傅師傅甜品小食

營業中

休息中

舆朋友大圍飯聚後未盡興，於是找一家甜品店繼續食，大圍其實都有不少甜品店，有新式、fusion 的，我們選了一間地道的，冇乜裝修，但有好多甜品種類選擇的－傅師父。我們點了三個甜品，椰汁鮮奶桃膠，味道清甜，又滋補養顏，桃膠分量很多，秋冬必食！什果涼粉，一般冇特別，生果也甜。杧果汁底杧果布甸＋雪糕，個计好濃，布甸賣相就不太好，不過味道還是可以，如果雪糕味道選擇多一點便更好！價格ok, 所以這間店可以再次幫襯！

來過好多次傅師傅這裡食甜品，每次甜品一上枱便急不及待開始吃，沒拍照，遲遲沒寫食評。今次終於記得相機食先！這小店有相連的兩個舖位，一般晚上都好多食客，要等候一會兒才有位。今次去到剛好有位不用等！今次我們一行兩人，點了楊枝甘露、合桃糊和雷沙湯圓！這裡的甜品款式多，除了傳統的xx糊、豆腐花、中式糖水之外，還有好多西式甜品例如心太軟、香蕉船。另外也有自家創作特式甜品！楊枝甘露是香港名物，芒果汁香甜，配上柚子少少酸味，正！還有幾塊鮮芒果，太美味了合桃糊都很香，不知是否自家磨的合桃呢？雷沙湯圓的size剛好一口一粒, 陷料不會弄至口唇變黑誠意推薦這間地區小店給大家

今日經過大圍即刻湧現中學回憶，決定去食以前中學Lunch time最中意食既傅師傅。一般人可能以為呢度淨係主打甜品，但其實亦都有賣湯麵🤗以前最中意食咖哩湯底，今日嗌咗一碗咖哩雞排烏冬，一碗地獄龍脷柳拉麵，一杯蜜瓜汁。而且唔止中午時間有，湯麵係全日供應👍🏽咖哩湯底完全係中學時期食既味道，完全係回憶，好夠咖哩味，有少少辣既😋😋😋😋雞排煎得好香，而且大嚿👍🏽地獄湯底味道帶辣，好香，岩哂中意食辣既朋友仔。龍脷柳亦都有3大嚿，好味😋😋呢度甜品舖有果汁嗌，所以唔飲汽水，呢杯蜜瓜汁唔會係糖水既死甜，而係有新鮮水果味道👍🏽價錢適中，都抵食，而且d姐姐個個都好Nice，我係呢度常客🙋🏽‍♀️

晚上同朋友係大埔傾計，傾計期間朋友提議去食糖水，所以就特登揸車去咗大圍積信街呢間老字號糖水鋪幫襯。呢間糖水鋪好耐之前都有幫襯過，印象中感覺不錯 ; 糖水種類比以往多咗好多，而且價錢亦不貴，好似無咩點變，最後叫咗凍芒果梳乎厘。凍芒果梳乎厘 ($45) : 梳乎厘焗到脹卜卜賣相幾吸睛，而且除咗面頭嘅士多啤梨同芒果肉外，原來裏面都重有芒果肉，梳乎厘食落口感鬆軟，加上旁邊重有幾片好甜既芒果同超好味既雪糕，真心超級正，下次一定會再幫襯。😋

上一次黎食係兩年前凌晨既事當時係踩完單車順便食個糖水-今日同友人重享舊地諗翻兩年前又想食糖水就黎翻呢間-款式比起兩年前多左好多👀中式同西式都有，好多選擇⭐️⭐️⭐️-諗左好耐都諗唔到食乜最後友人就揀左 熱榴槤鮮奶焗蛋 $38好好食！鍾意榴槤既朋友千奇唔好錯過係甜左少少，但要咁甜先襯得翻呢個焗蛋，食落個蛋身都好嫩果然無叫錯👍🏻👍🏻👍🏻-而我就叫左個凍既芒果雙皮奶相比上圖既燉蛋，可能因為食完個甜既之後呢個變得無味😥芒果係甜，但燉奶奶味又唔出，下次想食燉奶既話我諗熱食會岩少少

