元朗燒賣皇后妙舒

營業中

休息中

本身我好中意食個豬肉燒賣覺得個菇味香豬肉無so味加上網上聲稱係黃店 所以成日想食啲小食的時候都會諗起你地但近2次食真係令我十分失望啲燒賣皮同肉可以話係半分離啲皮好明顯因為蒸得太耐而變乾導致同豬肉分開左最後我都淨係咬走舊肉就算肉同個辣油係正既 但個皮再係咁真係搞唔掂起碼要似返粒燒賣啦！衷心希望良心食店可以保持質素先會長做長有！我諗我會俾多次機會啦試左3次都唔得就真係食出陰影真心中意食架 希望你地會接受意見啦！

每次經過元朗既燒賣皇后，都見到大排長龍，今次荃灣分店人龍比較少，即刻買黎回味一下。餐牌上有招牌香菇豬肉燒賣，白魚蛋，牛肉球等小食。招牌燒賣12元5粒，20元8粒。有人氣既店黎講，價錢都唔貴。香菇豬肉燒賣呢間的豬肉燒賣真係食得岀香菇粒同豬肉，當然應該都有混合粉漿，但比起平時食到既豬肉燒賣，呢間係高質好多。店員會問你需唔需要醬油同辣椒油，辣椒油幾香又夠辣，有辣椒渣同油，係有誠意既辣椒油。呢間小食店絕對可以一食再食。

今天晚上放工跟女朋友出荃灣行街食飯，經過路德圍，見到有間新開食燒賣嘅，門口幾靚，好似幾好味咁樣，就過去睇吓，個名叫做元朗燒賣皇后，咁我諗應該係由元朗出嚟嘅，上網查下見到佢原來已經有三間分店，其中兩間都係元朗，荃灣呢間係新開嘅，價錢方面都可以接受，$20有八粒豬肉燒賣，仲有隻叫做椒鹽炸燒賣，就$15有五粒，仲有生菜魚肉等小食，我哋叫咗豬肉燒賣，椒鹽炸燒賣，仲有個生菜魚肉，大約等5分鐘左右就有得食三個之中生菜魚肉最普通，其他兩個燒賣就正，椒鹽炸燒賣，口感一流，另外有強烈嘅椒鹽味，好正，至於冬菇豬肉燒賣就同酒樓味道差不多，但係值得一讚嘅就是他的辣椒油好香，會考慮買一支回家自己食，味道係好獨特，荃灣冇乜店可以做到，一定會再試。

因為工作關係，經過路德圍，跟見開了一間新舖，於是試一試啦！經理話，推介嘅冬菇燒賣仲有五分鐘就出爐，我聽到推介兩個字當然即買價值不算貴，可接受，比起其他賣包點嘅燒賣絕對唔過份。門前等了五分鐘，終於見到職員打開蒸籠，好香嘅冬菇味飄出嚟，職員仲問，要唔要加啲佢地舖頭自製嘅辣椒醬，聽落咁正，當然試啦！味道方面，冬菇味食落又唔算好出，而燒賣唔係好實嘅豬肉燒賣咁，而係咬落，入面都有少少鬆散，味道不錯嘅，都算大粒。辣椒醬，都非常香，唔係死辣個種。最後見到原來係支持香港嘅店舖，加左呢份心思，希望唔好退步，唔好變質！！

很久沒經過路得圍，除了大特價豆腐花外，今次見到一間新的小食店。見到手做蛋魚蛋覺得非常有誠意， 睇埋價錢我覺得，喺個地段做呢個價錢，簡直係做蝕本生意。另外好吸睛的就是見到香港人反抗，同埋物資供應畀抗爭者， 立刻多了很多分的親切感。中午時去沒甚麼人，論平未必最平，但誠意及心思真係好令人想試。簡單搵D野食下,只係俾咗$12有8粒白魚旦，覺得自己俾緊小學生價錢，好有抗爭感。小碗裝的魚旦亮白，爽，圓滑，很可愛精緻的小食，配的沙嗲醬甜甜的，很好味，吃完想飲咗D汁，想啫，冇做到。另外香辣是招牌醬料，下次再食。店裡好多的小食甚至飯盒，去路德圍又多了選擇

