元朗新記 (鴻運樓)

營業中

休息中

新記雞粥在元朗已經有好多年，食開又新街店，但個邊無做了，是晚就黎安寧路呢邊食啦😋先進左喎可以用qr code落單，個餐牌越來越多野食，粥品、炒粉麵飯、炸物小食、燒味飯、小菜飯餐、西式焗飯、三文治、菠蘿油…實在太多選擇，仲犀利過茶餐廳😆⭐酥炸魷魚鬚炸得勁香口，而且炸漿唔厚，條條都係細魷魚鬚，唔會咬到牙都軟😎勁好食，呢樣必點！⭐香脆炸大腸個人喜好鍾意食炸大腸，好香好脆又唔油，點埋個酸味汁就完美了😋⭐香脆炸兩腸粉油炸鬼細細條，包埋腸粉啱啱好一口一件，甜豉油正，如果有埋麻醬就更好啦。⭐豬潤肉丸粥大大煲熱辣辣，豬潤爽脆肉丸彈牙，份量仲下得唔少添，食完無口渴喎，靚粥黎呀😋⭐XO醬海鮮炒飯朋友叫左炒飯，炒得金黃香口，海鮮有魚柳、蝦、魷魚等，XO醬微微辣好惹味👍⭐珍珠奶茶 & 凍檸茶估唔到粥舖都有珍奶食，朋友叫返杯試下喎，奶茶口味係港式奶茶，珍珠有咬口，走左甜啱啱好😋凍檸茶檸香茶濃，同樣叫左走甜呀。飽到上心口都唔使三舊水，好食又抵食，正呀😍

如果要話元朗最出名食粥粉麵飯嘅舖頭，我會講係- 元朗新記。又係由細食到大、陪住我長大 既一間老字號香港地道粥粉麵鋪。新記最令人印象深刻既食物，我覺得係粥🍲今日我揀左自選生滾煲仔粥· 瑤柱粥加帶子加豬紅加肉丸 ，一個非常豐富既組合。呢煲粥嘅質素一如既往 足料、精神！煲仔粥既話可以三個人食一人一碗。招牌紅燒乳鴿，乳鴿燒得好香，肉質鮮嫩👍🏻叫咗一款小菜：欖菜肉鬆乾煸四季豆，真心好食😋微辣、肉碎份量亦好多！四季豆青嫩，爽口🤩另外叫一個豬膶腸粉，豬潤新鮮、豬膶腸粉唔係度度有得食，亦係呢度嘅招牌菜👍🏻前菜揀選左海蜇八爪魚🐙依度嘅份量，比起出邊大份！海蜇、八爪魚，十分爽口！配粥或者啤酒都非常夾😎例牌叉燒半肥瘦，叉燒醃製得入味😋份量好多，抵食👍🏻今日我點咗個食物俾大家參考吓自選生滾煲仔粥· 瑤柱粥$59加帶子加豬紅加肉丸 +30招牌紅燒乳鴿$76欖菜肉鬆乾煸四季豆$61 豬膶腸粉$29海蜇八爪魚$58例牌叉燒$66七喜話梅冰 跟餐+$13新記開咗好多分店、遍布香港九龍新界，老字號就係元朗店🤩如果要食粥，識食一定係揀新記😎#元朗新記 #元朗美食 #yuenlong #chinesecuisine #c

👍🏻 酥炸魷魚鬚魷魚鬚新鮮炸起 上檯時非常熱辣辣 食落口十分酥炸 無論口感同味道都一流 值得大家一試💁🏻‍♀️👍🏻 貴妃雞粥呢個係店鋪嘅招牌菜式 貴妃雞粥嘅雞味非常濃郁 滲出啖啖嘅雞油香味 味道好正😊 令人食到停唔到口👍🏻 XO醬炒蘿蔔糕蘿蔔糕炒得非常香口 炒到皮脆內嫩 加上XO醬嘅調味 整體味道好正 配埋貴妃雞粥一齊食就無得彈👍🏻 菜心炒牛肉菜心炒牛肉非常夠鑊氣 牛肉好嫩 味道好好👍🏻👍🏻 奶油豬仔包奶油豬仔包嘅煉奶同牛油非常多 加上豬仔包整到非常脆口 注意事項⚠️-餐廳用QR code 落單 非常方便

