元朗花甲粉 (已結業)

好友帶我去元朗遊玩，順道去左位於元朗泰利街11號大興大廈地下6-7號舖的《元朗花甲粉》食稻庭烏冬，餐廳係供應海鮮湯底粉麵的小店，老闆娘係一位善心人，每日都有暖粉供應（給有需要的人）。我點左個花甲粉配稻庭烏冬，有肥牛、萵荀、花甲、紫菜。小食係涼拌蓮藕；好友點左個花甲粉配稻庭烏冬，有豚肉、萵荀、花甲、娃娃菜，小食係涼拌青瓜。餐飲係自家製檸檬（3款）茶1 jar。2個麵都係用鍋盛載，份量大，湯底鮮甜，稻庭烏冬好味👍，餸菜豐富，花甲好新鮮肥美；2款BB麻辣小食好惹味；自家製檸檬（3款）茶真係唔講得笑，用個 jar 來裝，我和好友飲哂成 jar，味道唔錯👍！