中午在荃灣工作，趕在銀行關門前辦點事，到了路徳圍附近。餓了，附近都是食店，沒太多時間，見到妙舒名號，原來落户了，光顧一下。裝修明亮，感覺企理，已見風範，走脫了小店感覺。食物種類以小食為主，主打燒賣魚蛋，點了一份雙拼。20元，十二粒，不算便宜，也不貴。燒賣在前台蒸櫃夾起，魚蛋在內廚，不知道為什麼要分開？相信炸爐一類在內就是了。燒賣是豬肉香菇。首先燒賣皮原整，沒有蒸過火蒸太久而糊掉爛掉發白，對！這是基本，但很多店做不到，甚至酒樓也是。大小中規中矩，肉餡香，香菇切片也帶出味道來，沒有太多粉，少許雞粉味精，相當高分。魚蛋白淨挺身，有魚味，但見魚腥，打蛋的不是靚貨，但也至少有魚。粉也不是很多，但做法應該是混入空氣一種，目的是做出輕身鬆軟滑的感覺，但不是我所好，雙拼的話，分數被魚蛋拉下來了。只要了辣油豉油，豉油頗鮮，有調教過，稍口乾，正常現象。辣油香，也不錯。整體而言，燒賣相當高分，單點20元8粒，絕對物有所值。當然附近有連鎖小食店買一送一，說價錢是無可比較的，但想有點意思的，值得推薦。

個個都話元朗燒賣好好食經過梗係試下。價錢不過不失，$12/5粒豬肉香菇燒賣，$12/8粒自製魚蛋（沙嗲汁）。等左一陣，終於有得食 一咬落去，燒賣麵粉太多唔夠🐷肉，最弊蒸得過左龍，咬落去感覺好粉好轆，好似一pat野咁 至於粒魚蛋，就係普通嘅白魚蛋，唔腥、無咩特別，沙嗲汁亦都平平無奇對面無名小店$10一串燒賣好食d

可能近年食得魚蓉燒賣多對豬肉燒賣會期望大啲，之前見佢裝修緊已經想試，咁啱路過就試下。購買時已告知製作中，要稍等幾分鐘，令我更為期待。燒賣到手，有辣油，剛出爐理應好熱好熱，但…可能天氣涼咗。燒賣皮厚，無肉味，冬菇味又唔強烈，豉油又帶唔起，成件事好特別，或者辣油太搶味。總的來說，唔係我杯茶，百貨賣百客，總會遇上對的人。最後想問下，$12/5粒同$20/8粒係咩計法？買多反而貴？

住在荃灣區的朋友講，原來荃灣路德圍 係名牌美食小店的集中地，行過見到這間'元朗燒賣皇后'鋪面好靚，寫住'燒賣皇后'，便要試一試。他的燒賣是有肉有冬菇好大粒的燒賣，20元有8粒，仲有三款口味，原味、沙爹、同咖哩 ，我估原本應該幾好味，但係我嫌他不夠熱，所以扣咗啲分，仲有白魚蛋，相對唔夠彈牙，畀合格分數啦，由於係街頭小食，價錢唔貴，都值得一試的， 我對樽'元朗辣椒油' 好有興趣，總是覺得打著元朗品牌的應該會好食，遲啲開咗再講啦。