前幾日天氣勁凍，我去咗元朗新記食粥暖一暖身。❤️蜆介鯪魚球$58蜆介醬同鯪魚球真係好夾鯪魚球口感好好，食完一嚿又一嚿😋❤️椒鹽海中蝦 $150鍾意食蝦嘅朋友必點😛蝦肉炸得好香口，椒鹽味道好香，蝦肉嘅質感都好彈牙，我同朋友都覺得勁好食😋❤️貴妃雞粥$59嚟到呢度一定要叫佢個雞粥😋😋雞肉嘅數量都唔少，粥底鹹香味好正🤩冬天食係特別好食㗎😍好暖胃呀❤️熱阿華田+$6阿華田沖得好好飲，夠濃又唔會太甜。咁凍嘅天氣飲真係暖入心。❤️養顏蛋白杏仁茶$29味道香甜，杏仁味好香😋食物好味，價錢相宜，冬天嚟食真係一流！夠晒暖胃！又坐得舒服傾到計😙同朋友都食到好滿足呀🤤

成日都聽到元朗新記雞粥，聽就聽得多，食就真係未食過😌今日終於有機會試試🥰淨係雞粥都有好多選擇，砂鍋雞粥，可以加蠔可以加豬膶，而家入面d雞都係大大舊，而且都幾嫩滑食粥點少得配小食，香口嘢就最啱啦脆卜卜豬大腸，完全冇臭味，點埋個甜酸醬，外酥內軟，皮又薄入面煙煙韌韌，無屎夠哂乾淨，簡直係豬腸界皇者食粥點可能冇油炸鬼啊，上枱嘅時候仲係熱辣辣脆卜卜，一啲都冇油味唯一一個問題，就係價錢真係貴咗啲，一碗砂鍋雞粥都$59🥲🥲唯有偶然食一次啦～

海鮮控必到到粥品店，又係時候補充一下蛋白質❤️❤️馳名海鮮粥 $81.00粥中浸泡著新鮮的蟹肉、帶子和鮮蝦，粥的滋味鮮美而濃郁，海鮮的鮮甜與粥的濃稠完美融合，帶來無比的滿足感，比得上韓式清蒸海鮮粥底。鮮蝦腸粉 $32.00粉皮薄而有彈性。每塊腸粉裡包裹著鮮嫩大粒的蝦肉，腸粉本身的柔軟口感使得整個口味更加豐富。牛肉腸粉$29.00腸粉皮薄而有嚼勁。內部包裹著嫩滑的牛肉，牛肉的鮮嫩口感與腸粉的綿滑相得益彰。凍珍珠奶茶$13.00這杯凍珍珠奶茶茶味濃厚而香醇，珍珠Q彈有嚼勁。熱奶茶$6.00茶味濃郁而醇厚，奶香滲透其中，口感濃郁而順滑，係正宗香港口味。帶子粥（有帶子、蠔仔）$71.00這碗帶子粥散發著濃濃的粥香。粥中滿滿地浸泡著新鮮的帶子和蠔仔，它們的色澤鮮亮，散發著誘人的海鮮香氣。帶子的鮮甜和蠔仔的鮮美在粥中融合，每一口都帶來滿滿的鮮味。帶子牛肉炒麵$74.00麵條炒得熟透而彈牙，帶子和牛肉則鮮嫩多汁，口感豐富。帶子的鮮甜與牛肉的鮮香相互交融，搭配著炒麵的香氣。海鮮炒飯$69.0飯粒炒得鬆散而微黃。每一口都能品味到海鮮的鮮甜和炒飯的香氣。

行經元朗新記雞粥，上次食咗雞粥，今日就試吓啲小菜和小食，點知出乎意料之外帶來左驚喜。新記雞粥除咗元朗店之外，仲有筲箕灣、佐敦及旺角分店。新記雞粥唔好似平時粥店咁單調，除咗粥、腸粉外，仲有多款精美小菜、雲吞麵、港式焗飯、公仔麵、三文治、多士等等菜式，而且價錢亦十分相宜，男女老少都適合。XO醬叉燒炒蛋     $71炒蛋賣相美觀，顏色鮮黃，生熟程度恰度好處，配上鋪面嘅XO醬，增強味道層次又不失炒蛋香味。椒鹽豬扒    $64  豬扒肉質鬆軟，入口微辣，㪚發出椒鹽嘅陣陣鹹香，即叫即炸好嘅豬扒肉汁豐富，半肥瘦嘅豬肉同香脆嘅炸蒜，食落好惹味。菠蘿咕嚕肉   $61  向來愛酸甜味道既我，咕嚕肉當然係必點嘅，酸中帶甜嘅醬汁，令人胃口大開。咕嚕肉表層炸到酥脆，外面粉漿唔會過厚，內裡肉質鬆化，豬肉亦唔會有太多肥膏，可以講係色、香、味俱全。腐乳通菜炒牛肉    $68 呢款必食小炒，最喜歡嘅炒通菜+牛肉，通菜翠綠爽口，牛肉嫩滑，加上腐乳嘅鹹香，椒絲嘅微辣，就係惹味小菜。沙嗲牛肉公仔麵餐    $37  配炒蛋、牛油厚多士，連飲品一杯。沙嗲牛肉份量唔少，口感嫩滑唔會好粉，仲食到醬汁少少花生味。公仔麵唔會煮

