傅師傅甜品小食

營業中

休息中

同老公&BB諗住order完豬扒拉麵和吉列魚拉麵再order甜品，長髮呀姐落單時，已告之餸另上，但佢落單時已態度敷衍，但兩個拉麵到時，不但只拉麵在我的BB車上過(我嗰仔在BB車上),吉列魚並沒有另上，她話我只是說了豬扒另上，而且餐牌上的魚枊是在湯麵裏的，(但其實餐牌上兩者也是在湯麵裏的),我問她是否新來的，她反而話我第一次嚟食，重要眼神兇住我，我自問十幾歲已來博師父食野，食到依家仔都生捏埋都專誠嚟幫襯，估唔到依家請d人係咁。結果我們食完兩個麵就去了第二間食甜品，大圍並不是只此一間!!!服務態度地恐怖！！！

又一個想食糖水的晚上，素聞傅師傅是酒店大廚級的甜品店，慕名一試。入到店第一個感覺就是說不出的殘舊感，懷舊稱不上，傳統又未算最傳統，坐下來看到的是「桃李滿門」這種甜品名字，果然與店環境很脗合。點了「炸雪糕」及「狀元窩夫配雪糕」，炸雪糕先來，嚇了一跳，份量很大，一看就知吃不完。炸物有三顆，切開後見到很厚的炸皮，很厚很粉，裡面的雪糕完全就是便利店能買到那些雀巢杯裝雪糕的味道，三顆分別就是朱古力，士多啤梨及vanilla, 好一個家庭裝雪糕的味道，最後當然是吃不完。男朋友的甜品及後來了，又是vanilla 味的雪糕，而窩夫是很厚那種，不脆不鬆軟，有點尷尬，卻又很頂肚，吃完後簡單像吃了一頓飯似的。這裡的雪糕不可以選味道，卻又是普通的雀巢雪糕，以他的價錢來說真的非常失望，現時隨便一家甜品店也會提供H 牌或M 牌雪糕，沒有不要緊，也可以提供一些不要那麼傳統的口味吧？香港人吃得刁鑽，甜品更加要日新月異，仍保留這些傳統模式的，要不傳統到底，要不好味到不行，傅師傅看來處於很尷尬的位置

以前大圍無甘多甜品舖, 傅師父開張簡直好似甘露一樣, 因為多款式, 而且真係好味, 仲記得果時真.傅師父Philip真係坐陣係舖頭架.同住係附近既少時朋友出黎吹水, 傅師父啦, 唔駛諗, 一坐低大家都叫番自己喜歡既甜品: 芒果梳乎里, 芒果雙皮奶, 同繽紛世界, 我指定食既繽紛世界都無乜走樣, 其實係雜果大菜糕, 純粹係隊長好鍾意食大菜糕, 如果大菜糕都走樣都好大獲, 不過生果就切得"那西"左, 是但切到大大舊扔落碗甘; 芒果雙皮奶都keep到, 無話雪完之後變得鞋烚烚, 芒果既份量都夠; 至於芒果梳乎里就走左樣, 梳乎里唔鬆軟, 變左入口一pat pat, 好似漿糊甘, 而且芒果味唔夠, 同以前食既感覺差好遠~雖然附近都開左好多甜品舖, 不過我呢位街坊都係鍾情傅師傅, 縱然佢水準下降, 但都未至於好難食, 而且仲有多同埋似樣既傳統中式糖水食, 呢樣係附近既甜品舖提供唔到的!

食完飯，行左勁多路好熱又口渴見到傅師傅糖水就諗住食碗糖水休息下一睇餐單就覺得比以前貴左好多不過通脹加價都明既最後諗住叫碗腐竹蛋糖水簡簡單單又解渴點知黎到個下就覺得中大伏因為第一次見腐竹蛋唔係白色的個碗野完全係一碗糖水放d腐竹碎落去就當腐竹蛋糖水真係太誇張完全係得d糖水味，甜到嚇死人最後真係連食都食唔哂決定唔會有下次！

