傅師傅甜品小食

營業中

休息中

呢間野喺大圍都做咗好耐，由細到大都見到，有時夜晚仲好多人幫襯排晒隊咁，之前都係叫啲普通糖水食。例如焦糖燉蛋，豆腐花，雙皮奶呢啲，佢哋都係味道還好，唔會差得去邊。係今日有慶致試下其他野食，就試咗個「凍芒果梳乎厘」，一黎到見到個樣已經feel到賴野，諗住食落應該唔同啲。嘩！！用匙羹一開，個「梳乎厘」出水既！！！！放咗一啖落口，即刻想嘔返出黎，梳乎厘連個樣唔似，成個海綿咁都算，裏面仲可以出水？！啲芒果粒又唔知點解同個「梳乎厘」格格不入，好似啲幼稚園小朋友癡貼紙咁癡啲芒果上去。總之一句講晒，比狗食價值$52以後唔再幫襯

平時唔係食開呢間，但係朋友佢以前係大圍返學，話傅師傅好好食一定要試，咁我就嚟試吓。堂食位置唔多，枱與枱之間好迫，只要動作大少少都會整到其他人。都唔緊要睇下餐牌先～選擇唔多，諗住食西米露個d，再望下其他人食咩，d碗勁細咁細碗收呢個價錢真係有d貴… 最後我叫左心太軟，因為價錢同其他店舖比較接近。等左幾分鐘心太軟已經上枱，心諗唔掂啦，一睇就係焗定之後再反焗已經焗到乾晒… 再切開佢一睇！無！流！心！朱！古！力！呢個叫心太軟？ 焗到個心都無左啦！嚴格嚟講佢只係一個朱古力蛋糕.. 當時一刻真係想講粗口🤬 好唔開心，好難食點解咁樣都可以比客食？定係我顛覆左心太軟呢個甜品嘅食法？同區相同價錢有更好選擇，以後不會再幫襯..88

整體算滿意的甜品店，心太軟朱古叻味濃，窩夫好好味，還有好香雞蛋味的布甸。楊枝甘露好味，配上芒果布甸及雪糕，一次過大滿足。3.6牛奶布甸確實係牛奶味濃，但口感好粉，不是我喜歡的味道。

今日叫咗兩碗糖水，一個係熱豆腐花，豆腐花几滑，味道唔錯，另外一個係芒果紫糯米，芒果有少少酸，份量小，紫糯米唔係太甜，地方唔糸太大，人流唔算多，唔會太迫，冷氣唔太夠

叫咗椰汁西米露同芝麻糊，兩個都超級難食，加咗水一樣，未食過咁稀嘅糖水之前已經食過一次，都正路，唔係話好好食果隻，突然想食芝麻糊，諗住呢間開咗咁耐應該穩陣，點知…………..唔會再食🤮🤮🤮

今晚落大圍諗住食中式糖水，之前都食過傅師傅，所以今晚決定再去食下。入去嘅時候冇人，坐低之後好快叫咗碗涷合桃露，安頓咗另外一台客之後。我哋侯家咗碗熱芝麻糊，無耐佢就拎咗碗凍合桃露出嚟，點知個合桃糊冇乜味，跟住就聽到佢用微波爐嘅聲，心知不妙，攞出嚟之前仲要聞到有少少燶燶哋嘅味，點知食落真係有燶燶哋嘅味，個碗真係熱㗎，唯一可以讚嘅係糖水唔係我甜，不過諗都諗唔到會叮翻個芝麻糊，超失望，仲要$30，唔會再幫襯！

未食過咁難食既糖水，一心諗住食個清潤啲既糖水，所以揀左海底椰馬蹄雪耳，打開一睇，清晰的顏色，看得出係清水加糖再加啲料噃熱咁，好失望！食左幾啖已經食唔落，好唔想浪費，但真係無辨法

小小disappointed ge 桃膠天氣轉涼, 想食D滋潤D ge 甜品, 就叫左個熱ge椰汁桃膠本身有小小期望嫁, 點知上到黎ge時候, 佢唔係太熱同埋食得出佢只不過係就咁將D 椰汁整番熱佢, 再加番小小桃膠椰汁有小小淡, 唔會話好好食我會覺得如果我自己去整, 都可以整到ge 甜品:|唔會話好好好差, 但食過一次就夠~

回想呢間甜品好耐了以前中學時代佢新開當時覺得好新鮮好想黎幫襯呀今日再來食既係回憶味道點左~心太軟可能出邊太多竸爭了呢個心太軟唔算特別突出只是合格都做到流心既但略嫌個外皮唔夠鬆~什果涼粉朋友點的見到幾款水果涼粉正常呀