假日同屋企人食lunch,屋企人最鍾意食港式食物，所以一行人黎左新記食靚粥鮮雞粥：好滋補既粥品，我地仲加左咸瘦肉，令個粥既味道更加豐富，粥既口感柔软细腻，混合埋鲜雞既雞油味道，唔怪得成為餐廳既必點名物海蜇手撕雞：用左秘製醬汁，呢道菜口感清爽，食落開胃椒鹽猪扒：表面酥脆，内裏多汁。呢道菜夠晒鑊氣，椒鹽既香氣和微辣的味道好惹味菠蘿咕噜肉：咕噜肉炸到跪卜卜，豬肉外酥内嫩，醬汁既酸甜味適中，中上水準椒鹽鱿魚：我地個個都好鍾意呢道菜，鱿魚既表面非常酥脆，入面就非常之鲜嫩，成碟大大碟都係60零蚊，味道有外面大排檔賣成百蚊一碟既水準，呢個大推炸雞翼：類似舊式大排擋既製法，即係生炸，咁就唔會食到成口粉,入面仲好juicy tim 我地四個人食到鬼咁飽都係300幾蚊埋單，呢個價錢食到呢個水準真係要推介下，難怪呢間餐廳成日都坐無虛席

前排同屋企人去左食雞粥，估吾到除左粥之外，食物種類仲好多元化，有小菜、燒味、炒粉麵等等。貴妃雞粥 $59黎到當然要叫碗雞粥，雞件都幾多，雞肉吾鞋，粥煮得夠綿，幾入味，仲有一絲絲既薑絲同蔥粒，食完吾會覺得口渴。不過都要小心啲食，因為會有雞骨碎。蜆介鯪魚球 $58鯪魚球夠大粒，大過乒乓波！口感彈牙，配埋蜆介醬汁更好味！星洲炒米 $60星洲炒米好大碟，一齊share食就最岩！炒得夠乾身，吾油膩，入面有一般既火腿絲、蝦、叉燒等配料。蝦腸 $32每條蝦腸都有2大隻蝦，蝦肉彈牙，腸粉都算滑。燒味拼盤 $93份量十足既燒味拼盤，有貴妃雞脾、叉燒、海蜇、分蹄。貴妃雞脾調味幾好，叉燒吾鞋，海蜇同分蹄酸酸辣辣，幾開胃。中式京都豬扒 $67豬扒份量同樣多，大大塊，連住少少骨，咕嚕醬汁，最岩配飯。炸芝麻球 $24見隔離枱叫左幾特別既甜品，我地又叫左一份，口感煙煙韌韌，入面有紅豆蓉餡。

有時候食過既餐廳，就係要整個Good list，有邊D好食既就可以記住，有機會經過的又可以翻食，今次經過新界，那就要再去呢間食馳名既粥🔥馳名海鮮粥以海鮮為主要，包括帶子、蝦、蟹、魚片、鮮魷等等，粥底有著濃郁的海鮮風味，是海鮮愛好者的首選🤞🏻金牌貴妃雞主角是嫩滑的貴妃雞肉，鮮嫩多汁，點一點蔥油更香😝紅燒元朗脆皮乳鴿鴿皮酥脆可口，一隻分成四邊，幾個人食都夠☺️七喜龍眼冰&七喜話梅柑桔冰七喜龍眼冰以龍眼果肉和香甜的七喜汽水為特色，清涼爽口✨七喜話梅柑桔冰則結合了話梅和柑桔的酸甜口感，表面還有七喜的氣泡感😉養顔蛋白杏仁茶杏仁茶滋補養顏，口感順滑，帶有淡淡的杏仁香氣，在享受美食的同時亦能養生✌🏻好味指數：8/10性價比指數：8/10餐廳名稱：元朗新記餐廳地址：元朗元朗安寧路21-35號鴻運樓地下7號舖電話：26182182

