元朗燒賣皇后妙舒

營業中

休息中

經過路德圍又想食啲小食，試下聽咗好耐嘅燒賣皇后。我唔係燒賣開注組嘅專家🥸，食完就覺得麻麻地，唔知試過嘅你哋覺得點呢？————————————————👅 魚蛋燒賣孖寶（$20/12粒）🔸有香辣、咖哩同沙嗲汁可選，我地揀咗沙嗲。雖然香菇豬肉燒賣係招牌，但豬肉餡唔夠結實同無咩肉味🤨，燒賣皮如圖所見都蒸到爛晒，大細同魚肉燒賣差唔多，比想像中酒樓Style嘅香菇豬肉燒賣有出入🧐。自製白魚蛋都還好，沙嗲汁香但可以加啲啲辣———————————————— 🚩總結：味道普通至有啲伏中間———————————————— 🌟注意：有淨燒賣同淨魚蛋————————————————📍 元朗燒賣皇后妙舒地址︰荃灣荃興徑10-18號富榮大廈地下04號舖.🗺地區：#bem荃灣📥分類：#bem小食💰人均消費：#bem_50蚊或以下

燒賣皇后元朗歷史悠久嘅燒賣皇后，原來佢哋喺路德圍都有分店，於是就叫咗佢哋燒賣同埋腸粉嚟試吓啦！🤤🤤⭕️蒸腸粉（$12/4條）佢哋嘅精腸粉會包埋甜醬，芝麻、麻醬同埋豉油滑捋捋嘅腸粉！熱辣辣唔會黐埋一舊條條分明幾好食喎！⭕️椒鹽炸燒賣（$15/5粒）⭕️蒸既香菇燒賣（$20/8粒）👁👁燒賣都係足料嘅，外面層燒賣皮唔會好厚，🥳椒鹽炸燒賣好脆但係同時都唔會好乾，蒸燒賣記得落佢哋嘅辣油！真係好惹味，燒賣彈牙！😎🥰

主打燒賣既專門店 12蚊有交易 20蚊就有8粒另有白魚蛋 陳皮牛肉球 碗仔翅 魚肉生菜 蒸腸粉一句講曬,港式小食店燒賣界一姐應該無講錯了吧,人人都識 品牌已經有30幾年歷史由元朗老店變年青人既潮食衝出元朗,各區都搵到佢既身影招牌香菇豬肉燒賣由老闆所創 加入魚肉增加爽彈口感用木菇製作而成食得辣加埋店家用蒜乾蔥以6種辣椒自家炒製而成的辣椒油份外香辣滋味口感豐富甘香彈牙辣椒油 $48一樽,食過一定返轉頭 燒賣皇后荃灣荃興徑10-18號富榮大廈地下04號舖Shop 04, G/F, Fortune Mansion, 10-18 Tsuen Hing Path, Tsuen Wan

平時啤先生都會係荃灣路德圍掃下街食下野咁，其中一間口痕或者做完gym成日食嘅就係呢間元朗燒賣皇后妙舒😌貪佢夠就腳，等嘅時間快而且野食質素穩定👍🏼由於今日趕住番屋企所以買左外賣番去食😛而我買嘅當然就係我最鍾意嘅招牌 - 孖寶(沙嗲汁)😎番到去打開啲野食都係熱辣辣嘅😌從圖中所見，小店俾嘅沙嗲汁絕不手軟，而我鐘意佢嘅沙嗲汁偏甜而不太辣，而且有好香花生味😆重口味嘅人一定好開心，而注意健康嘅朋友就可以叫佢少汁！好啦，講番主角😆白魚蛋唔係爽口彈牙個款魚蛋，但勝在軟滑而又唔會太林身，而且配搭沙嗲汁我夠得好夾😉另外豬肉燒賣方面就質地結實，用料充足，唔洗點太多汁都夠味👍🏼雖然呢間價錢係呢類小食黎講唔算平，不過勝在份量用料充足，而且質素高而穩定，絕對係口痕之選😜

我只係order一客燒賣外賣，店員手上拎住我張單，然後不斷做後面既order(三溝加一客燒賣，雞加一客燒賣)，都唔係順便夾埋俾我，仲要明明我order先，等一客燒賣用左30分鐘

