元朗燒賣皇后妙舒

營業中

休息中

一直都係燒賣fans見到個名就想試以為都係比普通小食店精美 得個樣點知真係好有驚喜燒賣係新鮮蒸左無耐仲熱辣辣 大大粒好有咬口 好實在完全唔似街市貨另外想讚一下店員姐姐都幾有禮貌做野都好快手 唔錯下次經過一定再食

見到竟然有間舖個名叫燒賣皇后！鐘意食燒賣嘅我，大熱天時都由海痴戀行過黎。仲要唔熟路嘅情況下，上橋又落橋又上橋。熱到成身濕曬。原來呢條街勁多嘢食喎！不過疫情下無咩人企響街食嘢。叫左個魚蛋燒賣雙拼。沙嗲醬。原來燒賣係豬肉燒賣，唔係魚肉燒賣。不過好好味喎！細細粒容易食。食落唔似有味精。個沙嗲醬唔辣但好香。白魚蛋都幾好味。彈牙，唔係超重魚味嗰隻但算中上。20蚊12粒。呢個價錢仲想點？！幾時港島開返間呀唔該？

今日就特別D，帶大家去到美食薈萃既荃灣。係香港🇭🇰，相信每個人都一定食過魚蛋燒賣呢D香港特色小食😋！唔少地方/ 舖頭都有得賣，但真心味道好既真少之又少。坦白講，渣哥雖然多人食，但其實大家都係去捧下場，食物質素都知啦！荃灣路德圍附近出哂名多好野食，今日就想介紹「元朗燒賣皇后妙舒」，佢既魚蛋燒賣相當有特色👍🏻！一般坊間嘅魚蛋係用魚肉加麵粉搓成，口感比較粉🤨！呢檔自製白魚蛋雖然細細粒但非常彈牙，比一般潮州魚蛋更好味😋！當然呢度嘅燒賣亦非常出色，係一般少見既豬肉燒賣。因為豬肉燒賣成本比魚肉燒賣高，所以一般較少見！燒賣落左冬菇條，香氣十足，而豬肉非常多汁🤤，所以每食一粒都非常滿足🥴🥴！配埋辣醬，果一股辣油嘅味道從口腔慢慢散開，間中又帶點麻😳！呢種街頭味道真令人難忘。價錢方面，燒賣$12/5粒、 $20/8粒、魚蛋$12/8粒，比一般坊間賣得貴，但佢勝在用料好，所以我覺得價錢合理！

有罷市又有聘請手足既小黃店💛因為個日我地飲完茶個肚仲有少少位就決定督多串燒賣 佢真係唔錯 怪唔之得咁出名啦😍😍·招牌香菇豬肉燒賣 $12/5粒佢食落都唔錯 都幾多香菇 所以口感唔錯 個豬肉餡都彈牙既 而且佢個豉油係杰身啲既 而且甜甜地 唔錯😋·椒鹽炸燒賣 $15/5粒呢個我就覺得好出色啦 好味過佢就咁既蒸燒賣添🤤佢個椒鹽調味得好好 而且炸完個燒賣口感更正🤤🤤·#rbyeat#rby港式#rby小黃店#rby荃灣 #rby元朗·📍荃灣荃興徑10-18號富榮大廈地下4號舖📍元朗阜財街14號宏豐大廈地下11B及11C號舖📍元朗元龍街9號形點I期2樓2042號舖Foodeli

呢間燒賣唔知出唔出色呢，有冇食過既朋友可以分享下呀？八寶迷你盆菜 $38其實好多都好想食，最後揀左迷你盆菜，貪佢唔貴之餘又食到8樣野，一次過滿足好多願望！入面有白魚蛋、豆卜、腩肉、蘿蔔、魷魚、冬菇、枝竹、腐皮，本身唔太肚餓的情況下同朋友一人一半都幾飽架！白魚蛋2粒：超級無敵彈牙豆卜2粒、蘿蔔4舊、冬菇3粒：正常水平腩肉3-4舊：有一舊成舊係肥膏冇瘦肉，太邪惡冇食到魷魚1條鬚加1片身：幾大條同幾大塊枝竹、腐皮：索哂個汁好好味