耐唔耐就黎元朗搵食～多數黎新記都係食雞粥，今日就食下小菜。當日客人唔少，但上菜超快，好有效率。店員都爽手會幫手收碟。👉🏻酥炸魷魚鬚炸得金黃鬆脆，份量好多，點喼汁食好好味呀。👉🏻香脆炸大腸爸爸最愛，唔會太肥，但又保留少少油脂，香脆無騷味。👉🏻鹹魚雞粒炒飯雞粒同鹹魚都好多，大大份炒得乾身唔油，幾好。👉🏻菠蘿咕嚕肉我覺得偏酸少少，但食落又真係幾開胃🤤炸粉唔多，所以質感無咁脆，係比較軟滑。👉🏻魚香茄子煲幾有驚喜，唔係好多餐廳有落鹹魚，呢煲有落鹹魚粒，整體好惹味又唔會太咸，送飯一流。

今晚黎到元朗搵食•蜆介鯪魚球鯪魚球大大粒 鯪魚味還好 但有點略咸•XO醬炒蝦米腸🦐足料蝦米 而且用埋XO醬炒 好惹味 •海蜇燻蹄呢碟就中規中矩 無咩特別•XO醬口水雞呢個口水雞好辣仲要有埋XO醬再將個辣升級 鍾意食辣就岩哂

元朗本地特色小菜抵食之選香港特色的本土菜式，性價比高，抵食又好味！《X0醬叉燒炒蛋》$71餐廳推薦的美味菜式，肥瘦均勻的靚叉燒，以炒蛋的方式來配搭，炒蛋炒得很香滑又嫩口，加上餐廳推薦的XO醬，撈飯簡直無得輸！好食！《貴妃雞粥》$59餐廳另一推薦人氣菜式之一！本港特色美食雞粥！貴妃雞粥的雞肉很嫩滑彈牙！重點是雞粥煮得很香綿，易入口，綿綿的感覺配合雞的香油，絕配！《叉燒腸粉》$29腸粉又是香港特色的美食！這份同樣地用上了肥瘦均勻的叉燒作食材的腸粉，腸粉皮滑，配搭靚叉燒，是美味的腸粉！《紅燒元朗脆乳鴿》$76乳鴿同樣是香港特色的美食！皮脆肉嫩的乳鴿，紅燒的烹製方法處理的好！外脆內軟！田園風味十足！必叫！

作為一個元朗國民～我推介大家去食新記雞粥，因為我真係由細食到大。而世宙對面呢間環境舒服d，又好坐D，裝修環境以舊日香港為主題，令我懷念返細個既開心時光。元朗脆皮乳鴿$76敏仔既最愛呀，外脆內軟又啖啖肉汁既乳鴿，真係好好味🤤蜆介鯪魚球$58大大粒彈牙鯪魚球，配埋蜆介汁增加風味。XO醬炒蘿蔔糕$58粒粒蘿蔔糕外脆內軟，外層既咸香xo 醬好惹味，而配菜既3色椒又好fresh👍貴妃雞併田雞粥$83緊係要食招牌啦，今次我拼埋田雞，因為係生滾粥，貴妃雞既雞油香氣完全滲透落粥入面，好綿滑勁正。香脆油條$12為左增加口感，我加埋油炸鬼落粥入面點黎食。公司三文治$43 敏仔要求既，佢最鐘意咁多料既3文治。凍珍珠奶茶大大粒珍珠，好滿足七喜話梅柑桔冰話梅酸酸甜甜好解渴。食評總結：一個平時唔係點食粥既人，黎到新記都必嗌雞粥，你話個影響力幾咁大，竟然令一個唔食粥既人食粥，呢間我成日都去，大部份食物都一定好食，真係試得過ga👍

老字號嘅店鋪真係越來越少，🪄嚟到元朗一定要來新記尋找回憶的味道❤️🦑推介酥炸魷魚鬚 $61非常有魷魚味，唔會太乾身，新鮮脆炸脆卜卜🥢唔需要點喼汁都非常惹味🍚招牌 XO醬叉燒炒蛋飯$87叉燒肥瘦適中，配上滑蛋口感豐富🥚🍜鮮蝦雲吞麵 $41非常推介鮮蝦雲吞麵，非一般蝦肉🦐彈牙又爽口，雲吞餡料充足🥟同平時自己喺屋企包的水準真的差太遠，味道未到這裏的一半😅套餐+3 飲品🥤凍檸茶七喜龍眼冰 $25🥤🌟中午時段好多人，排隊食好嘢非常值得🌟地方乾淨🌟手機點餐方便