琴晚同阿哥去開荃灣又想食少少嘢醫吓肚，最簡單方便嘅就係去路德圍啦，雖然都已經12點幾，路德圍都仲係勁多人😂雖然都已經好夜，但係仲可以簡簡單單喺燒賣皇后買份燒賣食🤭🤭🔹香菇豬肉燒賣✅菇味算幾出✅肥豬肉比例唔多，食落唔會好肥膩✅豉油唔會太鹹

相約友人共聚晚餐，未到約定時間又有幾分肌餓感人在荃灣當然就應該想一串「餐前小吃」作為開胃菜想買一串魚肉燒賣又沒有心儀的，看到這個就買一串試味招牌香菇豬肉燒賣 $12/5粒；$20/8粒吃罷第一口就覺得燒賣爽口彈牙皮薄不散開，但肉不會死實香菇🍄和豬肉🐖的比例一致豬肉肉質吃得出新鮮不會有雪味香菇味濃，濃得令不吃菇菌類的另一半都逃到老遠就知道有多跨張🤣雖然知道大部份人大推她的辣醬不過因為本人不太愛吃辣🌶就沒加反而加入點點豉油豉油不算鮮味但亦未有死鹹味道反而有點點甜香整體感覺不錯亦算是優質燒賣不過價格上偏貴💰 一試真的無妨

其實小編喺開呢個page之前食過一次燒賣皇后，嗰陣時覺得中曬伏，唔明點解咁多人吹捧😅，就係普通酒樓嘅燒賣，仲要唔彈牙加冇咗隻蝦，有好幾粒燒賣仲要皮肉分離。小編覺得可能係自己嗰日運氣唔好，睇在佢係黃店份上，不妨比多次機會。所以事隔幾個月，我決定鼓起勇氣再次試伏🤓。------------------------------招牌香菇豬肉燒賣 ($12/5粒)味道依然係冇蝦嘅酒樓燒賣味😂，有進步嘅係燒賣們冇再甩皮甩骨，冬菇味重得嚟唔會好次上次咁完全蓋曬豬肉味。豬肉係半肥瘦，味道都ok香濃，不過有啲似係鬆肉粉味(？)，口感亦幾鬆散😕，但就冇上次咁乾，香菇味都有少少。小編建議大家唔好expect佢地係好juicy彈牙，否則可能會失望。但係小編都承認佢地嘅辣醬係香兼好食嘅😋，辣味十分唔係淨係得個麻，比味蕾有少少刺激又唔會好搶。價錢方面，小編覺得都幾貴下，不過可以一試，但我自己食過之後就寧願齋買佢罐辣醬返屋企送飯💁🏻。------------------------------整體評分：6.6/10小編回頭率：5/10

好耐之前係元朗食過燒賣皇后嘅豬肉燒賣，依加好多地方都有得食啦，有時行行下街肚餓食埋幾粒燒賣頂下肚都唔錯架 ٩(˃̶͈̀௰˂̶͈́)و🔸招牌香菇豬肉燒賣（$20@8粒）熱辣辣、大大粒、黃色嘅燒賣，見到都食指大動呀～🥳香菇同半肥瘦豬肉好夾，食落好香菇味，再配上佢哋嘅秘製辣油，真係好惹味呀(๑´ㅂ`๑) ！但唔食得辣嘅我表示食到有啲出汗.....每次去開荃灣都會去幫襯下，依加諗起又想食了😚下次試埋佢其他嘢食先～～

大食妹同朋友趁住假日去荃灣覓食, 行到好出名嘅食街, 突然口痕想食魚蛋燒賣要知道自從疫情開始, 大食妹已經食少咗好多呢啲街頭小食啦真係好掛住陣味荃興徑有形形色色嘅魚蛋燒賣, 最後大食妹都係揀咗呢間元朗燒賣皇后妙舒<魚蛋、燒賣孖寶>又想食魚蛋又想食燒賣, 於是大食妹就嗌咗呢份魚蛋、燒賣孖寶魚蛋係自製嘅白魚蛋, 魚味唔算好重, 但都ok彈牙而燒賣就係招牌香菇豬肉燒賣香菇味好突出, 同樣唔算大粒, 但味道調校得好好食大食妹推介

