓮藕+$18 …Read More

今日要去開元朗工作，要在附近食Lunch😬發現有間小店叫「元朗花甲粉」！見到裏面都有唔少客人，所以即管入去試吓😊見到餐牌上面有好多種類嘅配料可以選擇！所以心大心細嘅人都唔怕，揀多幾種配菜就可以😗湯底都十分濃郁，配菜揀豆卜真係冇得頂因為可以吸收晒湯嘅精華！另外仲揀咗肥牛，份量都幾多☺️花甲粉，最理想就係食粉絲！又係可以吸到好多湯嘅精華！而且份量又夠大碗，上枱熱辣辣（會出煙），味道幾好唔錯，應該會有下次😉…Read More

元朗大碗抵食花甲粉夜晚嚟到好多人排隊堂食同外賣，攞張紙就可以落order，然後等嗌號碼去攞餐，芫荽🌿蔥🌿炸蒜呢啲都係可以自己落～湯底同埋麻度都有得揀花甲粉 $63 中麻中辣（肥牛 $11 芝士魚腐 $9 台灣腸 $9 娃娃菜 $7）我哋嗌咗粉絲底 湯頭好濃郁鮮甜 娃娃菜同粉絲都入晒味 入邊都有好多花甲同豆卜 我哋額外嗌嘅肥牛都好嫩滑～小食類涼拌青瓜 BB辣 $18比較驚喜嘅係除咗有啲辣粉俾你點之外 隔離仲有個蒜蓉味好重嘅醬一齊點 呢個醬配落爽口嘅青瓜度勁正！鴨屎香手打香水檸檬茶勁大杯有成1L既檸檬茶 飲落甜度適中而且好解渴同解辣 抵飲啊！元朗花甲粉 (元朗)元朗泰利街11號大興大廈地下6-7號舖…Read More

近年多咗好多地方有得食花甲粉，朋友極力推薦呢間元朗花甲粉，聽講價錢好親民，而且份量十足！今次終於有機會食到啦～填完表落完單之後就可以等叫號碼拎嘢食啦！每碗花甲粉都係即叫即整，誠意十足！取餐位置仲設有炸蒜、蔥同埋芫荽嘅自助區，可以按照自己嘅個人口味任加😎～呢碗花甲粉叫咗粉絲做麵底，然後餸就叫咗肥牛同埋娃娃菜！肥牛好重牛味，而且肥瘦均勻！小辣嘅湯底辣度剛剛好，好惹味！娃娃菜同粉絲吸引咗滿滿嘅湯底精華～朋友呢碗花甲粉就叫咗米粉，再加咗萵筍！花甲粉嘅配料本身都好豐富，已經有花甲、金菇、娃娃菜和豆卜等等，全部配料都好入味！花甲每一粒都冇沙，正！萵筍脆嫩多汁！米粉嘅掛湯能力都好高～另外仲叫多咗兩款小食，口感清新爽脆嘅涼拌青瓜同埋涼拌蓮藕！最特別嘅係呢到秘製嘅涼拌汁，味道微辣好惹味～除咗花甲粉之外，餐廳仲有提供百搭粉！兩者嘅分別係百搭粉冇咗花甲，變咗係另選兩款餸～…Read More

新舖佔地1300呎，設有30-40個堂食座位，座椅都係舒適的沙發軟座！終於可以堂食到熱辣辣花甲粉小店的湯粉也由店員續碗細心煮成，兩款湯粉分別為花甲粉（$62）和百搭粉（$52），花甲粉的湯底以過千隻蜆熬煮而成，飲落香濃惹味，也附有多配料，包括7-8隻鮮甜沒有沙的花甲、豆卜、娃娃菜、金菇等，份量幾澎湃；百搭粉就可以自選兩餸、不包括花甲的湯粉。湯底味道好似蒜蓉海鮮蒸扇貝嗰啲鹹鹹地嘅蒜蓉變成蒜蓉湯嘅味道，食到期待中好濃郁嘅花甲鮮甜味， 再加咗兩個餸分別係肥牛墨魚丸，肥牛份量好多好多，至少有出面嘅兩份份量好抵食！豆腐卜件件索哂味，一咬爆汁朋友嗰碗米線硬度適中，魷魚爽口彈牙見到佢地出咗激大杯檸檬茶，又試下！做到同出面手打檸檬茶差唔多水準，值得一試！元朗花甲粉元朗泰利街11號大興大廈地下6-7號舖…Read More

朋友想吃花甲粉，找到元朗這間出名的店，這間店算近西鐵站，交通方便，環境舒適，桌子數量也多，點菜是寫在點菜紙上，可選花甲粉或百搭粉，麵底有粉絲，烏冬，米線，米粉，或稻庭烏冬選擇，也可選擇麻度，湯底走辣至魔鬼辣，配菜有7元，9元及11元選擇，肥牛，牛柏菜，台灣腸，芝士腸等任君選擇，花甲粉送來時花甲多，沒有沙，配料有娃娃菜，金菇等，而且很大碗，選擇的菜給予的份量也多，女孩子可能要2個人才能吃光一碗呢，我選中辣，湯底夠辣夠麻夠濃味，還要炸蒜，蔥及芫茜無限添加，夠重口味元朗花甲粉泰利街11號大興大廈地下6-7號舖…Read More

.#foodie #hk #hkfoodie#HTB美食推介【📍元朗｜用心服務街坊小店】一入到小店，就見到小店有愛心花甲粉，免費提供被區內有需要人士，即刻感受到元朗滿滿嘅愛💕💕舖頭係後巷位唔算特別起眼，但係人流就滔滔不絕，應該係區內都有名～.🐨花甲粉 $63推薦度：⭐️⭐️⭐️⭐⭐粉絲份量非常驚人，絕對覺得夠兩個大人食！！每碗粉絲均配有大量娃娃菜、芽菜同埋豆卜，係健康之選👍🏻🙈小編揀咗少麻、少辣，味道調配得啱啱好，唔會搶咗其他配料嘅味道～花甲唔算好大粒，但係好新鮮，鮮味濃郁！而且一碗有成十幾粒花甲咁多，食極都仲有咁，性價比極高～.堂食仲有個自助配料枱，上面有芫荽、炸蒜同蔥，任大家隨便拎，鍾意重蒜、重芫荽嘅人一定大愛🤣.另外，餐廳仲有多款嘢飲，可供選擇！！見到佢有宜家流行嘅手打檸檬茶1000ml，鼓勵大家去到都可以試吓～——☼——☼——☼——☼——☼——元朗花甲粉📍地址：元朗泰利街11號大興大廈地下6-7號舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡🛠️分類：#HTB元朗 #HTB粉麵.#元朗美食 #元朗 #粉麵 #花甲 #美食推介…Read More

花甲粉成日都聽到元朗花甲粉好出名, 呢日就專登過去搵, 就點左個花甲粉絲底BB辣😛湯頭好濃好鮮味, 配料好豐富, 有勁多花甲, 娃娃菜, 金菇,豆卜, 我額外加左肥牛, 食慾大增😬😬😬花甲好鮮美, 肉質鮮嫩同湯底嘅香辣味道完美結合, 肥牛好嫩滑, 粉絲, 豆卜, 娃娃菜吸收咗湯汁嘅精華, 每一啖都非常滑溜, 口感豐富, 啖啖都好滋味, 我就鍾意一啖粉絲, 一啖湯咁食, 好滿足😬鴨屎香手打香水檸檬茶呢杯成1L既檸檬茶, 見到都好surprise😍😍夠哂睇頭, 勁大杯, 好解渴, 又抵飲😝…Read More