火焰雪山係其中一個會吸引我每次係大圍食甜品都黎到傅師傅的原因之一。外面係用蛋白發成泡泡再燒的有焦的顏色，再加D朱古力醬。裡面係類似紙包蛋糕包住冰凍的雪糕，外面係熱，入面係凍，冰火衝擊！真係好正！碟邊仲有D生果，好甜好多汁正！

傳師傅甜品地點不顯眼，小店子絶對是做街坊生意，入座後見到餐牌原來還有粉麵選擇。我要焦糖燉蛋，焦糖很脆口，燉蛋滑。朋友要涷香芒西米露，我們每款式分享一半，不太甜的西米露，突顯熟芒果份外甜，不錯！兩位共$60

大圍有好多間糖水舖好多糖水舖都不斷易手 做唔住唯獨是傅師傅多年以黎仲屹立不倒保守估計都起碼20年 (小弟有認知能力開始, 就發現呢間糖水舖既存在)呢間老字號做到咁多年, 肯定有佢既原因呢次同幾位朋友揀呢間老字號食下d傳統少少既糖水龍眼雪耳炖雪梨龍眼雪耳炖雪梨 ($30)有d口渴 又唔想淨係叫杯野飲就揀左呢個生津又解渴既龍眼雪耳炖雪梨全天然既食材唔駛加好多糖已經夠哂清甜解渴好好味 (雖然d朋友對我揀個咁非主流既糖水有d側目..)芒果豆腐花 ($32)朋友好鍾意食芒果就揀左呢個甜品可能今次d芒果唔係太甜令到成碗糖水扣左分但個豆腐花夠滑都值得俾4粒星鮮果芝士餅 ($30)呢個cheesecake有別於其他新式d既糖水舖既cheesecake佢相對上個味無咁濃亦都無咁漏所以唔會有滯肚既感覺食慣新式甜品店間唔中食番d傳統少少既糖水舖其實會搵番d童年回憶仲反而覺得有d新意添!　

呢個擂沙湯圓可算全晚最好食!圓圓大大粒熱辣辣，入面啲料又夠😇😇。糯米粉香，煙韌不痴牙!由於楊之金露味道太搶，蓋過了牛奶布丁的味，所以本人覺得分開食會好啲...😅😅😅朋友話呢度炸雪糕麻麻地，因為好既會內凍，外熱唔會溶曬。呢度個炸雪糕切開已溶一大半。不過我又覺得幾貼心，一碟有三款味滿足客人要求。而且外皮鬆似puff,合格有突。😈😈😈芒果waffle香就香，但唔脆，可能因為芒果本身太多水分仲有配雪糕。但充分食到牛油同蛋味已經好滿足!

呢間係中學時期Lunchtime必食，日日都有唔同既糖水甜品送，有時仲有焦糖布甸吉列豬扒日本拉麵($30連糖水)湯底係鯊魚骨豬骨湯，湯底好濃架吉列豬扒即叫即炸，份量亦唔少，仲有最愛沙律醬，粉漿唔厚，相當唔錯！拉麵係扁身果隻，回憶的味道呀是日甜品食紅豆沙，超足料，仲要好味

中學時在大圍上學，放學/晚上偶爾也會來傅師傅吃甜品，但午餐時段來則是第一次。我點了一個吉烈豬排拉麵(鯊魚骨豬骨湯底)，一開始看到鯊魚骨真是嚇了一跳，吃下去和普通豬骨湯底相近，加上些少酸味，個人覺得可以接受。吉烈豬排外皮煎到頗金香，味道當然不能和高級日本餐廳媲美，但算是中規中矩。一碗麵加吉烈豬排已經飽飽的，然後還有一個飯後甜品，今天是喳咋，料很多，吃得很過癮所以忘了拍照。以上這麼多只需$30!!姨姨態度也不錯，可以再光顧。🙈