CP值：4.5/5💛價錢Price: - 招牌香菇豬肉燒賣 Signature Pork Siu Mai with Shiitake Mushroom: $12/5 pieces無論魚肉燒賣定豬肉燒賣，我都係咁鍾意食嘅🤤但我好怕豬肉燒賣係死實實, 乾爭爭嗰啲😩尼間絕對冇尼個問題，最緊要係個冬菇味，真係好香，好突出🤤又唔會太咸，所以配豉油食都唔會太咸👏🏻12蚊5粒尼個價錢以豬肉燒賣黎講真係好合理I like both pork siu mai and fish siu mai.🤤However, for pork siu mai, most of them are so hard and dry which are not preferred😩The pork siu mai here does not have this problem. Also, the taste of shiitake mushroom is so distinctive🤤It was not salty so it matches well with the soy sauce.$12 for 5 piece

叫左一份冬菇豬肉燒賣加辣油豉油12蚊5粒 20蚊8粒買8粒係貴過買5粒不過都其實只係爭一毫子仲叫左一隻燒乳鴿燒賣冬菇味夠香 食唔到肥豬肉 口感乾爽實正 好食佢唔會好似魚肉燒賣咁彈牙亦唔似酒樓燒賣咁濕潤油膩不過辣油唔香唔辣 有啲失色乳鴿可以不試偏乾 醃料唔夠 冇肉汁

元朗燒賣皇后妙舒嘅本店喺元朗，近幾年先喺荃灣同旺角開咗分店。佢哋最出名嘅就係冬菇豬肉燒賣，不過除咗呢樣，其實仲有好多其他小食～•🥢 魚蛋燒賣孖寶 $20/12粒呢款係香辣口味，即係甜豉油+辣油，辣油好香，加埋一齊好惹味🤤白魚蛋好彈牙，又唔會有魚腥味😋而燒賣係冬菇豬肉燒賣，菇味好香，而且燒賣皮好薄，食落唔會一舊粉👍🏼 每次經過都想食😍•🥢 椒鹽炸燒賣 $15/5炸燒賣都係冬菇豬肉燒賣，炸完嘅冬菇香味都幾濃～燒賣皮幾脆，但有啲位有少少硬，椒鹽都落得幾均勻，唔會太鹹。不過蒸同炸比較之下，個人認為冬菇豬肉燒賣都係蒸比較適合🤣

好多人都聽過燒賣皇后呢個名😛本身去開元朗都會幫襯 依家荃灣都有埋 太好喇!招牌香菇豬肉燒賣 並唔係浪得虛名食完真係會講好食 放心唔會中伏( ´▽｀)豬肉係半肥瘦唔膩 口感岩岩好 配埋冬菇香好正重點係必加佢嘅秘製辣油🔥 個回辣好正 仲要帶種少少嘴麻感 但轉瞬間又無咗 好鬼頂癮🌝

呢間黃到金💛💛既燒賣皇后憑著少有既香菇豬肉燒賣出晒名，連燒賣關注組都給予高度評價，今次山長水遠去到荃灣路德圍附近掃街，就試下係咪真係咁高質啦！除咗元朗總店同荃灣之外，而家已經擴展到旺角、紅磡同灣仔喇！荃灣呢間分店都幾企理，店員都係幾後生，感覺比較新派，同我想像中賣燒賣既小食店有啲唔同😂招牌香菇豬肉燒賣呢度嘅辣醬都幾出名，我就叫咗小辣，店員好貼心地將辣醬放係側邊等你按喜好點，燒賣整體口感都幾爽彈，完全唔會覺得好粉，香菇豬肉比例都好多，真材實料，辣醬啱晒嗜辣之人，好香好惹味，食完之後個陣麻香會一直留係個嘴唇同喉嚨到，好過癮🤪🤪，雖然辣味有少少蓋過香菇豬肉既香味，不過鍾意食辣既人都應該ok。自製白魚蛋（沙嗲）上網見到有人話除咗燒賣、魚蛋同陳皮牛肉球之外其他都爭啲，所以我就叫多咗個魚蛋諗住唔會中伏啦，不過呢個魚蛋都麻麻地🙈，口感係幾彈牙，不過醬汁蓋過魚味，個沙爹汁望落同食落都比較似普通咖喱汁🤔但入面有啲花生粒應該係沙嗲無誤🤣但無沙嗲亦都無花生香，可能都係叫返招牌香辣會好啲啦。人均消費：$20推介指數（10分為滿分）：7.5分