-{大圍甜品舖🍰}細細個食依間甜品到而家都仲喺度 以前最鍾意食火焰雪山不過今次冇嗌😂🤤凍芒果梳乎厘🤤 ($45)核乎厘好個大又好fluffy少少甜甜地好好味😆而且芒果好甜😍個雪糕係普通雲呢嗱味嘅雀巢雪糕👖褲評: 8/10🤤楊枝甘露🤤 ($35)係普通嘅楊枝甘露 啲西柚有啲苦🥺不過啲芒果都係甜嘅~👖褲評: 7/10楊枝甘露同以前嘅味道差唔多 仲要冇乜加過價 糖水舖來講真係幾高質☺️性價比: 8.8/10服務: 7.8/10環境: 7/10🚩 傅師傅甜品小食🚩地址: 大圍大圍村第六街1號地下

入大圍踩完單車， 之後去食甜品降溫。有間地道甜品店，座位不多，有隔板都唔算太迫不過環境清潔就一般般的，周圍都黏笠笠， 價錢都合理，但配上環境裝修服務感覺有點貴，比較有特色的都過50元。阿女一入店就話要3個雪糕球個款， 店員秒答「點心」（$58）。有芒果肉，香芋，雲哩拿，紫薯配窩夫。賣相都精緻不過過於空洞。窩夫得2件8分1， 真係好細小，不過就微熱微脆， 配合雪糕食，冰火口感不錯。可惜的係紫薯，本以為都係雪糕， 原來唔係，味道合格口感粉糯似紫心蕃薯多過紫薯囉。以為係雪糕係冰凍，但第一啖係暖的， 感覺好怪，感覺被騙添，阿女仲話好難食，中伏。

黎咁多次都唔知呢間甜品店叫咩名，今次寫食評終於知道佢原來叫『傅師傅甜品小食』今次我同個frd每人各叫左一樣甜品，分別係傳統既番薯糖水加湯圓、凍既芒果紫糯米總共60元，好抵食！佢地既芒果好甜，配紫糯米一齊食好爽！另外個番薯糖水就一定無出錯，味道好好，如果薑味能夠重d就更加加分😘

今日晚飯後，係朋友既介紹下，黎到呢間傅師傅甜品店食。好彩早黎一步，因為之後開始陸續多人甜品選擇都幾多元化，除左有中式糖水之外，仲有西式甜品，聽講窩夫都係必試之選，但我又有點口乾，於是就點左個什果黑珍珠，再同朋友share一個芒果窩夫什果黑珍珠好快就有得食，什果份量吾算太多，好似有點吾夠喉。西瓜清甜多汁，幾解渴窩夫一上枱賣相已經贏晒，大大舊芒果配熱辣辣既窩夫，食既時候再點少少雪糕一齊食，冷熱交融既感覺十分滿足每次食完晚飯，都要再食個甜品，先叫有個完美的句號

椰汁鮮奶桃膠：其實好少食桃膠，凍食桃膠不會有硬的感覺，幾好！椰汁和鮮奶配搭一流，濃濃的椰汁帶上香香的鮮奶，特別滋潤香甜！北海道牛奶奶凍：面頭有一大片新鮮芒果和士多啤梨點綴，奶凍非常滑溜，牛奶味香濃！芒果布甸：有新鮮芒果粒，口感一流，配大量花奶，正！小孩至愛。

曾經聽朋友的朋友話這間糖水舖的甜品好食，而這間糖水舖又的確在原址屹立了很多年，今日經過便姑且一試。望了門口的餐牌良久，盡是時下流行的甜品款式，令人花多眼亂，價錢由三十幾元起跳，一款傳統中式糖水也沒有，帶點失望的我便求其找個位坐下。瞄一瞄檯上的餐牌，居然又出現多款中式糖水，掙扎了一輪，結果點了個　～　熱龍眼雪耳炖雪梨 ( $32)，潤下肺，心想老舖出品應該不太差吧。等了一會，糖水送上，看來都幾足料，滿滿一碗，惟湯匙有點髒，不打緊，自行抺抺便繼續用。第一口先喝糖水，真的只有純糖的清甜味道，其他味道一律欠奉；再吃雪耳，雪耳大朵，色澤雪白，是採用經已漂過的貨色，賣相雖好，咬口都OK，缺點是一點味道也沒有；至於雪梨的確咬落非常爽口"結實"，但不要忘記這客是"炖" 雪梨，理應煮透，口感軟淋，雪梨原始清甜味應該滲透進糖水中才對，而不是原汁原味仍很新鮮地保留在果肉當中。可幸，這還是一碗足料的糖水，因為入面還有稍為正常味道的北杏同好像額外後期才加上的幾片馬蹄以及很多粒剛好煮腍的龍眼肉。總結之言，五種材料獨立的味道，各自為政，互不相干，妨如食車仔麵一樣，從一個個獨立盛載著不同材料的器皿中抽取相關的食物，然