尋日同老公游完水, 食飽飯先後再食甜品...(抵銷返消耗左o既卡路里XD)大圍除左多按腳舖頭, 其次就係糖水舖~ 今次試呢間傅師傅~ 紫米露係我必叫item...所以叫左芒果紫米露, 只得凍食~另外都試d 新野...焦糖香芋焗蛋白西米(好似係), 有凍有熱...香芋西米我中意食熱o既, 香甜好多架~芒果紫米露 ($28) - 芒果有7-8舊, 芒果大多香甜唔酸, 紫米好足料仲唔會太甜~ 必食!焦糖香芋焗蛋白西米 ($32) - 焦糖蛋白o係面, 底層係預先溝埋o既香芋西米...超好味, 亦唔會太甜~ 香芋被攪成蓉再混合西米, 仲有細細粒芋頭, 口感好豐富~~ 聽聞心太軟又係好好食, 下次試下先~~ 

今晚係大圍食完夜晚飯，跟住就周圍散下步咁。突然見到呢間傅師傅甜品小食，就諗住食個甜品先番屋企，我地睇完個餐牌，見有個楊枝甘露雪糕布甸好似幾特別，所以就即刻叫左黎試下。過左無幾耐，就上枱喇，外觀上都算幾靚，同埋都比較小見到呢種甜品係其他糖水舖出現。跟住一擺落食先發覺原來味道上都算係唔錯，楊枝甘露唔會太甜而且夠凍，食落甜而不膩；布甸夠硬身唔軟淋淋，食落有口感；可惜雪糕以比較快嘅速度溶化，呢樣真係有啲美中不足。不過如果咁岩經常呢邊附近不妨黎試下呢個甜品喇，因為都算係個有特色嘅甜品。

今日係大圍食晚餐，食完之後晚餐餐廳的甜品唔係好岩食，就上網再搵搵，搵到呢間地方方便，係我地隔離街的小小甜品舖好多好多款揀，仲唔係平時hea hea 的糖水，係真係要用少少時間整既甜品， 印象分大加1. 本來想食好特別既錢袋，但可能早左d. 未有得食， 轉叫左什果斑蘭窩夫，窩夫熱辣辣好新鮮，斑蘭味好香，內裡又軟綿綿咁，但旁邊的吉士醬微微唔夠香滑2. 第二個係心太軟，加埋什果既心太軟係好吸引既~~ 仲有d 杏仁粒粒，新鮮整起，並唔係返叮，好多好多朱古力醬流出黎，可以點什果黎食tim. 不過什果就好似少左少少3. 酥皮焗香蕉，我係炸香蕉同焗香蕉中揀左焗香蕉，最後無令我失望，焗香蕉無咁油，熱辣辣酥皮配上軟綿綿的新鮮香蕉，好新款的食法，不過又係什果少左d 啦

係深水埗食飽飯, 想食甜品, 朋友揸車, 所以要諗泊車的地方。本來我提議去深水埗食, 最後朋友因為唔識路, 所以走咗入大圍食!呢間甜品鋪裝飾比較舊式, 有點茶餐廳的feel! 我們兩個點了兩個甜品, 我的是朱古力梳乎呢雪糕, 朋友的是冰糖雪耳糖水。冰糖雪耳糖水好潤, 點了凍食, 透心涼啊!朱古力梳乎呢雪糕, 大個到爆, 好大好大個呀.... 大到有點嚇親的感覺。梳乎呢好似食風一樣, 好快就被我清理了, 朱古力味濃, 雪糕味清新, 再加上點生果襯托, 感覺好正。最後, 我們還發現這個...... 可惜無位容下了。

同朋友打完邊爐之後，大家仲想吹多陣水，於是去左大圍食糖水。因為係星期五，周圍都好多人，我地11個人，好難搵到位。呢間甜品鋪可以坐出面，可以11個人一齊坐。餐牌上既選擇都係d大路野，布丁啊，雜果撈，waffle果d...本來以為奶凍只係得一個奶凍，黎到過陣真係好surprise,個賣相好得，個奶凍上面有d cream同朱古力醬同水果，奶凍奶味好足，但朱古力醬稍微太多同太濃，遮蓋左奶凍既奶味楊枝金露都幾足料，好多柚子，個布丁好多芒果果肉，唔會太甜。都幾大份，三個人share都夠食，一次過食到布丁，楊枝金露同雪糕，好滿足啊！！！！