【荃灣黃店 - 燒賣皇后🔅】🐷🐷💭哈佬！蒲開荃灣嘅人相信都知路德圍嗰頭最多小食！今次同大家介紹嗰頭附近嘅一間黃色小食店-元朗燒賣皇后！佢嘅總店喺元朗，宜家荃灣都有啦！佢最招牌嘅當然係黃到發金嘅燒賣！（鋪頭有參與罷工同聘請手足！）除此之外佢都仲有好多其他小食食架！最岩大家行街行到攰時整番兩串！😋🐷🐷💬招牌香菇豬肉燒賣8粒 （$20）呢幾粒燒賣真心好好食，不愧為鋪頭嘅招牌小吃👍🏼 佢唔係平時街邊食開嗰啲平價魚肉燒賣，而係好有誠意咁用左香菇+豬肉整成！😍 配埋豉油辣油一齊食，無得彈👍🏼🐷🐷💬陳皮牛肉球2粒（$10）老實講呢兩粒就麻麻地，唔係平時茶樓食開嗰種新鮮牛肉整成嘅口感。但十蚊雞黎講都算係咁啦～🐷🐷💬招牌碗仔翅（$20）碗仔翅入面都算幾足料，用左素翅而唔係粉絲，仲有好多香菇片，唔錯丫😊👍🏼

超大粒香菇豬肉燒賣，由蒸籠拎出來，夠晒熱呀！希望佢可以一直保持呢個水準！比起街邊魚肉燒賣、酒樓燒賣，佢算中間沒準，唯一對手可能係健康工房，個間都係真材實料！加油！

招牌豬肉香菇燒賣應該係我食過甘多燒賣當中最多料最多肉既燒賣，大大粒絕對無偷工減料。20蚊絕對抵食。另外再叫左個碗仔翅，亦都係非常足料，粉絲東菇肉絲非常多，絕對食到你飽。非常之抵食

話說黎荃灣食小吃食完第一檔好開心，當然好興奮想發掘其他好野—黎到路德圍，當然試左$3既糖水。之前見到呢間店，留意到有間善良既小食檔，會供應小食同飲品比FA同學生。呢份心意點都要用銀包去實在支持既！見到佢地有個皇后炸乳鴿，同八寶迷你盤菜，都相當期待，由於之前食左太多野，我地就揀左炸乳鴿。叫完大約等左10分鐘就有得拎，但我地感到意外既係店員既回覆我😋：唔該，可唔可以幫我斬開隻乳鴿？店員🤓：我地冇斬開呢個服務!😭😭😭禁姐係意味著，我同女朋友係街頭度，要用野人mode 你一啖，我一啖禁食乳鴿😫好在佢地有筷子供應，我唯有就用筷子去啲肉比我女朋友食，我就用野人mode 🧟‍♂️當街去用手同牙去撕開鴿鴿既肉。味道方面—乳鴿既肉質嫩滑，好容易比筷子🥢夾開同炸香既皮味道算幾甘香，鴿頭既腦醬非常惹味，味道有點似鵝干既口感。腦醬連著鴿頭既炸皮味道甘香，係有一番風味（姐係新鮮炸🐦味）；如果會提供埋「華鹽」就更好。隻鴿size 係拳頭左右，鴿肉好少好快食完。都算輕食黎，同叫左陳皮牛肉球，味道似酒樓。題外話—之後上網睇返蘋果話「乳鴿相對矜貴，在中醫學，就有一鴿勝九雞的說法...」同炸鴿都算係種多工序既處理，所以總體

/元朗燒賣皇后妙舒/招牌香菇豬肉燒賣💰HKD$12/ 5粒-元朗燒賣皇后名聲響亮，可惜我平時不太會到元朗所以甚少機會可以試試。現在荃灣路德圍開了分店，「機會嚟啦飛雲」！-香菇豬肉燒賣配上鼓油和辣油，使到燒賣的顏色非常鮮艷，看得令人食指大動。他們的燒賣由豬肉、魚肉、香菇所製成，這與平時所吃的魚肉燒賣大為不同；每粒燒賣大大粒，肉質實淨，口感豐富。最值得讚揚的是每粒燒賣裏面有很多片冬菇，菇味香濃，配上辣油吃的話既不會被蓋過味道之餘，甚更為惹味。-►好食指數：9/10喜歡吃燒賣的你　不要錯過啊~-🔎✎想看更多的請去IG @wd.smallworld

