傅師傅甜品小食

營業中

休息中

以前大圍無甘多甜品舖, 傅師父開張簡直好似甘露一樣, 因為多款式, 而且真係好味, 仲記得果時真.傅師父Philip真係坐陣係舖頭架.同住係附近既少時朋友出黎吹水, 傅師父啦, 唔駛諗, 一坐低大家都叫番自己喜歡既甜品: 芒果梳乎里, 芒果雙皮奶, 同繽紛世界, 我指定食既繽紛世界都無乜走樣, 其實係雜果大菜糕, 純粹係隊長好鍾意食大菜糕, 如果大菜糕都走樣都好大獲, 不過生果就切得"那西"左, 是但切到大大舊扔落碗甘; 芒果雙皮奶都keep到, 無話雪完之後變得鞋烚烚, 芒果既份量都夠; 至於芒果梳乎里就走左樣, 梳乎里唔鬆軟, 變左入口一pat pat, 好似漿糊甘, 而且芒果味唔夠, 同以前食既感覺差好遠~雖然附近都開左好多甜品舖, 不過我呢位街坊都係鍾情傅師傅, 縱然佢水準下降, 但都未至於好難食, 而且仲有多同埋似樣既傳統中式糖水食, 呢樣係附近既甜品舖提供唔到的!