食完墨魚丸牛腩河，想食返啲甜嘢(⁎⁍̴̛ᴗ⁍̴̛⁎)就去咗食甜品o(≧v≦)o食甜品有另一個胃(*¯︶¯*)叫咗個芒果千層酥，同雜果世界~\(≧▽≦)/~兩個甜品都好好味☆*:.｡. o(≧▽≦)o .｡.:*☆

飯後就去食甜品，我地猶豫不決食邊間甜品好呢！最終就食呢間糖水鋪。我點了凍芒果雙皮奶，味道一般。沒有太大特別。朋友點了凍紫薯鮮奶焗蛋，雙層效果都幾靚。之後試了少少，紫薯味都幾香濃。朋友點了椰汁鮮奶桃膠，桃膠好多，好似不識公本咁，都值得一鑽。味道都可以。

腐竹雞蛋糖水，今次叫左個凍的。我覺得佢既甜度算是剛剛好，幾解渴，易入口。腐竹沒有煲得太過腍或太過爛，反而實實在在的，一小片一小片的。不過這也好視乎自己的口味，有人喜歡吃那些煲得比較乳化感的腐竹唷。而這種比較重咬口，質感的確實在好多。雞蛋是普通的烚蛋，可能烚蛋是上菜的時候先加到碗裡，沒有太多糖化感。食落去總有點格格不入。

一切都是一個意外😧。本打算乘巴士到城隧轉車再回男友家，沒想到上車後大家各自玩電話，竟然過了站，去了大圍😱。即然連上天也要我到大圍，不如搜尋🔍一下附近有沒有糖水鋪🤭。1️⃣ 焦糖香芋西米焗蛋白（熱） $35 焦糖、蛋白、香芋西米可以輕易分開😟。-👎🏼焗蛋白只有薄薄一層，而且一點也不滑。蛋白間太多氣泡😧-🥺很香香芋味，但香芋太大粒，令香芋西米失去它應有的幼滑感。•2️⃣ 凍芒果梳乎厘🥭 $45蛋白中間加了粒粒芒果🥭。-但它的質感並不討好。空氣感是有，但絕不是熱梳乎厘那回事🤯。-整個甜品最美味的是伴碟的新鮮芒果肉🥭，非常甜美😋。-感覺中了一大伏，吃完後非常後悔，完全浪費了我的Quota。回頭指數：0/10 （一間吃過後會覺得浪費了Quota的糖水店🤢）

係大圍食完夜晚就搵下糖水食, 見到呢間門面幾傳統, 又幾多人食就諗住實無死, 點知最後又貴又唔好食。其實餐廳有好多選擇, 有傳統糖水/ 窩夫/ 心太軟等等, 連熟食都有做。今次要左一個雜果黑珍珠($30) 同埋芒果雙皮奶($35)。芒果雙皮奶賣相唔太好, 芒果汁上面有d黑色點點, 芒果幾甜既, 不過大西米質地好實, 似放左好耐,個雙皮奶質地好硬, 唔滑, 而且無奶味, 淨係覺得甜, 食完覺得好滯。雜果黑珍珠雜果份量好少, 每款瓜類得一粒, 黑珍珠係椰汁底, 好甜好甜。