這天到元朗燒賣皇后妙舒吃我想試已久的燒賣！這家以香菇豬肉燒賣聞名那一於要一份＄20/8粒的香菇豬肉燒賣！星期日中午也沒多人排隊跟元朗店分别很大呢！新店好光猛企理跟一般的小食店相比感覺更乾淨，店家除了燒賣外還有咖喱、沙嗲小食、迷你盤菜、白魚蛋、陳皮牛肉球、碗仔翅、魚肉湯、瑞士雞脾、翼等小吃出售。 燒賣到手吃下口感不算很彈牙肉香亦一般，但內裡有片片的冬菇增添不少香味，可惜配的豉汁不是我喜歡的調味！燒賣整體也不是我杯茶，但友人說炸燒賣會好吃些或許可以試多一趟！

晚飯後經過路德圍，看見新開的元朗燒賣皇后，雖然已吃晚餐，但相信外賣一串燒賣作為愛人的宵夜，應該是吃得下的。平日的晚上10:45pm 仍要排隊，這店應該頗受歡迎。鎮店招牌是: 香菇豬肉燒賣$12有 五粒。先排隊付款，再等叫外賣號碼。看見其他食客，大部分都是點燒賣和牛肉球。香菇豬肉燒賣 $12 ~在點餐時，店員會問你要否辣椒豉油，筆者一向認為，燒賣怎能沒有辣椒豉油。紙碗盛著燒賣，作為外賣，吃起來比較方便。加上那點點辣椒豉油，對筆者這個微辣者來說，恰到好處。冬菇切成一片片，比例比想像多，和豬肉互相結合，相映成趣，作為夜宵份，點點的分，難怪有不少的捧場客。

相信大家有時放工放學都會肚仔餓，食碗粉又太飽，食零食又熱氣，食咩醫肚好呢？好多時我就會選擇食「小點心」喇💙🧡💚❤️好似魚蛋啊，或者燒賣甘😀不過市面上，真係有d燒賣非常難食，曾經試過見到有店係用惠康叮叮既燒賣，即刻叮比我食（不過店係長州）真係睇到都扣晒分！不過燒賣皇后真心yummy！因為佢唔係魚肉燒賣，而係豬肉燒賣，加埋冬菇，$12-20 蚊等（唔同款式燒賣）大大粒又熱辣辣，抵佢甘出名呀！排隊預左，不過都排好快既放心😌

夜晚係荃灣，路德圍掃街係不二之選，雖然燒賣皇后係度comment麻麻地，不過我都一於試試🙋🏻‍♀️我要左特別d既炸孖寶-炸魚旦&燒賣，$22，各6粒。醬就揀左要咖哩～ 因為夜晚都多人買，都要等一等，不過都係10分鐘左右。炸白魚旦我覺得彈牙wor，唔係平時個d淋batbat～ 至於個炸燒賣，燒賣皇后既燒賣並唔係魚肉燒賣，而係豬肉既，炸燒賣平時比較少見，我又覺得幾好食😋 至於咖哩醬我覺得都幾香丫，魚旦、燒賣點都match～整體黎講我係會回頭既😎😎 都想試埋沙嗲醬😎 但應該都係會食炸既，始終特別d😊

坦白講，我一開始係因為元朗燒賣皇后個幾有現代感嘅裝修而去排隊的。除咗燒賣之外，呢間嘢都有賣其他點心例如炸燒賣同牛肉。我試咗佢個招牌12蚊5粒豬肉燒賣，豬肉夠冧，調味亦都剛剛好。絕對有下次

久聞呢間燒賣皇后係元朗出名，誰不知今日去荃灣路德圍掃街就見到佢，咁就試下係咪咁好食，望左佢個餐牌，有不少食品供選，不過主打都係想試佢既香菇豬肉燒賣，其他野都係普通小食店都有既就冇咩興趣試。燒賣盛為$12蚊5粒，價錢有點偏貴，但冇理照樣試，好最多下次唔幫襯😅燒賣味道真係極之普通，只係混有香菇的燒賣，同埋唔係太食得出有豬肉，面粉比豬肉多，就算加埋辣椒油同豉油，係味道上都係冇幫助，主打招牌都搞成咁，真係冇下次了。