元朗燒賣皇后妙舒

營業中

休息中

叫左一份冬菇豬肉燒賣加辣油豉油12蚊5粒 20蚊8粒買8粒係貴過買5粒不過都其實只係爭一毫子仲叫左一隻燒乳鴿燒賣冬菇味夠香 食唔到肥豬肉 口感乾爽實正 好食佢唔會好似魚肉燒賣咁彈牙亦唔似酒樓燒賣咁濕潤油膩不過辣油唔香唔辣 有啲失色乳鴿可以不試偏乾 醃料唔夠 冇肉汁

元朗燒賣皇后妙舒嘅本店喺元朗，近幾年先喺荃灣同旺角開咗分店。佢哋最出名嘅就係冬菇豬肉燒賣，不過除咗呢樣，其實仲有好多其他小食～•🥢 魚蛋燒賣孖寶 $20/12粒呢款係香辣口味，即係甜豉油+辣油，辣油好香，加埋一齊好惹味🤤白魚蛋好彈牙，又唔會有魚腥味😋而燒賣係冬菇豬肉燒賣，菇味好香，而且燒賣皮好薄，食落唔會一舊粉👍🏼 每次經過都想食😍•🥢 椒鹽炸燒賣 $15/5炸燒賣都係冬菇豬肉燒賣，炸完嘅冬菇香味都幾濃～燒賣皮幾脆，但有啲位有少少硬，椒鹽都落得幾均勻，唔會太鹹。不過蒸同炸比較之下，個人認為冬菇豬肉燒賣都係蒸比較適合🤣

好多人都聽過燒賣皇后呢個名😛本身去開元朗都會幫襯 依家荃灣都有埋 太好喇!招牌香菇豬肉燒賣 並唔係浪得虛名食完真係會講好食 放心唔會中伏( ´▽｀)豬肉係半肥瘦唔膩 口感岩岩好 配埋冬菇香好正重點係必加佢嘅秘製辣油🔥 個回辣好正 仲要帶種少少嘴麻感 但轉瞬間又無咗 好鬼頂癮🌝

呢間黃到金💛💛既燒賣皇后憑著少有既香菇豬肉燒賣出晒名，連燒賣關注組都給予高度評價，今次山長水遠去到荃灣路德圍附近掃街，就試下係咪真係咁高質啦！除咗元朗總店同荃灣之外，而家已經擴展到旺角、紅磡同灣仔喇！荃灣呢間分店都幾企理，店員都係幾後生，感覺比較新派，同我想像中賣燒賣既小食店有啲唔同😂招牌香菇豬肉燒賣呢度嘅辣醬都幾出名，我就叫咗小辣，店員好貼心地將辣醬放係側邊等你按喜好點，燒賣整體口感都幾爽彈，完全唔會覺得好粉，香菇豬肉比例都好多，真材實料，辣醬啱晒嗜辣之人，好香好惹味，食完之後個陣麻香會一直留係個嘴唇同喉嚨到，好過癮🤪🤪，雖然辣味有少少蓋過香菇豬肉既香味，不過鍾意食辣既人都應該ok。自製白魚蛋（沙嗲）上網見到有人話除咗燒賣、魚蛋同陳皮牛肉球之外其他都爭啲，所以我就叫多咗個魚蛋諗住唔會中伏啦，不過呢個魚蛋都麻麻地🙈，口感係幾彈牙，不過醬汁蓋過魚味，個沙爹汁望落同食落都比較似普通咖喱汁🤔但入面有啲花生粒應該係沙嗲無誤🤣但無沙嗲亦都無花生香，可能都係叫返招牌香辣會好啲啦。人均消費：$20推介指數（10分為滿分）：7.5分

呢度嘅豬肉燒賣真係好正，好重冬菇味，加埋個自家辣椒醬食真係一流想當年未有疫情嘅時候每日放工都要過嚟幫襯今日可能少咗人排，我一叫就即刻有得攞，唔使等我就嚟要買佢個家庭裝燒賣同樽辣椒醬番去自己蒸嚟食

燒賣原來係金黃色💛之前幫襯過燒賣皇后幾次，就同大家分享下有咩好食啦！👧🏻小編最鍾意兩樣都各有6粒嘅「魚蛋燒賣孖寶」魚蛋非常彈牙，而燒賣係香菇豬肉，同平時嘅魚肉燒賣唔同㗎記得一定要落辣，超惹味啊！陳皮牛肉球都唔錢，$10有兩粒大大粒嘅不過炸燒賣就唔推介，攞香菇豬肉燒賣黎炸真係有啲奇怪🤣皇后碗仔翅、漁湯生菜鯪魚肉都麻地 (｡ì _ í｡)蘿蔔豬皮雙併唔入味，個咖哩仲係一堆醬咁，完全唔知咩事😅.💡 總結來講，暫時試過嘅野食，淨係得燒賣、魚蛋同牛肉球值得推薦希望其他食物都可以有改善啦💁🏼‍♀️.招牌香菇豬肉燒賣 $12/$20魚蛋燒賣孖寶 $20椒鹽炸燒賣 $15/$24皇后碗仔翅 $20魚湯生菜鯪魚肉 $25陳皮牛肉球 $10蘿蔔豬皮雙併 $18