岩岩食完dinner,又冇咩地方想去，自然第一個諗到食甜品，冇特定話想去邊間，打算是但見到邊間就入。比佢嘅燈牌吸引，除左佢大大字寫住有甜品食之外，仲有種鄉村香港嘅感覺，幾符合大圍比人果種嘅郊野感。細細間鋪，簡單嘅裝修，客人大多都係來自鄰舍。甜品選擇頗多且特別，中西式嘅都有。最近自己實在太鍾意榴槤，所以毫不猶豫咁嗌左個出面完全未見過嘅，榴槤鮮奶焗蛋。一上檯就係散發左勁香嘅榴槤，我唔食榴槤嘅友人，都形容佢嘅味道係香！甜品分三層，第一層係燉蛋必有嘅糖焦，第二層係燉蛋，第三層係榴槤加西米露。 成年事係意想不到地夾！最底嘅榴槤勁足料，你食見到啲榴槤蓉嫁，不過如果佢可以起走啲榴槤絲會更好。加埋上面層燉蛋加糖焦，係超級出色。係一個完全冇期待嘅情況下，食到咁出色嘅甜品，真係比到驚喜我。

同朋友食完飯想搵啲甜品食,路經這間叫傅師傅甜品小店 ,地方不算太大 ,只有7、8張枱 ,但甜品種類很多 ,梗有一款啱自己的口味.今次叫了一碗雪耳龍眼糖水, 雪耳係好滋潤再加埋龍眼, 口感非常特別.這間店舖雖然細小,但人多的時候去他們可以加枱.甜品小店坐落於大圍火車站附近. 落車後只需行五分鐘就到 ,交通十分之方便,附近仲有好多食店,食完糖水再可以喺附近食下啲小食.甜品款式種類十分多 ,有我最喜歡的芒果, 有芒果涼粉冰 、芒果雜果冰、芒果沙冰等等都係我嘅至愛.大圍係沙田夜市最熱鬧的地方 ,如果想食甜品, 不防來到大圍尋找美食.

朋友以前喺大圍讀書，入開黎踩單車，佢就話：不如黎傅師傅食甜品，以前好好食呢到人的確好多，好似喺大圍區幾出名但當我地7個人叫左6個甜品⋯冇一個好食唔通係退步左？定一直都係大家都被口碑蓋過左自己味蕾呢？我食左呢個芒果窩夫芒果酸，好👌🏻我當唔當造⋯Waffle一來唔夠熱，食落口感同港式格仔餅冇咩分別⋯點解waffle可以係un un地嘅？真係第一次體驗⋯難道係此店特色？粒士多啤梨，得果半粒，都想試試佢⋯點知⋯得半粒你都俾個爛嘅我⋯有一撻黑左嘅？半粒士多啤梨都俾粒爛嘅人，點解咁小嘅錯誤都可以忽略呢雪糕唔難食，就係普通嘅雲呢那味個吉士醬，唔襯呢個窩夫朋友叫左心太軟，個心太軟有2/3都唔流心，其實呢d基本野都做唔好，唔明點解仲有咁多人真係慕名而來。另外，d阿姐趕住要你落單同埋單，而且又唔好食我同朋友都走左之後問大家：究竟我食左d乜呀？

約四年前在大圍返工，食過呢間甜品鋪好好食，上星期同朋友去開大圍就諗住帶佢地食平民隱世甜品鋪！叫左OpenRice 最多人推介既心太軟...心太軟：食第一啖就覺得咸...唔明點解朱古力心太軟會係咸，心諗會唔會係自己問題啦，所以叫埋朋友試下...佢地都話係咸.....完全地獄只能講....「往事只能回味」

已有一年多沒有到過大圍，很多食店已面目全非，看到這甜品店仍然在這村屋，便走進去探訪一下這水準有否提升！我们點了焦糖旦白焗芋蓉西米和雞旦焗紫薯西米。這兩款食物是類似的，同是四種味道集一身。焦糖一>旦白/燉旦一>西米一>芋粒/紫薯焦糖面是即燒，旦白/燉旦夠滑，味濃，我以為是芋蓉或紫蓉，原來是粒狀，吃起來更真實和有囗感，西米正常水準！整体不太甜，材料配合適宜，如再焗得熱騰騰一點，就更加好，天气冷了，熱食是首選！這款甜品配搭，我暫只是第一次遇到，有心思，有進步。