兩年前係元朗第一次食燒賣皇后，當時立即榮登我心中第一好食既燒賣！之後一直念念不忘，估唔到原來以家係荃灣都開左分店！店舖人氣依舊！依然要排隊，不過唔需要等好耐！咁耐無食，當然點左招牌豬肉燒賣$20/8粒啦！食燒賣一定要加辣油豉油先好食！終於可以回味，但好可惜，今次無好驚艷到我～都係覺得元朗總店最好食！但當然啦，燒賣真心唔差！係真材實料！熱辣辣食係最正！始終同好平好平既燒賣比，呢間真係貨真價實！有質素既燒賣店～

本身我好中意食個豬肉燒賣覺得個菇味香豬肉無so味加上網上聲稱係黃店 所以成日想食啲小食的時候都會諗起你地但近2次食真係令我十分失望啲燒賣皮同肉可以話係半分離啲皮好明顯因為蒸得太耐而變乾導致同豬肉分開左最後我都淨係咬走舊肉就算肉同個辣油係正既 但個皮再係咁真係搞唔掂起碼要似返粒燒賣啦！衷心希望良心食店可以保持質素先會長做長有！我諗我會俾多次機會啦試左3次都唔得就真係食出陰影真心中意食架 希望你地會接受意見啦！

每次經過元朗既燒賣皇后，都見到大排長龍，今次荃灣分店人龍比較少，即刻買黎回味一下。餐牌上有招牌香菇豬肉燒賣，白魚蛋，牛肉球等小食。招牌燒賣12元5粒，20元8粒。有人氣既店黎講，價錢都唔貴。香菇豬肉燒賣呢間的豬肉燒賣真係食得岀香菇粒同豬肉，當然應該都有混合粉漿，但比起平時食到既豬肉燒賣，呢間係高質好多。店員會問你需唔需要醬油同辣椒油，辣椒油幾香又夠辣，有辣椒渣同油，係有誠意既辣椒油。呢間小食店絕對可以一食再食。

今天晚上放工跟女朋友出荃灣行街食飯，經過路德圍，見到有間新開食燒賣嘅，門口幾靚，好似幾好味咁樣，就過去睇吓，個名叫做元朗燒賣皇后，咁我諗應該係由元朗出嚟嘅，上網查下見到佢原來已經有三間分店，其中兩間都係元朗，荃灣呢間係新開嘅，價錢方面都可以接受，$20有八粒豬肉燒賣，仲有隻叫做椒鹽炸燒賣，就$15有五粒，仲有生菜魚肉等小食，我哋叫咗豬肉燒賣，椒鹽炸燒賣，仲有個生菜魚肉，大約等5分鐘左右就有得食三個之中生菜魚肉最普通，其他兩個燒賣就正，椒鹽炸燒賣，口感一流，另外有強烈嘅椒鹽味，好正，至於冬菇豬肉燒賣就同酒樓味道差不多，但係值得一讚嘅就是他的辣椒油好香，會考慮買一支回家自己食，味道係好獨特，荃灣冇乜店可以做到，一定會再試。

因為工作關係，經過路德圍，跟見開了一間新舖，於是試一試啦！經理話，推介嘅冬菇燒賣仲有五分鐘就出爐，我聽到推介兩個字當然即買價值不算貴，可接受，比起其他賣包點嘅燒賣絕對唔過份。門前等了五分鐘，終於見到職員打開蒸籠，好香嘅冬菇味飄出嚟，職員仲問，要唔要加啲佢地舖頭自製嘅辣椒醬，聽落咁正，當然試啦！味道方面，冬菇味食落又唔算好出，而燒賣唔係好實嘅豬肉燒賣咁，而係咬落，入面都有少少鬆散，味道不錯嘅，都算大粒。辣椒醬，都非常香，唔係死辣個種。最後見到原來係支持香港嘅店舖，加左呢份心思，希望唔好退步，唔好變質！！