為何深夜總是餓，天氣凍個人特別易餓，同男朋友響荃灣行行下街途中，Feel到個肚傳黎一陣陣古古聲，就響附近買左小食醫肚>魚蛋燒賣孖寶：呢度既招牌名物係燒賣，揀呢個餐就可以一次過試香菇豬肉燒賣同埋白魚蛋，豬肉肥瘦均勻，食落唔覺肥膩，仲有菇粒增加口感，不過就比一般嘅魚肉燒賣冇咁彈牙。白魚蛋大大粒新鮮又夠彈牙，配埋咖喱汁食真係食唔停口>陳皮牛肉球：唔係好食到陳皮味，但牛肉球蒸得夠淋，配埋喼汁食都OK。下次試吓買急凍包返去蒸，之前試過，呢度既乳鴿都好好食

元朗燒賣皇后妙舒 (荃灣)荃灣荃興徑10-18號富榮大廈地下04號舖🐾 元朗燒賣皇后妙舒 (荃灣) 🐾招牌香菇豬肉燒賣✔️$12/5粒 $20/8粒-招牌香菇豬肉燒賣:一定要加辣一定要加辣！一食落口勁香冬菇味🍄 豬肉燒賣係比較彈牙嗰一隻🤤我真係好推介大家去試吓😂係成粒都好香😂嗰日仲要去完葵廣掃街🤣飽到反艇都覺得好食🤣😂聽就聽得多燒賣皇后😂真係唔怪得佢咁出名🤣—(非專業,完全跟據個人口味☺)食物:8/10環境:7/10服務:6/10人均消費:$10———————————————▪店舖名稱: 元朗燒賣皇后妙舒 (荃灣) ▪店舖地址:🔸 荃灣荃興徑10-18號富榮大廈地下04號舖

呢一間之前係旺角見過，今次咁岩喺荃灣又好肚餓，就決定試一試！😋招牌香菇豬肉燒賣真係充料既燒賣，本身賣相已經好大粒🙈食落去每一啖都食到香菇同豬肉，個價好抵！😻自製白魚蛋超級彈牙，同埋好鮮好有魚肉味！之後再食左幾次，食哂三次味！每一款都好有特式，如果食得辣，個人推廣香辣！👍🏿如果唔辣，沙嗲都好正🤤最後見到有人買炸燒賣魚蛋🙈太邪惡啦！！望住佢新鮮炸出黎，下次真係要試一試佢！感覺應該會好好食😆

果日4點幾開始由葵廣嘅真·章魚無雙到鮮果園嘅粒粒芒椰蘆薈再搭巴士去荃廣食牛角次男坊再食GODIVA chocolate bar之後到元朗燒賣皇后妙舒其實我都幾佩服我倆嘅食力😂😂捧住個肚見到阿妙舒諗嘅係「平時成日食魚肉燒賣，不如今次try try妙舒個香菇豬肉」仲加咗小辣燒賣足料！食到有菇味嘅相對魚肉燒賣無咁彈牙質地比較淋同埋辣椒油好味辣得嚟好過癮直頭有諗過買樽返屋企😂但價錢略貴 平均要$2.4/粒招牌香菇豬肉燒賣 (5粒) $12

為食妹好鍾意食山竹牛肉😋每次去酒樓都一定會叫！陳皮牛肉球 ($10/2粒）質地無酒樓個啲咁淋，有少少咬口，但係食得到啲牛肉纖維，應該都係有誠意既。有到有陳皮味幾香👍🏻

🇭🇰招牌香菇豬肉燒賣(真空包裝) $28/12粒小編係個好中意食燒賣嘅人💛成日聽元朗燒賣皇后好正 但冇乜入元朗今次見到荃灣有梗係要買😌買咗真空包裝返屋企蒸一打開蒸籠就好香冬菇豬肉味👻粒粒燒賣都好足料 豬肉肥瘦適中唔點豉油都好夠咸 但一定要點辣油哈哈不過唔知調味不均定點 有幾粒特別咸😣

荃灣暫時最好食孖寶都係佢😂孖寶 - 魚蛋係香魚蛋 好彈牙燒賣係香菇豬肉 大大粒好好味 唔似平時果啲咩味都無既燒賣沙嗲汁都有質素夠濃雞翼反而遜色少少 出邊夠色但入邊冇味 唔會再叫🙈

味道：⭐️⭐️⭐️⭐️/5「我們的燒賣是黃色的」嗰日睇完蘋果日報見到呢個即刻去咗試吓佢哋嘅燒賣❶招牌香菇豬肉燒賣 $12/5粒個人唔係太鍾意食冬菇 所以唔係好鍾意冬菇嗰陣味啲燒賣唔係肥豬肉做 食落唔會好油膩不過肺炎嘅關係，食完真係要快啲帶返好個口罩啦！Ps: 元朗都有分店😋

10-10-2020 (Sat)晏晝,同老公返荃灣後行經呢喥,記起住黃大仙嘅同事大讚呢喥嘅豬肉燒賣,重喺之前嗰個星期一連四日嘅公眾假期,特登搵日入元朗買,咁我嚟睇吓有冇生同雪住嘅豬肉燒賣賣,因為又咁啱,我哋有保溫袋喺身.行到嚟睇,係有嘅,$28.00有12粒,重有$29.00有6粒嘅陳皮牛肉球,$32.00有24粒嘅白魚蛋.最後我哋買咗頭兩樣各一包.包裝簡約唔花巧,只印有製造日期.翌日朝,我哋首先蒸熟香菇豬肉燒賣,蒸完出嚟,嗅到好香豬肉味,豬肉肥瘦比例得宜,口感鬆軟.味道: 4分13-10-2020 (Tue)朝颱風浪卡嚟到,掛起八號風球唔使返工,我哋就蒸陳皮牛肉球食,呢個味道同口感同喺茶樓食到嘅一樣,好味.味道: 5分